подготовки – Вистина.мк

Штркот само што не слетал: Сопругата на Огњен Амиџиќ ја покажа последната подготовка пред породување (фото)

Слаѓана Атанасова — Mon, 26 Feb 2024 08:51:03 +0000

Мина Наумовиќ навлезе во деветтиот месец и секој ден чека да се породи и да донесе девојче. Таа и нејзиниот сопруг Огњен Амиџиќ денеска ги завршија последните подготовки за доаѓањето на бебето. Тие посетија трговски центар каде купија количка, но и гардероба и работи потребни за породилно и на сите им ставија до знаење дека бебето само што не пристигнало. - Ги одбројуваме часовите кои не делат од најважната средба во животот! – напиша Мина, додека Огњен не можеше да ја сокрие возбудата. Инаку, таа ќе се породи во приватна клиника во Нов Белград, а пред неколку дена објавија и фотографии од ресторан.

View this post on Instagram

A post shared by Mina Naumovic Amidzic (@callmenaumi)

Со нив беше и мајката на Мина, која по професија е лекар и која е голема поддршка на нејзината ќерка. Фото: printskrin/instagram/callmenaumi

Подготовките за „Макфест 2023“ во полн ек, фестивалот го доби и годинешниот слоган: „38 години Макфест – фестивалска симфонија за цела Македонија“

Антонио Димитриевски — Wed, 10 May 2023 10:52:10 +0000

Годинешново 38-мо издание на фестивалот на забавна музика „Макфест 2023“ во Штип ветува уште посодржајна и поатрактивна музичка понуда од минатата година како на музички, така и на визуелен план, кога фестивалот направи крупен исчекор од „неколкугодишната летаргија“ . Подготовките се започнати и се во полн ек, како на организационо-технички, така и на продуцентско-музички план, па одбраните содржини ветуваат уште понагласена хитовска определба, но и грст изненадувања во обете вечери, каде ќе видиме дузина млади, помалку афирмирани, а сепак надежни музички имиња, но и „вистинско соѕвездие“ од македонската забавно музичка ѕведена елита“ изведувачи, како што вели и уметничкиот директор, познатиот македонски композитор и музичар Роберт Саздов кој заедно со тимот работи на обликувањето на музичката слика на фестивалот. „Работиме на тоа годинава на Макфест да му го вратиме сјајот од една, но од друга страна фестивалот да биде уште поблизу до актуелните, светски, музички трендови од друга страна, со свеж звук и модерна продукција кои се блиски до младата публика, а онаа повозрасната сепак да ја препознае песната која ќе биде блиска до нивниот сензибилитет“ – појаснува Саздов. Организационо-извршната продуценстка екипа исто така има полни раце работа, сакајќи фестивалот покрај музичките, да го надополни и со иновативни визуелно-сценски содржини, кои ќе ја збогатат комплетната аудио-визуелна слика на „Макфест 2023“ за комплетно уживање и на публиката во салата и на ТВ гледачите. Не сакајќи да ги откриваат во старт сите детали, за почеток Александар Арсовски, организатор и координатор на Макфест од општина Штип, за јавноста промотивно го соопшти годинешниот слоган кој ќе биде едно од обележјата на фестивалските денови, кој гласи: „38 години Макфест – „фестивалска симфонија за цела Македонија“! Според почетно кажаното, несомнено годинава може да очекуваме „Макфест 2023“ да понуди уште побогата „аудио-визуелна рапсодија“ за сите сетила.

Се’ е подготвено за крунисувањето на кралот Чарлс – три круни, 2 кoчии и пократка рута (фото)

Слободанка Илиева — Wed, 03 May 2023 11:14:49 +0000

Секојдневносе појавуваат нови информации за историскиот настан кој ќе се случи во сабота на 6 мај – крунисувањето на кралот Чарлс Трети. За кралот се подготвува облека која никој не ја облекол 70 години.

