пире – Вистина.мк

Похувани палачинки со фил од компир (рецепт + видео)

Слаѓана Атанасова — Wed, 06 Sep 2023 13:00:37 +0000

Едноставно јадење од евтини состојки со фантастичен вкус. Похуваните палачинки се одличен предлог за ручек или вечера. Палачинките се стар и евтин деликатес кој се јаде уште од дамнина. Порано се полнеле со шеќер или се премачкувале со џем, а денес има толку многу различни филови што не знаете кој да го изберете. Без разлика дали станува збор за солени или благи, тие се омилени на сите, а наш предлог денес се похувани палачинки полнети со пире од компири. Потребни состојки: 3 јајца 1 лажичка шеќер 500 мл млеко 200 гр брашно 2 лажици сончогледово масло сол За филот: 900 гр компири 1 кромид 2 лажици маслиново масло 1 црвена бабура младо кромитче 100 гр тврдо сирење сол бибер За похувањето: 3 јајца 3 лажици брашно презла путер Подготовка: Компирите сварете ги, па процедете ги и изгмечете ги. Потоа на малку масло во тавче пропржете ситно сечкан кромид, а кога малку ќе омекне додадете сечкана пиперка. Зачинете со сол и бибер, па измешајте. Покријте и оставете да се готви уште 5-7 минути. Додадете ги во пирето заедно со сечкано младо кромитче и рендано сирење. Сè добро соединете. Јајцата се изматате ги со прстофат сол и шеќер, па сипете млеко. Соединете и додадете брашно, па повторно изматете. На крајот додадете масло и соединете. Испржете ги палачинките. Ставете го филот врз секоја палачинка и виткајте ги (како на видеото подолу). Правете така додека не ја потрошите целата смеса. Изматете ги јајцата и додадете го брашното, па соединете. Во друг сад ставете презла. Валкајте ги палачинките во јајца со брашно, па во презла. Пржете ги во растопен путер. Извор: Кајгана. мк

Пире од морков, идеален прилог со месо

Слободанка Илиева — Wed, 30 Nov 2022 13:20:40 +0000

Подгответе поразлично и вкусно пире кое може да го послужите како прилог со месо Состојки: 400 гр. исчистени моркови 1 лажица сушен зеленчук 1 лажица суви билни зачини 1 лажица путер 50-60 мл. млеко Морковите заедно со зачините и сувиот зеленчук варете ги заедно додека морковот да омекне. Вишокот вода исцедете го, па изблендирајте го морковот додадете малку млеко и путер и се добро измешјате. Ставете го кратко на оган на умерена температура. извор:курир.мк

Пире од тиквички, ароматично и кремасто како путер: Рецепт за лесен летен ручек

Riste Zdravkov — Mon, 09 Aug 2021 10:16:27 +0000

Тиквичките се омилен летен зеленчук, бидејќи можат да се спремат на многу начини. Тие се вкусни дури и ако се полнети со месо и ориз, и ако се полнети со друг зеленчук, во форма на мусака или крофни, скара… Во жешките летни денови, ништо нема поубаво од лесен оброк, а едно од тие е пирето од тиквички. Се подготвува брзо, состојките не се скапи, а вкусот е фантастичен благодарение на зачинот и сирењето. Состојки: килограм тиквички малку масло 100 грама кашкавал зачини по избор сол, бибер Подготовка: Исчистете ги тиквичките и исечете ги на парчиња. Истурете малку масло, 100 милилитри вода во тавата, потоа додадете ги тиквичките, покријте ја тавата и оставете ги тиквичките да се динстаат максимум 10 минути на средна топлина. Потоа истурете го вишокот вода, префрлете ги тиквичките во друг сад, додадете ситно исечкан копар, сол и бибер и изгмечете ги со вилушка или измешајте со стап миксер. Додадете 100 грама рендан кашкавал, добро измешајте го пирето и сервирајте додека е топло. Пријатно!