пласман – Вистина.мк

Андријана Петрушовска со „Зајди зајди“ доминираше во „Ѕвездите на Гранд“: Изведба за ежење и восхит – „Ти си наша гордост“ (видео)

Слободанка Илиева — Mon, 11 Mar 2024 11:22:11 +0000

Најновото издание од шестиот круг на регионалното шоу „Ѕвездите на Гранд“ беше вистинско музичко доживување за гледачите. Како се стеснува кругот од најдобрите учесници, така шоуто станува се’ поинтересно, подраматично и повозбудливо. Особено кога на сцената настапуваат македонски таленти, тогаш посебна гордост е кога жирито веднаш реагира со глас, а нималку заобиколени не се ниту ласкавите комплименти кои се голем поттик за учесниците. Едно такво топење од убаво и стимул секогаш да биде на врвот на задачата и да избира што поголеми вокални предизвици, имаше скопјанката Андријана Петрушовска.

View this post on Instagram

A post shared by Andrijana Petrusovska (@andrijanapetrushovska)

Во овој круг Андријана издоминира уште откако стапна на сцена со својот визуелнен печат и изборот на песната „Зајди зајди“, публиката од старт ја награди со охрабрувачки аплауз. Облечена во црвена богата наметка и златно венче на главата во вид на круна, убавата Андријана блесна на сцената како никогаш досега. По првиот отпеан стих, жирито не додржа, а да не стисне на тастер за глас, а први беа Вики Миљковиќ, Марија Шерифовиќ и Цеца Ражнатовиќ, а по нив не ги поштедија дланките, а богами ниту пофалбите и останатите членови на жирито.

View this post on Instagram

A post shared by Andrijana Petrusovska (@andrijanapetrushovska)

Со изведбата на „Зајди зајди“ никој не остана рамнодушен, а исто и за втората песна, „Робинка“ од Брена кога нашата талентирана Македонка ја симна наметката и во склад со музичкиот избор беше компактана на сцената, возбудлива и впечатлива. Коментарите на жирито беа крајот кој го красеше делото, односно дека Андријана едноставно беше комплетен пакет без мана. Мили како нејзин ментор додаде дека Петрушовска оди само напред и прави срцето да му биде полно. Истото и го порачаа и следбениците на социјалните мрежи кои нагласија многупати дека е наша гордост – македонска. Според се’ она што се случуваше, следно ја гледаме Андријана во седмиот круг кога очекуваме нова комплетна доминација од кога повторно ќе не направи горди што имаме вака талентирана убавица која никого не остава рамнодушен. Настапот на Андријана можете да го погледнете на 1:16мин фото:Instagram printscreen/ andrijanapetrushovska/ Zvezde Granda

Цеца Ражнатовиќ му се обрати на Гудељ: Фолк ѕвездата на зетот му кажа само едно (фото)

Слаѓана Атанасова — Mon, 20 Nov 2023 12:26:55 +0000

Српската фудбалска репрезентација по 24 години пауза се пласираше на ЕП, а пејачката Анастасија Ражнатовиќ редовно ги следи фудбалските случувања, особено затоа што е вљубена во фудбалерот Немања Гудељ. Таа го поддржува речиси на секој натпревар, а сега особено се радуваше поради успесите на фудбалерите, чија игра со внимание ја следела. По пласманот таа веднаш објави фотографијата од Гудељ. - Љубов моја - напиша Анастасија и додаде емотикони од срце. - Навиваме од кола! Одиме! – напишала Цеца во својата прва објава на Инстаграм. - Фала ти Боже! - изјави Цеца потоа, откако репрезентацијата на Србија обезбеди пат на Европското првенство. Фото: Принтскрин/Инстаграм/Цеца Ражнатовиќ/Анастасија Гудељ

Аца Лукас никогаш подиректен: „Поради овој човек Марија Шерифовиќ победи на Евровизија“ (видео)

Слободанка Илиева — Fri, 28 May 2021 08:29:28 +0000

Аца Лукас беше гостин на утринска програма, меѓу другото зборуваше за овогодинешната Евровизија и пласманот на Србија, па ги затекна сите со својата изјава. - Очигледно нешто шкрипеше таму, имавме успех на Евровизија, победи Марија Шерифовиќ, Јоксимовиќ беше втор, Бојана Стоименовиќ беше во најдобрите осум, во сите три случаи еден човек стоеше зад сè, тоа е Саша Мирковиќ, за да разбереме дека тоа значи дека има нешто таму, штом учествуваше на сите наши добри пласмани, тоа значи дека е до менеџментот, рече Лукас.

