почината – Вистина.мк

Андријана Јаневска со емотивна посвета за нејзината почината мајка: „Мамо, ми недостигаш“

Христина Ѓоргиевска — Tue, 20 Jul 2021 07:22:31 +0000

Пејачката Андријана Јаневска пред неколку години ја загуби најважната жена во животот – нејзината мајка. Таа почина на 62 години од мозочен удар, а во една прилика пејачката истакна дека немала време да се прости од неа бидејќи нејзината смрт била ненадејна. Кон крајот на 2020та година, Јаневска ја објави песната „Летај“ која ја посвети на нејзината покојна мајка. -Песната е посветена на мојата мајка Нада, која за жал физички не е повеќе до мене, но секојдневно е присутна во мојот живот. Денес ѝ е роденден и затоа одлучив песната да ја промовирам токму денес. Оваа година беше тешка за сите, но најтешко им беше на оние кои останаа без своите најмили. Тие се нашите бели птици, сакани од овде до вечноста“ – напиша Андријана кога ја објави песната. Таа во една прилика за „Бекстејџ“ проговори за болката и тагата по загубата на мајка си. „ Велат дека времето лечи се и јас искрено се надевам дека тоа е така. Болката не може да ја снема, но мораш да научиш да живееш со неа. За мене семејството е се’ и многу ми е важно и со помош на моите деца, сопруг се обидувам да го надминам тоа“, рече Јаневска. Болката и тагата по загубата на некоја драга личност, посебно родител, ни покрај времето, ни годините, не поминува. Овојпат, Андријана ја фати носталгија, па се потсети на најважната жена во нејзиниот живот. Имено, таа во кусите приказни на „Инстаграм“ сподели фотографија од мајка си, а во описот напиша: „Мамо ми недостигаш“, напиша таа како опис на фотографијата. Во продолжение слушнете ја песната која Јаневска ја посвети на мајка си. фото: инстаграм/андријана јаневска

Македонската пејачка ја изгуби својата „втора мајка“: „Вчера ми вети дека ќе играме на мојата свадба, а денес ме остави на мојата слава“

Антонио Димитриевски — Sat, 11 Jan 2020 09:14:52 +0000

Секогаш кога ќе загубиме некој од нашите најмили, најблиски и најсакани, болката е толку силна, а тагата толку голема, што ни ги пара срцата, ни ја кине душата, ни ги бранува емоциите и враќа сеќавањата... За жал, таквите загуби се скојдневни... Та оделе, како што народот вели „по редот на нештата“ или се изненадни и шокантни, секако се многу трауматични, тешки и болни. Така, македонската пејачка Зои Блаж деновиве остана без својата баба, или како што ја нарече својата втора мајка. И покрај болката заради загубата на саканата, Зои собра сила истата јавно да ја сподели на социјалните мрежи, но во исто време и да и се зблагодари на баба и за секој убав кажан збор, секој совет, воспитувањето, почитувањето, а то што ја научила да ги препознае вредностите... Со еден збор како што самата низ својата болка вели, благодарност до баба и што ја направила да биде добар човек! „Животот е чуден, денес си тука утре те нема... Денес ја изгубив мојата втора мајка, мајката на мојата мајка, бабичке моја најмила и најсакана зошто??? Зошто сега...? Нели вчера се договоривме дека ќе се дотераме за мојата свадба и дека ќе играме, а ме остави на денот на мојата слава... Оваа болка не се опишува... Фала ти за секој совет, фала ти за тоа што имаш дел во моето воспитување, фала ти за тоа што ме направи добар човек и човек што од едно прави две и помага на други. Чувај ме од горе ти си мојот најголем Ангел чувар. Почивај во мир, вечно ќе те сакам - твојата Зоре“ - напишала низ солзи пејачката простувајќи се од својата покојна баба!

Се посрамотија како никогаш до сега: Руска телевизија објави интервју со ѕвезда која одамна е почината

Христина Ѓоргиевска — Tue, 14 May 2019 11:20:34 +0000

Телевизискиот канал на руското Министерство за одбрана – „Ѕвезда“, стана предмет на исмејување откако објави интервју со оперска пејачка која е почината веќе неколку години. На веб-страницата на телевизијата се тврди дека разговарале со Елена Образцова на денот на погребот на контроверзниот новинар Сергеј Доренко, за време на викендот, објавија независни руски медиуми. Доренко, кој некогаш беше поддржувач, а потоа и критичар на претседателот Путин, загина минатата недела кога паднал од мотоцикл во Москва. „Ѕвезда“ во тој текст ја цитира пејачката Образцова, која наводно вели дека тој бил бескомпромисен новинар, кој или ја зборувал вистината или воопшто не зборувал.

Но, како што многу корисници на „Твитер“ брзо сфатија и реагираа, оперската дива е почината уште во 2015 година. Поради ова, „Ѕвезда“ најпрво ја смени приказната така што цитатите ги претвори во изјава на нејзината ќерка, но потоа статијата беше целосно отстранета од интернет, пренесуваат руските медиуми. Статијата исто така исчезнала и од кеш меморијата на „Гугл“, но многу луѓе претходно ја зачувале. Во текстот се тврди дека интервјуто било направено на гробишта во Москва, каде што Доренко бил погребан на 12 мај. Подоцна, медиумите објавија дека погребот бил одложен, бидејќи ќерката на починатиот новинар побарала дополнителни информации за телото на нејзиниот татко. „Ѕвезда“ и претходно имаше репутација на продуцент на лажни вести, а скандалот со погребот само даде нова можност за критичарите да ги исмеваат на „Твитер“. извор: Курир.мк

„Те сакам и ми недостигаш“: Лепа Брена со емотивна порака го честиташе роденденот на својата почината мајка

Христина Ѓоргиевска — Mon, 15 Apr 2019 10:47:07 +0000

Лепа Брена ги разнежи фановите кога на социјалните мрежи објави фотографија со нејзината почината мајка. Мајката на Брена, Ифета Јахиќ почина во 2014 година, а вчера беше нејзиниот роденден. Популарната пејачка се потсети на нејзиниот роденден, па на социјалните мрежи објави неколку фотографии и откри колку и недостига.

„Ми недостигаш, те сакам. Среќен роденден, мајко моја“ напиша Брена во описот на фотографиите. Брена неколку пати досега истакна дека мајка и е многу важна личност во нејзиниот живот, дури и посвети албум со севдалинки кои таа ги сакала.

Во неколку интервјуа досега, пејачката истакна дека кога била на почетокот од кариерата нејзината мајка и шиела гардероба за настапите.

Мајката на пејачката почина во ноември 2014 година, а покрај неа во тие тешки моменти беше нејзиниот сопруг Боба, нејзиниот брат и сестра, како и нејзините колешки Гоца Божиновска, Злата Петровиќ, Ацо Пејовиќ.... Брена на својот роденден во 2010 година остана без нејзиниот татко Абид кој почина во болница во Тузла од последици од сообраќајна несреќа.