писателка – Вистина.мк

Јелена Бачиќ Алимпиќ доживеа несреќа – водителката мора да се оперира (фото)

Слаѓана Атанасова — Wed, 12 Apr 2023 08:28:37 +0000

Позната писателка и поранешна водителка Јелена Бачиќ Алимпиќ на својот Фејсбук профил сподели фотографија на која се гледа како целата рака и е во гипс. Јелена Бачиќ Алимпиќ откри дека во брзање прескокнала скала и во таа прилика ја скршила надлактицата поради што има големи болки и дека поради целата ситуација најверојатно ќе мора да оди и на операција. - Ги знаете тие глупави ситуации, кога од нигде никаде ќе се случи несреќа? Па добро, во брзање пропуштив скала, ја скршив надлактицата, сега се борам со болки оваа насмевка е очајна затоа што толку многу сакав да ја „нишам“ мојата внука за Велигден, а уште не знам дали ќе се оперирам во сабота - изјавила Јелена Бачиќ Алимпиќ во својата објава и додала: - Како и да е, главата сѐ уште е на рамениците и продолжуваме понатаму. Нема предавање, нема пораз! – напиша таа на социјалните мрежи од својот дом во Нови Сад. Фото: Принтскрин/Фејзбук

Почина писателката Дубравка Угрешиќ

Слаѓана Атанасова — Fri, 17 Mar 2023 20:30:47 +0000

Писателка Дубравка Угрешиќ почина денес на 73 години од животот, во кругот на пријателите и семејството.

Дубравка Угрешиќ се етаблираше како една од најистакнатите европски книжевнички и есеистки. Од нејзините рани постмодернистички дела, преку елегичното соочување со распаѓањето на нејзината југословенска татковина и промените после паѓањето на Берлинскиот ѕид, до записите за популарната и книжевната култура, нејзиното дело е обележано со ретка комбинација на иронија, полемичност и сочуствителност.

Нејзини најпознати наслови се „Штефица Цвек во челустите на животот“, „Форсирање на романот река“, „Култура на лагите“, „Баба Јага снесе јајце“, „Лисица“.

Дубравка Угрешиќ живееше и работеше во Амстердам.

Контрапункт и КРИК – фестивал за критичка култура заедно со Мултимедијалниот институт од Загреб, во изминатава година, во пријателска комуникација и соработка со Дубравка Угрешиќ ги подготвија и преведоа нејзините книги: „Штефица Цвег во челустите на животот“, „Тука нема ништо“, „Црвеното училиште“ и „Тука нема ништо“. Наскоро ќе ја отвориме и нејзината изложба, нејзиниот интердисциплинарен подвиг во визуелните уметности „Црвеното училиште“.

Други нејзини дела преведени на македонски јазик се „Доба на кожата“, „Европа во сепија“, „Лисица“, во изадание на Антолог, „Музеј на безусловното предавање“, „Забрането читање“, „Култура на лагата“, „Баба Јага снесе јајце“, „Министерство на болката“, „Нема никој дома“, во издание на Сигмапрес. Фото: Принтскрин/Јутјуб

Јелена Бачиќ Алимпиќ стана баба: Писателката и поранешната водителка објави убава вест (фото)

Слаѓана Атанасова — Mon, 23 Jan 2023 09:22:35 +0000

Писателката и поранешна водителка Јелена Бачиќ Алимпиќ на социјалните мрежи објави дека станала баба и добила внука. Имено, нејзиниот син Марко доби ќерка со својата избраничка Антонина, а среќната баба со тоа се пофали на социјалните мрежи. "Станав баба! Ти благодарам Антонина за неописливата среќа! Те сакам најмногу на светот! Добре дојдовте ангелу на баба! Неопислива среќа", напишала Бачиќ Алимпиќ на социјалните мрежи, не криејќи ја радоста за новиот додаток на семејството. Да потсетиме, синот на Јелена Бачиќ Алимпиќ ја запроси својата долгогодишна девојка на Велигден 2021 година, а врската беше официјализирана со брак во септември истата година. - Марко работи како менаџер во американска компанија и многу добро се снаоѓа. Со нетрпение ја очекувам секоја можност да поминуваме време заедно. Моите деца никогаш не сакаа да се појавуваат во медиумите. Навистина, тоа помалку и пречи на Дуња, но Марко едноставно не го сака, а јас го почитувам тоа - изјави еднаш Јелена за медиумите. Писателката често јавно посочува колку е задоволна од изборот на нејзиниот син. - Признавам, на почетокот бев недоверлива, затоа што побогу тој е „син единец, мајка на сите...“ Потоа Антонина влезе во неговиот, наш, живот, и иако на почетокот ми беше тешко да прифатам дека некој би го сакал исто како мене, дека некоја друга жена ќе биде до него кога не сум, со текот на времето сфатив колку сум благословена со мојата идна снаа - рекла Јелена во една прилика на Инстаграм кога објавила заедничка фотографија со снаа. Фото: Принтскрин/Инстагарм/ Јелена Бачиќ

