Ако се обидувате да добиете бебе, постои нов начин да се одредат плодни денови

Наташа Тасевска — Mon, 03 Sep 2018 15:32:01 +0000

Следењето на менструалниот календар, цервикалниот слуз, температурата се за одредување на плодните денови. Сепак, постои уште еден, LH тест, кој ја најавува овулацијата еден ден или два дена порано. Жените кои планираат бебе можат на многу начини да ги одредат плодните денови. Прво, се зема во предвид фактот дека плодните денови се случуваат помеѓу 10-ти и 16-тиот ден од циклусот. Два или три дена пред и еден ден или два по најплодниот ден, тие се идеални за сексуален однос ако планирате потомство. Првиот ден кога жената го добива циклусот, се смета за прв ден од циклусот, освен ако менструалниот циклус го добила во текот на ноќта, тогаш сметањето на првиот ден од менструалниот циклус се префрла на следниот ден. Природните знаци кои можат да ни помогнат да видиме дали сме во плодни денови, исто така, се базираат на мерење на температурата и следење на вагиналната секреција. Кога жената е во овулација, нејзиниот вагинален секрет изгледа како бело прање. Фоликулометријата е ултразвучен мониторинг на фоликулот, неговиот раст и ослободување на јајце клетката, и ако поради обврски или поради финансиски причини не сте во можност да испратите пет фоликулометрии, домашните овулаторни тестови се добра и сосема сигурна алтернатива. Кога домашниот тест е вистинското решение Некои жени немаат плодни денови во средината на циклусот, туку на почетокот, а фоликулометријата или домашниот тест лесно може да одредат дали жената припаѓа на таа група. Принципот на тестирање на домашните овулаторни тестови е едноставен. Слично како кај тестот за бременост, потребен е примерок од урина во кој стапчето кратко се става до контролната линија или како што е веќе напишано во инструкциите. Ако резултатот е позитивен, обично се чита многу брзо, но инструкциите велат дека не треба да чекате повеќе од пет минути за да ги прочитате резултатите. Однос ден-два позитивен резултат При утврдување на бременост, тестовите реагираат на HCG хормонот во урината, додека тестовите за овулација реагираат на покаченото ниво на лутеинизирачките хормони - LH. Овулационите анализи како што се LH траките го откриваат LH нивото во урината. Идеално би било тестот да се направи помеѓу 12 и 20 часа и да не се пијат течности најмалку два часа пред почетокот на анализата, така што нема да се разредува концентрацијата на LH хормон во урината и да се добие лажен негативен резултат. Скок на LH хормон во урината е показател за претстојната овулација. За разлика од тестот за бременост, не се препорачува прва утринска урина за тестирање на овулација. Треба да се напомене дека некои лекови може да влијаат на неточниот резултат за утврдување на овулацијата, на пример, лекови за подобрување на плодноста, особено оние кои содржат хормони FSH, LH и hCG, а потоа некои антибиотици кои содржат тетрациклин, како и хормонска терапија. Тестот се прави еднаш дневно. Обично се одредува седум дена до датумот на претстојната овулација. Ако овулаторниот тест е позитивен, тоа значи дека овулацијата ќе се појави во следните 24-48 часа. Исто така е најдобро време да се планираат насочени сексуални односи. Сомнежи за LH тест Кај нас, утврдувањето на плодноста со ЛХ тест не е толку вообичаен метод, така што жените со причина не се сто проценти сигурни во тоа. Покрај тоа, тие не се сигурни дали овулацијата може да изостане иако цервикалната слуз се појавува во вид на бело прање, или ако тестот за одредување на овулација не регистрира зголемување на лутеинизирачкиот хормон (LH). Одговорот е дека е можно да се има слуз како бело прање, но без овулација. Не е возможно да се овулира без појава на лутеинизирачки хормон, и можно е дека испитувањето за определување на овулацијата не покажува зголемување на LH, но овулација се јавува. Тестот, исто така, може да покаже лажен резултат кај жени кои неодамна се породиле или кои дојат, како и кај жени на возраст над 40 години кои се блиски до менопауза, може да имаат зголемено ниво на LH.

Три суптилни знаци кои откриваат дека жената е во плодни денови

Наташа Тасевска — Mon, 16 Apr 2018 13:14:18 +0000

Телото на жената испраќа мали сигнали за време на плодните денови. Препознајте ги! Ако вие и вашиот партнер сакате бебе, веројатно веќе сте почнале да следите кога сте во плодни денови и, според физичките симптоми знаете кога овулирате. Еве и некои симптоми кои можеби не сте ги знаеле:

Се вцрвенувате

Провидна, розова кожа е знак на младост и плодност, а според истражувањето спроведено на Универзитетот во Глазгов, кожата на лицето на жената во овулацијата може да стане жолтеникаво или црвеникаво. Ова се должи на хормонот естрадиол кој е засилен за време на овулацијата и така ве издава.

Бирате црвена боја

Според едно истражување спроведено во 2013 година, жените почесто ги избирале облеките во црвени нијанси кога овулираат, што објаснува зошто жените потсвесно избираат нијанса за да привлечат внимание кон себе.

Вашиот глас е поинаков

Можеби нема дури ни да забележите, но вашиот партнер би требало да го забележи тоа, ако обрне малку повеќе внимание. Во деновите кога жената е најплодна, гласот станува поизразен. Причина? Исто како што хормоните влијаат на грлото на матката, тие исто така влијаат на меките ткива на ларинксот, грлото и гласните жици, а варијациите во количината на овие хормони можат да предизвикаат варијации во количеството на крв, оток и задржување на водата во гласните жици, така што гласот станува помек или поизразен или ја менува бојата во зависност од периодот во циклусот.

плодни денови – Вистина.мк

Ако се обидувате да добиете бебе, постои нов начин да се одредат плодни денови

Три суптилни знаци кои откриваат дека жената е во плодни денови