подарува – Вистина.мк

Марија Шерифовиќ ја подарува својата елка на некој од фановите, но само под овој услов

Христина Ѓоргиевска — Fri, 10 Dec 2021 10:39:31 +0000

Пејачката Марија Шерифовиќ одлучи да ги израдува фановите за празниците, па одлучи да ја подари својата новогодишна елка. Имено, доколку некој од обожавателите сака да стане сопственик на елката на Марија Шерифовиќ мора да исполни неколку услови. -Дали се сеќавате кога ја китев елката претходната година? Како што знаете мојата фантастична елка беше во мојот стан и сега донесов една одлука. Јас одлучив да накитам нова елка за следната година. Дали се сеќавате колку ја омаловажија мојата елка? Епа сега за мене има посебно значење. Затоа одлучив оваа елка да ја подарам на некој од вас, изјави Марија во својот влог, па додаде: -Oва елка ќе замине во нечиј дом под услов цела година да стои накитена во вашиот дом. Мора да ми дадете име, презиме и адреса за да можам одвреме – навреме да ја посетам мојата елка. Мора да ми напишете зошто ја сакате оваа елка и зошто за вас сум мега цар. За престојните празници, Шерифовиќ ја накити новата елка и им покажа на следбениците како изгледа. фото: Принтскрин/јутуб

Може да учествуваат и фановите од Македонија: Kим Кардашијан подарува 500 000 долари за новогодишните празници

Христина Ѓоргиевска — Wed, 23 Dec 2020 11:41:25 +0000

Ким Кардашијан одлучи да ги израдува фановите за новогодишните празници. Најпознатата старлета во светот, Ким подарува дури 500 000 долари, но не сите на една личност. Наградната игра е многу едноставна, а 1 000 најсреќни ќе добијат по 500 долари. „Еј луѓе, ова е најубавото време од годината. Знам дека 2020 беше тешка и многу се грижеа дали ќе ја платат киријата, дали ќе обезбедат храна за семејствата и дали ќе купат подароци за Божиќ“, започна Ким, па додаде: „Сакам да ширам љубов со доделување по 500 долари на 1000 луѓе“, напиша Кардашијан на Твитер, го стави хаштагот “KKW holiday” и ги покани фановите да ги остват своите податоци. Ако сте од Македонија или од било каде, може да учествувате на следниот начин: треба да одговорите на постот на Твитер и како хаштаг да ставите $cashtag” i #KKWHoliday.

Сузана Гавазова тргна да подарува фустани, па наиде на разни мислења – некои го поздравија овој гест, а други го нарекоа „чистка на плакар“

Христина Ѓоргиевска — Thu, 22 Oct 2020 06:57:25 +0000

Јавните личности профилите на социјалните мрежи се повеќе ги користат за да ги информираат своите следбеници за нивните нови проекти, ангажмани, ги промовираат новите песни, настапи... Меѓутоа, ги има и оние особено инфлуенсерките или познатите водителки кои имаат голем број на следбеници, па на социјалните мрежи промовираат одредени брендови или објавуваат игри.. Македонската пејачката Сузана Гавазова е доста активна на својот „Инстаграм“, а многу често знае да ги почести фановите со провокативни фотографии. Меѓутоа, овој пат Сузана се одлучи за еден хуман гест. Имено, таа одлучи да подари 6 фустани кои имаат посебно значење за неа. Таа ги објави и правилата на играта. „Овие прекрасни фустани кои се од посебно значење за мене ги подарувам на шест различни добитнички по случаен избор. Се што треба да направите:

Следете ме на фејсбук и инстаграм @suzanagavazova
Лајкнете го постот и тагирајте ги вашите најблиски во коментар
Шерувајте го овој пост

Добитничките ќе бидат лично контактирани и објавени на фан страната. Наградната игра ќе трае до петок 23.10 до тогаш ви посакувам СРЕЌА и ви праќам бакнежи, напиша пејачката на социјалните мрежи. Нејзините ФБ пријатели веднаш побрзаа да означат некој за да добие фустан. Некои од нив го пофалија овој гест на пејачката велејќи дека оној кој дава му се враќа и дека е ова прекрасен гест од неа, а некои и предложија следната година да размисли да подари фустани за матура, па пејачката одговори дека ќе размисли и за тоа. „Прекрасни се Сузе фустаните, да си жива и здрава“, „Сузе фустаните се убави како што си ти убава, ти посакувам се најдобро, пред се многу здравје, среќа, успеси во иднина и од Бога благословена“,„Сузе прекрасна идеја што поклонуваш Господ да ти даде повеќе инаку моја омилена особа си и ги обожавам твојте песни“ беа само некои од коментарите. Меѓутоа, се најдоа и оние кои овој гест на Гавазова го прокоментираа како „чистење на плакарот“ . „Сузе Сузи праи чистка на плакарите и и текнало како да добие плус лајкчиња а вие селендри г*з ќе дадете за гага кич партали за бришење прашина.... Носени преносени, сезона лето господово 95’. ФУЈ ФУЈ!!!, „Извини но мене како поединец не ми се допаѓа гестов, носени па да ги подаруваш, јавно да се тагнат, па да ја споделат твојата страна“ се некои од негативните коментари. Како и да е, Сузе сигурно имала добра намера и фустаните да отидат во вистински раце односно на оние на кои им се потребни.