Ксенија Николова отворено за борбата за мајчинство: „Скриена сила за големо искушение“ (ВИДЕО)

Антонио Димитриевски — Wed, 06 Apr 2022 09:42:00 +0000

Таа е дама која инспирацијата ја црпи од сопстениот живот и секојдневие и на тој начин ги создава своите романи. Борбеноста и е заштитен знак, искреноста е таа којашто ја води низ животот, а нејзините испишани зборови со сигурност ќе врежат меморијата на оние со нагласен сензибилитет. Писателката Ксенија Николова го збогати новото издание на естрадниот магазин Бекстејџ, зборувајќи за една од најважните но и на чувствителните животни теми, како што е мајчинството. Ксенија во „магазинот од зад сцената“ отворено проговори за тешкиот период низ којшто моментално минува, а со разговорот веруваме дека ќе ги охрабриме сите оние кои се борат да станат родители.

Македонската (т)раперка ја прошири понудата: Дијана ОГ отвори своја „ОnlyFans“ страница за возрасни! (ФОТО)

Антонио Димитриевски — Tue, 01 Mar 2022 11:11:13 +0000

Времињата се такви какви што се - се' потешки... Животот станува се' поскап, трошоците се' повисоки, стандардот се' понизок, а можностите за зароботка речиси никакви. Особено ако живеете од уметност, поточно музика, а при тоа таа не е турбофолк... Веројатно затоа поедини музички артисти пристапуаат кон алтернативни извори на зарботка кои немаат баш многу врска со она што го раотат или можеби и имаат? Само што она што го нудат, не е за сечии очи... Или поточно, не е за сечиј џеб...! Таков е случајот и со македонската раперка Дијана ОГ (Dijana OG) која отвори своја „ОnlyFans“ страница за возрасни. За помалку упатените, „OnlyFans“ е страница за возрасни која најчесто ја користат модели и инфлуенсери, а и други помалку или повеќе познати личности меѓу кои и музички артисти, со тоа што на неа објавуваат експлицитна содржина со нивни голи фотографии. За истите некој да ги види треба да се претплати на нивниот профил, со тоа што ќе плати онолку, колку што одлучил услугата да чини, самиот сопственик на профилот. Дијана ОГ или Дијана Дурлевиќ како што и е вистинското име на некогашната македонска писателка и поетеса која со своите дела не привлекла млади читатели, па стиховите ги преточила во рап музика под псецдонимот Dijana OG. Она што ги привлекло младите се и вулгаризмите во песните и експлицитната гестикулација во спотовите, одлика на многу светски и регионални рапери. Раперите „немаат проблем со тоа“, па по нивниот пример и на многу млади тоа им станува нормален начин на изразување, иако стручњаците предупредуваат дека иако слободата на говор е многу важна, сепак има „црвена линија“ после која е време да се вклучи алармот за тревога! Но, очигледно „она што може да се слушне со уши“ не е доволно возбудливо колку она „што може да се види со очи“, а од него веројатно и заработката е многу поголема и поисплатлива, па можеби токму затоа Дијана ОГ се решила доплнително да ја зголелеми и збогати својата понуда, со сопствена „Онли фанс“ страница! [embed]https://arhiva.vistina.com.mk/todora-martinoska-prvata-makedonka-shto-ima-svoja-onlyfans-stranica-za-vozrasni-na-koja-sega-gi-prodava-i-svoite-noseni-tanga-gakjichki-foto/[/embed] Веќе пишувавме за првата Македонка, Теодора Мартиноска која таква страница за возрасни веќе има, па токму таа ја промовираше и поздрави проширувањето на понудата со уште една, овој пат наша позната девојка, рекламирајќи ја „Онли Фанс“ страницата на младата (т)раперка во приказните на својот Инстаграм! Што се' нуди литературното творештво и рап поезијата на Дијана ОГ оддамна е познато... За разлика од она што може да се види и доживее како возбуда, страст, емоционално задоволство или стимулација на сетилата при посетата на нејзината „Онли фанс“ страница, за чие отворање на „волшебната порта“, треба да се плати! Месечно, квартално или годишно - сеедно, во зависност одтоа колку ви е длабок џебот, љубопитноста голема, а фантазијата скокотлива! Со што се' таму Дијана ОГ ќе ве пречека - во некоја следна прилика! Дотогаш, уживајте во нејзината поезија и музика... Освен, ако не сте од оние што не штедат за да им проработи „шестото сетило“... Во спротивно, претходно кажаното заборавете го, како да... „Не ни било“!

