Еве на кој начин Даниел Кајмакоски учестуваше на „Бeовизија“ во Србија

Христина Ѓоргиевска — Wed, 04 Mar 2020 09:43:00 +0000

Ова годинешното издание на „Евровизија“ ќе се одржи во Ротердам, Холандија. Државите кои ќе учествуваат веќе ги бираат своите претставници, па така Васил Гарванлиев со песната „You“ ќе ја претставува Македонија, а истата ќе ја промовира на 8ми март. Меѓутоа, деновиве во Србија се одржа „Беовизија“ односно музичко натпреварување на кое се бира кој ќе ја претставува Србија на Евровизија. На „Беовизија“ победија Hurricane со песната „Hasta la vista“, па така тие ќе ја имаат честа и одговорноста да претставуваат својата држава. Дарко Спејко на социјалните мрежи им поласка на победничките, па истакна дека заслужено победиле. Од друга страна и македонскиот пејач Даниел Кајмакоски имаше учество на „Беовизија“. Имено, тој ја направо музиката за песната „Плес за растанак“ со која Игор Симиќ се претстави на овој вид музичко натпреварување. Песната за неколку дена има повеќе од 67 000 прегледи, а во продолжение може да ја слушнете и да оцените какво дело направил Кајмакоски. Инаку, ова не е првпат Даниел да прави музика за песни. Пред неколку години тој работеше и на музичката нумера „Не се враќаш не“ која ја изведува Каролина Гочева.

плес за растанак – Вистина.мк

Еве на кој начин Даниел Кајмакоски учестуваше на „Бeовизија“ во Србија