пмс – Вистина.мк

Мешаница во главата: Тамара Тодевска во фаза на општ хаос, а решението го најде така што побегна од сите (фото)

Слободанка Илиева — Fri, 23 Feb 2024 09:11:13 +0000

Хормони плафон, мешаница во главата и апетит или аверзија на одредени нешта – период со кој е соочува секоја жена во одреден дел од месецот. Припадничките на понежниот пол многу добро знаат за каква фаза се работи, а името на ова, накусо кажано се вика ПМС или предменструелен синдром. На оваа тема не така често се зборува, можеби меѓу женски муабети онака меѓу редови и чисто за опис на моменталната хаотична психолошка состојба. Тамара Тодевска немаше проблем да каже дека е токму во оваа ПМС фаза, па за да најде решение од својата умствена мешаница и напонатост, спасот го најде во трошење калории и кардио вежби со трчање и пешачење. Не и беше доволно само ваквото празнење, па заврши во теретана. Оттаму со приложената фотографија и илустрација покажа дека хаосот во глава се уште трае, но со вежбањето малку расчистен. Сигнал за бегство од сите овој пат беше нејзиното решение. Така беше сега и така се по ред, повторно и повторно со сите женски бубачки во глава. фото:Instagram printscreen/ tamaratodevska

Ве боли главата кога сте во ПМС? Еве што е причината и колку често се случува тоа

Слободанка Илиева — Fri, 15 Sep 2023 11:31:48 +0000

Вообичаени симптоми на менструалната главоболка вклучуваат досадна пулсирачка или силна пулсирачка главоболка, чувствителност на светлина, гадење, замор, вртоглавица и многу повеќе. Што е мигрена? Како се чувствува тоа? Мигрената е повеќе од силна главоболка. Тоа е невролошка состојба, со низа симптоми кои може да вклучуваат исцрпувачка болка на едната страна од главата, која може да се опише како пулсирачка. Менструалните мигрени, познати и како хормонални главоболки, се јавуваат непосредно пред или за време на менструацијата кај жената (2 до 3 дена пред или за време на менструацијата кај жената). Тие можат да се влошат со движење, светлина, мириси или звук. Симптомите може да траат неколку часа или дури денови. Виновни се хормоните Хормоните често се нарекуваат „хемиски гласници“ на вашето тело. Тие се во вашите органи, ткива и крвотокот и се произведуваат од ендокрините жлезди. Примери на ендокрини жлезди вклучуваат тироидна жлезда, надбубрежни жлезди и хипофиза. Ако имате премалку од одреден хормон или премногу, тоа може да го исфрли целиот ваш систем од рамнотежа. Естрогенот и прогестеронот се двата главни полови хормони кај жените. Естрогенот предизвикува женски физички карактеристики, го иницира пубертетот и помага во репродукцијата. Исто така, влијае на вашиот холестерол, го контролира вашиот менструален циклус, го штити здравјето на коските и влијае на вашето срце, кожа, коски, мозок и други ткива. Вашите нивоа на естроген се менуваат. Тие се највисоки во средината на вашиот циклус и најниски кога сте во менструација. Кога сте во менопауза, тие паѓаат многу ниско. Која е врската помеѓу хормоните и главоболката? Главоболките кај жените, особено мигрените, се поврзани со промени во нивото на естроген. Нивото на естрогенот се намалува непосредно пред почетокот на менструалниот тек (менструацијата). Предменструалните мигрени редовно се појавуваат за време или по времето кога женските хормони, естрогенот и прогестеронот, паѓаат на најниско ниво. Нападите на мигрена обично се подобруваат за време на бременоста. Сепак, некои жени велат дека нивните мигрени започнале во првиот триместар од бременоста, а потоа исчезнале. Која е разликата помеѓу менструалните мигрени и другите видови мигрена? Менструалните мигрени се предизвикани од пад на естрогенот. Други мигрени може да бидат предизвикани од стрес, пропуштање оброк, кофеин или многу други причини. Колку се чести менструалните мигрени? Најмалку 60% жени забележале корелација помеѓу менструалниот циклус и мигрената. Со други зборови, забележале дека добиваат мигрена непосредно пред или за време на менструацијата. Кога започнуваат менструалните мигрени? Менструалните мигрени можат да започнат и до три дена пред менструацијата. Кој има поголема веројатност да добие менструална мигрена? Додека мигрената може да започне кога сте млади, менструалните мигрени не можат да започнат додека не ви започне менструацијата. Жените со менструација се оние кои добиваат менструална мигрена. извор:попара.мк

