пиперки – Вистина.мк

Марија Луиса Тодоровска е скарана со бидермаерот, ама затоа одлично и оди со ајварот: Пејачката со нова тактика како да привлече маж за женидба? (ФТО)

Антонио Димитриевски — Thu, 21 Sep 2023 08:31:37 +0000

Марија Луиса Тодоровска дефинитивно е мајстор да го привлече вниманието на јавноста на себе и да се најде во центарот на збиднувањата, кои ако ги нема, умее и самата да ги исфабрикува.Така беше и овој пат кога пејачката беше гостинка на една свадбена веселба. Само што овој пат марија не пееше туку беше една од „сфаќите“, задно со нејзината мајка. Стокмена и елегантна пејачката променила дури два фустана... Еден црвен за по невестата, другиот за свадбената веселба во кафеана. Дали запеа или беше само обична гостинка, Марија не кажа, ама затоа кажа и покажа нешто друго.

View this post on Instagram

A post shared by Marija Luisa (@luisa.todorovska)

Дека Марија се' уште не е мажена и не е некоја информација, зашто тоа го знаат и врапчињата... Патем, неодамна јавно откри и дека дури нема ни момче за сериозна врска. Токму затоа на секоја свадба што ќе се појави сите роднини, пријатели, познаници и останатите гости со нетрпение очекуваат да видат дали токму таа ќе го фати бидермаерот кога ќе дојде редот невестата да го фрла меѓу немажените моми. Арно ама, пејачката и овој пат сите ги разочара, зашто оддамна има поинакво искуство и се' уште исто мислење за бидермаерот. Оти бидермаерот и е фатен уште од 2018 година, ама оттогаш ништо не се случува, никој не ја запросува, па затоа во него повеќе не верува! Дури во една прилика Марија Луиса Тодоровска заклучи дека или е толку малер или на секој нејзин фраер самата таа му личи на бидермаер… Зашто, сите што ја фатиле и биле со неа, после неа – се оженија! Затоа, откако оддамна заклучи дека не е до бидермаерот, пејачката најде нова тактика како да ги привлече момчињата за женидба. А како поинаку, ако не како вредна домаќинка. Почетокот на есента е време за зимниица, па затоа распеаната битолска убавица реши да превземе акција и поинакви мерки и да покаже дека умее да лупи печени пиперки... Зашто Марија Луиса Тодоровска можеби е скарана со бидермаерот, ама затоа одлично и оди со ајварот! Но, за да биде посекси и попривлечна, Марија Луиса во свечено мини фустанче и сандали во клечечка поза се фатила за работа, чисто за да покаже колку ја бива... И тоа за две нешта. И за домаќинска подготовка на зимница, а и за инспирација за работа на оној што ќе реши да лупи со неа од каршија. Ем работата ќе тече како подмачкана, ем возбудата ќе стане толку голема, што нема шанси да не заврши со двојно задоволство. Од ајварот - прсти да излижеш, а и желбата на домаќинката што и е тетовирана под пупачето да и ја исполниш... меѓудругото! После ова се наметнува само еден заклучок: Оној кој не сака вакво чупе за жена, или е несфатен или е... „обратен“!? Фото: Инстаграм/luisa.todorovska

Со шеснаесеткаркото македонско знаме в раце, накитен со бакшиш како невеста, српскиот пејач во Македонија седна на „посна“ гозба: После пеење и свирење, Џани мезеше патлиџани, пиперки и сирење (ВИДЕО)

Антонио Димитриевски — Thu, 29 Jun 2023 08:52:29 +0000

Српската фолк ѕвезда, Џани, кој важи за неприскосновен крал на бакшишот, зашто покрај редовниот хонорар на своите тезги, пејачот заработува енормно големи суми бакшиш, беше во Македонија. Џани пеел на една приватна веселба, а потоа и имал свој концертен настап во еден локал. Патем, пејачот му беше специјален гостин на еден познат македонски бизнисмен, кој за цело време од пречекот до испраќањето беше негов добар домаќин. Џани и овој пат не остана покус за заработката, за што сведочат и фотографиите каде пејачот како по обичај го накитија со богат бакшиш како невеста. Овој пак не остана должен и со песната, ама и со патриотсата постапка, откако го зема македонското знаеме в раце и тоа она вистинското со 16 кракото сонце од Кутлеш, направи вистински џумбуш. Џани е мајстор за создавање добра атмосфера, па веселбата била навистина на ниво. Концерниот настап подоцна ништо помалку добар и атрактивен, што ја воодушевило публиката... И онаа пред и онаа зад сцената. Откако се завршило познатиот скопски бизнисмен како што е редот сакал како добар домаќин до крај да се покаже и богато да го нагости пејачот водејќи го во еден елитен угостителски локал за да му понуди врвни македонски специјалитети од месо. Арно ама,иако кафеаната нуди „од пиле млеко“ а персоналот тоа умее да го сервира како за изложба, на општо изненадување, српскиот пејач се определил строго за „посна гозба“. Имено, после сето пеење и свирење, Џани побарал да мези само патлиџани, пиперки и домашно сирење! Се разбира со тоа секако оди и стара жолта, ама само ако останете “на по една“... До две-три, најмногу! Пивцето е колку само да ја „убие лутината“ од пиперката! До душа, некои од македонски колеги на пејачот се пошегуваа на негова сметка во стилот: „Од толкав ќар, да јадеш само Јабучар...?!“ Веројатно не знаејќи дека „скромниот“ Џани можел да замези и вечера што му душа посака, зашто сметката ја плаќа... друго чедо! И тоа сто отсто, со особено задоволство! Фото: Приватна архива

