победник – Вистина.мк

Се одржа финалето на „Песна на Евровизија“ во Србија: Победничка е Теја Дора (фото)

Слаѓана Атанасова — Sun, 03 Mar 2024 18:54:35 +0000

Во финалето на српскиот избор за песна на Евровизија победи песната „Рамонада“ во изведба на Теја Дора Претставничката беше избрана меѓу шеснаесетте натпреварувачи, врз основа на гласовите на жирито и публиката. Таа ќе ја претставува Србија на Евровизија во Малме во мај. Второто место го зазеде Бресквица, која исто така беше еден од фаворитите за победа, а на третото место е Зорја. Пред самото финале на натпреварувањето беше многу тензично во обложувалниците. Бресквица со песната „Гнездо орлово“ долго време го држеше првото место, а потоа падна на третото место. Првото место тогаш го зазеде Теја Дора, која и странските фанови на Евровизија ја сметаа за фаворит за победа. По победата на Теја Дора, на Твитер почнаа да се слеваат реакции. На крајот, некои сѐ уште не се задоволни од победникот, но многумина не го кријат своето воодушевување. Теја Дора или Теодора Павловска е родена 1992 година во Бор во источна Србија. Со музика почнала да се занимава уште како дете, а до сега компонирала и пишувала песни за бројни српски ѕвезди. На 17-годишна возраст заминала во САД да студира музика и години подоцна работела во музичката продуцентска куќа „ARKTKT Publishing LLC“ во Њујорк. Теја Дора е автор и на неколку песни кои се појавуваат во серијата „Јужен ветер“. Во март минатата година, Теја Дора ја објави песната „Џанум“, која по низа околности стана ултимативен хит на ТикТок. На Јутјуб, таа песна има над 75 милиони прегледи. Фото: printskrin/RTS Tv/YouTube

Овој пејач победи во „Ѕвездите на Гранд“ ама никогаш не стана позната естрадна ѕвезда, туку адвокат кој денес на суд ги застапува колегите

Антонио Димитриевски — Mon, 26 Feb 2024 12:46:10 +0000

Пејачот Стефан Петрушиќ се натпреваруваше во „Ѕвездите на Гранд“ во 2011 година и беше победник во таа сезона. Иако многумина му предвидуваа успешна музичка кариера, Петрушиќ никогаш не стана позната естрадна ѕвезда. Тој градеше музичка кариера и истовремено студираше, па откако Стефан дипломира на Правниот факултет, заврши правосуден испит и денес работи како адвокат. Но, тој никогаш целосно не се откажа од музиката, иако во последно време воопшто не се појавува во јавноста, а еднаш јавно проговори за тоа. „Новинарите често прават грешка што престанав да се занимавам со музика и се посветив на правото. Ова не е вистина. Вложив многу време и себе си во двете работи за да се откажам на крајот. Сакам да ги работам двете работи“ - изјави еднаш Стефан во емисијата „Гранд њуз“ и додаде дека кога треба и на суд ги застапува колегите. „Веќе застапував многу колеги. Им кажав дека мојот број секогаш им е достапен, секогаш кога имаат проблем“ – заклучи тогаш тој. Во мај 2021 година тој се ожени со убавата русокоса Марија. Потоа на својот Инстаграм сподели неколку видеа од венчавката. Невестата блескаше во венчаницата, додека младоженецот за оваа пригода избра одело. Неколку месеци подоцна, во септември истата година, Стефан стана татко, откако со сопругата добија син. Фото: Инстаграм/stefan_petrusic

Славица е новата „Гранд кралица“: Струмичанката на сцената воглавно беше закопчана до грло, ама затоа сиот свој сексапил „го истури“ на личниот Инстаграм профил (ФОТО)

