плачење – Вистина.мк

Плачењето може да биде добро: Еве зошто не треба да ги задржувате солзите

Слаѓана Атанасова — Wed, 22 Nov 2023 13:30:48 +0000

Плачењето е исклучително здраво и помага при воспоставување на внатрешна емоционална рамнотежа во кризни ситуации. Како и да е, тоа е дел од нашето секојдневие, кое го прифаќаме такво какво што е. Според некои научни испитувања, почестото плачење е една од поважните причини поради кои жените живеат подолго од мажите, кои поради социјалните предрасуди ја избегнуваат таа навика. Следуваат неколку начини на кои феноменот кој го нарекуваме „плачење“ нè лечи како физиолошки, така психолошки и духовно: - Солзите ни помагаат да гледаме. Најосновната функција е да ни овозможи да гледаме. Тие не само што ги навлажнуваат очните капаци, туку и ја спречуваат дехидратацијата на разните очни мембрани. Без тоа навлажнување не би имале вид. За луѓето без плачење, животот би бил драстично поразличен, очите би почнале да болат, а видот би почнало да го снемува. - Солзите ги убиваат бактериите. Баш поради солзите нам не ни требаат никакви средства за дезинфекција на очите. Сите бактерии кои секојдневно доаѓаат во контакт со очите при работа на компјутер, возење со автобус, или при вршењето на домашните работи, успешно се отстрануваат со солзите кои имаат таква структура што делуваат антибактериски. Тие во себе содржат лизозим, течност која во рок од 5-10 минути убива 95% од бактериите. - Солзите ги отстрануваат токсините. Во најновите научни студии откриено е дека солзите предизвикани со негативни емоции содржат повеќе токсини од оние предизвикани со различни иритации (пр. сечење кромид). Таквите солзи делуваат многу позитивно затоа што од телото ги отстрануваат штетните работи предизвикани со стрес. - Плачењето може да го поправи расположението. Плачењето кај луѓето е поврзано со намалување на концентрацијата на хемиските соединенија кои се поврзуваат со нервозата, агресивноста, емоционалната вознемиреност и загриженост. Емоционалните солзи исфрлаат посебни протеини кои инаку служат за пренос на мали токсични молекули. - Плачењето го намалува стресот. При сите научни тестирања утврдено е дека кај луѓето што плачат се намалуваат негативните ефекти од стресот. Докажано е и спротивното, воздржувањето од солзи го зголемува нивото на стрес и го поттикнува појавувањето на болести како на пример, висок крвен притисок, срцеви проблеми и појавување на чир во желудникот. - Солзите зближуваат. Солзите не само што помагаат за добро здравје, туку и ги зајакнуваат и врските помеѓу луѓето. Со заедничкото плачење луѓето се зближуваат и стануваат потолерантни едни кон други. Солзите помагаат во побрзото воспоставување на комуникација. - Солзите ослободуваат чувства. Дури и ако во животот не сме доживеале ништо драматично, секојдневно акумулираме мали незадоволства и конфликти. Тие предизвикуваат хемиски промени во подрачјето на нашето срце и мозок. Плачењето има моќ на прочистување. Тоа од нас ги отстранува нашите мали внатрешни демони пред да се зголемат и да предизвикаат поголеми проблеми. Извор: Попара.мк

Зошто плачеме додека гледаме филмови? Еве по што се разликуваат овие луѓе од оние кои ги кријат чувствата