Лесен летен ручек: Пиперки со сирење и маслинки

Слаѓана Атанасова — Mon, 26 Jun 2023 12:15:39 +0000

Доколку сакате да јадете лесен оброк, тогаш ви препорачуваме пиперки со додаток на сирење и маслинки. Состојки: 4-5 пиперки 1 јајце 150 гр фета сирење или меко козјо сирење 2 лажици кисела павлака 1 лажица сечкан магдонос (или оригано, рузмарин) маслинки сол и црн пипер Подготовка: Пиперките исечете ги на половина и исчистете ги, така што стеблото ќе остане недопрено, па печете ги во подмачкан огноотпорен сад додека не омекнат, на 200 степени. Додека се печат пиперките измешајте ги павлаката, сирењето и зачините. Кога пиперките ќе омекнат, извадете ги од рерна и малку изладете ги. Потоа излупете ги, посолете и повторно ставете ги во огноотпорен сад, па во секоја пиперка ставете по малку фил. На секоја додадете неколку сечкани маслинки. Вратете ги пиперките во рерна уште десет минути. Пријатно! Извор: Курир.мк

Никогаш не би ви текнало: Ова е најлесниот начин да ги исчистите пиперките (видео)

Слаѓана Атанасова — Thu, 06 Apr 2023 11:11:12 +0000

Многу е едноставно. Сигурно многу пати сте се мачеле да ги отворите и исчистите пиперките и сте потрошиле многу време, но за среќа постои решение. Имено, на социјалните мрежи корисниците ги објавуваат своите трикови за оваа кујнска работа, а со тоа им го олеснуваат животот на другите. Пробавме еден од нив… Значи, трикот е прво да го турнете делот каде што е стеблото внатре во пиперката, а потоа едноставно да ја исечете на половина. Срцето на пиперката на тој начин станува многу лесно за извлекување, а на половините остануваат само неколку семки кои лесно можете да ги отстраните со нож или со испирање на пиперката под вода.

View this post on Instagram

A post shared by Dra Wooten (@llcooldra_)

За да се увериме дека трикот навистина функционира, го тестиравме на неколку различни бабури, една со потенка кора и две со подебела. Бидејќи потенката е автоматски помека, јасно е дека трикот не успеа целосно, па дел од срцето и семките на пиперката сепак останаа на половините. Со црвената и зелената пиперка работите беа малку поедноставни, но тоа го препишуваме на дебелината на плодот, што го олеснува чистењето. Во секој случај, трикот успеа, горе-долу, и дефинитивно ќе го користиме во нашата кујна од сега па натаму. Останува само да ги дочекаме вистински домашни пиперки од градината и да почнеме да готвиме. Извор: Курир

Неколку добри причини зошто често да јадете чили пиперки!

Слаѓана Атанасова — Thu, 22 Dec 2022 12:22:16 +0000

Чили пиперките се богати со антиоксиданси кои го штитат нервниот систем и видот. Го поттикнуваат лачењето на желудечниот сок, варењето и го забрзуваат метаболизмот. Состојките како капсаицинот во чили пиперките имаат антивирусни и антибактериски својства, па помагаат во зајакнувањето на имунолошкиот систем. Помагаат и при слабеење Благодарение на витаминот К2 (менакинон), чилито помага во заздравувањето на раните, односно игра важна улога во згрутчувањето на крвта. Исто така, се верува дека витаминот К2 го штити срцето и крвните садови, спречувајќи развој на атеросклероза. Лутите пиперки често се садат во тегли на внатрешен двор и градина или можете да ги купите на пазар. Добро се сушат, дури и замрзнати и не е потребно да се одмрзнуваат за да се користат во јадења. Поради нивната пикантност, тие се јадат во мали количини, а вишокот можете да го зачувате и подоцна да го користите во зачинети супи, исечкани во грав, мексикански јадења и сосови. Одлично се комбинираат со чорби, јадења од зеленчук и месо. Ако сакате пополни вкусови, додадете чили наместо бибер и други зачини. Добро оди со чоколадо. Растопете го темното чоколадо и додадете го чилито. Ваков десерт јадете во умерени количини после оброк. Помага во намалување на шеќерот во крвта и го промовира варењето и слабеењето. Извор: Курир.мк

Не е доцна да ја збогатите зимницата: Направете си пиперки на начин кој ќе му се допадне на целото семејство

