планинарка – Вистина.мк

Илина Арсова од САД „распали“ по жолтиот печат во родната Македонија (видео)

Слаѓана Атанасова — Tue, 13 Jun 2023 07:24:01 +0000

Илина Арсова, македонската алпинистка, сликарка и писателка која на македонската јавност и е особено попозната и по неуспешната љубовна врска со познатиот македонски шоумен Игор Џамбазов, се обиде да им сугерира на таблоидните медиумите и да ги едуцира што всушност народот бара да слуша и чита, наместо да пишува за нејзиниот градник кој го носи и кога ужива на плажа и кога искачува. Таа со варијабилна интонација на гласот апеираше до сите медиуми особено до жолтиот печат да се фокусираат на важните работи на нејзиниот успех во качувањето планини, на пофалбите за завршувањето на првата година од докторските студии со одличен успех, трите изложби, новата експедиција за која се подготвува и за која добила гранд, дека учествувала на три научни конференции... Наместо тоа Арсова е разочарана и незадоволна од тоа што јавноста, а таа го добива како информации во јавноста кои се однесуваат токму на неа. Па, така Илина сите овие факти ги сублимираше, бидејќи нејзиниот личен впечаток е баш таков кој се сведува само на деикриминација и моделот на женскиот градник кој жената ја прави или супериорна или лесна. Од видеото се забележува дека Илина доста се променила и нејзиниот начин на живот во Соединетите Американски држави каде што се пресели си го направиле своето и реакциите веќе потсетуваат на некои македонски познати јавни личности кои заминале да живеат надвор од границите на Македонија. - Еве да ве поздравам од САД од Дивиот Запад и да ви кажам дека ... да интересно... уште нема по медиумите ...Но, на пример освен мојот спортски градник што го носам на плажа и кога качувам има и други поинтересни приказни на пример за жолтата штампа, нели. на пример дека завршив прва година на докторски со одличен успех и дека имав три изложби и дека качувам секој ден и дека се спремам за нова експедиција и дека добив гранд за истото и дека презентирав на три научни конференции и така мислам дека има и поинтересни содржини за кои што народот сака да слуша и чита. Поздрав - заврши Илина Арсова со видео обраќањето упатено до јавните гласила. Нејзините следбеници пак, ја посоветуваа да не се грижи што пишува жолтата штампа, туку таа самата да биде горда на тоа што го прави упатувајќи и честитки за она со што таа се пофали дека успеала да го сработи и направи за чиста десетка. Дали нејзиниот апел ќе вроди плод или уште понегативни чувства, дали „грдото“ ќе го узурпира просторот кој таа го нуди како алтернатива на работи за кои таа смета дека треба да бидат во фокусот на вниманието ... Јавната работа затоа се вика и јавна. Затоа, секој по својата работа!

Игор Џамбазов „го отпишаа“, а тој се потруди да појасни од каде и какви му се последиците (ФОТО)

Антонио Димитриевски — Wed, 31 May 2023 09:05:29 +0000

Игор Џамбазов постојано е преокупиран со разни нешта... Откако беше промотор на промоцијата на автобиографската книга „Живот на коцка“ на Велибор Џаровски - Џаро, Џамбазов сега е преокупиран со блузот... Поточно со излегувањето на новиот албум, чии песни од првите 30 години кариера заедно со неговиот верен придружник и музички компањон Гуру Харе, ќе бидат објавени на ЦД. „Со Гуру Харе прославуваме 30 години од првиот заеднички проект. Албум со 17 оригинални македонски блузови што ги слушавте и сакавте сиве овие години, но и некои нови, за сите блуз-сладокусци...“ - споделил Џамбаз покрај фотографијата со обвивката на претстојното ЦД. А, блузот не е блуз ако не се свири во живо, па тоа двајцата „блуз пајташи“ со нивниот придружен бенд постојано и го прават секаде каде што може да се свири и настапува, низ цела Македонија. Една фотографија од последните настапи, каде е во полн изведувачки занес на сцената, Џамбазов споделил со своите следбеници, од кои некој веројатно му забележал дека се поправил, па гитарата наместо на средина, заради стомакот му стои малку настрана. Луцидниот мултимедијалец веднаш се потрудил да појасни „каква е оваа ситуција“, поточно што е причината за „вишокот околу стомакот“? Ми викаат: „Пак си се здебелил“? Им викам: „Ееее, ме отпишаа од планинарското...“ - им одговорил Игор асоцирајќи дека не е повеќе така физички активен откако во неговиот живот ја нема планинарката Илина Арсова, па сега нема на што да се качува... Да се разбереме, на планините се мисли и бројните прошетки во природа низ убавините на Македонија... Нешта, што ги практикуваше додека траеше врската со планинарката! Арно ама, како по некое старо непишано правило, кога „од едно ќе те отпишат во друго те запишујат“, па така изгледа дека Џамбазов е мошне редовен со своето присуство онаму каде од физички напор најтешко е да се кренат ножот, вилушката или лажицата и евентуално... чашата! Епа... таква е оваа ситуација... Наздравје! Фото: Фејсбук и Инстаграм принтскрин/igordzambazov

