подароци – Вистина.мк

Пејачката воодушевена од подароците: Синовите ја изненадија Сека Алексиќ за Денот на жената (фото)

Слаѓана Атанасова — Fri, 08 Mar 2024 12:04:34 +0000

Сека Алексиќ сподели фотографии и јавно се пофали со подароците кои ги добила од своите наследници. Пејачката Сека Алексиќ преку својот Инстаграм профил се пофали со подароците кои ги добила од синовите Јаков и Јован за Денот на жената. Имено, постариот син на Сека и Вељко, Јаков, направи емотивна честитка за својата мајка, а она што го напиша ја остави пејачката без зборови. -Во срцето на мајка ми чука и моето срце - пишува во честитката во облик на срце. А помалиот син Јован се потрудил да ја изненади мајка си. Тој и подари црвено срце кое Алексиќ веднаш го сликаше и го сподели на мрежите. На крај, пејачката упати порака со јавна поддршка и благодарност до жените, по повод денешниот ден. - Осми март е всушност женска благодарност до сите оние жени кои немаа право на мислење, говор, образование, формално право на глас и сите други избори. Тоа што многумина од нас го имаат тоа „нормално“ платено е со многу жртви – напиша таа и додаде: Осми март е благодарност до сите оние кои низ историјата биле затворани, тепани, мачени, дискриминирани и понижувани, само затоа што се жени. Како и привлекување внимание на сите оние жени кои и денес ја водат таа борба. Поради нив сите ја водиме – напиша Сека. Фото: printskrin/instagram/Seka Aleksic

Со овие подароци нема да згрешите: Што да им подарите на жените за 8-ми Март?

Слаѓана Атанасова — Fri, 08 Mar 2024 08:01:48 +0000

Ова се неколку едноставни, но моќни идеи за подарок кои би ја израдувале секоја жена за денешниот празник 8.Март. Цвеќе Ова е првиот и очигледен избор на многу мажи и иако звучи како клише, сепак може да биде вистински израз на внимание, кое жената може да го почувствува од самиот гест, но и од изборот на она што го сочинува букетот. Обидете се самите да аранжирате нешто за да бидете уникатни, а ако не можете, одете со букет рози. Со розите никогаш не можете да погрешите. Книга Едноставен и не премногу оригинален подарок, но секогаш актуелен и прифатлив. Ако вашата партнерка сака да чита книги, тогаш овој избор е полн погодок. Можеби некогаш ви спомнала за некоја книга која е хит во моментот и би сакала да ја прочита или пак ви зборувала за жанровите кои ги обожава. Влезете во книжарница и направете го изборот. Ако ви дозволува џебот, одете со некоја хит трилогија. Ќе биде горда да ги нареди деловите на полицата. Рачна изработка Било да се работи за парче накит, гардероба, некој украс за домот или нешто друго, со рачната изработка не можете да погрешите. Уникатните парчиња се секогаш на цена, и нема жена која не ги посакува во својот естетски свет. Пронајдете нешто убаво и уникатно. Сигурно ќе ѝ се допадне. Кошница со производи за нега и убавина Денот на жената е ден кога креативноста во понудата на парфимериите доаѓа најмногу до израз. Наместо да посегнете по колекциите во картонска амбалажа во маркетите, појдете во некоја парфимерија и изберете убав комплет со производи за нега и убавина интересно сместен во кошница. Не бегајте од шминките и лаковите за нокти. Купките и шампоните не се единствената козметика која ја користат жените. Изненадете ја со изборот. Таа ќе се чувствува како ни самата да не можела да направи подобар. Извор: Курир Фото: Free pick

Најразочарувачките подароци: Им подарувале кромид, крема за брчки, тоалетна хартија…