Слаѓана Атанасова — Sat, 19 Nov 2022 09:41:17 +0000

Сигурно веќе си подготвивте ајвар, лутеница и туршија за зимница. Но, не е доцна да си се обезбедите со уште нешто. Ќе уживате во најубавиот вкус на печени пиперки. СОСТОЈКИ -5 килограми пиперки -5 лажици шеќер -1 лажица морска сол -1 главица лук -100 милилитри масло -листови од целер НАЧИН НА ПОДГОТОВКА Пиперките испечете ги, излупете ги и исчистете ги од семки. Потоа исецкајте ги крупно и оставете да се цедат во цедилка најмалку еден час или преку ноќ. Во длабок сад ставете го маслото, додајте ги пиперките и сол. Ставете да се пече околу еден час, а пред крај додајте го оцетот, целерот и крупно сечканиот лук. Соберете ги во стерилизирани тегли и добро затворете со капаци. Теглите ставете ги во рерна на 90 степени 90 минути. Исклучете ја рерната и оставете да стојат до следниот ден. Извор:Курир

Едноставен трик како да ги излупите печените пиперки

Христина Ѓоргиевска — Tue, 06 Oct 2020 12:45:25 +0000

Иако печената пиперка е мека, нејзината кожа е тврда и цврста и не придонесува за вкусот. За почетниците кои прават ајвар или други деликатеси од пиперки за прв пат, лупењето може да биде вистински проблем. Сепак, постои мал трик за тоа, што во голема мера ќе помогне да се направи овој дел од работата незамисливо лесен. Тајната е дека печените пиперки треба да бидат покриени веднаш по вадењето од рерната. Вие избирате со што да ги покриете, но еден предлог е да ги ставите во длабок сад и да ги покриете со најлонска ќеса. Истиот резултат ќе го добиете ако ги затворите во хартиена ќеса или пластична кутија за храна. Можете исто така лесно да ги покриете со крпа. На овој начин, пиперките ќе го ослободат вишокот течност и пареа, што ја омекнува кожата и ви овозможува да ги излупите без напор. Ако сакате да ја задржите аромата на чад, тогаш излупете ги пиперките во сад со вода, а потоа користете ја водата за време на готвењето. Треба да имате предвид дека пиперките не треба да се чуваат покриени долго, туку доволно долго за да се оладат. Потребно ви е околу 15 минути. Откако ќе ги излупите, може да се подготват. Соодветно на тоа, можете да ги исеќкате како додаток за сосови, салати, печено месо или друга храна во која сакате да ја почувствувате слатката арома или пак да направите вкусен ајвар. извор: кафепауза

Вистинска домаќинка: Сека Алексиќ по тренерки и влечки пече пиперки во дворот (фото)

Слободанка Илиева — Tue, 29 Sep 2020 10:52:16 +0000

Пејачката Сека Алексиќ ужива со семејството во нејзиниот дом во Стара Пазова. Сека своето слободно време го поминува дома, каде ужива со своите синови Јаков и Јован и сопругот Вељко, а фотографијата што ја објави исто така покажува дека не се штеди од домашните работи. Сека позираше во својот двор во влечки и тренерки додека печеше пиперки.

View this post on Instagram

Malo kiflice, malo rakijica, malo paprike i tako u krug 🙅🏽‍♀️

A post shared by SEKA ALEKSIĆ (@seka_aleksic) on Sep 28, 2020 at 1:43pm PDT

„Малку кифлички, малку ракија, малку пиперки и така во круг“, напиша насмеаната Сека, а во коментарите, следбениците беа воодушевени: „Честитки, ти си вистинска домаќинка“.

Печени пиперки со лукче – рецепт кој секоја домаќинка треба да го знае

Слободанка Илиева — Wed, 02 Sep 2020 12:40:46 +0000

Старите домаќинки веќе знаат да подготват пиперки со лук, па затоа ова повеќе е упатство за помладите жени. Состојки - Свежи пиперки - Магдонос - Лук - Сол, масло и оцет Подготовка: Пиперките добро измијте ги и печете ги во рерна на 200 степени, 25-30мин. Потоа излупете ги. Исецкајте ги ситно лукчето и магдоносот. Измешајте ги со исчистените пиперки. Зачинете по вкус. извор:кармин/точка.ком.мк

Вкусна салата од пиперки и грав

Слободанка Илиева — Wed, 29 Jul 2020 12:50:33 +0000

Дополнете го вкусниот ручек со необична салата… СОСТОЈКИ: 1 голема црвена пиперка 1 голема жолта пиперка 150 гр црн грав од конзерва 1 главица кромид сок од 1 лимета 2 лажици маслиново масло 1/4 лажичка лута пипер 1/2 лажичка кумин 1/4 лажичка сол магдонос НАЧИН НА ПОДГОТОВКА: Лиметата добро измијте ја, изрендајте ја и исцедете го сокот. Пиперките исечкајте ги на ленти, измешајте ги со измиен грав, кромид исечкан на кругови, кумин, лута пипер, кора од лимета, сол и маслиново масло. Добро измешајте и прелијте со сок од лимета, на крај додајте магдонос и изладете пред сервирање. Добар апетит! извор:готви.мк