Се ожени македонскиот пејач кој беше меѓу најдобрите во „Ѕвездите на Гранд“, а триумфираше во „Пинк ѕвезди“: Првиот танц и го пееше на увце на саканата (фото)

Слободанка Илиева — Sat, 02 Dec 2023 08:20:38 +0000

Топлиот период по велигденските пости е најчесто резервиран за свадбените прослави кои траат во текот на целото лето, а потоа во студениот период ретко кој се решава за свадба. Еден од тие ретките е младиот пејач Мите Стоилков кој изминатиот викенд правеше свадба. Финалистот од „Ѕвездите на Гранд“ и победникот од „Пинк ѕвезди“ реши да се жени овој месец ноември кога во Бигорски ја запроси саканата Марија Минова. На вљубените гулапчиња не им се чекаше до пролет или лето, па за свадба се решија да се случи многу брзо, односно изминатиот викенд, истиот месец по запросувањето. Се собраа семејствата, ги поканија најдрагите, роднините, пријателите, соработниците... Се славеше љубовта на Мите и Марија кои од приложеното на социјалните мрежи се решиле за мала прослава, но со сите кои треба да бидат таму за се’ да биде најубаво за големиот ден. Младоженецот во елегантен сив костум, додека невестата во едноставна коктел венчаница со впечатлив светкав топ и долги ракави. Првиот танц го играа на песната „Заувек“, а ја пееше кој друг ако не Мите. Во љубовен танц, Мите и пееше на увце на Марија дека љубовта засекогаш ќе трае, како што се вели во стиховите на песната од Жељко Васиќ. Од колегите на Мите, барем од оние кои се пофалија на социјалните мрежи беа, Трајче Георгиев, хармоникашот Мишел Трајковски кој пак беше и меѓу музичарите задолжени за забавата. Инаку, Мите и Марија не ја експонираа својата љубовна врска, а заедно беа неколу години. Марија стидира општа медицина во Штип и цели да биде идна докторка. Честитки за младите! фото: printscreen Instagram/ mitestoilkov/ Printscreen You tube Zvezde granda/ Facebook Marija Minova

Македонскиот пејач и Цеца Ражнатовиќ залепени образ на образ (фото)

Слободанка Илиева — Fri, 25 Mar 2022 08:08:35 +0000

Во „Ѕвездите на Гранд“ не му тргна најдобро и беше елиминиран, но затоа „Пинк ѕвезди“ на Адам Лабунски му будат убави сеќавања. Во 2016 година тој беше еден од фаворитите во ова регионално музичко шоу, а тогаш во жирито беше Цеца Ражнатовиќ. Тогаш таа неколкупати коментираше дека тој е еден од нејзините омилени натпреварувачи и дека изгледа светски.

View this post on Instagram

A post shared by Adam Labunski II (@adamlabunski)

Тие убави моменти од пред неколку години, Адам не ги заборава, па дури сака да ги потсети и своите следбеници на Инстаграм. Па така, тој објави ретро фотографија каде со Цеца се зад сцената и позираат залепени еден до друг со широки насмевки на лицето. Натпреварувањата во музичките шоуа останаа зад Адам, а тој остана на настапите се до некое следно шоу ако се уште му останале аспирации за таков тип на натпреварување. Во меѓувреме тој се ожени, а во 2020 година ја запроси својата сакана на Босфорот. фото:инстаграм/адам лабунски

пинк ѕвезди – Вистина.мк

Се ожени македонскиот пејач кој беше меѓу најдобрите во „Ѕвездите на Гранд“, а триумфираше во „Пинк ѕвезди“: Првиот танц и го пееше на увце на саканата (фото)

Македонскиот пејач и Цеца Ражнатовиќ залепени образ на образ (фото)