починат – Вистина.мк

„Теткин ангел“: Јана Тодоровиќ со емотивна порака по трагедијата на внукот (фото)

Слаѓана Атанасова — Wed, 08 Nov 2023 13:36:39 +0000

Пејачката Јана Тодоровиќ се огласи на Инстаграм по повод големата неодамнешна трагедија која и се случи во семејството. Имено, таа сподели фотографија со својот сега веќе починат внук од сестра со кого се возеле во автомобил и направиле селфи. Внукот на пејачката почина пред две години на 33 годишна возраст, а денес би го прославил својот роденден по што се огласи пејачката. -Теткин ангел, денес ти е роденден, напиша српската пејачка и додала емотикони со скршени срца. Фото: Принтскрин/Инстаграм

И три недели по смртта, македонскиот пејач Васил Атанасов се’ уште не е погребан, а неговата сестра раскажува низ каков пекол поминуваат во Германија: „Да знаев, брат ми на раце би го однела во Македонија“

Антонио Димитриевски — Fri, 29 Oct 2021 08:34:43 +0000

Фолк пејачот Васил Атанасов кој по тешко боледување почина на 8-ми октомври 2021 година во Германија, каде што живееше околу две децении и по три недели од смртта се' уште не е погребан. Ова јавно го обзанани неговата сестра на Фејсбук профилот на Атанасов кој се' уште е активен, раскажувајќи низ каков пекол поминуваат судирајќи се со строгите законски прописи и процедури во Германија од една, и немањето доволно финансиски средства, од друга страна, за нејзиниот брат достојно да биде испратен во вечното почивалиште. „Да знаев дека толку е комплицирано и скапо, на раце би го однела брат ми во Македонија“ - ја почнува својата тажна приказна неговата сестра, раскажувајќу дека пејачот требало да биде погребан уште на 28-ми октомври, а до 3-ти ноември да се платат трошоците, но потоа градските власти наводно го смениле мислењето и прво побарале да биде платено, а потоа да се изврши погребот. Во недостаток на финансиски средства неговата сестравели дека ќе мора да оди дури до Виена каде од една банка може да подигне брз кредит, па дури на 4-ти ноември Васил Атанасов да биде испратен до вечниот дом. Бидејќи телото на покојниот пејач сега се чува во ладилник, а било прземено од болница каде фолкерот починал и облечено од страна на службите на градските власти, таа ним им платила за тоа 3350 евра, а тие сега уште и бараат плус 2250 евра за чинот на погребувањето и гробното место, пари која таа во моментот ги нема и затоа чинот се одложува. Таа вели дека се јавувала и им пишувала во погребалното претпријате во Македонија, но никој не одговорил на нејзините повици иако била подготвена да плати за преземање и организација на погребот на Васил во Македонија. Сето ова наведува на една морничава приказна за тажна човачка судбина на еден естраден уметник кој колку-толку ја задолжил оваа земја, придонесувајќи за развојот и популаризацијата на македонската новосозадена фолк песна. Тажна приказна која се повторува, како онаа на претходно починатиот Пепи Бавтировски, кој почина во Америка, а на крајот заврши со слична судбина како Васила. Да бевме сериозна држава, Министерството за култура, ЗАМП, здруженијата на естрадни уметници, МРТВ... кој и да е или сите по малку соодветно ќе реагираа, за македонскиот естраден уметник и голем македонски патриот да биде достојно испратен на својот последен пат, до вечно почивалиште, овде во Македонија! Вака, останува уште еднаш да се соочиме со „сета мизерија на една трагедија“! Еве го тажниот Фејсбук статус на очајната сестра на покојниот естраден фолк уметник Васил Атанасов, во целост: Фото: Фејсбук принтскрин/Vase Vasil Atanasov

Марина Туцаковиќ никогаш не ја преболе неговата смрт: Стиховите што го кинат срцето во „Мишо мој“ му ги посвети на својот прерано починат 24 годишен син!

