Познатиот водител повторно „распали“ по Меган Маркл и Хари: „Тие ги злоупотребуваат семејството“

Христина Ѓоргиевска — Tue, 01 Jun 2021 11:36:40 +0000

Водителот на утринската програма „Добро утро, Британијо“, Пирс Морган е можеби најголемиот критичар на Меган Маркл и принцот Хари. По интервјуто на Меган и Хари кај Опра Винфри, принцот често дава изјави во медиумите со кои има негативни коментари за кралското семејство, а тоа им дава материјал на критичарите. Водителот Пирс Морген повторно ги коментираше случувањата во кралското семејство, посебно Меган и Хари. Тој ги нарече Меган и Хари „разгалени детушта што го злоупотребуваат своето семејство“. Пирс на почетокот на овој месец ги запозна принцезите Ежени и Беатрис на забава во Лондон, а сега им се обрати на нив. „И двете принцези ги познавам уште како дете и минаа низ тешки периоди во центарот на вниманието на медиумите, особено во последно време поради срамното пријателство на нивниот татко принцот Ендру со милијардерот педофил Џефри Епштајн. Тие никогаш не се жалат, ниту даваат лелекави интервјуа, ниту јавно го клеветат своето семејство“, рече тој. Инаку, водителот истакна дека не верува на обвинувањата на Меган и Хари од расизам во кралското семејство до тајната венчавка. Исто така по интервјуто ја спореди Меган со Пинокио и истакна дека треба да се срами што толку лаже.

пирс морган – Вистина.мк

Познатиот водител повторно „распали“ по Меган Маркл и Хари: „Тие ги злоупотребуваат семејството“