по дома – Вистина.мк

Кога водителот ќе подетини: Димитар Атанасовски си играше „Tactical Shooting Predator“ по дома со синчето, само што малечкиот го користеше како… оружје! (ВИДЕО)

Антонио Димитриевски — Mon, 21 Nov 2022 08:20:59 +0000

Кон крајот на месец јули годинава (2022) пејечката и харфистка Сара Мејс и водителот и маркетинг директор Димитар Атанасовски станаа родители по вторпат. Нивното семејство стана побогато со доаѓањето на свет на бебето кое до доби името Кирил. Убавата вест ја сподели гордиот татко кој во прилог со првата фотографија од синот напиша: „Добредојде Кирил, јунак наш“. И како да беше пророк, зашто Кирил навистина се покажа како јунак. И тоа најмногу кога е во рацете на неговиот татко, а еве и зошто! Кога си татко на две дечиња домашните обврски вклучувајќи ги и оние родителските се мултиплицираат, па кога на тоа ќе се надодаде работата, за себе време речиси и да не останува. Некому тоа му е нормално и лесно го поднесува, ама оние што имаат пожив темперамент, младешки дух и скриено дете во себе, одвреме - навреме знаат да „одлепат“. Едноставно детето во нив почнува да се бунтува, барајќи да се изнаигра, па без оглед на возраста, желбата и страста ја надвадуваат паметта и ете ти „игри без граници“ во зрели години! Токму тоа му се случи на Димитар, па водителот не можејќи да најде време за себе, решил да спои „убаво и корисно“, арно ама на најнеобичен начин. Во сопствената игра или поточно симулација на некои „воени игри и вештини“ како „Пеинт бол“, „Кантер страјк“ или најточно кажано „Tactical Shooting Predator“ на пример, решил да го вклучи и синчето... Само што малиот Кирил во неговите раце го искористил како мошне необичен сојузник... Или попрецизно, како оружје! Симулирајќи движења и потези од некои од „воеите игри“ малечкиот го претворил во автоматска пушка, „пукајќи“ со него по станот... Потоа со право многумина се запрашаа: „Ова е Кирил или Калаш(ников)?“ Сето ова некој(а) го овековичил(а) на видео, а водителот кадрите од својата „воена вежба по дома“ ги споделил на Инстаграм со „оправдание“: „Кога не те пуштаат да идеш на тренинг со @tacticalshootingpredator , ќе вежбаш по дома“! Коментарите, особено оние од пријателите, меѓу кои повеќето познати личности, иако различни, сите насочени кон една цел - водителот. А тој мета на критики... Воглавно шеговити, ама сепак... заклучокот единствен: Друг пат подобро пуштете го „да се испука“ на друго место... Од сите „оружја“, по сите основи!

View this post on Instagram

A post shared by Dimitar Atanasovski (@dimitaratanasovski_)

Фото: Инстаграм принтскрин/dimitaratanasovski_

Пакет аранжман: „Пеам дење, пеам ноќе… македонскиот „Гранд зет“ пее по свадби, локали и клубови, ама некому му пее и по дома (ФОТО)

Антонио Димитриевски — Tue, 20 Sep 2022 09:45:25 +0000

Денес веќе познатите „Гранд ѕвезди“, на кои ова регионално музичко талент шоу им ја предодреди не само кариерата, туку и животната судбина, македонската пејачка Елена Миленковска и нејзината посилна половина, Гуте Маринковиќ неодамна станаа родители по втор пат. Штркот овторно долета во нивното семејно гнездо и по синчето Максим, им ја донесе и втората радост, ќеркичката која го доби името Миона. И додека мама Елена прва сподели заедничка фотографија со тукупшто родената малечка принцеза, додека бабите го чуваа малиот Максим, тато Гуте мораше да пее. Лично за себе и најблиските од радост и среќа за приновата, но и да си ги исполни обврските од кои како професионален музичар го вади лебот за себе и семејството. Па така, Гуте пее, дење, пее ноќе, пее секому кому треба да му запее... Македонскиот „Гранд зет“ пее по свадби, локали и клубови, ама пејачкиот „пакет аранжман“ деновиве го комплетира со уште еден нов ангажман, зашто Гуте уште некому му пее и по дома. Имено, мама Елена и малечката Миона пристигнаа во својот дом, а Гуте како ревносен и посветен татко и од љубов кон приновата и заради помош на сопругата е секогаш тука да и се најде, да припомогне, односно да ја причува малечката убавица. А бебе како бебе, најсреќно и најмирно е кога е во сигурните родителски раце, па тато Гуте и кога тој сака, ама и кога сака таа, сакал-нејќел мора да запее и по дома... И тоа тивко на увце на својата мала Миона. И тоа по нејзини ноти! Тие песнички веќе ги знае, оддамна ги научил, уште кога се роди малиот Максим, па сега и не му е толку проблем песничките да ги репризира. Повторувањето е мајка на знаењето, а македонскиот „Гранд зет“ Гуте Маринковиќ е татко кој повеќе од очигледно знае и умее... Татко за пример! Фото: Инстаграм принтскрин/gute.marinkovic

Јована Јеремиќ ги прошета немирните гради пред камера, само овој пат по дома! (ФОТО)