Јелена Бачиќ Алимпиќ денес важи за една од најбараните авторки, а некогаш беше позната водителка – еве дали би се вратила на ТВ екраните

Христина Ѓоргиевска — Thu, 11 Feb 2021 10:51:00 +0000

Авторката и поранешната водителка Јелена Бачиќ Алимпиќ денес е посветена на пишувањето романи, а како што вели не планира да се врати на телевизија. Таа истакна дека не и недостига телевизијата и дека многу повеќе заработува како писателка. „Ни најмалку. Ниту во еден момент не помислив: „Ех, да се вратам“. Поминаа осум години од мојата емисија и сега пред камери најчесто се појавувам поради промоција на некоја моја нова книга. Од таа работа ми недостигаат луѓето и тимската работа. Новите програмски шеми никако не ми одговараат и мислам дека не би се вклопила. Во овој осамен писателски живот се чувствувам многу исполнето, а и многу повеќе заработувам. Имам огромни тиражи и станав независна во смисла да заработувам само од продажбата на книги“; вели Јелена за „Објектив“. Таа проговори за наслединците Дуња и Марко потенцирајќи дека нејзиниот син нема дарба за пишување. „Марко не, но Дуња има неверојатен тален за пишување. Таа веќе сега пишува феноменални есеи на англиски. Студира на англиски, па и таму го забележаа нејзиниот талент. Сепак, тоа не е патот кој ќе чекори“ вели авторката.

Русокоса убавица: Еве како изгледа сопругата на Маринко Роквиќ (фото)

Слободанка Илиева — Wed, 09 Dec 2020 10:43:30 +0000

Славица Роквиќ е сопруга на фолк-пејачот Маринко Роквиќ и мајка на двајцата познати синови Никола и Марко Роквиќ, кои се занимаваат со иста професија како нивниот татко. Славица секогаш се држеше настрана и им беше„ветер во грб“ и на нејзиниот сопруг и на синовите во нивната работа, но неодамна таа реши да ја гради својата кариера, но во друга сфера. Имено, Славица Роквиќ е писателка која ја промовира својата книга „Данок во крв“. Во слободното време работи во органската градина во дворот на нивната куќа.

View this post on Instagram

A post shared by Slavica Rokvic (@rokvic.slavica)

На нејзиниотИнстаграм профил може да се види како патува во друштво на сопругот, уживајќи и не симнувајќи насмевка од лицето. Покрај тоа, таа е посветена баба, која редовно поминува време со своите внуци и е горда на своите снаи Бојана и Сара како да се родени ќерки.

View this post on Instagram

A post shared by Slavica Rokvic (@rokvic.slavica)

Да потсетиме, славниот фолкер Маринко Роквиќ неодамна беше итно опериран откако лекарите за време на рутински преглед му најдоа циста. Неговиот син, пејачот Никола, вели дека Маринко е силен и дека полека се враќа во нормален живот.

Од прошталниот пост за Џеј на новинарката и писателка Мирјана Бобиќ – Мојсиловиќ нема кого не му потекоа солзи: „Ги спои јадрото на градот и периферијата, шампањското и ракијата, да се има и да се нема…“