Антонио Димитриевски — Sat, 23 Sep 2023 07:03:14 +0000

Цела Македонија и пошироко регионот се радува и го слави успехот кој го постигна струмичанката Славица Ангелова која успеа да го освои првото место на „Ѕвездите на Гранд“ за оваа сезона. Дваесетгодишната струмичанка музичката кариера ја започна пред 6 години во емисијата „Неки нови клинци“ и оттогаш почна да ја гради својата кариера напредувајќи чекор по чекор, скалило по скалило, за конечно да застане на тронот на највлијателното музичко талент натпеварување во регионот. Инаку приватно, Славица студира медицина, додека во слободното време сака да патува, но по се изгледа дека по победата, музиката од хоби ќе и прерасне во нешто многу повеќе... Дури можеби и идна професија!? Самата тврди дека колку по природа да е амбициозна и опуштена, од друга страна е мошне тврдоглава. За време на натпреварот неколкупати реагираше и нејзиниот ментор Ѓорѓе Давид, кој објасни дека некои работи ги правела сама и како не го почитувала договорот од пробите, поради што била редовен учесник во баражот.

„Не знам како тоа да го објаснам, едноставно ми се случува во моментот. Во текот на целото натпреварување постојано се договараме и секогаш се трудев да го испочитувам тоа што го договоравме на пробата, но понекогаш едноставно ми се случува нешто и знам дека малку ја „зафркнам“ ситуацијата. Но, се надевам дека на крајот се е во ред, исто како и овој пат“ – откри во една прилика Славица која во големото финале со победата стана новата „Гранд кралица“.

Атрактивната струмичанка имиџот при настапите не го градеше на „голотија“ и речиси како по правило, освен со еден-два исклучоци на сцената воглавно беше закопчана до грло, што не значи дека пејачката не поседува атрибути со кој може да плени. Напротив, Славица сиот свој го покажала на личниот Инстаграм профил. Во црна комбинација со кусо мини фустанче, струмичкото мињонче изгледа слатка како бонбонче. Фотографиите пак во костим за капање, особено оние во мини бикини, покажуваат дека талентираната македонска пејачка е и тоа како секси мачка.

View this post on Instagram

A post shared by Slavica Angelova (@slavica.angelova)

Со привлечни облини, извајано тело и доволно бујна и однапред и одзади, Славица и тоа како го одзема здивот... Доволен е само еден поглед на пејачката кога е во бикини и срцето веднаш позабрзано чука, страста почнува полека да ве обзема и нежно да ве гребе, а возбудата доаѓа самата по себе.

View this post on Instagram

A post shared by Slavica Angelova (@slavica.angelova)

Впрочем, неспорен доказ за нејзиниот неодолив сексапил се фотографиите од нејзиниот Инстаграм профил на кој Славица ќе ја видите и распеана, но пејачката ќе ви ја долови и својата секси страна. Фото: Инстаграм принтскрин/slavica.angelova

Кавадарчанката Сијче Трајкова победи во финалето на македонското талент шоу – „Нови и млади“ (ФОТО+ВИДЕО)