View this post on Instagram

A post shared by The Royal Family (@theroyalfamily)

Под посебен надзор се чуваат две значајни историски парчиња облека кои 70 години никој не ги носел, а сега се подготвуваат за кралското крунисување. -Над ова се носи последното парче облека, кралската мантија. Беше направена за кралот Џорџ IV во 1821 година и беше носена на крунисувањето на кралот Џорџ V, кралот Џорџ VI и кралицата Елизабета Втора, а ќе се носи повторно на крунисувањето на Чарлс Трети, истакна Каролин де Гито.

View this post on Instagram

A post shared by The Royal Family (@theroyalfamily)

Во сабота, стотици илјади луѓе ќе ја следат поворката на улиците и ќе ја покажат својата поддршка за кралот. Ќе се одржат бројни забави на отворено, а ќе се организира и следење на преносот на крунисувањето.

View this post on Instagram

A post shared by The Royal Family (@theroyalfamily)

Новиот крал ќе биде крунисан на пладне, по што ќе замине во Бакингемската палата, каде заедно со семејството ќе ги поздрави сите собрани од балконот. фото: Instagram/theroyalfamily

„Велика Сабота“ – денот меѓу смртта и воскресението, денот што ги спојува распнувањето и радоста

Антонио Димитриевски — Sat, 15 Apr 2023 07:12:20 +0000

Велика Сабота е денот меѓу смртта и воскресението, меѓу петок и Велигден, денот што ги спојува распнувањето и радоста. Великa Сабота е ден на исчекување, ден на свештен трепет пред Христовото Воскресение. Денешниот ден, Велика Сабота, според христијанското учење е ден на свештен трепет пред Христовото воскресение, кое точно на полноќ ќе го означат биењето на камбаните и радосниот восклик „Христос воскресе“. Православните верници ги прават последните подготовки пред вечерашното прославување на најголемиот христијански празник – Велигден. Вечерва се оди во црква каде што секој носи црвено јајце. На полноќ сите присутни со песната „Христос воскресе” трипати ја обиколуваат црквата. Во црквата се останува за големата литургија, а потоа се причестуваат, се кршат со јајцата и се омрсуваат. Празникот на Христовото воскресение Велигден е празник на љубовта и мирот. За христијаните, Велигден е триумф на животот над смртта и доброто над злото, ден кога Исус Христос воскреснал од мртвите по неговата смрт со распнување, и ја докажал божествената моќ. На Велигден верниците си подаруваат едни со други рака на помирување, со традиционалниот поздрав „Христос воскресе” и „Вистина воскресе. Велика Сабота е ден на покојот, ден на покојникот, ден на најголемиот покој и на најголемиот покојник. Денот на големиот покој е времето кога Христовото тело е во гробот. Покојникот е внатре од вчера. Овој е втор ден на нашата жалост, тага и молк. Ова е денот на оплакувањето на покојникот. Тогаш, Мајка Му – Пресветата Богородица и жените мироносици, по погребението, го оплакувале Господа Исуса Христа. Денес се изразува болката, тагата и жалоста на Пресвета Богородица. Велика Сабота е определена како ден за чување на гробот. Денеска верниците се крај Христовиот гроб, се поклонуваат пред Плаштеницата, на која е претставено телото Господово при погребението и положено во гробот.

„Ќе биде голем предизвик“ – Братот на Новак Ѓоковиќ за прв пат проговори за приновата (фото)

Слаѓана Атанасова — Wed, 15 Feb 2023 10:02:39 +0000

Ѓорѓе Ѓоковиќ и неговата избраничка Сашка Веселинов Ѓоковиќ неодамна открија дека за прв пат ќе станат родители, а додека таа отворено зборува за својата идна улога, тој сега за прв пат откри како се чувствува. Младиот пар изјавил дека на почетокот на нивната врска одлучиле како ќе се викаат нивните деца. - Имаме две имиња, едно машко и едно женско, така што немаше преговори кога дознавме дека сум во блажена состојба. Ѓоле требаше така да се вика, но мајка му во последен момент му го смени името и го нарече Ѓорѓе, а ако јас ви ја раскажам мојата верзија на приказната, ќе можете многу лесно да дознаете, така што овој пат ќе бидам мистериозна – рече еднаш Сашка Веселинов за домашните медиуми. Најмладиот брат на Новак Ѓоковиќ деновиве напорно работи на организацијата на турнирот „Србија опен“ кој започнува на 16 април, а кој, како што вели, ќе падне токму во периодот кога може да се очекува проширување на нивното семејство. - Ќе биде голем предизвик, бидејќи се ќе се случи за неколку дена. Семејството секогаш е на прво место, така било и секогаш ќе биде. Работата е апсолутно важна, но кога станува збор за семејството, таа е број еден. Фала му на Бога, имам сериозен тим зад мене. Се ќе се случи во тој одреден период, па со нетрпение чекаме - изјавил Ѓорѓе Ѓоковиќ за „К1“. Фото: Принтскрин/Инстаграм/Тв К1/ Јутјуб