View this post on Instagram

A post shared by Sasa Mirkovic (@sasa_mirkovic_official)

Бура од емоции – ново видео за македонските фудбалски херои

Антонио Димитриевски — Sat, 14 Nov 2020 10:17:23 +0000

Победата над Грузија, солзите радосници, пласманот на македонската фудбалска репрезентација на Европскот првенство. Бура од емоции во 3 минути. Уживајте во видеото на Maртин Пресилски од Прилеп, посветено на историскиот успех на македонските фудбалски репрезентативци. https://www.youtube.com/watch?v=hwN66PvERxg&feature=emb_logo

Македонија на ЕП во фудбал 2021- ова се најинтерсните моменти по натпреварот: Фудбалерите пејат, народот слави, нацијата се радува, Заев се срами да го спомене името… Македонија! (ФОТО+ВИДЕО)

Антонио Димитриевски — Fri, 13 Nov 2020 09:26:15 +0000

1. Македонската фудбалска репрезентација за прв пат во историјата се пласираше на едно континентално првнество, ЕП 2021. Фудбалерите на Македонија ги победија избраниците на Грузија, сонот на Горан Пандев стана јаве, но и сонот на многу генерации фудбалери кои го носеле националниот дрес за прв пат се претвори во реалност - за прв пат да се игра во завршницата на едно големо натпреварување, мзаедно со елитата, меѓу најдобрите. Пробивот на Елмас во 56 минута, додавањето од Несторовски и маестралната завршница на нашиот капитен Горан Пандев, беше доволна за победа во финалето од Лигата на нации против Грузија во Тбилиси. Радост и еуфорија, ерупција од емоции и воодушевување, прослава и радост во душата, која сега навистина има зошто да се радува.

