Избраничката на Роналдо го доби најубавиот подарок со кој не можеше да не се пофали (фото)

Слободанка Илиева — Tue, 08 Aug 2023 11:00:22 +0000

Долгогодишната партнерка на Кристијано Роналдо, Џорџина Родригез, живее на високо ниво и често се фали на социјалните мрежи со подароците што ги добива или со скап шопинг. Една од најпознатите партнерки на фудбалери ужива во луксуз и не се срами тоа да го покаже на сите, поради што често е мета на критики. За неа често се слушаат негативни коментари бидејќи Роналдо и плаќа над 100.000 евра месечно, кои таа ги троши по сопствена дискреција, но често се заборава и дека Џорџина води неколку успешни бизниси, а исто така е и претприемач. Како и да е, нема сомнеж дека нивниот однос е хармоничен и полн со љубов, во кој добија пет деца. Денес, таа покажа посебен подарок, кој сигурно и вреди повеќе од која било чанта или автомобил што некогаш го добила, бидејќи овој знак на внимание е навистина бесценет. Џорџина објави плакета која сигурно не чини ништо во споредба со сите работи што ги има во нејзиниот плакар, кутија за накит или гаража. Плочата е доволно мала за да ја собере во нејзината рака, но на неа е испишан најголемиот комплимент што една жена може да го добие: „Најдобра мама“. Не се сомневаме дека беше воодушевена што го доби овој прекрасен знак на внимание од нејзините деца и дека овој подарок ќе го цени засекогаш, особено што истакна дека ова е најдобриот подарок што го добила во нејзиниот живот. Да потсетиме дека Џорџина и Кристијано станаа родители за првпат заедно кога парот најми сурогат мајка, а во јуни 2017 година во нивниот живот влегоа близнаците Ева Марија и Матео. Потоа, во ноември 2017 година, Џорџина ја роди ќерката Алана Мартина, а на 18 април 2022 година ги роди близнаците Ангел и Бела Есмералда. За жал, Ангел почина набрзо по породувањето, што беше голем удар за ова семејство. Роналдо има и син од претходната врска, а фудбалерот го вклучува во сите активности на ова големо семејство. фото: Инстаграм/Guliver Getty Images

Добриот глас надалеку се слуша, но најдраго е кога ќе те признаат дома: Ленче Кукиќ родното Босилово ја одликуваша со плакета (ФОТО)

Антонио Димитриевски — Mon, 18 Apr 2022 08:57:39 +0000

Легендарната македонска фолк пејачка Ленче Кукиќ пред неколку дена се закити со уште едно значајно признание кое овојпат дојде од нејзиното родно Босилово. Имено, градоначалникот Ристо Манчев и Советот на општина Босилово, на свечената седница по повод 70-годишниот јубилеј на општината и доделија Плакета за значаен придонес и промоција на општина Босилово во областа на музиката. Со овој гест покажаа дека кога вистинските луѓе ќе дојдат на вистински места, знаат и умеат да ги препознаат и вреднуваат и вистинските вредности! Оваа плакета очигледно особено емотивно ја трогна пејачката, па таа преку својот Фејсбук профил јавно им се заблагодари на општинските челници за укажаната чест и внимание. Оние кои добро се сеќаваат на Ленче од нејзините почетоци знаат дека нејзиното презиме е Дедејска и дека името го градела уште додека била девојче. Нејзиното појавување на естрадата беше вистинско освежување за музичката сцена, а музичките стручњаци ја прогласија за наследничка на легендарната Петранка Костадинова. Успешна кариера на пејачката трае повеќе од 30 години. Најпрво со групата „Пицикато“, а потоа како соло пејачка и сега со својот сопруг пејачот и музичар Горан Кукиќ. Настапувала на многубројни фестивали на народна музика, на многу сцени во Македонија, а Ленче е добитничка и на голем број награди: од успешен дебитант до први награда на жирито, награди за најдобра интерпретација и награди од публиката на многубројни фестивали. Во последната сезона на регионалното музичко шоу „Никогаш не е доцна“, таа ја однесе победата со што ја запозна и целиот регион. Ленче Куќиќ во текот на целото шоу добиваше само позитивни коментари од страна на жирито, а во една прилика Ацо Пејовиќ ја нарече и македонската Адел. Инаку, неколку сезони пред неа, победата ја однесе и нејзиниот сопруг Горан Кукиќ! По оваа победа стана многу барана и во регионот, на просторите на поранешна Југославија, а наскоро за „Гранд продукција“ треба да излезе и нејзиното ЦД со македонски и српски песни, со што за Ленче се отвора едно ново, уште поинтересно поглавје во кариерата. Таа заедно со сопругот веќе често настапуваат во соседството, а нејзината новоснимена песна „Бисер“ за „Гранд продукција“ е вистински хит. https://www.youtube.com/watch?v=gN-BA8GEYOw Фото: Фејсбук принтскрин/Lence Kukic

плакета – Вистина.мк

Избраничката на Роналдо го доби најубавиот подарок со кој не можеше да не се пофали (фото)

Добриот глас надалеку се слуша, но најдраго е кога ќе те признаат дома: Ленче Кукиќ родното Босилово ја одликуваша со плакета (ФОТО)