пилешко – Вистина.мк

Пилешко со зеленчук во сос

Слободанка Илиева — Thu, 08 Feb 2024 13:30:36 +0000

Пилешко кое се топи во устата. Состојки: 400 гр пилешко бело месо една главица свежа брокула 150 гр рендан кашкавал сол, бибер, лук 2 лажици презла Сос: 50 гр путер 2 лажици брашно 600 мл млеко 150 гр кашкавал сол, бибер, морско оревче по желба 200 мл крем за готвење Подготовка: Брокулата исчистете ја и одделете ја на помали парчиња, ставете ја да се вари пет минути во зовриена солена вода. За тоа време пилешките гради исецкајте ги на коцки и пропржете ги на путер. Подгответе го сосот. Во путерот се пропржува брашното, се трга од оган и се додава млекото со постојано мешање да не се формираат грутчиња. Додадете ги кремот за готвење и кашкавалот, зачинете и варете на тивок оган додека не се згусне. Намачкајте длабок сад со путер и посипете со презла. Брокулата и пилешкото измешајте ги и ставете ги во сад. Прелијте го готовиот сос, а на крајот посипете со рендан кашкавал. Печете 20 минути во рерна загреана на 200 степени. изворк: курир.мк

Необично фантастичен вкус: Пилешко со ананас во слатко-кисел сос

Слаѓана Атанасова — Mon, 06 Nov 2023 13:38:23 +0000

Направете превкусно пилешко со тоа што ќе му додадете ананас, а така подготвено ќе им се допадне на сите. Доколку сакате да експериментирате со храната, ви предлагаме да пробате пилешко со ананас во слатко-кисел сос. Оваа необична комбинација на состојки го прави јадењето апсолутно неодоливо, а колку и да изгледа дека овие состојки не одат заедно, тие се одлична комбинација. Можете да направите пилешко на милион начини, но дефинитивно е највкусно со ананас и пиперки во слатко-кисел сос. Послужете за ручек со ориз или тестенини.

300 гр бело месо
1 лажичка слага пипер
1 лажица пченкарен скроб
1 кромид
1/2 жолта бабура
1/2 црвена бабура
5 прстени ананас од конзерва
масло
сол
бибер

За сосот:

1 лажица кафеав шеќер
1 лажица кечап
1 лажица слатко-кисел сос
1 лажица оризов оцет
3 лажици соја сос
1 чешне лук
власец

Подготовка:

Пилешкото исечкајте го на коцки, а потоа посолете, бибер и зачинете со блага пипер. Додадете скроб и сè добро измешајте. Во длабока тава со малку загреано масло пропржете го месото. Кога месото ќе се испржи, извадете го од тавата, па додадете крупно исечкан кромид. Кога кромидот малку ќе омекне, додадете ги крупно исечканите бабури, како и ананасот. Во сад измешајте ги шеќерот, кечапот, оризовиот оцет, слатко-киселиот сос, соја сосот и толчениот лук. Додадете го пилешкото во тавата со овошјето и зеленчукот, па истурете го сосот. Промешајте и пржете уште неколку минути. На крај посипете со сечкан власец.

Рецепт за сочни пилешки ролни

Слободанка Илиева — Wed, 18 Oct 2023 12:15:24 +0000

Рецепт што го погледнале повеќе од пет милиони луѓе. Состојки: 4 парчиња пилешки гради 100 гр пармезан 100 гр путер 50 гр свеж копар 50 гр презла 1-2 јајца сол и бибер по желба Подготовка: Пилешките гради исечете ги на половина за да добиете вкупно осум шницли. Наредете ги шницлите, додадете сол и бибер по вкус. Измешајте го ренданиот пармезан со сечканиот копар и оставете го на страна. Исечете го путерот на осум еднакви делови. На секое парче пилешко ставете парче путер и премачкајте го преку површината на месото. Поголемиот дел од пармезанот измешајте го со сечканиот копар и ставете го во посебен сад. Остатокот од пармезанот измешајте го со презлата и ставете го во чинија. Врз намачканите пилешки гради ставете ја смесата од пармезан и копар. Завиткајте го пилешкото во ролат. Потопете го ролатот во изматеното јајце, па валкајте го во смесата од пармезан и презла. Повторете го процесот додека не ги направите сите осум пилешки ролни. Наредете ги ролните во тава. Печете ги во загреана рерна на 200 степени околу 50 минути. Послужете ги ролните со омилениот сос. Пријатно! извор:курир.мк