Ублажете ги ПМС болките на природен начин: Смоквите ќе ве препородат

Слободанка Илиева — Thu, 22 Aug 2019 13:30:45 +0000

Секојпат кога сме во ПМС, нашиот нервен систем е загрозен. Поради таа причина важно е да внесуваме доволна количина магнезиум кој е мелем за нервниот систем. Токму поради тоа експертите препорачуваат во тие денови жените да јадат смокви затоа што тоа ќе им го смири организмот, ќе им ги олесни болките, ќе ја смири напнатоста и чувството на стрес. Смоквите се ризница на витамини: Б комплекс, А, Ц, Е и К, богати се со железо, калиум, калциум а сето тоа е многу важно за нормално функционирање на организмот. Важна напомена - иако многумина мислат дека смоквите се многу калорични, во 100 грама смокви се наоѓаат 74 калории, а содржат 80 отсто вода и околу 0 отсто природен шеќер. извор:точка.ком.мк

Алкохолот предизвикува ПМС?

Кристина Петрушевска — Fri, 27 Apr 2018 13:16:20 +0000

Проучувањето на податоците од 19 истражувања спроведени во осум земји покажале умерена врска меѓу симптомите на предменструалниот синдром како грчеви, чувствителност на градите, промена на расположение и депресија од една страна и пиење алкохол од друга. Врската најмногу се изразува кај оние кои консумираат поголема количина алкохол, односно еден просечен пијалак дневно. Податоците користени во ова истражување потекнуваат од студии спроведени во САД, Велика Британија, Полска, Швајцарија, Турција, Јужна Кореја, Тајван и Австралија. Симптомите на ПМС кои се разликуваат од жена до жена најчесто траат до неколку дена пред циклусот, а секоја дваесетта жена има толку тешки симптоми што и го пореметуваат секојдневниот живот и работата. Истражување спореведено во САД покажало дека еконономските губитоци и здравствени трошоци по пациент кој се јавил поради ПМС и изостанувал од работа се врти некаде околу 5.000 долари годишно. Големиот број случаи сепак не се ни забележуваат бидејќи многу жени ги носат симптомите сами со себе. Во Европа и САД тие бројки се многу поголеми, односно околу 60 отсто од жените пијат во Европа од кои 13 проценти се тешки зависници. Според податоците, секој десетти случај ПМС во светот може да биде поврзан со конзумирање алкохол, односно секој петти во Европа.

Како да го ублажите предменструалниот синдром?

Горан Силјановски — Mon, 16 Apr 2018 11:57:08 +0000

Предменструалниот синдром (ПМС) е голем проблем за многу жени. Промената на нивоата на хормоните во телото предизвикува различни физички и емоционални симптоми како вознемиреност, ненадејни промени во расположението, нервоза, главоболка, замор, подуеност, појава на акни, чувствителност на градите и сл. Ако и вие сте дел од жените коишто страдаат од ПМС, тогаш добро знаете колку е нервозно, болно и депресивно секој месец да мора да се соочувате со истите проблеми. Добрата вест е што можете да ги ублажите или целосно да ја спречите појавата на симптомите на ПМС со помош на правилна исхрана.

ШТО ТРЕБА ДА ИЗБЕГНУВАТЕ?

Кофеин. Кофеинот ги прави симптомите на ПМС поинтензивни. Намалете ја консумацијата на кофеин од кафето, чаевите, газираните пијалоци и чоколадото. Така сигурно ќе ја намалите чувствителноста на градите што е чест симптом на ПМС.
Алкохол. Не консумирајте алкохол во периодот на последната седмица од вашиот циклус, затоа што алкохолот може да предизвика појава на депресија, замор и главоболки.
Слатка храна. Слатката храна (колачиња, торти, чоколадо) е омилена кај жените, особено пред крајот на месечниот циклус, но таа може да предизвика влошување на симптомите на ПМС. Ваквата храна предизвикува промена на нивоата на шеќер во крвта, а тоа води до промени во расположението.
Мрсна храна. И мрсната храна ги влошува симптомите на ПМС. Избегнувајте го црвеното месо, свинското, говедското и јагнешкото. Консумирајте повеќе пилешко месо и риба.
Сол. Консумирањето на големи количества сол преку исхраната е голема закана за вашето целосно здравје. Меѓу другото, солта го стимулира задржувањето на течности во телото и прави да се чувствувате подуено и неудобно. Колку што можете повеќе елиминирајте ја солта. За да го подобрите вкусот на храната, употребувајте зачини наместо сол.