Антонио Димитриевски — Mon, 20 Sep 2021 09:27:24 +0000

Марина Туцаковиќ ја загуби битката по сериозна болест на 67 -годишна возраст. Најпознатиот српски текстописец никогаш не се опорави откако Милош Радуловиќ, синот на Марина Туцаковиќ и Александар Фута Радуловиќ, беше пронајден мртов во семејна куќа во центарот на Белград. Марина молчеше за оваа болна тема со години до 2018 година, кога посочи дека тоа е за неа бил најцрниот ден во животот. „Влегов во неговата соба и го најдов она што го најдов. Милош тогаш имаше 24 години. Беше први декември. Секогаш се плашев дека нешто ќе му се случи. Вашето дете оди на екскурзија, па се плашите како ќе се врати. Секогаш имаш страв за луѓето што ги сакаш“ - рече еднаш Марина. Милош легна и никогаш повеќе не се разбуди. Кога Марина го пронашла неговото тело, тој бил веќе модар, а брзата помош можела само да констатира смрт. „Милош едноставно не се разбуди. Тој беше здрав и прав до пладне, се' беше нормално. Стана да пие вода, и ми рече да го разбудам после четири, за да може да оди на фризер и да се подготви за вечерното излегување во дискотека. Меѓутоа, кога влегов во собата да го разбудам, го најдов неподвижен. Прстите веќе му беа помодрени. Не знам што се случи ... Не знам дали има нешто полошо од од тоа да ќе го најдете вашето дете како лежи неподвижно во кревет“ - рече тогаш Марина. Таа додаде дека единствената песна што му ја посветила на својот син всушност била „Мишо мој“, која ја отпеа и сними Ана Николиќ. „Ја напишав песната во најтешкиот период од мојот живот. Долго размислував кој може да ги пренесе овие силни емоции на публиката, а потоа изборот падна на Ана Николиќ“ - рече Туцаковиќ. МИШО МОЈ Кад ме људи виде Знам ја да помислим Да оно најгоре, ипак сам прошла Добро се претварам Све живо заварам А свака помоќ Добро ми дошла Сећања сам се заледила Ал 'нисам бол победила Не могу више да задржим бол Не помаже таблет уз сав алкохол и плачем Мишо мој Плачем пред странцима Још укус туге пече на мојим непцима Не могу више да задржим бол Ма нека сам сто пута ја слабији пол и када остарим и кад посиви све Очи ќе ми бити од плача црвене Надаш се, не надаш Ал 'не можеш да знаш Колико корака ко од нас има И када прође све и кад све нестане Остају ожиљци у нама свима Сећања сам се заледила Ал 'нисам бол победила Не могу више да задржим бол Не помаже таблет уз сав алкохол и плачем Мишо мој Плачем пред странцима Још укус туге пече на мојим непцима Не могу више да задржим бол Ма нека сам сто пута ја слабији пол И када остарим и кад посиви све Очи ќе ми бити од плача црвене Не могу више да задржим бол Не помажу таблете уз сав алкохол и плачем Мишо мој Плачем пред странцима Још укус туге пече на мојим непцима Не могу више да задржим бол Ма нека сам сто пута ја слабији пол И када остарим и кад посиви све Очи ќе ми бити од плача црвене Фото: Зорана Јефтиќ/Инстаграм принтскрин/makitucakovic.fanpage

Елена Ристеска со емотивна порака по повод 70-иот роденден на нејзиниот починат татко: „Секој ден се прашувам зошто баш ти?“

Христина Ѓоргиевска — Fri, 16 Jul 2021 06:24:41 +0000

Елена Ристеска во 2016 година го загуби нејзиниот татко кој почина од лошата болест. Загубата на еден родител, колку и да си возрасен секогаш е тешка и остава празнина, па колку и да поминало време, болката не поминува. Елена често се потсетува на нејзиниот татко потенцирајќи дека многу му недостига. Така беше и овојпат кога пејачката му посвети емотивна порака по повод неговиот 70ти роденден. На својот „Инстаграм“ таа објави фотографија на која е заедно со своето семејство, а во описот напиша емотивна порака за нејзиниот починат татко: „Секој 14ти ми е се’ потешко , иако мислев дека време лечи се’, не е вистина. Само се зголемува болката поради твоето отсуство. Секој момент те мислам. Секој ден се прашувам зошто баш ти? Зошто најдобрите души порано си заминуваат? Бог го има одговорот, јас само знам дека никогаш ништо во мојот живот не е веќе исто без тебе. Ни радост, ни тага. Ни успех, ни пораз. Бескрајно ми фалиш тато, ќе славевме твој 70ти роденден денес.“, напиша пејачката. Елена во една прилика изјави дека татко и бил најголемата поддршка во нејзиниот живот и истакна кој негов совет ќе го памети за цел живот. „Ахххх… неговите совети не беа за ова денешно турбулентно време. Тој беше најдобриот човек на планетата. Ми велеше: „Елена, ако те удрат по образ, сврти им го и другиот”. Затоа станав човек кој седи и чека да го удираат сите нешта и луѓе, скандали, непријатели и не преземам ништо по тоа прашање, само си ја чекам правдата од Бога. Татко ми им имаше помогнато на милион луѓе, но и на таквите кои не заслужиле. Се сеќавам дека на еден професор, кој му бил ноќна мора во средно училиште, му го вработи синот по многу години, но и никогаш не му кажал дека трпел неправда токму од него, додека бил во средно училиште, едноставно, му помогнал. Имам чувство дека таков човек нема да се роди повторно.“ изјави Ристеска во една прилика. фото: инстаграм/елена ристеска