Слаѓана Атанасова — Wed, 03 Jan 2024 14:00:31 +0000

Кромид, пилешко за вегани, тоалетна хартија, инсекти – се спомнати во годинашно испитување како најлошите подароци што луѓето велат дека некогаш ги добиле… Притоа, секој четврти вели дека добил несакан Божиќен подарок минатата година. Поточно, дури 24 отсто од анкетираните луѓе добиле барем еден подарок што го оценуваат како непожелен или несоодветен. На прашањето – што направиле со несаканиот подарок, речиси тројца од 10 (27 отсто) одговориле дека или го дале некому или се со таква намера, еден од седум (14 отсто) го продале или сакаат да го продадат на интернет, а 8 отсто го вратиле или имаат намера да го вратат подарокот. Истражувањето е спроведено низ Велика Британија во јануари 2023 година, од Истражувачката агенција „Опиниум“. Помалку популарни начини за ослободување од несоодветните подароци се фрлање в ѓубре (5 отсто) и враќање на лицето кое го подарило (три отсто). Меѓу подарените несакани нешта, наведени се и тоалетна хартија, мушичка, скршена играчка, вреќа кромид, а една жена од сопругот добила и крема против брчки… Натаму, еден испитаник рекол и дека добил чоколадо од татко сѝ, иако бил интолерантен на млеко. А веган, пак, посочил дека добил „мртво пиле“ од пријателот – месар. Истражувачите и познавачите советуваат секогаш да му се остави простор и можност на оној кому му е наменет подарокот – да може да го врати, без разлика дали се работи за мува или купен предмет што може да се замени во продавница. Извор: Курир

Работи кои не е убаво да ги подарувате за Нова година, еве какво значење имаат

Слободанка Илиева — Thu, 28 Dec 2023 12:27:01 +0000

Подарокот зборува за оној кој го добива, но и за оној кој го купува. Изборот на подароци за Нова година знае да биде навистина тешка задача. Подарокот зборува за оној кој го добива, но и за оној кој го купува. Овие работи не треба да ги подарувате! Остри предмети – не дарувајте ножеви, ножици, отворачи за писма, отворачи за стаклени шишиња, зашто претставуваат сечење на односот. Празни паричници и торби – ако подарувате паричник или торба, ставете малку пари во нив, парите симболизираат благосостојба на оној кој го прима подарокот. Билки и цвеќе со трње – кактусите и други растенија со трње не се добри подароци, а избегнувајте и рози, зашто означуваат нарушување на односот. Ако добиете роза со трње од партнерот, извадете ги трњето за да си овозможите врска без проблеми. Бонсаи и слични минијатурни билки – одлучете се за бујни и здрави билки со заоблени листови кои симболизираат просперитет и здрав живот. Часовници и антиквитети – предметите кои покажуваат време или го симболизираат неговиот тек се лош подарок зашто го претставуваат односот со ограничен век на траење. Шамивчиња – не подарувајте шамичиња, зашто означуваат бришење солзи и повикуваат на плач или болест. извор:курир.мк фото:freepik

Елки низ целата куќа, блескав двор и многу подароци: Ким Кардашијан покажа како го украсила својот луксузен дом за празниците (фото)

Слаѓана Атанасова — Thu, 28 Dec 2023 08:45:45 +0000

Старлетата Ким Кардашијан редовно се труди да се почувствува празничниот дух во нејзиниот дом. Така беше и сега, а таа на Инстаграм објави видео од својата вила, богато уредена. Целиот двор е украсен со дрвја, ходниците се полни со бели новогодишни елки, а во дневната соба има голема елка под која семејството Кардашијан остава подароци.

View this post on Instagram

A post shared by Kim Kardashian (@kimkardashian)

Ким откри и кој избрал во кои хартии да ги завитка подароците, а луѓето во коментарите пишувале чии дизајни најмногу им се допаднало.

View this post on Instagram

A post shared by Kim Kardashian (@kimkardashian)

Старлетата позираше и со своите наследници, а за таа прилика избра необичен бел фустан во кој личеше на Снежната кралица.

View this post on Instagram

A post shared by Kim Kardashian (@kimkardashian)

Фото: Printskrin/Instagram/kimkardashian

Марија Шерифовиќ објави фотографии од станот, сѐ е подготвено за доаѓањето на синот (фото)

Слаѓана Атанасова — Tue, 26 Dec 2023 07:34:33 +0000

Пејачката Марија Шерифовиќ неодамна стана мајка, а сега со синот Марио слета во Белград. Марија во Америка ја оствари една од најголемите желби во животот со помош на сурогат мајка, а со оглед на тоа што доаѓањето на бебето го криеше од јавноста, сите беа изненадени од веста. Шерифовиќ одлучила празниците да ги помине со синот во Србија, а на бебето му обезбедила лет за Белград во прва класа. Луксузниот стан на Марија во „Белград на вода“ веќе бил уреден и подготвен за новото пристигнување, а дел од празничното украсување споделила со своите следбеници на социјалната мрежа Инстаграм. - Па, баби, дедовци, тетки, чичковци, пријатели, браќа, кумови... Подароци прифаќаме од утре во 10:00 часот - пишува во описот на нејзината приказна. Фото: Printskrin/Instgaram/serifovic