Од само 3 состојки: Рецепт за најлесното, а вкусно пилешко во сос

Слободанка Илиева — Wed, 16 Aug 2023 12:30:04 +0000

Од само 3 состојки: Рецепт за најлесното, а вкусно пилешко во сос Можете да добиете одличен вкус на храната дури и кога користите ограничени состојки – на пример, само три состојки. Овој рецепт за пилешки батаци без коски во соја сос и кафеав шеќер е најдобар доказ за тоа. Состојки: 450 гр пилешки гради без коски 125 мл соја сос 60 гр кафеав шеќер Подготовка: Загрејте голема нелеплива тава на средна топлина. Во тавата додадете го пилешкото исечено на помали парчиња и пропржете го додека не добие златно-кафеава боја од двете страни. Во сад измешајте ги соја сосот и кафеавиот шеќер и прелијте го пилешкото. Гответе сè заедно додека пилешкото термички не се обработи до крај, а сосот се намали и згусне. Послужете го пилешкото со прилог по ваш избор. Добар апетит! извор:kurir.mk

Пилешко од рерна во теријаки сос: Задоволство за сите сетила

Слободанка Илиева — Tue, 28 Mar 2023 12:35:32 +0000

Теријаки сосот може да се најде во повеќето продавници, а во комбинација со мед, маслиново масло, лук и сусам, ќе добиете вкусна маринада… Теријаки сосот е јапонски сос кој традиционално се користи за маринирање и глазирање храна, а се состои од соја сос, шеќер, мирин (слатко јапонско вино) и саке (јапонски алкохолен пијалок). Еве еден лесен рецепт за пилешко печено во рерна со сос од теријаки. Состојки: пилешко филе или батаци со крабатакци (може и крилца) 1/4 шолја теријаки сос 2 лажици мед лажица соја сос лажица маслиново масло 2 чешниња лук, сецкан една лажица сусам сол и бибер по вкус Подготовка: Измешајте ги теријаки сосот, медот, соја сосот, маслиновото масло, лукот, солта и биберот во сад додека смесата не се изедначи. Земете го пилешкото и ставете го во огноотпорен сад за печење. Истурете половина од смесата со сос врз пилешкото и оставете да отстои во маринадата околу 30 минути. Загрејте ја рерната на 200 степени. Посипете го сусамот врз пилешкото и печете во рерна околу 50 минути или додека не порумени. Извадете го пилешкото од рерната и оставете го да отстои неколку минути. Послужете со остатокот од теријаки сосот како прелив и уживајте! Забелешка: Овој рецепт можете да го прилагодите на вашите вкусови и потреби, на пример со додавање други зачини или зеленчук во тепсијата заедно со месото. извор:курир.мк

Подгответе го најдоброто пилешко! Професионалците го откриваат овој мал трик

Слаѓана Атанасова — Tue, 07 Mar 2023 11:53:10 +0000

Обидете се да го подготвите белото месо на следниот начин врз основа на промената на температурата која, велат професионалците, гарантира дека пилешкото ќе биде сочно. Белото пилешко месо може да се пржи во тава, на скара, да се вари, а вистинските гурмани често го избегнуваат затоа што сметаат дека е безвкусно. Нутриционистите сепак го препорачуваат бидејќи не е масно. Најпрво притиснете го стекот со дно на тегла или чаша за да има иста дебелина на сите краеви. Лесно зачинете со сол и бибер, загрејте ја тавата на малку посилна од средната температура, но не на висока. Додадете путер или маслиново масло, намалете ја топлината на средна, ставете ги шницлите и пржете по една минута од секоја страна. Потоа намалете ја температурата, покријте ја тавата и пржете 10 минути на ниска температура. Во оваа фаза, важно е да се спротивставите на нагонот да проверите како се готви, затоа не отстранувајте го капакот. Кога ќе поминат десет минути, тргнете го пилешкото од шпоретот и оставете го да отстои уште 10 минути во покриената тава. Дури тогаш можете да го отстраните капакот и да уживате во сочното пилешко. Извор: Курир.мк

Почувствувајте го духот на Италија: Тоскана тестенини со пилешко

Слободанка Илиева — Tue, 28 Feb 2023 13:03:44 +0000

Многу едноставна подготовка. Состојки: 300 гр макарони 250 гр чери домати 350 гр пилешко филе 125 гр спанаќ 2 чешниња лук 1/2 кромид 1 лажица доматно пире 1 лажичка пипер 1 лажичка лук во прав 1 лажичка оригано 200 мл павлака за готвење 125 гр кашкавал Подготовка: Кромидот исечкајте го, па пропржете го, а кога ќе омекне додадете го сечканиот лук. По 20 секунди додајте го месото исечкано на коцки и доматното пире. Промешајте и кога месото ќе се испржи додадете ја павлаката за готвење, зачинете, па додајте ги сечканите домати и спанаќот. Добро измешајте. Варете уште малку, па кон крајот додадете го ренданиот кашкавал, а потоа и макароните кои претходно сте ги свариле и процедиле. Пријатно! извор:курир.мк