„Мирко е неутешен“: Гоца Божиновска искрено за болните детали од детството на нејзиниот син

Слободанка Илиева — Tue, 05 Jan 2021 09:30:19 +0000

Пејачката Гоца Божиновска вели дека не може да го утеши нејзиниот наследник Мирко Шијан, кој жали за својот татко Зоран. Иако Мирко имаше само седум години кога беше убиен Зоран Шијан, како што вели Гоца, тој се сеќава на него и му недостасува секој ден. И покрај нејзините аспирации да ги сврти мислите, Мирко постојано го гледа видеото каде се смее неговиот татко и им го покажува на сите. - Мирко има видео во кое неговиот татко се смее и зборува. Тој го гледа често и го покажува на сите. Често го прашувам, синко, зошто го пуштиш тоа, зошто се повредуваш, но тој мавта со раката и ми вели: "Мамо, многу ми е полесно. Се чувствувам како да го видов татко ми" - вели Гоца Божиновска за "Информер". Пејачката додава дека и е најтешко кога ќе ги види солзите на нејзиниот син. Тој често знае да плаче затоа што страда за својот татко.

View this post on Instagram

A post shared by Мирко Шијан (@miresijan)

- Секогаш кога некое друштво ќе се собере кај нас дома, Мирко ја свири песната „Е мој чале“. Плаче секој пат поради таа песна. Му велам да не го прави тоа затоа што се повредува така, но не вреди, тој не ме слуша! Тоа е голем проблем за мене - призна Гоца. Како и неговиот татко Зоран, Мирко сакаше да му го посвети животот на боксот, но Гоца не му го дозволи тоа.

View this post on Instagram

A post shared by Goca Bozinovska (@gocabozinovska)

- Мирко имаше премногу желба да тренира бокс, но јас не му дадов. Му се заколнав дека, додека сум жива, тој нема да тренира во тој спорт во кој може да се повреди. Тој е многу добар пријател на Вељко Ражнатовиќ, кој стана професионален боксер. Тој секогаш сакаше да ја испроба својата рака во боксот. За среќа, го спречив тоа - рече пејачката за споменатиот медиум.

Емилија Розман го одбележа денот на својот непребол: „Денот кога ти почина без да умреш, а јас умрев без да починам“ (ФОТО)

