пилатес инструкторка – Вистина.мк

За Снеже Велков никогаш не е доцна: Ги истакна годините на роденденските свеќички и сподели интересен статус (фото)

Слаѓана Атанасова — Mon, 06 Mar 2023 07:29:31 +0000

Како што отсекогаш сме велеле: „На дамите не им се бројат годините“, но кога веќе самата не ги крие, тогаш редно е да кажеме дека македонската ТВ водителка и најпозната пилатес инструкторка која вплови и во инфуенсерските води, Снеже Велков, го прослави 41 - от роденден. Таа на социјалните мрежи често покажува дека редовно вежба и тоа уште од раните утрински часови, се храни здраво и како резултат на тоа изгледа совршено за нејзините години, па дури и многу паомлада и затоа годините во нејзиниот случај навистина се само бројка. Овој пат, Снеже заедно со објавата за роденденот, напиша и сподели еден интересен статус. Таа потенцираше дека за ништо во животот не е доцна, се со цел да ги мотивира следбениците и дека се' може да се постигне и за се' постои едноставно решение само доколку се почитуваме себе си. Па така, водителката се смести во категоријата „Никогаш не е доцна“, бидејќи она што младите го минуваат многу порано таа го развила и го доживеала малку подоцна. „Доцна почнав да ги читам тоа мотивационите книги.. За емисија за која мечтаев едно 20 години ја имам сега. На 40 и кусур. Кај и да е на 50 треба да запалам прва цигара. А на 60 да пробам џоинт. На 70 најверојатно ќе треба да се пропијам. Ако сум подвижна накај 75 планирам ластик да научам да играм. Оти тапа бев ко мала. На 80 редно е месо да пројадам. За тоа што не сум пораснала во висина нема да збориме. Ќе си купам нови штикли и тоа е се. А овие 41 на тортава?! Мои се. Ете така! И да не ве слушнам да ми зборувате за тоа како сте задоцниле за некои работи.“ За Снеже токму сегашниот момент е оној вистинскиот, бидејќи секојдневно му се радува на животот и секогаш утрото го започнува со позитивна мисла, а роденденот беше повод плус за денот што го чекаме цела година, да и биде уште поубав. Фото: Принтскрин/Инстаграм/Снеже Велков

Снеже Велков се пронајде себе си, видете вие кај ќе се најдете: „Јас сум во првиот ред, а Вие?“ (ФОТО)

Антонио Димитриевски — Tue, 16 Nov 2021 10:00:44 +0000

Македонската пилатес инструкторка и ТВ водителка не ретко знае и умее да се потсети на годините наназад што изминале, работејќи во телевизиската професија, но и на животот воопшто. И сето тоа често знае да го зачини со по некој цитат, умна или позната мисла, која не потсетува до каде сме стигнале, колку сме минале од патот, до кое дереџе сме во моментот, старееме или...?! Сепак, повеќе од јасно е дека на Снеже ентузијазмот не и недостасува. И според тоа како живее, ама и според желбата се' уште со истиот жар одново да почнува да ги работи истите или слични телевизиски работи. Навидум е така... „Ред хот беше една од услугите кои ги нудеше некогашниот Мобимак а така се викаше и нашата емисија која ја креираше и продуцираше Томато продукција. Беше некој вид на естрадно, културно младински магазин и одеше на тогашната А1 телевизија. Ете да ме видите.Малку потечена малку подуена, тогаш се уште немавме ни фејсбук, ни инста, а бога ми реткост беа телефоните со добра камера. Филтер?Немавме појма што е тоа?! Овде сум со колешката Ана Исаиева , претходно ководител ми беше Петар Ѓошев( Петар за појадок и пауза) Нема да ви кажам колку пати ми рекле намесно Снеже од Ред Хот –Снеже од Хот Лајн! Инаку и јас и Мобимак отприлика се ребрендиравме во скоро исто време, тие 2005 од Моби Мак станааТ-Мобиле, јас 2006 од Снеже Стојковска станав Снеже Велков. Бане - Томатомислам дека е дојдено време за ребрендирање на Ред Хот,што викаш?“ - се потсети и порача неодамна атрактивната водителка на Инстаграм. Арно ама, најновите нејзини пресметки очигледно (по)кажуваат нешто друго? Или само така ни се чини? Имено, Снеже Велков објави интересна цртана илустрација, преку која сликовито покажа како се чувствува на работа од понеделник до петок... И таа и сите останати. И помладите од 30 години, и оние од 30 до 50, а и оние над 50 годишна возраст. „Јас сум во првиот ред, а Вие?“ - праша шармантната и очигледно по малку уморна убавица, искрено отворајќи ја душата кога е во прашање работата. Снеже Велков се пронајде себе си, видете вие каде ќе се најдете, во кој ред? Без оглед на годините, кои иако за многумина се возраст, за некои се само... бројка! До душа, малку не има...! Фото: Инстаграм принтскрин/velkovsneze

Снеже Велков на +39 степени е пожешка и од времето: Водителката и пилатес инструкторката во невидено разголено издание досега (фото)

Христина Ѓоргиевска — Tue, 03 Aug 2021 09:02:18 +0000

Македонската ТВ водителка и пилатес инструкторка, Снеже Велков денот го започнува со утринска физичка активност, со вежбање или возење на велосипед во Скопје. Освен тоа што го затегнува своето згодно и мускулесто тело, Снеже на многумина им и инспирација токму од денес да започнат да вежбаат и да блескаат. Таа редовно на социјалните мрежи знае да сподели видео, фотографии од нејзините утрински навики и денот да го започне со блексање. Нејзиниот „Инстаграм“ профил е преполн со разни видеа со вежби за вежбање, па дури и за они „мрзливите“ кои сакаат да вежбаат и додека седат.

View this post on Instagram

A post shared by Velkov Sneze (@velkovsneze)

Кога секој ден ви започнува со тренирање, не може да не се забележи добриот резултат. Иако надвор владеат пеколни температури и топлотен бран, за Велков тоа не е изговор да не вежба. И додека повеќето од јавните личности уживаат на плажа во бикини, Снеже ужива додека спортува. Со високите температури и екстремно топлото време, дамите од јавниот свет се расоблекоа во бикини покажувајќи ги своите разголени тела на плажа покрај езеро или море. Иако Снеже сме навикнати најчесто да ја гледаме во спортско издание, со хеланки, мајца или најчесто некоја друга спортска комбинација, овој пат таа позираше во разголено издание и ги покажа резултатот од секојдневното вежбање. Имено, Велков на својот „Инстаграм“ објави фотографија на која позираше само во топ и долна облека покажувајќи го своето згодно, затегнато тело. Иако фотографијата е црнобела, на неа јасно се гледа виткото тело на пилатас инструкторката на кое може многумина да и позавидат. „39+ степени, склекови, чучњеви, мисли, претпоставки, години...итн.“, напша покрај фотографијата. Нејзинините следбеници не престанаа да и коментираат за нејзиниот изглед, а ќе се согласите дека Снеже и на +39 степени изгледа пожешко и од времето. фото: Инстаграм/снеже велков