Слободанка Илиева — Wed, 13 Sep 2023 10:51:24 +0000

За некои тоа е знак на слабост, но Пол Џ. Зак, професор на американскиот универзитет Клермонт, во своето истражување покажа дека луѓето кои плачат додека гледаат потресни филмови се поемпатични, ментално посилни, поспособни да се справат со емоциите и да се соочат со секојдневните предизвици од луѓето кои ги потиснуваат своите чувства. Еве што всушност се случува кога гледате филм и се чувствувате како нешто да ве гуши и почнувате да ги бришете солзите: Луѓето се свесни дека филмот не ја претставува реалноста и дека приказната на екранот е измислена, но многумина не можат да ги задржат солзите кога ќе видат емотивна сцена, бидејќи не сакаат да ги задржат своите емоции, вели професорот Зак. Окситоцинот, хормонот на среќата, делува како невротрансмитер и е одговорен за она што го чувствуваме кога сме сведоци на сцена. Реагираме според тоа чувство, кое подоцна не поттикнува да дејствуваме позитивно. Накратко, овој хормон не прави посочувствителни и поприемливи за ситуациите околу нас. – Луѓето кои не се срамат да плачат додека гледаат филм се ментално посилни од оние кои се обидуваат да ги сокријат солзите – вели професорот Зак. – Доволно се храбри да ги изразат своите емоции, без да се плашат дека другите ќе ги критикуваат. Тука повторно треба да му се оддаде признание на окситоцинот, бидејќи кога сочувствуваме со луѓето на екранот, покажуваме дека не се плашиме да се залагаме за она што мислиме дека е правилно. Истражувањата покажаа дека луѓето кои плачат додека гледаат филм знаат колку солзите се лековити и дека понекогаш е неопходно да им се препуштите. Имено, ова им дава можност да постигнат поголема емоционална стабилност во споредба со луѓето кои ги кријат своите чувства. Од друга страна, сите добро знаеме колку е застапен стереотипот дека вистинските мажи не плачат. Повеќето од мали се воспитани дека плачење пред другите покажува колку се слаби, што е сосема погрешно бидејќи момчињата и девојчињата не се разликуваат по тоа колку плачат кога се мали. Тоа е одговор на чувство кое не е поврзано со родот. извор:курир.мк

Зошто плачеме додека гледаме филмови? Еве по што се разликуваат овие луѓе од оние кои ги кријат чувствата

Слаѓана Атанасова — Wed, 06 Sep 2023 12:30:51 +0000

Не воздржувајте се: Поради овие пет причини понекогаш е добро да плачете

Слободанка Илиева — Wed, 21 Dec 2022 13:10:06 +0000

Плачењето обично се поврзува со некаква слабост, но тоа воопшто не е така. Дури се препорачува одвреме-навреме да ви олесни на душата и убаво да плачете. 1. Солзите ги чистат очите Солзите делуваат како природен антибиотик и можат да убијат до 95 проценти од штетните бактерии во очите за само пет минути. 2. Солзите го подобруваат видот Мембраната на окото може да биде дехидрирана, што предизвикува проблеми со видот, а сликата што ја гледаме е едноставно заматена. Кога плачеме, солзите ја обезбедуваат влажноста на мембраната и на тој начин го олеснуваат и подобруваат видот. 3. Солзите ги елиминираат токсините Во текот на 1980-тите Др. Вилијам Феј, истражувач во медицинскиот центар Ремзи во Минеаполис, открил дека солзите, во зависност од причината, имаат различен хемиски состав. Така, рефлексните солзи (предизвикани, на пример, со сечење кромид) се состојат од 98 проценти вода, додека емотивните солзи се полни со хормонот на стресот – пролактин. 4. Солзите нудат утеха Интересно е како плачењето е придружено со зголемена активност на одреден дел од нервниот систем, чија задача е да го смири телото по стресен настан и да го забави отчукувањата на срцето. 5. Солзите нудат емоционално ослободување и поврзување со другите „Пресметката“ со емоции преку плачење ни помага и полесно да продолжиме со животот. Плачењето ги буди нашите заштитни инстинкти и делува како повик за помош. извор:курир.мк

Зошто понекогаш плачењето е добро за здравјето?