Антонио Димитриевски — Tue, 20 Oct 2020 06:55:51 +0000

Смртта е составен дел од животот... Неа многумина така ја сфаќаат, зашто според законите на природата, се' што има свој почеток, мора да има и свој крај, иако некои сметаат дека материјата не никогаш сосема не се губи, не исчезнува, туку само ги менува својот облик и форма. Но, затоа пак душата...? Каде оди таа, што е со неа? „Метафизички“ прашања кои најчесто си ги поставуваме кога ќе замине некој близок, особено, некој што многу го сакаме, а тоа ќе се случи пред време. Иако, болката секогаш е силна, а празнината вечно останува, сепак балансот помеѓу разумот и емоциите е тој што не остава во живот, зашто животот мора да продолжи понатаму за живите. И колку и да звучи ова за едни реално, за други неприфатливо, разделбата со животот на саканите за сите нас е тажна, болна, тешка и неприфатлива... Особено кога се работи најмилите. Тогаш прифаќањето на тажната стварност за жал, за многумина е „неприфатливо“, а разделбата со најблискиот непомирлив чин, долги години и по неговото заминување, можеби и целиот живот... Македонската мисица, манекенка и модел Емилија Розман, токму така го доживеа прераното заминување на нејзиниот татко Дамир, пред три години. Сеќавањата останаа вечни, болката никако не стивнува, како најстрашно нешто што самата непрекинато го чувствува, а животот без својот сакан родител со кого очигледно биле многу блиски и поврзани, за неа, како што вели самата, не е повеќе живот... Туку само, „животарење“! Токму со такви „тешки“ и болни зборови со емотивен статус на својот Фејсбук профил Емилија Розман го одбележа денот на својот непребол - три години од загубата на татко и. И додека едни сметаат дека убавата девојка премногу се троши и психички исцрпува, што не е добро ниту за здравјето ниту за нејзиниот понатамошен емотивен живот и интима, повикувајќи се на тезата од почетокот на текстот дека се' што почнало, еден ден мора и да заврши, други тврдат дека не секој исто ја доживува и преживува загубата на блиските и најмилите, а „јавната исповед“ е еден вид вентил за празнење на собраната мака, горчина, тешкотија, натежнатите емоции... по што така ќе и биде полесно! Без тенденција да судиме, освен дека е напишан со чисто, но скршено срце и широко отворена, но ранета душа, интегрално ви го пренесуваме статусот на Емилија Розман што го остави на својот Фејсбук, на тригодишнината од најтажниот ден во нејзиниот живот, во спомен и сеќавање на нејзиниот починат родител. „Денот кога ти почина без да умреш, а јас умрев без да починам .... 3 страшни години без тебе ... Сите ме лажеа дека со текот на времето ќе биде полесно, или барем дека ќе научам да живеам без тебе, но не е ... Во турскиот јазик постои збор, БЕЗТОБНОСТ ... Тоа не е само чувство на осаменост или недостигање ... Тоа значи отсуство на одредена личност и празнина која никој никогаш не може да ја замени ... Едноставно болка во животот без тебе... 3 години грижа на совест зошто јас дишам без тебе, за секоја насмевка без тебе, за секој среќен момент и 3 години желба да дојдам кај тебе ... И сите ми се лутат затоа што зборувам така, а јас никому не можам да му објаснам дека ова без тебе не е живот, само животарење... Болката што ја чувствуваме кога не напуштаат најблиските не е најстрашното нешто ... Најстрашното е животот што ни останува да го живееме без нив ... ЖИВЕАМ ЗА МОМЕНТОТ КОГА ЌЕ ТЕ ГУШНАМ ПОВТОРНО! ТЕ САКАМ ТАТО МОЈ! Ти имаш само само ден на раѓање!“ - напишала Розман во својот Фејсбук статус.

Семејството на починатиот лидер на „Нови фосили“, Рајко Дујмиќ, реши да ги донира неговите органи

Антонио Димитриевски — Wed, 05 Aug 2020 11:33:24 +0000

Хрватскиот музичар и поранешен лидер на групата „Нови фосили“, Рајко Дујмиќ (65), почина по сообраќајната несреќа што ја доживеа минатата недела. Композиторот Ненад Нинчевиќ, еден од најблиските пријатели на починатиот Дујмиќ, за хрватските медиуми изјави дека семејството Дујмиќ решило да ги донира неговите органи. Нинчевиќ по сообраќајната несреќа беше со семејството Дујмиќ и најави дека погребот ќе биде следната недела на гробиштата Мирогој во Загреб. „Ми беше многу тешко сите овие денови. Рајко имаше добро срце и мека душа. Ова е далеку од она што се пишуваше за него последниве години. Бевме пријатели 35 години и никогаш не се скаравме. Тој беше апсолутен позитивист и повремено се самоуништуваше и тоа беше единствената негова маана“ - рече Нинчевиќ за „Вечерњи“. Тој истакна дека особено го цени гестот на семејството да ги донира неговите органи. „Семејството направи еден хуман гест и нешто што би го поддржал и самиот Рајко. Тој не може да умре. Тој ќе живее преку неговите песни, а сега и кај некои други луѓе. Можеме да бидеме сигурни дека тој ќе остане со нас засекогаш. Слушајте како ја пееше „Милена“. Тоа не може да го отпее некој што нема душа“ - изјави Нинчевиќ.

На денот на кој би требала да се радува, Елена Ристеска цел ден плачеше: Некои спомени се вечни… доживотно! (ФОТО)

Антонио Димитриевски — Mon, 15 Jul 2019 07:49:38 +0000

Елена Ристеска по баладата „Снаге за крај“, дуетите со српската пејачка во подем Данијела Кариќ („Срца се погреше“) и рускиот колега Кирил („Суперстар“), ја видовме како дел од гласачкото жири во финалето на „Ѕвездите на Гранд“.

Летово Елена малку настапува, малку шета и одмора, но има денови, кои човек, особено емотивци како неа си ги одвојуваат и посветуваат само на себе. Тоа се оние денови кога навираат спомените, кога низ главата ти поминува целиот живот, кога се враќаат сеќавањата и мислите на сето она што си го проживеал(а) и доживел(а) низ досегашниот живот. Особено кога тие денови се важни датуми, посветени или врзани со некои од најблиските...

На, токму еден од тие важни и значајни датуми, на кој би требало да се радува, Елена Ристеска беше неизмерно тажна и цел ден плачеше. Зашто некои спомени се вечени и никој никогаш не може да ги избрише, па дури ниту заборавот на времето!

