плати – Вистина.мк

По жестоката битка Херд му плати милион долари на Џони Деп, а актерот веќе испланирал на што ќе ги потроши (фото)

Слаѓана Атанасова — Thu, 15 Jun 2023 07:58:22 +0000

Актерот Џони Деп откри дека ќе ги потроши парите од спогодбата со неговата поранешна сопруга Амбер Херд на пет различни добротворни организации. Херд конечно му плати на актерот од „Пиратите од Карибите“ 1 милион долари (1,4 милиони австралиски долари) од парите што му ги должеше по нивната жестока петмесечна правна битка. Деп ја доби својата тужба за клевета против неговата поранешна сопруга во јуни 2022 година, при што поротата утврди дека Херд го клеветела во нејзиниот авторски текст во „Вашингтон пост“ од 2018 година, каде таа рече дека била физички и емоционално малтретирана. На актерот му беа доделени 10 милиони долари (14,1 милиони АУД) како компензаторна отштета и 5 милиони долари (7,3 милиони АУД), подоцна намалени на 365.000 долари (538.896 американски долари) за казнена отштета. Поранешниот правен тим на парот се договори и осигурителната компанија на Херд конечно му плати на актерот 1 милион долари, со што случајот беше завршен. Според CNN, извор открил дека Деп избрал да ги потроши парите на пет добротворни организации, вклучувајќи ги Make-A-Film Foundation, The Painted Turtle, Red Feather, Tetiaroa Society и Amazonia Fund Alliance. Изворот исто така изјавил за TMZ дека Деп го избрал здружението „Painted Turtle and Tetiaroa“ за да им оддаде почит на неговите херои – основачите Пол Њуман и Марлон Брандо. Кога Херд објави дека ќе му ја исплати сумата на својот поранешен сопруг во декември, таа тврдеше дека тоа не е признавање на вина, туку шанса конечно да продолжи понатаму. Фото: Принтскрин/Профимедиа/Мајкл Ројнардс

Фолкерот доби пресуда: Швалерајот скапо го чинеше Халид Муслимовиќ, па еве колку треба да и плати на бившата љубовница (ФОТО)

Антонио Димитриевски — Thu, 26 Nov 2020 10:39:07 +0000

Основниот суд во Приједор донесе пресуда според која Халид Муслимовиќ е должен да и плати 70.000 евра на неговата поранешна љубовница Соња Башиќ на име на долг што му го платила преку Western Union во периодот помеѓу 2015 и 2018 година, додека тие биле вољубовна врска, а еден претприемач од Австралија му помогнал на пејачот финансиски и му позајмил пари. Предметната сума е 107 000 евра, а Соња му дала на Халид дел од парите, околу 37 000 евра, без доказ за плаќање. Бидејќи со години не можеше да си го наплати долгот, Башиќ ангажираше адвокат и го тужеше Муслимовиќ во судот во Приједор, каде по една година, беше донесена првостепена пресуда. Халид е должен да и плати на Соња 140.000 конвертибилни марки или околу 70.000 евра во рок од 30 дена. Останатите пари, споменатите 37.000 евра, кои таа лично му ги дала, судот не ги прифатил, па Соња ќе остане без тој дел од долгот. „Вистина е дека го добив спорот. Драго ми е што судот е објективен и што донесе пресуда во моја корист. Ова докажува дека нема никој посилен од државата и судот, дека корупцијата не е можна и дека, иако сте јавна личност, правдата е иста за сите“- рече Соња. Башиќ испраќала пари и на синот и ќерката на Муслимовиќ и има докази за тоа, и, како што се дознав, таа ќе ги тужи и ќе побара да и биде вратен и тој долг.

Милан Станковиќ ја извиси Милица Тодоровиќ: Требаа да снимаат дует, таа ја плати 10.000 евра песната, а тој исчезна и ја остави колешката… „со прстот в уста“!