Синот на Шабан за свадбата одвои повеќе од 70.000 евра: Сопругата на Михајло ќе смени две венчаници за кои дала 20.000 евра (фото)

Слаѓана Атанасова — Thu, 22 Sep 2022 06:32:34 +0000

Михајило Шаулиќ, синот на починатиот пејач Шабан Шаулиќ и неговата бремена девојка Марина Велимировиќ во недела ќе го кажат судбоносното „да“, а прославата ќе биде организирана во еден од најелитните хотели во Белград. Младенците за венчавката потрошиле повеќе од 70.000 евра. За свадбената веселба во хотелот искеширале дури 48.000 евра, додека за двете венчаници што ќе ги носи Марина издвоиле 20.000 евра. - Марина и Михајло се многу возбудени и со нетрпение го очекуваат денот на свадбата. Сите подготовки се завршени, се убаво организираа, па во последен момент немаше паника или брзање. Марина ќе носи две венчаници, едната е нарачана од странство и чека да пристигне, додека другата е дизајнирана од познат српски дизајнер. Кој го креирал и оделото на Михајло. Знам дека само за венчаниците платиле 20.000 евра, воопшто не штеделе, туку се труделе да си дозволат се што ќе посакаат за да им биде незаборавен денот на венчавката – изјавил добро упатен извор близок до идните младенци, кој открил и кој ќе ги забавува гостите на забавата: - Со оглед на тоа дека се жени синот на Шабан Шаулиќ , меѓу гостите ќе има многу музичари и сигурен сум дека ќе се фатат за микрофонот. Тие го ангажираа бендот „Алиби“, кој ќе биде задолжен да ги забавува. Шабан со нив соработувал. Не платија многу за музиката бидејќи ќе има многу бакшиш, па цената за целиот тим е само 1.500 евра - објасни тој. Инаку, идната сопруга на синот на Шабан е дипломиран професор и работи како воспитувач. Михајло, кој е генерален конзул на Србија во Цирих, за кум избрал долгогодишен пријател кој не се занимава со јавни работи, додека кумата на Марина ќе и биде најдобрата пријателка. Според изворот, на оваа свадба ќе присуствуваат 400 гости. Тие го избрале најскапото мени во тој хотел, па цената по лице ќе биде 120 евра. - Тие како семејство се широкогради, па не ме чуди што го избраа најскапото мени за своите гости. Само трошоците за музика, простор и венчаници се близу 70.000 евра - заклучил соговорникот. Фото:Принтскрин/Инстаграм/М. Шаулиќ/З.Јефтиќ/Д.Кадиќ

Концертна еуфорија пред „матурската рок ен рол журка“ на „Меморија“: Вака течат подготовките за нивниот концертен „оган под ѕвездите“ (ФОТО+ВИДЕО)