Македонскиот пејач и убавата планинарка наскоро ќе станат родители: Бремената Ирина и со нараснат стомак е на врв (фото)

Слободанка Илиева — Thu, 18 May 2023 07:00:54 +0000

Македонскиот музичар и уметник Павле Камилоски и неговата избраничка, планинарката Ирина Дишовска, наскоро ќе станат родители. Убавата Ирина е во поодмината бременост, а уште од почетокот кога дознаа дека семејството ќе стане поголемо, открија дека ќе добијат машко бебе, бидејќи медицината сега тоа го овозможува уште од рана фаза. Познатиот тенор и планинарката според медиумите важат за еден од најшармантните македонски двојки, а тие пак со гордост сакаат да обзнанат за убавите моменти во нивните животи. Ирина иако е во третиот и последен триместар од бременоста никако не се откажува од љубовта и активноста во природа. Иако со стомак до заби, Ирина е витална идна мама која нема проблем да се качи дури и на врв. Нејзините „стори“ од Инстаграм наидуваат на воодушевување кај следбениците кои не ретко знаат да и поласкаат. За потсетување, Павле и Ирина се венчаа во месец февруари, а за бременоста открија претходно кон крајот на месец декември. Инаку, Камилоски со проектот „Мала Италија“ освои безброј срца, при тоа доближувајќи ја медитеранската музика до публиката, а неговиот репертоар опфаќа голем број хитови како оние на Френк Синатра, Дин Мартин, Мајкл Бабл.

Се ожении пејачот Павле Камилоски: Негова животна избраничка е планинарката Ирина Дишовска (ФОТО)

Антонио Димитриевски — Sat, 25 Feb 2023 11:07:12 +0000

Пејачот Павле Камилоски и планинарката Ирина Дишовска вчеравечер, петок, 25 февруари се заколнаа на вечна љубов пред себе, пред Бога и државата. Свадбената веселба ја започнале во домашна атмосфера со изворна музика. Потоа обајцата застанале пред олтар во прекрасната црковна церемонија и на крај го ставиле својот потпис во матичната книга на венчани, за конечно прославата да кулминира во еден познат скопски елитен ресторан. Сестрата на Павле, кулинарката Софка Камилоска, сподели низа фотографии и видеа од свадбата. Меѓу присутните гости имало и познати и јавни македонски личности и ТВ лица, како Миа Костова и Елена Најдоски. Ирина била прекрасна невеста, променета во тесна бела креација со пердуви, која го наговестувала нејзиното трудничко стомаче, а пред тоа носела уште една прекрасно креирана бела венчаница, додека Павле зрачел со елеганција во свечениот црн свадбен костум.

Тело за 10-ка: Илина Арсова е најзгодната женска во бикини на охриските плажи (фото)

Слободанка Илиева — Fri, 03 Jun 2022 07:22:22 +0000

Илина Арсова, првата дама од Македонија што ги искачила нaјвисоките врвови на сите континенти, периодов ужива во убавините на Македонија. Илина често е на пат околу светот во своја мисија за искачување на високи планински врвови, но периодов е на домашен терен. Деновиве саканата на Игор Џамбазов беше во женско друштво во Охрид од каде испрати еден фото- поздрав во бикини за кој напиша:

View this post on Instagram

A post shared by Ilina Arsova (@ilina_arsova)

-Само нормална жена на возраст околу 40 години,фотографирана на охридско езеро по утринско прливање. Експресијата на телото покажува задоволство, став и задоволство, моментот во напишаното од коментарот дека е само нормална жена, многумина од нејзините следбеници и почитувачи не се согласија и порачаа дека Илина е многу повеќе. -Прекрасна,олицетворение за природно,нежно, но сепак јако суштество, поглед кој зрачи со истрајност,искреност и спонтаност, гласи еден од комнтарите.

View this post on Instagram

A post shared by Ilina Arsova (@ilina_arsova)

И навистина... Во време кога женската убавина е сведена на корективна естетика во комплетна свисла, природниот спортски изглед на Илина во бикини е врвот. Инаку, деновиве во Кочани се одржа промоција на најновата книга „Седумте” на Илина Арсова, а на претставувањето на делото присуствуваа голем број љубители на планинарењето, извидници, екологисти и вљубеници во пишаниот збор, при што беше истакнато дека тоа содржи патописи за љубовта, планините и за уметноста, и претставува документ за патешествијата и подвизите на Арсова, што оставаат неизбришлива трага во историјата на македонскиот спорт.