Антонио Димитриевски — Mon, 24 Jul 2023 07:58:46 +0000

Кавадарчанката Сијче Трајкова (27) е победникот во во финалето на македонското талент шоу - „Нови и млади“. Таа имаше најмногу среќа и според бодувањето на жирито победи само со еден поен повеќе од второпласираниот Теодор Богоевски од Скопје и два бода разлика од третопласираната Мелиса Зијадиќ, која од самиот старт важеше за фаворит во ова македонско музичко талент шоу. Инаку на Сијче Трајкова ова не и е прва победа, иако и е најдрага. Имено, таа има учествувано и на друго слично шоу, но од локален карактер каде исто така победил. Како што се зборувало меѓу учесниците, Сијче на почетокот на шоуто сакала да се откаже од натреверуњето, но сепак тоа не го сторила и како награда за упорноста и талентѕот, среќата и се насмеа, па симпатичната кавадарчанка заврши како победничка. „Драги мои пријатели, сакам да ви ја споделам мојата среќа за победата во Македонско Талент Шоу. Тоа беше едно големо искуство, добра дружба со многу таленти и признати музичари од нашата убава Македонија. Сакам да се заблагодарам на IN Production и господинот Златко Миладиноски,за тоа што ми дозволија баш во ова музичко талент шоу да го прикажам мојот талент за пеење а воедно и да се пронајдам јас себеси. Исто така големо благодарам за жирито, затоа што го препознаа мојот талент и ме наградија со големото ПРВО место!! Нема стоп. Со голема мотивација ќе одам кон врвот. Велат да си пејач/ка е многу лесно. Но патот е многу трнлив, има многу падови.. Се надевам дека еден ден гласно и надалеку ќе се слушаат моите песни!“ - споделила пресреќната победничка на својата Фејсбук страница. Второпласираниот Теодор Богоевски беше најнаградуван во оваа шоу затоа што го освои второто место и од бодувањето на жирито, но беше второпласиран и според гласовите на публиката. Мелиса Зијадиќ која од почеток важеше за фаворит на шоуто, овојпат не победи, иако беше близу. Впрочем, разликата од само еден односно два бода повеќе го реши редоследот од првото до третото место, што јасно говори за силната конкуренција и воодначеноста на натпреварувачите, за чиј конечен редослед одлучиваа ситни финеси и најмали нијанси. Инаку првопласираната добива 2.800 долари, второто место носи 1.600 долари, додека третотопласираната ќе добие 800 долари. И тројцата потпишаа договор за соработка со македонско-австралиската ИН продукција.

Марија Шерифовиќ за прв пат проговори по финалето на „Ѕвездите на Гранд“: Пејачката е за промена на системот за избор на победник (фото)

Слаѓана Атанасова — Wed, 05 Jul 2023 10:20:06 +0000

Поп-пејачката Марија Шерифовиќ за прв пат проговори по финалето на „Ѕвездите на Гранд“ и јавно го кажа своето мислење за организацијата, натпреварувачите и гласањето. Имено, познато е дека Марија снима свои блогови, а во еден од нив откри многу работи за споменатото натпреварување. - Ништо не коментирав по завршувањето на „Ѕвездите на Гранда“ бидејќи бев многу уморена. Бев среќна што дојдовме до крајот, без разлика на резултатот. Да бидам искрена, според мојот вкус и познавање на бизнисот, Ксенија Тану и Мартин за мене се вистинско откровение - изјави Марија на самиот почеток и откри се за фаворитите од другите тимови. - Што се однесува до другите екипи, Петар и Џенан ми се одлични - рече таа, а потоа ја спомна и победничката Славица Ангелова. - Многумина негодуваат за резултатот, а особено не ми се допаѓа тоа што го пишувате за победникот. Секогаш и засекогаш ја поздравувам одлуката на народот и почнав интензивно да размислувам и дојдов до заклучок дека, сепак, не се гласа за најдобриот во финалето – истакна таа. Марија меѓу другото посочи дека мора да се смени системот на гласање. - Прашање е колку е праведно што, кога ќе стигнеме до финале во натпреварување и кога јасно се гледа разликата, во еден момент престанува да биде музичко натпреварување и има натпревар меѓу земјите и нивните претставници - рече таа, потоа заклучи: - Тоа е тема за која можеме да разговараме. Не знам дали е тоа во ред или не. Мислам дека по многу, многу години, време е да се промени нешто во тој систем и да се најде начин навистина да се избере „Гранд ѕвезда“ – вели таа во својот блог. Фото: Принтскрин/Е - Сток/Петар Алексиќ

Ана Бекута брутално искрена по финалето на „Ѕвездите на Гранд“: „Победниците ретко прават кариера“ (фото)