2. Славеничката еуфорија започна со „историскиот говор“ за историски момент на коментаторот на МТВ, Тони Стојановски кој со колегата Горан Стерјов го коментираа натпреварот. „Сега душата се радува, затоа што има зошто душа да е“... 3. Славењето започнува уште на теренот, помеѓу нашите фудбалери, селекторот, стручниот штаб... Од душа и срце, со песна и оро... Но тука започнува и „рецензијата“ на „болните умови“. На снимката објавена од „Спортклуб“ на Јутјуб не е скратен делот кога фудбалерите ја пеат песната „Едно име имаме“. Тој дел засега не може да се најде на други снимки објавени на интернет. Вака изгледаше и звучеше нивниот израз, нивниот излив на национална радост. https://www.youtube.com/watch?v=8LAVAyF9eRw&feature=emb_logo 4. Еуфоријата на „македонските рисови“ од теренот продолжи во собата за прес-конференциии. По „Едно име имаме“ и „Бисер балкански“, пред светските новинари македонските репрезентативци ја запеаја и најпознатата навивачка химна: „Излези момче право на тераса“... https://www.youtube.com/watch?v=DN-JdF-b1NA&feature=emb_logo 5. Победничка еуфорија во Тбилиси, славеничко лудило ширум Македонија... Од престолнината Скопје, Тетово, Битола... па се' до родната Струмица на најголемиот, на нашиот гранде Пандев. Највесело пред семејната куќа на Пандеви во Струмица, каде се случуваше вистинска навивачка атмосфера. https://www.youtube.com/watch?v=JNvjo7yeiP0&feature=emb_logo Пандеви се гордоста на Струмица. Неговиот помал брат, фудбалерот Сашко Пандев славеше со „Бисер балкански”, a изведбата беше на Џамбо Агушев и неговиот плех оркестар Агушеви. 6. Врие на улиците, но најмногу врие на социјалните мрежи, кои се преполни со честитки, од обични луѓе преку познати и јавни личности, естрадни фѕвезди, од спортисти до политичари, па до сите оние кои ја сакаат Македонија, го сакаат спортот, кој пак е единствената екстаза, единствениот мелем за душата да се радува во овие луди, тешки и неизвесни денови. Пораките и честитките не можат да се добројат, меѓу нив и оние на нашите херои од најтрофејниот македонски колективен спорт - ракометот. Лазаров, Стоилов, Ристовски, Митревски, Кузмановски… кошаркарите како Војдан Стојановски, но и редица други македонски асови и репрезентативци од останатите федерации заедно се радуваа и им честитаа на фудбалерите на овој голем, историски успех. 7. Владата вечерта со почеток во 20 часот преку видеоконференциска интернет комуникација ја одржуваше 20-тата седница. Човекот кој во големите спортски победи не ѝ го спомнува името на земјата која се радува вечерва ја води седницата во дресот на македонската репрезентација. „Жално, но историскиот пласман на Европското фудбалско првенство 2021 го славиме во време на најголемото предавство на чело со квислингот облечен во националниот дрес. Историскиот успех на македонските репрезентативци Заев им го честита не споменувајќи го името на нивната татковина“ - пишуваат македонските портали. 8. Реакциите на „срамното обраќање“ на премиерот веднаш следат на социјалните мрежи. Меѓу првите, Наум Стоилковски, потпаролот на ВМРО-ДПМНЕ, во свое и името на партијата му возврати на Заев со порака: 9. Во меѓувреме, се редат и други бројни коментари на социјалните мрежи, меѓу кои оние на актерот Сашо Тасевски, вообичаено остри и бескомпромисни: „Едниот струмичанец само збори за Европа, другиот не однесе во Европа – напиша Тасевски, па потоа му испрати и тој порака на Заев: „Дечко после ова вечерва и екстазата по пласманот на европско, треба да сфатиш, за шиткање на идентитетот македонски не смееш да помислиш ни во најлошиот кошмар. Ќе му се јавиш на Бојко, ќе му речеш: 'Извини, јас малку се занесов кога дојдов на власт, па не се сеќавам што ти ветив. Ама што и да сум ти ветил, не се важи. А вие како наши соседи поканети сте да навивате за Македонија, само треба да научите една навивачка песна. Вака отприлика почнува: Излези момче право на тераса…“ - напиша актерот. 10. Ама што дека... И кога доцна вечерта репрезентацијата беше пречекана од премиерот, Зоран Заев не кажа за која држава играа фудбалерите. „Еден гол за сите, една победа за сите! Така е кога заедно играат Македонци, Албанци, Турци… во исти дресови, под исто знаме и за заедничката татковина“ - изјави Заев, кој како и во претходните честитки „вешто“ избегнуваше да го каже името што фудбалерите гласно го повторуваа, што предизвика нови реакции во јавноста. 11. Но, не беше само Заев „вештиот ескиватор“ кога е името во прашање. Некои од приврзаниците на СДСМ, меѓу кои и познати естрадни и јавни личности и новинари, отидоа дури и подалеку и тоа уште за време и веднаш по ТВ преносот, па побараа „линч“ за коментаторот Тони Стојановски заради неговиот излив на национални чувства?! Патриотизмот некого, очигледно многу го боли?! Така, луѓе блиски на СДСМ на социјалните мрежи барат отказ за начинот на кој коментаторот на МТВ Тони Стојановски го коментираше мечот против Грузија на кој Македонија се пласираше на ЕП во фудбал 2021. Стојановски во коментарите не нападна никого, ниту пак ширеше говор на омраза, но неговите достоинствени коментари кои можат да се квалификуваат како промакедонски ги испровоцира приврзаниците на СДСМ да го навредуваат со погрдни зборови и да се бара негово казнување, дисциплинска мерка, па дури и отказ. “Ако коментаторот не добие ОТКАЗ од МРТВ значи брука сте. Политички говор на спортски натпревар значи е прекршување на сите спортски правила”, пишува една приврзаник на премиерот Заев по што неколку други жестоко го напаѓаат Стојановски, без да приложат било какви аргументи за нивните навреди. 12. Социјалните мрежи се исполнети со фотографии, честитки, пораки, коментари… Успехот на македонските фудбалери со пласманот во завршницата на едно ЕП е засега единствен, прв, од ваков вид, историски... Оние пак кои имаат хоби со години да ги собираат сликичките за големите натпреварувања, едвај чекаат да почне „манијата“ – Македонија на Европско во „Панини“ албум. Додека излезе официјалниот албум, еден фудбалски фан подготви симулација како би изгледале нашите момчиња во оваа „колекционерска фан лектира“. Мрме, Гоче, Елиф, Нестор, Џани... и останатите - едно големо БРАВО! Вие сте нашите фудбалски херои, гордоста на нацијата, репрезентацијата во чиј дрес се гине... на терен! Македонијо, многу среќа, нови победи и успех и на нашето прво ЕП 2021!