Овие шест работи никогаш не ги подарувајте

Слободанка Илиева — Mon, 30 Oct 2023 12:41:16 +0000

Корисничката на TikTok, Леа која е експерт за подароци, наведува 6 работи кои никогаш не треба да ги подарувате. Кога избирате роденденски подарок, треба исклучително добро да го знаете примачот: што сака, што не сака, што би сакале да имаат и на што никогаш не би потрошиле пари, но би ценеле ако некој им подари. Таа вели дека овие работи не треба да се подаруваат: 1. Шминка – Ако не знаете што човекот вообичаено користи и дали можеби има проблеми со кожата или алергии, не подарувајте шминка – вели Леа. – Мислам дека е безбедно да и дадете на некоја личност нешто што често го користи, но не треба да ги избирате работите случајно, освен ако тоа лице не го побарало од вас. А, ако веќе сакате да подарите нешто поврзано со шминката и убавината, без ризик дека личноста ќе биде алергична на тоа или едноставно нема да му се допадне, пронајдете неколку слатки шноли, штипки за коса или свилени ластици – објаснува Леа. 2. Книги за самопомош Книгите за самопомош најдобро се купуваат само за себе. Леа вели дека без разлика дали се работи за организирање, чистење или само поинаков начин на размислување, овие книги дефинитивно можат да испратат погрешна порака. 3. Парфем Парфемите и колонските води се скапи – и многумина уживаат да пробуваат нови мириси. Меѓутоа, кога некому ќе му подарите парфем за роденден, голема е веројатноста дека нема да му се допадне. – Сите имаме различни преференци. Подобро е да купите нешто што знаете дека веќе славеникот го користи – вели Леа. 4. Членство во теретана Само затоа што можеби сакате членство во ново студио за пилатес не значи дека вашиот пријател или член на семејството ќе бидат среќни поради тоа. – Таквиот подарок може да изгледа како тивок начин да поттикнете некого да вежба повеќе, а со тоа можете да повредите нечии чувства – предупредува Леа. 5. Предмети кои го менуваат физичкиот изглед Многу работи спаѓаат под ова. Тоа се, на пример, ленти за избелување на забите, само-потемувачи, бои за коса. 6. Средства за хигиена Исто е и со средствата за хигиена; освен ако навистина сакате да инсинуирате дека на вашиот пријател не му е грижа. – Тука спаѓаат работи како дезодоранси, средства за миење уста и паста за заби – вели Леа. Таа забележува дека, се разбира, ова не ги вклучува фенси лосионите, сунѓери, лакови за нокти или купки за телото. извор:курир.мк

„Повеќе добивам подароци од обожавателите отколку од момчињата“ – Рада Манојловиќ ги спомна поранешните (фото)

Слаѓана Атанасова — Mon, 11 Sep 2023 07:05:14 +0000

Љубовниот живот на Рада Манојловиќ отсекогаш ја интригирал јавноста, а сега пејачката откри дека многу мажи не издржале со неа бидејќи има „тежок карактер“. - Мажите не можеа да ме поднесат. На почетокот лесно поднесуваа се, бидејќи знаеја со кого влегуваат во врска, имаа претстава за мене во медиумите. Меѓутоа, после одреден временски период, на мажите им беше тешко да го толерираат мојот карактер. Морам да признаам дека понекогаш ми е тешко со себе. Премногу сум сама и тоа им пречи на мажите - вели Рада и открива кога ќе стапне на „лудата карпа“. - Тоа ќе се случи кога најмалку ќе очекувам. Првата личност на која ќе налетам, веднаш ќе се омажам, без врска. Не сакам повеќе да бидам во врска со години. Тоа што бев во долги врски не ме чинеше, сето тоа беше едно искуство. Сето тоа има свои заслуги бидејќи очигледно е дека и јас не бев подготвена за нешто поголемо. Повеќе нема да трошам време и години на запознавање. Продолжувам само на сериозни работи – вели таа. Рада открива дека не се смирила со ниту едно поранешно момче, иако се шпекулираше. - Подобро е кога сум соло. Ништо не е вистина, сама сум, немам никој покрај себе. Посветена сум на себе, не сум за врски. Не можам да бидам во врска - вели Манојловиќ. - За стајлингот е задолжена сестра ми, додека сандалите ми ги подари една обожавателка од Бања Лука. Често добивам подароци од фановите, тоа е и знак на почит кон мене. Добивам разни алки, ланчиња, секакви работи. Го знаат мојот вкус. Обожавателите ми подарија повеќе подароци од моите поранешни момчиња (се смее) – раскажала таа за Блиц.рс Фото: Принтскрин/Ата Имаџес/Антоно Ахел