Антонио Димитриевски — Fri, 04 Feb 2022 12:28:39 +0000

Водителката Јована Јеремиќ е позната по драматичните настапи во нејзината емисија, но и во емисиите на колегите кај кои е многу честа гостинка. Дека таквата изведба е дел од нејзината личност, а не само обид да го привлече вниманието кон себе, гледаме и по тоа што таа се однесува исто каде и да е, без разлика дали ја снимаат камерите или не. Овој пат водителката на своите Инстаграм приказни објави како лудо се забавува во својот стан, среде недела. Штом излезе од теретана, таа не се ни пресоблече, а веќе го отвори шампањското, фалејќи се дека „сериозни момци ја научиле како да го прави тоа“. Познатата водителка не ја посочи причината за прославата, а знаејќи ја нејзината енергија, не мора ни да ја има за да биде среќна, весела и расположена... И тоа овој пат прилично раскопчана, раскомотена и разголена. Откако го отвори шампањот, Јована продолжи да снима за приказните на својот профил, но овој пат во неглиже од брендот „Версаче“. Градите и беа мошне непослушни и се обидуваа да излезат од раскопчаното деколте повремено ѕиркајќи, додека Јована зборуваше во камерата, вешто покривајќи ги. Фото: Инстаграм принтскрин/jeremicjovana

Некои за маска не сакаат ни да слушнат, а водителката Елена Стојановска маската не ја вади ни по дома! (ФОТО)

Антонио Димитриевски — Mon, 21 Dec 2020 08:16:37 +0000

Водителката на утринската програма на ТВ Сител - „Ја сакам Македонија“ со својот „бејбифејс“ многу често оддава таканаречен „лажен изглед“, односно изгледа многу помлада од годините што ги има, иако се разбира ниту оддалеку не е престарена. Сепак, кога ќе го погледнете нејзиниот лик, Елена личи како да е тинејџерка, иако оддамна тоа не е. Со овие зборови луѓето, па и написите во медиумите често знаат да ја опишат водителката Елена Стојановска- Јанковска со која гледачите го почнуваат утрото на ТВ Сител. Веројатно заслугите за ваквиот изглед лежат во генот или поточно, најмногу можат да и се припишат на мајката природа, зашто Елена нема никакви естетски зафати и корекции на себе, особено не на своето лице. А кога веќе имаш таков младешки лик, а уште згора на тоа си и ТВ лице, лицето мора да се чува и да се штити. Корона пандемијата ни наметна носење маска, па сакале или не, ем е задолжително, ем е препорачливо сите да ја носиме. Според протоколите и на отворено и во затворено... И додека едни строго се придржуваат кон тоа, други „не фермаат жива сила“, верувале или не, Елена маската не ја вади од лице и по дома. Да - добро прочитавте, водителката и кога е дома на своето лице има маска. И пред да останете изненадени со подзината уста или да скокнете од место и да кажете: „Па оваа не е нормална“, да ги образложиме работите за нештата да бидат појасни. Маска - да, ама не заштитна против Ковид 19! Имено, водителката откри дека тајната на нејзиниот младешки изглед, меѓудругото лежи токму и во маската. Но онаа, козметичката, која ја става на лицето за нејзината кожа да изгледа „ѓоамити е на бебенце“! „Најмногу ја сакам неделата која ми е ден за уживање и релаксација. Маската за лице содржи 2 антиоксиданси, Q10 и витамин Ц кои веднаш го ублажуваат изморениот изглед на лицето. Кожата се ревитализира, станува освежена и сјајна. За повеќе детали проверете на Фејсбук страницата на брендот“ - напиша Елена на својот инстаграм демонстрирајќи ја уметноста на одржувањето на својот младешки изглед. И додека едни „маските на животот“ на себе ги носеа и пред пандемијата, други маски ставаа само за маскенбал на 1-ви април, повеќето од нас денес заштитните медицински маските ги симнуваат само дома. Но, на ТВ водителката Елена Стојановска - Јанковска маската и е најдобра другарка за „вечна младост“. Барем во ликот, а веројатно и во духот, зашто ако лицето е огледало на душата, тогаш маската на водителката и помага да остане „вечно девојченце“, во секој поглед!

Дупло голо: Теа Трајковска – гола на сцена, гола по дома… (ФОТО)

Антонио Димитриевски — Wed, 22 Nov 2017 08:34:33 +0000

Откако ја „протресе“ македонската естрада со нејзиниот провокативен настап на радискиот фестивал МАРС 2017 каде ја освои наградата за најуспешна соработка заедно со нејзиниот колега Панчо од ДНК за темата „Рушевени“, атрактивната Теа Трајковска продолжува да провоцира.

На Теа не и е прв пат да се слика „раскомотена“ па на своите профили на социјалните мрежи да постира фотографии на кои нејзините обожаватели, и не само обожаватели, ќе „плакнат очи“!

Разголена на сцена, разголена по дома, разголена надвор... Теа е ем модерна, ем секси, ем провокативна... Каде и да се појави, зад себе остава „рушевини“... од желби, копнежи и пусти сништа!

Овој пат таа на својот профил на Инстаграм објави фотографија од која дефинитивно ќе ви се заврти во умот.

Облечена во црно сако кое повеќе открива отколку што покрива и црна долна облека, Теа дефинитивно има намера да ја превземе титулата за најсекси пејачка на македонската естрада.