Слаѓана Атанасова — Mon, 26 Jun 2023 06:50:26 +0000

Пејачката Ана Бекута имаше еден кандидат во големото финале на „Ѕвездите на Гранд“, младата Ивона Дамјановиќ од Сомбор со која несебично работеше и покрај фактот дека таа е некој од светот на фолкот, а својата кандидатка ја подготвуваше и настапуваше претежно со забавна музика изненади многумина. Сепак, таа шокираше со изјавата дека многу победници од ова натпреварување не направиле кариера. - Не сакам да зборувам за тоа бидејќи од многу фактори зависи кој ќе ја заврши работата подоцна. Се покажа дека победниците ретко прават кариери. Не знам зошто е тоа така, варојатно тие од позадина се трудат повеќе. Сè е прашање на моментот. Дали победникот ќе добие добра песна, дали таа песна ќе биде забележана од публиката. Има многу интересни работи овде, јас сум тука од почетокот на овој формат и победникот не значи ништо. По оваа финална вечер се прави кариера и тој што има најмногу среќа и памет ќе стане ѕвезда - изјави Бекута. Пејачката исто така истакна дека еден фактор е пресуден. - Факторот х е одлучувачки, да не се лажеме. Кога се натпреварував како девојка во „Првиот глас на Србија“, никогаш не бев прва, секогаш втора, трета, четврта, но направив кариера - истакна пејачката. Фото: Принтскрин/ТВ Прва/Инстаграм

Македонката Славица Ангелова е победник во „Ѕвездите на Гранд“: Еве колку точно гласови доби и што освои (фото)

Слаѓана Атанасова — Sun, 25 Jun 2023 11:30:48 +0000

Македонката Славица Ангелова победи во вечерашното суперфинале на „Ѕвездите на Гранд“. Младата струмичанка доби повеќе гласови од босанскиот фаворит Драган Ѓуриќ и заслужено триумфираше во најгледаното регионално ТВ-шоу. Саша Поповиќ ѝ ги врачи клучевите од автомобилот „фиат типо“ кој заслужено заминува во нејзини раце. Ангелова со нешто повеќе од 88.000 гласови (17.000 повеќе од второпласираниот Драган Ѓуриќ) ја освои ласкавата титула победник на 17-та сезона на музичката талент шоу програма „Ѕвезде Гранда“.

Ангелова уште со нејзиниот прв настап покажа дека е еден од најсериозните кандидати за освојување на првото место. Нејзиниот талент веднаш го препозна и рокерот Ѓорѓе Давид кој на првата аудиција ѝ порача дека одамна се нема појавено таков талент во популарното музичко шоу.

„Ми претставува голема чест. Морам да ти кажам дека од Џејла Рамовиќ се нема никој појавено, барем што се однесува до мене, кој толку ме има изненадено и усреќено. Навистина ти се радувам“, ѝ порача тогаш Ѓорѓе Давид.

Славица е студентка на медицинскиот факултет, а на јавноста ѝ е позната и по учеството во бугарскиот The Voice.

Оваа автентична млада интерпретаторка големо внимание посветува и на изгледот. Во секојдневието е поопуштена и секогаш е за кежуал варијанта, соодветна на нејзината возраст.

„Во секој случај, мојата цел е да бидам оригинална и своја“, истакна во една прилика.

Александра Николиќ е шестата победничка на реалното шоу „Задруга“ и добитник на наградата од 50.000 илјади евра (видео)

Слаѓана Атанасова — Sat, 10 Jun 2023 10:38:46 +0000

Водителката Душица Јаковљевиќ застана со Алекснадра Николиќ и Ана Ќурчиќ за да го прогласи победникот на „Задруга 6“. Душица откри каква проценка направила публиката. Една од нив двете има 36,08% од вашите гласови, а другата има 28,85% од вашите гласови. Добитникот на „Задруга 6“ кој си оди дома со чек од 50.000 евра и за кого сте гласале најмногу е... Добитник е Алекснадра Николиќ – изјави Душица. За повеќе детали околу атмосферата и прогласувањето на победникот погледнете го видеото: Фото: Принтскрин/ТВ Пинк/Јутјуб

Александра Трајческа е победничката во втората сезона на македонското музичко онлајн-талент шоу „Заблескај“ (ВИДЕО)