Среќен 8 ми Март од креативните рачиња на дечињата на познатите мајки (фото)

Слаѓана Атанасова — Thu, 09 Mar 2023 09:58:22 +0000

Дефинитивно нема поголем и поубав подарок или честитка за една жена од креативната изработката на малите, вешти рачиња, кои се потрудиле со голема љубов да ја создадат сами. Денот на жената како и секогаш беше исполнет со многу насмевки, а на профилите познатите Македонки на „Инстаграм“ ги споделија рачно изработените честитки од нивните најмили. Се разбира, вештите прстиња создале прекрасни изработки кои нивните горди мајки со големо задоволство и ги претставија и на Инстаграм заедницата. Пејачката Тамара Тодевска сподели фотографија на нејзините кратки приказни две прекрасни честитки изработени од нејзината ќеркичка Хана и синот Дарен. Пејачката, модел и екс мисица, Кристина Димитри сподели емотивна фотографија од подароците кои ги добила од нејзиното синче Давид. „Рачињата мајкини ме разбудија со подароци“ - стоеше пак во објавата која ја напиша таа за изненадувањето што го добила од малиот Давид. И Пејачката и докторка Симона Поповска го доби најубавиот подарок од поголемото синче Никола. „Најубавиот и најемотивниот 8 ми Март“ - напишаа таа на нејзиното „стори“, откако ја сподели рачно изработената честитка до која имаше и прекрасна црвена ружа. Македонската фолк пејачка Сузана Гавазова се пофали колку се вредни и креативнинејзините дечиња. Па, убавата струмичанка објави кратко видео од честитка и рачно изработени цвечиња од рацете на нејзините најмили, двете ќеркички Емили и Селена. Атрактивната ТВ водителка на Канал 5, Милена Антовска сподели фотографија од нејзината ќеркичка Лана Марија. Додека пак во објавата пишуваше: Лана Марија и мама држат срце - надополнето со емотикони од црвени срциња. Фото: Социјални мрежи/ Инстаграм и Фејсбук принтскрин

Гоца Божиновска ја коментираше неправдата што ја трпи со години – сите запоставени, а само истите неколку пејачки пеат за празниците (фото)

Слаѓана Атанасова — Fri, 30 Dec 2022 09:38:17 +0000

Од пред извесно време во јавноста се шпекулира дека познати личности земаат пари за да гостуваат во емисии, а особено на мета е Нада Топчагиќ, за која се шпекулира дека бара разни подароци за возврат за гостување. Гоца Божиновска, која наскоро ќе добие уште едно внуче, ги коментираше овие приказни и откри дека се работи за симболична сума. - РТС плаќа само превоз, симболични 2.000 динари, тоа е смешна сума. Нада е лута поради неправдата што ја трпи со години - што само пет пејачки пеат на плоштадите за празниците, а другите се запоставени. Нада е легенда, попрво ќе одам да ја слушам неа отколку овие другите. Да сакаше ќе наполнеше три арени. Таа е весела, смешна и добра пријателка, ја обожавам. Тоа со наплатувањето на хостинг е нејзин чист револт. Па, ако ние постарите не сме заработиле доволно за шпорет и се останатото, тогаш што да кажам. Подобро да рекламира шпорети, како Мирослав Илиќ, тогаш и таа би го добила тој шпорет што толку го посакува - изјави Гоца за „Стар“. Божиновска откри и зошто не се појавила во емсијата на Кристијан Голубовиќ: - Ме повика за неговата емисија, но бев спречен поради болест. Искрено, не ни знам за каков тип на емисија се работи и за што да зборувам. Колку што знам Кристијан е добар дечко, се бори за себе и поради таа причина би отишла од почит. Преку неговото учество во реалното шоу го засакав, но и тој не може да се носи со будали, но некогаш не може да се контролира и потоа излегува дека е лош. Ниту јас таму не би можела да се контролирам. Фото:Принтскрин/Зоран Илиќ/Инстаграм