Антонио Димитриевски — Mon, 07 Dec 2020 10:18:09 +0000

Познатата српска новинарка, ТВ водителка, писателка и сликарка Мирјана Бобиќ Мојсиловиќ по страшно тажната вест за смртта на големиот Џеј Рамадановски, на Фејсбук сподели проштален пост од кој нема кого не му потекоа солзи. „Излегов од семејниот ручек во неделата, на улица, веќе се стемнуваше, дуваше страшна Кошава, што ми ја турна качулката од глава и ги исуши солзите што одеднаш неконтролирано почнаа да течат по моето лице, како некој да го притискаше натопениот сунѓер на моето срце, па тој пушти се. Улиците беа празни, само лисјата и јас и тој ветер, на кој тивко си ја пеев песната на Џеј „Недеља“ и размислував за тој мал голем живот. За него кој лебдеше над Белград попладнево, можев да го слушнам неговиот глас и неговата смеа и помислив на нашиот милионер од калта, на просторијата во Дорќол од која учителката го однесе на училиште, тој мал кибритчија, неколку години помлад од нас, кој беше дел од нашиот живот, растејќи во Првата белградска гимназија, и размислував за таа судбина... И како ја надрасна и како подоцна беше поголем од животот, и како замина во недела, како во песната, оставајќи ни некое неискажливо чудо и меланхолија. И тогаш сфатив дека не плачам само заради заминувањето на последниот шмекер од Дорќол, туку дека моите тивки солзи на таа Кошава беа ненадејна длабока тага за нашата младост, за смеата и хуморот во дорќолските кафулиња, или покрај базенот крај реката, на децата кои се кикотеа во трамваите, на момчињата што ги гланцаа своите италијански чевли со ист жар со кој подоцна ги полираа своите први голфови... Тоа беше длабок писок за сите оние моменти за кои не дозволуваше да заборавиме и да зборуваме, за сите оние „соби со поглед кон тебе“, за сите оние „љубовни сонца“. Ја пуштив неговата последна песна. ... „Ќе платам, само заплачи, вечерва да поверувам дека барем една што шета по оваа земја, плаче за мене“. И помислив, како Џеј промени толку многу неша. Тој го спо јадрото на градот и предградието, ракијата и шампањското, малите и големите, смешното и тажното, да се има и да се нема... и беше родоначелник на новиот сензибилитет - ако не беше тој, на ниту еден од овие новокомпонирани јапи фраери никогаш не би им паднало на памет дека е добро, па дури и само во кафеана, да сакаш, да страдаш и да прашаш: „Каде да одам сега, моја розо?“ И Џеј не направи и нас девојките некако посебни. Ние бевме тие рози, девојки, сакани, тие мали сонца. Пееше за нас, за тоа како порано беше и за тоа како, можеби, зад некој кариран чаршав, може повторно да биде исто, романтично, блескаво и неутешно. Размислував како тој нè направи подобри луѓе без да има поим за тоа... И тогаш се насмевнав“.

Се омажи писателката Ксенија Николова: Невестински фустан над колена и бели цветови во косата (ФОТО)

Антонио Димитриевски — Sat, 12 Sep 2020 11:43:15 +0000

Свадбата е денот за кој секоја девојка сонува уште од мали нозе. Си замислува како таа ќе изгледа до најситните детали, а најмногу внимание обрнува на невестинскиот фустан, шминката, фризурата. Секако дека никој од нас не ни помислуваше дека ваква здравствена криза ќе го погоди светот, па поради пандемијта ќе мораме да се прилагодиме на новото секојдневие, дури и кога се свадбите во прашање. Писателката и музички текстописец Ксенија Николова, која неколку дена претходо во матично склучи граѓански брак, минатиот викенд со избраникот се венчаше и во црква, секако со минимално присуство на нивните најблиски. На интимна церемонија на која учествувале само најблиските од потесното семејство, таа стапи и во брак пред Бога со Ненад Николовски. За посебниот ден, Ксенија изгледаше нежно и преубаво со полуфатена коса сплетена со ситни плетенки и прекрасни бели цветови, променета во необичен, краток, модерен фустан над колена, кој не наликува на оние класичните невестински. Нека им е со среќа бракот на младите на кои им посакуваме и многудетно семејство!

Познатата српска ТВ водителка, ја напушти професијата: „Имам долг за кредит, а сепак дадов отказ“ (ФОТО)

Антонио Димитриевски — Mon, 11 Nov 2019 10:25:59 +0000

Една од најпознатите српски ТВ водителки сите ги шокираше кога објави дека се повлекува од професијата. Јелена Бачиќ - Алимпиќ реши да ја напуш работата на телевизија, и му се посвети целосно на пишувањето, што се покажало, како што вели, како добар избор. Таа објасни дека чувствувала премногу притисок и дека едноставно морала да се повлече, бидејќи нејзиното здравје веќе започнало да се нарушува. „Ме имаше премногу во медиумите и не можев повеќе да останам во тој свет. Знаев што ме чека! Чувствував голем притисок, атак врз моето здравје, па моја најголема победа беше кога решив да го напуштам водителствотот и да си заминам од телевизијата иако имав долгови за кредит и да останам само во книжевни води“ - вели дамата која денес е најчитаниот жив српски писател. Првично била нервозна зашто различни луѓе ја оспорувале нејзината книжевна вредност и тоа претежно малициозни и површни типови, па се плашела да ја објави својата прва книга. Но Исидора Бјелица ја запознала со сопственикот на издавачката куќа на кој му рекла дека мора да го прочита ракописот на Јелена, затоа што е одличен. Јелена сега е целосно посветена на книжевноста и приватно на своите пријатели. Сè повеќе ја исполнува тивкиот живот во Нови Сад, каде убаво живее од пишување што понекогаш е многу тешко и сонува нејзините деца да ги исполнат своите соништа, а таа да дочека внуци.