Слободанка Илиева — Thu, 25 Aug 2022 12:41:35 +0000

Можете ли да се потсетите кога последен пат сте плачеле? Повеќето луѓе сметаат дека плачењето е знак на емотивна слабост, меѓутоа соочувањето со сопствените емоции бара многу сила во форма на лична ранливост. Дали некогаш, додека солзите ви течат по образите и ви го замаглуваат погледот, сте се запрашале кои се физичките и емоционалните предности на таа „беспомошна состојба“? Земете марамче со себе и прочитајте за изненадувачките предности на плачењето: Плачењето ги ослободува токсините Познато е дека плачењето има и физички и ментален учинок на чистење. Солзите му помагаат на телото да се ослободи од хормонот на стресот, познат како кортизол. Токму како и при другите егзокрини процеси – мокрењето, издишувањето, потењето и при плачењето телото се ослободува од отровните материи. Болката се намалува од протеинот пролактин, а главни хемиски состојки на емоционалните солзи се адренокортикотропните хормони и ендорфинлеуцинот – енкефалин. Плачењето го подобрува видот Потврдено е дека солзите од солзните жлезди го бистрат нашиот поглед и ги подмачкуваат капаците и очните јаболка. Погледот може да стане матен кога очната слузокожа е дехидрирана. Солзите ја одржуваат влажноста на површината на очите и ја плакнат од прашината. Плачењето ја одржува хидратацијата на слузокожата. Плачењето ги уништува бактериите Плачењето може да биде добар начин за ослободување од бактерии, бидејќи солзите содржат лизозим – ензим што има противвоспалително дејство. Тој се наоѓа и во спермата, мајчиното млеко, во лигите, и ги уништува речиси 90 проценти од сите видови бактерии во рок од 10 минути. Го подобрува расположението Солзите го подобруваат нашето расположение подобро од кој било антидепресив . Студијата од 2008 година на универзитетот во Јужна Флорида откри дека 90 проценти од луѓето кои плачеле во стресни ситуации почувствувале значително олеснување и подобрено расположение. Поединците со анксиозно нарушување помалку ги доживувале позитивните ефекти од плачењето. Ослободува од стрес Дури кога околностите и натаму остануваат исти, доброто исплачување овозможува чувство на олеснување. Општо е познато дека при плачењето се ослободува хормонот на стресот или токсините од телото, со што значително се намалува напнатоста. Плачењето е сигурен и ефектен начин за справување со стресот и обезбедува емоционално ослободување од негативните чувства, фрустрациите и стресот. Ја подобрува комуникацијата Плачењето може да го пренесе она што не може да се изрази со зборови, особено во некаква врска. Плачењето може да ја смири кавгата и да го истакне она што не е изразено со зборови или едноставно да го нагласи значењето на чувствата што стојат зад дијалогот. Затоа слободно можеме да заклучиме, доброто плачење може да нè исцели, и физички и психички. извор:курир.мк

Плачењето го помага процесот на слабеење

Слободанка Илиева — Thu, 01 Apr 2021 11:45:43 +0000

Покрај тоа што ја олеснува психичката состојба, се покажа дека плачењето ја одржува здравата тежина. Според д-р Пит Сулак од Универзитетот во Тенеси, плачот го намалува нивото на кортизол во организмот, што помага за топење на вишокот тежина. Кортизолот кој се лачи при стрес, е познат по тоа што ги задржува мастите во телото. Плачењето, исто како потењето и уринирањето, помага и при исфрлање на потенцијално штетните токсини од организмот, па има сеопфатен благотворен ефект. Треба да разликуваме различните видови солзи. Само оние предизвикани од емоциите и стресот, помагаат при слабеење. Солзите од иритација на окото немаат ист ефект. Според Пит Сулак најкорисно е да се плаче меѓу 19 и 22 часот, кога луѓето се во друштво на блиски. За стимулирање на процесот може да се гледа некој тажен филм. извор:нетпрес.ком.мк

Плачење после водење љубов: Дали е вообичаено и кое е значењето на овој излив на емоции?