Антонио Димитриевски — Thu, 07 May 2020 10:26:52 +0000

На Милица Тодоровиќ неодамна и беше понудена песна за дует што ја воодушеви штом го слушна почетокот. Таа веднаш рече: „Тоа е тоа! Купено! “ Потоа со денови се прашуваше кој може да го донесе текстот, да испее како што таа сака? Изборот падна на Милан Станковиќ со оглед дека тој не е многу експониран во медиумите во последно време, а има златен глас. На крајот на краиштата, хит дуетот би бил добар билет и за него, за да се врати на сцената, од која пејачки е отсатен. Милица го повикала Милан и му ја пуштила демо-снимката, ја раскажува приказната изворот - очевидец за „Свет“: „Милан беше воодушевен и рече дека тој сака тие да го сторат тоа заедно и дека му е многу драго што Милица се сетила токму на него. Сепак, имаше проблем со плаќање на песната. Бидејќи никој од авторите нема да ја држи песната на неодредено време во фиока, требаше таа да се купи што е можно поскоро. Милан доцнеше со денови да даде пари, а потоа тие се согласија дека Милица да ја плати, па тој ќе и гоја даде својата половина од парите подоцна и ќе го испее својот дел. Милица сакаше таа да биде снимена веднаш штом малку ќе стивне епидемијата. Откао мерките на владата во Србија се олабавија, таа го побара, а Милан со денови не одговара на повиците од нејзиниот телефон. Невозможно е тој не ги видел нејзините повици и пораки!? Милица остана со 'прстот в уста'... Таа сега не знае што да прави, дали да го чека или да бара некој друг за дует, бидејќи таа ја плати песната 10.000 евра. Веројатно Милан помислил дека е нејзин гостин во песната, и дека песната е нејзина. Или во меѓувреме некој го убедил да верува дека тој всушност би и 'направил голема услуга пеејќи со неа во дует, но работите не стојат баш така“ - вели изворот и додава дека албумот на Милица ќе биде хит и враќањето ќе биде на голема врата... А зафркантот Милан? само ќе изгуби! И како човек и како пејач!

Додека состојбите со коронавирусот кулминираат, децата на Заеви се луксузираат: Корона за цел свет, за Ева нов кабриолет (ФОТО)

Антонио Димитриевски — Sun, 22 Mar 2020 16:59:23 +0000

Корона кризата секојдневно влегува во нов пик, има се повеќе заразени, се повеќе починати во светот, а веќе и кај нас... И додека мора да седиме дома купувајќи време заразата да мине, времето не гази сите нас... Фирмите затворени, вработените распуштени, економијата на колена, а ако потрае оваа пандемија, набргу ќе имаме и „умрена“ економија. Лидерот на СДСМ Зоран Заев заборави дека повеќе не е премиер, па место техничкиот, тој тргна да најавува економски мерки... Демек солидарни! Минимална плата за сите... Мерки кои најмногу по џебот ќе ги удрат оние кои со тие пари не ќе можат да го поминат месецот, зашто и со својата „максимална“ плата ионака едвај крпат крај со крај, со маки спојуваат први со први. Сега, не ќе можат да ја истераат ниту првата седмица од месецот... На работниците на кои секое денарче им значи, минимална плата ќе им ја зaтвори и онака затворената врата од животот од Ковид 19. Никој не сака да седи дома, ама никој и не може да живее со 250 евра... Лесно им на Заеви и на пратениците, на министрите и градоначалниците, на политичарите од власта... Ним банкарските резерви им се на завидно ниво, па лесно ќе се откажат од платите, ама останатите? И додека Заев најави дека ќе крати плати на вработените, ниту тој ниту неговото пошироко семејство очигледно нема да биде меѓу серизоно оштетените. Доказ повеќе, последната фотографија споделена на социјалните мрежи, која иритира, провоцира и нервира... Додека состојбите со коронавирусот кулминираат, децата на Заеви се луксузираат. Внуката на Зоран Заев, ќерката на Вице-то, Ева, сподели фотографија на своите Инстаграм приказни, на која се пофали со нов автомобил, паркиран во дворот. Бела „Фолцваген - Буба“... Корона за цел свет, за Ева нов кабриолет!

Северина осудена за семејно насилство! (ФОТО)

Антонио Димитриевски — Fri, 25 Oct 2019 08:09:39 +0000

Пејачката Северина Којиќ е осудена за семејно насилство во судот во Загреб за испраќање грозни закани кон српскиот бизнисмен Милан Поповиќ, со кого го има син, Александар. Поради заканувачките пораки што ги добил по е-меил од Северина, Поповиќ поднел пријава за семејно насилство, во кое таа го омаловажува, навредува и нарекува со погрдни и навредливи имиња, и наведува на кој начини таа би го повредила, што било доволна основа за судска тужба. На 24 октомври се одржало судењето во општинскиот прекршочен суд во Загреб, во кое судот ја обвинил Северина за семејно насилство. Според изворот цитиран во случајот, во пресудата е наведено дека пејачката извршила психичко насилство врз Милан Поповиќ, што на жртвата му предизвикало повреда на достоинството и честа. „Северина е обвинета за семејно насилство со испраќање заканувачка е-меилови до Милан, споредувајќи го со Адолф Хитлер, изјавувајќи дека Хитлер барем некој го сакал. Таа исто така рекла дека ќе му ги скрши коските, а таквите како него го силуваат во затвор“ - изјавил извор близок до бизнисменот, додавајќи дека пејачката ќе мора да ги плати трошоците. Северина е должна да ги плати трошоците за прекршочната постапка од 3.000 куни, односно 45.000 српски динари, во рок од 30 дена, или во спротивно трошоците ќе бидат присилно наплатени. Во јуни годинава, Поповиќ ја пријави Северина Центарот за социјална работа во Загреб, обвинувајќи ја за семејно насилство.