Антонио Димитриевски — Mon, 05 Jun 2023 06:51:17 +0000

Талентираната прилепчанка Александра Трајческа (19) е победничката во втората сезона на музичкото оналјн-талент шоуто „Заблескај“, кое е во оригинален мултимедијален проект на компанијата “Колор Медиа Плус“ и магазинот “Убавина и Здравје“ поддржан од Орбит. Александра успеа да ги освои максималните бодови од жирикомисијата ( четири 12-ки) составена од еминентни музички автори и творци, изведувачи, модни креатори и музички новинари и уредници. Овој пат нејзини членови кои ги оценуваа 12-те финалисти беа: композиторот и музичар Николче Мицевски, поп пејачката Александра Јанева, естрадниот новинар и главен уредник на порталот Вистина.ком.мк, Антонио Димитриевски и модната дизајнерка Маја Кикириткова. Водител на финалниот настан кој се одржа во познатиот скопски кафе клуб - „Интермецо“ и годинава беше довитливиот Марко Новевски, кој со своите шеги, коментари и лабава комуникација со учесниците и жирито успеа максимално да ја опушти атмосферата правејќи ја пријатна и забавна за сите присутни. Вкупно во финалето се натпреваруваа 12 кандидати, од кои речиси сите имаа одлични настапи, но сепак, Александра со атрактивниот сценски настап и својата изведба на џез-нумерата „Orange Colored Sky“ се издвои од другите и брилијираше, со што и заслужено го освои првото место. Забележителни беа и останатите натпреварувачи, од кои некои имаа мошне впечатливи настапи, но за жал можеше да победи само еден… А, Александра недвојбено со максимален број поени ги освои сите четири 12-ки од жирито и суверено ја однесе победата. Инаку победничката како главна награда освои 1.000 евра и договор со пиар и букинг менаџер во времетраење од една година. Како изгледаше комплетната емисија од финалето од втората сезона на музичкото онлајн талент шоу „Заблескај“, проследете од видеото во продолжение:

Мишко Крстевски со песната „Ема убава“ победи на „Фолк фест Валандово 2023“

Антонио Димитриевски — Mon, 29 May 2023 05:58:46 +0000

Викендов се одржа 36-то издание на популарниот „Фолк фестивал Валандово 2023“, каде на главната фестивалка вечер која се одржа во неделата (28 мај 2023) во фестивалската сала „Јанко Узунов“, на сцената беа исполнети 20 новосоздадени македонски песни. На фестивалот беа доделени повеќе награди за учесниците. Првата награда ја доби Мишко Крстевски за песната ,,Ема убава”, со музика, текст и аранжман на Љупчо Трајковски – Фис... Втората награда отиде во рацете на Елена Андоновска за песната ,,Ни седум неба, ни седум гори”... А, третото место го освои Анета и групата Молика со песната ,,Букети од сомнежи”. Наградата за најдобар дебитант ја доби Адријана Ацевска, позната како Адријана Кеш, за песната ,,Проклет да си”, наградата за најдобар текст ја доби Нино Величковски за песната ,,Песна беше живот мој” со текст на Огнен Неделковски, а Елена Андоновска освои награда и за најдобра интерпретација. Наградата за животно дело годинава му се додели постхумно на пејачот Ѓоко Дончев, а во паузата на гласањето на фестивалската вечер беше изведен омаж за починатиот музичар, Милан Завков. Наградите се доделуваа со гласање на публиката во салата и гласовите на стручното жири, а фестивалската вечер беше директно пренесувана на МРТВ. Градоначалникот на Општина Валандово, Перо Костадинов им ги врачи наградите на изведувачите. Фестивалот помина во убава атмосфера, надополнета со двете предфестивалски вечери на отворено, со многу музички гости и посетители од целата земја. На нив настапија Жељко Самарџиќ, Јоце Панов и „Распеани валандовчани“ на првата и Ефто Пупиновски, Ана Бекута и „Куку леле“ на втората предфестивалска вечер на Градскиот плоштад во Валандово со кои беше крената завесата на 36.издание на Фолк фест „Валандово 2023“. Фото: Фејсбук принтскрин