Антонио Димитриевски — Fri, 10 Jun 2022 16:06:40 +0000

Иако дождот и лошите временски (не)прилики им ја расипаа првичната замисла за голем концертен спектакл под отворено небо на стадионот на АРМ, тоа не ги спречи членовите на „Меморија“ најавеното и ветеното да го остварат во еден друг, поинаков, затворен концертен простор, спортсаката сала А1 Арена - „Борис Трајковски“, каде концертот е преместен. До утревечер, сабота, 11 јуни се бројат часови кога од 19.30 часот е закажан почетокот на концертот на кој атмосферата ќе почнат да ја загреваат момчињата од бендот „2 ВЕ“ со нивна изведба на познати македонски поп-рок хитови, за по нив да следи најавениот концертен „оган под ѕвездите“ на „Меморија“ и нивните специјални гости , овој пат под ѕвезденото небо што ќе го направи публиката со своите мобилни во „Борис Трајковски“. Дека ништо нема да биде поразлично и поинаку од најавеното, говорат фотографиите и видеата од подготовките кои почнаа уште три дена пред почетокот на концертот. Местењето на огромната сцена, рампите со раскошно осветлување, грандиозното озвучување, видеоскриновите, сценската опрема... И се' друго што е потребно еден ваков концертен спектакл беспрекорно да се одвива и функционира. А за ваквите пригоди, кога „Меморија“ концертно настапува, секогаш е избрано најдоброто што Македонија го има од ваквата техника - „КЛС“ за вистински концертен „земјотрес“. За се да функционира „како под конец“ и во организацијата и со техниката и на сцената, тука е „диригентот“ на ивентот кој не смее да се пропушти. Основачот и лидерот на бендот, Петар Георгиевски - Камиказа, ветува концертна екстаза во сабота навечер, кога тој и останатите од „Меморија“ се очекува да предизвикаат вистинска концертна еуфорија кај публиката, која уште отсега е познато дека ќе дојде во голем број и ќе ја наполни салата. „Мислам дека бев во право за времето. Се гледаме на концерт во салата 'Борис Трајковски' во сабота“ - кусо изјави Перо-Камиказа алудирајќи на принудната промена на локацијата заради променливото време, па уште еднаш ги повика ги сите оние кои се' уште не се одлучиле, да дојдат на големата концертна „матурска забава на генерациите“ како што уште во самиот старт ја нарекоа членовите на „Меморија“. Патем, Камиказа ја промовираше и новата маичка која го најавува концертот на „Меморија“ за која, како што самиот вели, нема реприза: Новиот аутфит за концертот. ЕАМ- Штип. Тенкју. Овој концерт нема да има реприза. Само премиера. Сега и кој знае кога пак? А, можно е и никогаш повеќе?!“ - обзнани лидерот на Меморија. Како и да е, остануваат да се одбројуваат часови до големиот концертен спектакл, до „матурата на генарациите“ која членовите на „Меморија“ пред нивната публика се очекува да ја положат со чиста петка! Слободни места за седење се' уште има, а цената на влезниците изнесува 700. денари. Продажните места остануваат исти: Југотон – ГТЦ 1 кат- Скопје и онлајн на: www.kupikartizase.com

Се’ е подготвено за свадбата на Катарина Грујиќ: Вака изгледа декорацијата на куќата на пејачката (фото)

Слободанка Илиева — Thu, 02 Jun 2022 10:47:00 +0000

Денеска се одржува голема свадбена веселба на Катарина Грујиќ и Марко Гобељиќ, за која со месеци се зборува и пишува. Пејачката откри дали е нервозна пред да почне венчавката. - Трема? Знаеш, Марко е веќе мој, па мој е! Ние сме веќе во брак. Се надевам дека се ќе биде како што замислив, не знам. Веројатно ќе бидам нервозна сега кога се ќе почне - изјави Катарина Грујиќ. На социјалните мрежи веќе може да се најдат фотографии од куќата на Катарина која е богато украсена по повод денешната забава. Белата боја доминира, а евидентно е дека воделе сметка за секој детаљ. фото:Инстаграм Катарина Грујиќ

Папарацо: Вака Ражнатовиќ се подготвуваа за првиот роденден на Жељко (видео)

Христина Ѓоргиевска — Thu, 10 Jun 2021 10:16:37 +0000

Семејството Ражнатовиќ неодамна го прослави 1иот роденден на Жељко, е екипата на „Папарацо лов“ сега објави снимки за тоа семејството се подготвуваше пред големата прослава. Имено, екипата на „Папарацо лов“ го следеше популарното семејство. Прве беше Богдана Ражнатовиќ која замина на фризер, а потоа и останатите членови од Ражнатовиќ. Цеца се појавила пред вилата, се поздравила со луѓето кои биле таму, па заминала во салон. Потоа, се појавил и момчето на Цеца, Богдан Срејовиќ во друштво на неговата ќерка. Инаку, по повод 1иот роденден на Жељко беше организирана прослава во еден ресторан, а на истата присуствуваа и голем број на познати личности. https://youtu.be/BOUHL1Aw208