Пресврт: Евровизија ја призна грешката, Македонија е прва од жири и седма во финалето!

Слободанка Илиева — Thu, 23 May 2019 06:42:42 +0000

Сосема неочекувано, вчеравечер на официјалната страница на Евровизија, европската радиодифузна унија објави грешка во гласањето и коригирани резултати кои се однесуваат токму на македонската песна „Proud“ и Тамара Тодевска. Имено, во соопштението се неведува дека имало грешка во белоруското гласање на жирито. По ревидираните резултати, нашата песна е прогласена за прва од гласовите на стручното жири од 41 земја која гласаше на финалната вечер.

Ова исто така влијаело и на финалниот пласман на Македонија, со што наместо осмо место, сега и официјално се искачивме една позивција погоре, односно првпат на Евровизија стоиме на 7-мо место. По ваквата објава се огласи и Тамара на социјалните мрежи и вели дека сега е уште посреќна.

Каква прекрасна вест. ЕБУ само што ни потврди дека поради грешка во Белоруското гласање, нашата земја е всушност прва од жири и седма во финалето на Евровизија. Не можам да ви опишам колку сум среќна! Ве сакам сите! - пишува Тамара на својот Инсатграм профил.

Инаку, од ЕБУ нагласуваат дека ова не влијаело на телефонското гласање од 41 земја и дека првопласираните четири држави остануваат исти.

Тамара ја лансираше Македонија на врвот: Гордо и маестрално ја сменивме македонската историја на Евровизија, а на Европа и покажавме како се пее!

Слободанка Илиева — Sun, 19 May 2019 06:00:33 +0000

Тамара Тодевска со својата изведба и пласман на 64-то издание на Евровизија, ја остави својата нација без здив како никогаш досега. За оние кои не веруваа дека може да се случи нешто вакво, имаше доволно време дури да размислат и како Македонија ќе ја гради салата по нашата победа, откако повеќе од половина час „Proud“ беше на првата позиција според гласовите на жирито од 41 земја. Настапивме осми по ред во првата половина на финалето, а иако обложувалниците прогнозираа дека ќе завршиме од 14-та до 12-та позиција, крајот покажа поинаку.

Уште на почеток гласовите од жирито ги добивме речиси од секоја семја, а 12 поени имавме од Австрија, Велика Британија, Албанија, Молдавија, Швајцарија и Србија. Токму кога имавме повеќе од 30 поени пред Шведска, гласањето на Словенија беше пресекот кога падна нашето бодовно салдо, а исто така и само 1 поен од јужните соседи.

Сепак, токму таквата возбудувачка бодовна позиција, која никогаш не сме ја почувствувале, не натера да бидеме еуфорични и да помислиме дека ете и ние можеме, со маестралниот вокал на Тамара која на Евровизија одржа час по пеење и емоција на сцената. Бевме горди со постигнатото на нашиот тим! Се водевме по мотото на натпреварот „Осмели се да сонуваш“, а ние освен сонот, знаевме како напорно да работиме со селкцијата на вистинските!

Со гласањето на жирото „Proud“ заврши на второ место со само 2 поена зад Шведска. И токму кога не очекувавме, на крајот се случи пресврт, па по гласовите на публиката добивме скромни 58 бода и завршивме на осмото место на финалната табела со 295 поени. Тамара Тодевска неколку часа по возбидливото евровизиско финале во Израел се огласи на својот Инсатграм и напиша:

Ова се само некои од луѓето кои направија мојот сон да се исполни. Бидете опкружени со вистинските луѓе и верувајте ми, секогаш ќе бидете горди! - пишува Тамара на својот Инсатграм профил.

Македонија ја промени својата историја на Евровизија и добивме пласман со 4 места погоре, а со тоа за првпат влеговме во најдобрите или ТОП 10. „Горда“ е дело на Роберт Билбилов, Лазар Цветковски и Дарко Димитров, автори на музиката и аранжманот , а текстот го напишаа Коста Петров и Сања Поповска. https://www.youtube.com/watch?v=0pAURAsum4A