А, 14-ти јули беше токму таков... Ден кој ја разбуди бурата од емоции во пејачката, ја врати во времето кога беше мало девојче, и го состави мозаикот од фотографии од детството во мислите, кои како рингишпил од сеќавања постојано се повторуваат во нејзината глава. Денот кога му е роденден на оној кого најмногу го сакаше, со кого беше најблиска, за кого беше најмногу врзана. Нејзиниот татко, кого за жал, од пред некоја година повеќе го нема!

Но, затоа ги има убавите времиња, сите прекрасни мигови, сиот живот со него во нејзините спомени. Една стара фотографија и кратка посвета, повеќе од доволни за паметење на сите оние години... Иако по неговото заминување повеќе ништо не е исто кај неа, освен измешаните емоции... Чувството на гордост и достоинство што го имала за свој родител и чувството на бескарајна тага и длабока неизбришива болка, што повеќе физички го нема...

„Пробувам цел ден да не мислам и да не плачам, ама... те стигаат и солзите и спомените колку и да си цврст и јак... ќе ти беше роденден денес,14ти јули, па ќе прославевме... ќе ти посакав здравје, среќа, внуци.. и секако ќе кажеше: “само вие да сте ми добри, друго ништо не ми треба.. “ ама ете, судбина.. те нема.. а се’ повеќе си ми потребен од било кога.. и нејќам статуси, патетики.. ама толку многу сакам да вриснам од тага што мислам дека планина ќе поместам.. ама стиснувам заби и го пишувам ова, ни сама не знам зошто јавно.. ама ете..веќе ништо не е исто, само болката е поголема.. тато!“ - напиша Елена на својот Инстаграм профил во својот споменар на животот.

Каква порака носат соновите кога во нив има починато лице?

Слободанка Илиева — Mon, 17 Jun 2019 13:00:47 +0000

Нашите сакани кои починале често ни се појавуваат во соништата. Често, затоа што многу ни недостасуваат, но некогаш тие соништа носат многу подлабока порака. Се обидуваат да ни кажат дека сè е во ред Често починатите не доаѓаат на сон додека не сте завршиле со процесот на жалење, за нивната порака да допре до вас. Ако ви доаѓаат во сон, значи дека се добро и дека стигнале на „другата страна“. Ќе ве потсетуваат за да ви дадат дознание дека се присутни – било преку мириси или трепет на светлината или пак одредена песна на радио. Се обидуват да ви кажат дека секогаш ќе бидат тука да ве поддржат во сè Можете да ги видите вашите сакани во сон, кога се наоѓате пред тешка животна одлука, што е начин да ви кажат дека ве поддржуваат. Сакаат да ви кажат дека ве сакаат Само сакаат да знаете дека ве сакаат и дека внимаваат на вас. Можеби ве предупредуваат Ако сакаат да ве предупредат на нешто, ќе се појават на поинаков начин. Ќе изгледаат чудно или неприродно на сон. Некогаш не кажуваат ни збор Тие можеби нема да зборуваат на сон, туку ќе пренесат порака телепатски. Можеби само ќе се насмеат и ќе заминат, давајќи ви дознание дека внимаваат на вас. Не сте единствени – овие соништа се чести и нормални Овие соништа им се случуваат на сите кои имале некој кој неодамна починал. Ако не сте ја сонувале саканата личност која починала, а би сакале да допрете до неа, водете дневник на соништа или спијте со некоја од личните работи на саканата личност, пишува. извор:центар.мк

Лила со емотивна порака се потсети на својот починат татко: „Ми фалиш тато“

Христина Ѓоргиевска — Sun, 16 Jun 2019 09:58:20 +0000

Водителката Лила Стојановска на својот „Фејсбук“ со емотивна порака се потести на нејзиниот починат татко. Имено, таткото на водителката почина од рак во 2014 година, но болката и тагата по неговото заминување не стивнуваат. Лила на својот Фејсбук објави фотографија на која пишува: Човек што има изгубено човека знае за големината на вашата болка. Ниту сонцето повеќе ќе биде сонце. Ниту месечината, месечина“, објави водителката, а во описот на истата фотографија напиша: „Фалиш тато“.

Таткото на Лила почина во 2014 година кога му беше дијагностициран рак во поодимината фаза,иако бил дицсиплиран пациент кој редовно одел на лекар. Таа во една прилика во интервју за „Женски магазин“ истакна дека нејзиниот татко бил горд што таа е образована личност и дека најмногу се радувала на заедничките прошетки.