Рецепт за брз и вкусен ручек готов за само 30 минути

Слободанка Илиева — Fri, 20 Jan 2023 13:20:58 +0000

Кускусот е одлична идеја кога немате многу време да подготвите оброк. Не мора ни да го готвите – всушност се впива во топла течност. Совршено ги впива вкусовите, а најдобро се комбинира со некаква ароматична основа. Кускусот одлично оди со сушени домати, грашок и рендани тиквички, а целиот оброк ќе биде брилијантно заокружен со пржени пилешки батаци. Уште повеќе, целото јадење се подготвува во само една длабока тава, а ќе ви треба само околу половина час да се подготви. Состојки: 450 гр пилешки гради 375 мл пилешки супа 180 гр кускус 120 гр замрзнат грашок 50 гр суви домати 2 лажички ким во прав 2 лажички мелен ѓумбир 1 лажица путер 1 тиквичка 1 среден кромид 1-2 чешниња лук сол и бибер по желба масло за готвење Подготовка: Втријте голема количина сол и бибер во пилешките батаци. Во тава загрејте малку масло и пржете го пилешкото од секоја страна околу 6 до 8 минути или додека термички не се обработи до крај. Извадете го пилешкото од тавата. Во тавата додадете путер и со малку сол пропржете го ситно исечканиот кромид. Се динста околу две минути додека кромидот не омекне. Додадете го сечканиот лук и пржете сè заедно околу една минута. Додадете кускус, сечкани сушени домати, грашок, ким и ѓумбир. Промешајте и оставете ги зачините да се потпечат со кускусот околу три минути. Прелијте се заедно со загреаната пилешка супа и ренданите тиквички. Покријте ја тавата и исклучете го шпоретот. Кускусот нека ја „впие“ целата течност. Ќе ви требаат околу пет до седум минути. Послужете веднаш со печеното пилешко. Добар апетит! извор:курир.мк

Рецепт за роловано пилешко од рерна: Гастрономски празник за целото семејство

Слободанка Илиева — Tue, 03 Jan 2023 13:27:43 +0000

Доколку имате дилема што да подготвите за ручек, вашиот избор нека биде роловано пилешко од рерна. За подготовка на овој специјалитет не е потребно многу време, а одлично оди со печени компири и кисели краставички, или салата од свежа или кисела зелка. Состојки: – 1 кг. пилешко месо (цело пиле); – 150 гр. кашкавал; – 150 гр. шунка; – 3 лажички сенф; – 3 сварени јајца; – сол; – бибер; – малку масло. Подготовка: Измијте го пилешкото, исечете му ги крилјата и вратот, па исечете го по должина и одвојте го од коските. Разредете го белото месо така што ќе ги исечете деловите кои се нерамни во однос на останатото пилешко и ќе ги ставите на места каде што има помалку месо. Потоа во месото втријте бибер и сол по вкус, оставете го да отстои неколку минути, па премачкајте го со сенф, наредете го кашкавалот исечен на ленти, исто и шунката. Ако сакате роловано пилешко со варени јајца, наредете ги јајцата исечени на половина преку парчињата шунка, а потоа внимателно ролајте го месото. Ставете го во мрежа или, доколку немате, завиткајте го пилешкото со подебел конец и ставете го во тавче обложено со алуминиумска фолија. Пилешкото пред печење премачкајте го со масло или свинска маст, прелијте со 200 милилитри вода и печете на 200 степени првите 20 минути, а потоа намалете ја рерната на 180 степени до крајот на печењето. Одвреме-навреме проверувајте дали водата целосно испарила – пилешкото не смее да остане суво, но исто така не смее да има премногу течност околу него, бидејќи процесот на печење ќе трае подолго. Пилешкото печете го додека не порумени, а потоа извадете го од рерната и оставете го да се излади. Кога месото ќе биде целосно ладно, извадете ја мрежата (или врвката, во зависност од тоа со што го обликувате ролатот) и исечете го пилешкото на кришки. Вака подготвеното ролованото и исечено пилешко е погодно и за похување. На здравје! извор:курир.мк

Рецепт за летен специјалитет: Печено пилешко во лубеница- кажете му збогум на класичното

Слаѓана Атанасова — Fri, 05 Aug 2022 12:30:16 +0000

Ако ви е здодевно од класичното пилешко и сакате да пробате нешто ново – тогаш пробајте пилешко од лубеница. Со лажица извадете го „месото“ од лубеницата. Пилешкото зачинете го со сол и бибер, а потоа ставете цел лимон во пилешкото, лимонот издупете го со вилушка и исечете го на половина. Ставете лажица сос од соја на пилешкото и наполнете половина од чашата сос од соја и премачкајте го пилешкото од надворешноста. Полијте го пилешкото со лажичка зачинета смеса, ставете го во лубеницата и покријте го со исечениот дел од лубеница. Прицврстете го капакот на лубеницата на стапчињата, лубеницата ставете ја во тавчето за печење. Ставете сè во рерна загреана на 200 степени и печете го два часа. Потоа намалете ја температурата на 150 степени и печете уште три часа. Кога ќе завршите, извадете го пилешкото од лубеницата, а потоа извадете ги течностите од лубеницата и ставете ги во тенџере. Кога ќе ставите путер, промешајте додека не се стопи – ќе добиете сос што можете да го истурите преку пилешкото. Добар апетит!