Слободанка Илиева — Wed, 19 Aug 2020 13:15:54 +0000

Една од доста деликатните теми е плачењето после сексуалниот однос. Доколку и вас ви се случило понекогаш да заплачете после секс, не треба да бидете загрижени, бидејќи ваквите солзи се сосема нормални и не се невообичаени. Тие може да бидат и солзи за олеснување, солзи радосници или обична физичка реакција која се случува во моментот. Сепак, плачењето после сексуален однос има медицински назив - посткоитална дисфорија, а симптомите се солзи, тага и раздразливост, дури и ако сексот бил идеален. Може да се случи секому, без оглед на полот, сексуалната ориентација и задоволството во врската. Не се спроведени големи истражувања на оваа тема, но постојат податоци од 2015-та година, кога се испитани 230 жени и е откриено дека повеќето од нив плачеле после секс. Исто така, во 2018-та година на анонимен прашалник на оваа тема одговориле 1208 мажи, од кои 41% од нив искусиле посткоитална дисфорија. Причини за оваа состојба: - Среќа и преплавеност од емоции - Биолошки причини - Болки - Анксионзот - Збунетост - Траума од минатото извор:точка.ком.мк

Што значи плачењето после секс за вас и вашиот партнер?

Моника Манасиевска — Fri, 21 Sep 2018 12:20:55 +0000

Дали некогаш сте плачеле по секс или сте биле со некој што го направил тоа? Како и да е, ова искуство може да биде навистина интензивно и збунувачко. Најверојатното првото нешто што ќе си го помислите е дека се случило нешто ужасно. Но вистинското значење на ова може да биде навистина комплицирано. Плачењето после секс не секогаш значи дека партерот е тажен, во болка или дека е преплавен со емоции. Плачењето по секс може да значи речиси сè. Според доктор Џошуа Клапов, психолог, солзите по сексот можат да покажат што било од емоционален стрес, до интензивно задоволство. Тој нагласува дека ако се случи, важно е да го разберите контекстот, односно причината. Погледнете за кои нешта експертите веруваат дека се причини за плачење после секс.

Солзи од задоволство или среќа

Само затоа што некој плаче по секс, не значи дека треба да паничите. Постојат ситуации во кои солзите се всушност знак за нешто позитивно. Понекогаш плачењето по сексот може да биде сосема здрава работа. Тоа значи дека се искажувате сексуално откако сте имале многу потиснати чувства, а сега чувствувате среќа и љубов и сте преплавени. Плачењето е емоционален вентил и не значи дека не сте среќни. Понекогаш солзите можат да бидат резултат од интензивни чувства на љубов и поврзаност. Ова се солзи радосници, но фокусирани на чувствата кон партнерот. Физичкото задоволство од сексот може да предизвика солзи, но во тој случај се помалку фокусирани кон партнерот, а повеќе кон вас.

Сексот може да предизвика моќни емоции

Сексот може да биде навистина интензивно искуство, па поради тоа можат да се појават и солзи. Сексот може да направи вистинска поплава емоции кои не мора да бидат директно поврзани со самото искуство. Некои од овие емоции можат да бидат чувство на намалено задоволство, вина бидејќи се чувствувате добро, каење за минати врски и слично. Резултатот од овие неповрзани чувства може да биде солзи по секс. Понекогаш сексот може да ги вознемири жртвите на сексуално насилство. Ако не сте ги кажале вашите тајни и сексот ве потсетува на чувствата, можно е да плачете по интимниот однос. Можеби повторно ќе се почувствувате како жртва и нема да знаете како да разговарате за тоа.

Анксиозност или срам за перформансот

Понекогаш плачењето е поради анксиозноста и срамот во сегашноста, особено чувства на неадекватност и лош перформанс. Ако почувствувате дека не сте доволно добри во кревет или дека не сте го задоволите партнерот, можно е да се појават солзи по односот.

Плачење од физичка болка

Понекогаш плачењето по секс може да биде причинето од нешто очигледно, како физичка болка. Понекогаш сексот може да биде болен, а кога чувствувате физичка или емоционална болка вие плачете.

Како најдобро да реагирате кога партнерот ќе заплаче по сексот?