Јулија Живиќ како топ модел на еротска фотосесија: Русокосата македонска фудбалска убавица со поглед „лечи“ од депресија! (ФОТО)

Антонио Димитриевски — Tue, 13 Apr 2021 07:20:39 +0000

Меѓу најважната споредна работа на светот која важи за „машка игра“ дефинитивно има се' повеќе убавици со манекенска става и ангелски лик, кои ги знаат сите тактики, дриблинзи, трикови, финти... на и надвор од зелениот терен. За македонската репрезентативка Јулија Живиќ веќе пишувавме. Атрактивната кумановка, со адреса на живеење во Велес и клуб за кој игра од Тетово, е стандардна членка на македонската женска фудбалска А селекција, па со тоа и присутна на подговките кои репрезнтацијата ги имаше деновииве на собирот заради пријателскиот двомеч со соодветната женска репрезентација на Косово. https://arhiva.vistina.com.mk/radio-mileva/makedonskata-reprezentativka-julija-zivikj-slikovito-pokaza-vaka-fudbalerkite-menuvaat-dres-posle-natprevar-ili-pred-utrinsko-kafe-foto/ Збирно место еден од најатрактивните скопски хотели залепен веднаш до самиот стадион, арената „Тодор Проески“ во Скопје. Таму беше лоцирана базата на македонските фудбалерки кои беа добродојдени гостинки. За нив одлична локација, зашто се' им беше во близина на дофат на раката, за песроналот на љубезните домаќини - „рај за очите“, а и малку заработка во овие тешки времиња, во кои токму хотелиерите и угостителите се едни од економски најпогодените, заради ковид пандемијата. Тренинзите и останатите вообичаени спортски активности се дел од секои подготовки, во кои секогаш има време и за малку одмор, време за себе... За почивка на своето тело, одмор на умот и оддишка на душата. Атрактивната Јулија, која важи за можеби најзгодната меѓу дамите што ја шутираат бубамарата, реши уште еднаш да го сподели сиот свој телесен раскош токму во миговите за одмор. Русокосата репрезентативка меѓу два тренинга, по туширањето се соблече, па онака секси само со пешкир на главата завиткан околу влажната коса, во бела кошула, разголена и боса, ја покажа сета своја убавина на виделина. Испружена на лежалка за сончање на својата хотелска тераса, Јулија одново ја покажа својата класа не само како фудбалерка, туку и како убавица која во себе крие секси ѕверка! Модерни црни очила за сонце со кафенце и литература в рака - читање за опуштање и релаксација или за подигање на самодовербата и едукација? Иако можеби повеќе би било очекувано младата убавица в раце да држи некоја „сапуница“ од белетристика или нешто слично, Јулија чита нешто што ја заинтригирало лично? „Бидете свиој психотерапевт“ - литература која поттикнува промени и себеспознавање за подобро запознавање на луѓето околу себе и решавање на проблемите и тешкотиите кои не мачат и со кои се судираме... Првиот чекор кон себетерапија со читањето на оваа книга, за да живеете поисполнето, порадосно и посреќно“. Така барем вели препораката за пишаното четиво со кое се фатила „во костец“ младата фудбалерка, на која онака отстрана гледано, ништо не и недостасува... Освен можеби... Ама, во сферата на нејзината интима, ќе навлеземе дури откако Јулија ќе ја покаже својата „посилна“ половина. Вака, за да „не ни влезе со лигачки старт во цеваница“, ќе останаме само на манекенскиот изглед и сексапилот на русокосата фудбалска убавица, која изгледа како топ модел на еротска фотосесија, кој наместо со книга, само со поглед „лечи“ од депресија! Фото: Фејсбук и Инстаграм принтскрин/zivic.julija