ШТО ТРЕБА ДА КОНСУМИРАТЕ?

Млеко и млечни производи. Калциумот ви е најдобриот пријател во борбата против ПМС, а него го има во изобилство во млекото и млечните производи. Многу истражувања покажале дека калциумот ги редуцира симптомите на ПМС, особено симптомите како чувство на подуеност, грчеви и болки во стомакот и голема желба за консумирање на дадена храна (чоколадо, брза храна). Чаша млеко може да ви помогне и да ја намалите напнатоста и да се преборите со несоницата. Добро е да знаете дека витаминот Д ја помага апсорпцијата на калциум.
Банани. Вклучете банана во вашиот појадок, затоа што ќе ви помогне да ги избегнете непријатните промени во расположението во текот на денот. Бананите се богати со калиум (помага при грчеви и болки во стомакот) и витамини од групата Б (го намалуваат задржувањето на вода во телото со што ја намалуваат подуеноста и ги ублажуваат симптомите на депресија).
Спанаќ. Ова растение е богат извор на магнезиум, минерал којшто се смета дека влијае врз симптомите кои се појавуваат како резултат на ПМС. Магнезиумот може да го намали нивото на стрес, па нема да бидете толку избувливи во оној период од месецот. Исто така, недоволното консумирање на магнезиум може да е причина за појавата на главоболки, мигрена и замор.
Мрсна риба. Мрсната риба како лосос, скуша или туна ќе ви помогне да внесете есенцијални масни киселини во телото и да ја намалите болката во стомакот.
Вода. Пијте 6-8 чаши вода. Водата ја намалува подуеноста на стомакот, бидејќи му помага на телото да се ослободи од вишокот на течности.

Освен калциумот и магнезиумот, ваши пријатели во борбата со симптомите на ПМС се и витаминот А и витаминот Д, кои можат да го редуцираат појавувањето на акни. Добар извор на овие витамини се житарките, млекото и млечните производи, рибата, спанаќот, морковите и сл. Витаминот Б6 помага во намалувањето на грчевите во стомакот, но и ја намалува депресијата. Тој е застапен во мешунките (грав), јаткастите плодови, зеленчуците (моркови, спанаќ), јајцата, месото, рибата и житарките. Најголеми извори на витамин Б6 се лососот, пилешкото, бананите, авокадото и тиквичките.

(ФОТО) Ова е вистината: Девојка покажа што му прави менструалниот циклус на телото!

Слободанка Илиева — Mon, 22 Jan 2018 08:56:18 +0000

Предменструалниот синдром се појавува речиси кај сите жени, но во поголема или помала мера. Блогерката Малин Олофсон објавила неколку фотографии и ги споделила со нејзините следбеници на Инстаграм како нејзиното тело се менува за време на тие денови.

Предменструалниот синдром е поврзан со грчеви, мигрена, болки во грбот, потешкотии со циркулацијата, подуеност и зголемена телесна тежина. Бидејќи Малин ги има сите овие симптоми во екстремна форма, таа тоа го документираше со фотографии и ги сподели на социјалните мрежи.

На некои фотографии делува дека е трудна, но всушност нејзиниот стомак е само подуен.

“Некои од Вас ова веќе го имаат видено, но некои не. Некои ова го доживуваат секој месец. Другите се поштедени. Некои ова сега го гледаат како олеснување”, напишала и објаснала дека ова се визуелни знаци за ПМС.

“За некои е помалку екстремно, за некои повеќе. Вашиот стомак може да биде подуен и не треба да се срамите поради тоа, бидејќи Вашето тело не се чувствува добро бидејќи се бори со хормоните, а Вие внесувате повеќе вода во Вашиот организам. Да, непријатно е, но немојте да се уништувате себе си, сакајте се, сфатете дека Вие сте совршена и дека Вашето тело е совршено добро”. напишала Малина.