Никогаш не треба да го игнорирате плачењето на партнерот. Најдобро е прво нежно да поставите некое од следниве прашања: Дали си во ред? Да не те повредив? Што можам да направам? Можете да понудите поддршка така што ќе побарате дозвола да го прегрнете партнерот. Важно е да прашате бидејќи понекогаш во овие ситуации луѓето не сакаат да бидат допирани. Многу често луѓето не сфаќаат зошто партнерот плачи по сексуалниот однос. Ако не можете да го прочитате изразот на партнерот можете да го прашате: Како се чувствуваш? Што чувствуваш, што размислуваш и што те натера да заплачеш? Најчесто ќе добиете одговор, но ако партнерот не сака да разговара никогаш не го притискајте за одговор. Тоа не значи дека вие сте причината за плачењето.

Кога да бидете загрижени?

Иако не е лесно да го гледате партнерот како плаче, нема потреба секогаш да бидете загрижени особено ако партнерот ви ја објасни ситуацијата. Најчесто ова се случува ретко. Но ако плачењето е поради траума, болка или вознемирување, можеби треба да се загрижите. Комуницирајте, но немојте да создавате притисок. Ако забележите шема во однесувањето, важно е да реагирате. Ако на пример партнерот постојано плаче после сексуалниот однос а не разговара со вас, потребно е да дознаете што се случува. Клучно за справувањето со плачењето по сексот се нежноста и емпатијата и најважно од сè, немојте да судите. Факт е дека сексот може да предизвика нешта што не ги очекувате кога најмалку ги очекувате. Некои од овие емоции се моќни и неверојатни, а некои можат да бидат навистина болни. Само фокусирајте се на тоа да бидете овде за вашиот партнер и бидете добри кон себе без разлика дали вие или партнерот плачи по сексуалниот однос.

Плачот на бебето открива каков глас ќе има подоцна

Наташа Тасевска — Wed, 25 Jul 2018 13:50:11 +0000

Тоа дека плачењето на бебето не ни открива само дека е гладно, го потврдуваат и научните истражувања објавени во списанието „Biology Letters“. Имено, научниците тврдат дека врз основа на плачот на бебето, можно е да се открие каков глас детето ќе има подоцна, дури и кога ќе биде возрасен човек. Резултатите од истражувањата покажуваат дека висината на тонот на плачот на четиримесечно бебе ја предвидува висината на тонот на петгодишното и полнолетното дете.

За време на истражувањето, снимени се бебиња од два до пет месеци како плачат. Пет години подоцна експертите ги слушаа снимките и разговараа со децата. Тие откриле дека е можно да се знае како бебето ќе звучи подоцна во животот, дека дури и висината на тонот на возрасниот човек може да се следи ретроспективно до времето поминато во матката. Тоа, според научниците, би објаснило зошто бебињата по раѓањето имаат поинаков крик, т.е. зошто првиот плач на секое бебе звучи поинаку. „Дури и за време на развојот во матката, постојат многу нешта што можат подоцна да влијаат во животот. Не само за детето, туку и за возрасните", рече Николас Метевон, еден од авторите на студијата.

Бебињата плачат и во стомакот

Наташа Тасевска — Tue, 01 May 2018 08:42:56 +0000

Експертите велат дека бебињата си го цицаат палецот пред раѓањето, а истражувањата покажале дека и во стомакот вежбаат комуникациски вештини, меѓу кои е и плачењето. Бремените жени често се жалат дека бебињата клоцаат во стомакот, но и дека тие се радуваат кога чувствуваат дека се движат, потсетувајќи ги дека се таму. Експертите велат дека тие уште пред раѓањето го цицаат палецот, што често се забележува на ултразвукот, а истражувањата спроведени на Универзитетите Дурам и Ланкастер исто така покажаа дека тие во стомакот ги вежбаат комуникациските вештини, вклучувајќи го и плачењето. Научниците користеле ултразвук и ги гледале бебињата, проучувајќи ги сите изрази на лицето пред раѓањето. Потоа виделе дека тие прават сложени изрази, како што се спуштање на веѓите и собирање на носот. "Тоа е од витално значење за бебето за да може веднаш по раѓањето да покаже ако нешто го боли", вели д-р Ризланд од Универзитетот Дурам. - Но, сé уште немаме утврдено дали плачливите изрази на лицето кои ги прават значи дека навистина нешто ги боли или само „вежбаат“ за витинските болки.