пике – Вистина.мк

Шакира се уште му се одмаздува на Пике: Пејачката го понижи поранешниот на настап, а овој потег ќе го здоболи (фото)

Слободанка Илиева — Mon, 06 Nov 2023 11:14:16 +0000

Пејачката Шакира и фудбалерот Жерар Пике одлучија да се разделат минатата година по 12 години врска во која ги добија синовите Милан и Саша. Со текот на времето, се дозна дека главната причина за оваа одлука е неверството на Пике, а пејачката потоа се преселила во САД со своите синови. Шакира неодамна гостуваше на концертот на колумбискиот пејач Карлос Вивес, а по тој повод тие го изведоа својот дует „La Bicicleta“. Пејачката при изведувањето на оваа песна го сменила текстот за да не го спомене бившиот. Дел од текстот на оваа песна му оддава почит на паркот Тајрон лоциран во Санта Марта, родниот град на Вивес: „Ако еден ден го покажете Пике Тајрон, тогаш тој нема да сака да се врати во Барселона...“ Сепак, Шакира на концертот пеела: „Ако му го покажеш типот Тајрон еден ден, тој нема да сака да се врати во Барселона...“. Таа така на најдобар можен начин му се одмазди на бившиот. Таа му покажала дека веќе воопшто не е важен, пренесува Курир.рс фото:Profimedia

Болна исповед на Шакира: „Направив кобна грешка со него и тоа скапо ме чинеше“

Слободанка Илиева — Tue, 26 Sep 2023 10:09:06 +0000

Шакира мислеше дека таа и нејзиниот поранешен Жерар Пике ќе бидат среќни засекогаш заедно пред светот да почне да зборува за неверство. Пејачката на „Hips Don't Lie“ - која објави дека се разделува со фудбалерот во јуни 2022 година - искрено раскажа за раскинувањето на нивната 11-годишна врска за време на интервјуто за Билборд објавено во четвртокот. - Мојот приоритет беше домот, семејството. Верував во „додека смртта не не раздели“. Верував во тој сон, а тој сон го имав за себе, за моите деца, изјави таа за агенцијата. Шакира и Пике имаат два сина, Милан (10) и Саша (8). Колумбиската хитмејкерка додаде дека се надева дека ќе има вечна љубов слична на нејзините родители, кои се заедно 50 години. - Се сакаат како првиот ден, со љубов која е единствена и неповторлива. Значи знам дека е можно. И тоа отсекогаш ми бил пример. Тоа го сакав за себе и за моите деца, но тоа не се случи. Размислувајќи за нејзината поранешна романса со Пике, 46-годишната пејачка призна дека морала да ја запре својата музичка кариера додека живеела со поранешниот во Шпанија. - Работата е што му бев посветена. На семејството, на него. Ми беше многу тешко да ја продолжам мојата професионална кариера додека бев во Барселона, рече таа. - Не можев да ги оставам децата и да одам некаде да правам музика надвор од мојата куќа. Беше тешко да се задржи ритамот, додаде Шакира. Но, откако се врати во Мајами во мај, пејачката е во студио и снима нова музика и планира да оди на турнеја во 2024 година. Вниманието на медиумите падна на децата. Што се однесува до нејзините две деца, добитничката на Греми откри дека тие напредувале далеку од центарот на вниманието откако неодамна се преселиле во САД. - Медиумската ситуација им беше тешка во Барселона. Имавме папараци на нашиот праг секој ден. Тие се тука како и сите нормални деца кои уживаат да бидат нормални, што треба да биде училиштето: безбедно засолниште каде што можат да бидат самите. Шакира и Пике (36) ја потврдија разделбата во заедничка изјава минатата година. „Page Six“ подоцна објави дека музичката суперѕвезда била „уништена“ од наводното неверство на фудбалерот со неговата сега веќе девојка, Клара Чиа Марти. Шакира наводно открила дека нејзиниот поранешен имала афера кога сфатила дека нејзиниот џем го нема од нивниот фрижидер. Слободната Шакира оттогаш поттикна гласини за врска со други познати спортисти поради новата врска на Пике со 24-годишната манекенка. Во јули, таа беше забележана како ужива на вечера со играчот на Мајами Хит, Џими Батлер во Лондон. Пејачката претходно беше поврзувана со Формула 1 возачот Луис Хамилтон, откако беа видени како поминуваат време заедно во Мајами и Барселона. фото:Tanjug/AP/Profimedia/Instagram printskrin

Еве која е новата девојка на Пике: Била фан на Шакира и се запознала со неа, а потоа и го украла мажот

Слободанка Илиева — Tue, 11 Apr 2023 10:46:10 +0000

Пензионираниот фудбалер на Барселона, Жерар Пике, дополнителна слава стекна преку долгогодишната врска со колумбиската пејачка Шакира со која има два сина, а во последните неколку месеци е на удар на јавноста поради новата љубов. Неговата нова врска со 24-годишната студентка Клара Чиа Марти не ги напушта насловните страници, а сега се зборува дека таа почнала да се претвора во копија на нејзината претходничка. Имено, откако ја осветли косата и го промени имиџот, многумина заклучија дека Клара прави се’ за да ја имитира супер популарната Шакира и дека и била голем обожавател пред врската со Пике. Пике првпат беше поврзан со Клара слична на Шакира во август минатата година, два месеци откако беше објавено дека се разделил од пејачката. Двајцата се познавале подолго време бидејќи работеле заедно во неговата продукциска куќа за настани Космос и така наводно започнала аферата. На првите заеднички фотографии на Пике и Клара, таа ја врза кафеавата коса наназад и беше без шминка на лицето, но само неколку месеци подоцна тие беа заедно на свадба за која Клара ја избели косата во нијанса слична на Шакира. Иако порано изгледаше прилично скромно, нејзините најнови фотографии покажуваат дека сега има тим кој работи со неа за да се грижи за нејзиниот имиџ. Нејзината коса се повеќе и повеќе е беспрекорно исчешлана, а шминката изгледа како да е подготвена да оди на црвениот тепих. Како што пишуваат странските медиуми, Клара била обожавателка на стилот на Шакира пред да влезе во врска со сега веќе бившиот партнер, а веќе е познато дека тие двете се познавале и претходно. Магазинот „Семана“ објави дека Шакира повремено застанувала во компанијата „Космос“ во која работела Клара и таму се запознале. Клара дури ја замолила пејачката да се фотографираат заедно за спомен, кажувајќи и дека е љубител на нејзината музика и дека и се восхитува, а во тој момент веќе настанала искра меѓу Клара и Пике, пренесуваат хрватските медиуми. фото:Instagram printskrin/Twitter

„Многу сум разочаран“: Пике е загрижен за здравјето на неговата нова љубов, а како причина го посочи однесувањето на Шакира

Слободанка Илиева — Tue, 04 Apr 2023 10:59:06 +0000

Поранешниот фудбалер Жерар Пике зборуваше за хит песната на Шакира „Bzrp Music Sessions, Vol. 53“, во која пејачката ги повика него и неговата девојка Клара Чиа. Зборувајќи со новинарот Жерар Ромеро на Твич, Пике навести дека неговата поранешна не се грижи за чувствата на другите. „Денес е многу модерно да се напаѓа човек, но не размислуваме за последиците што може да ги има на ментално ниво за личноста кон која е насочена“, коментира тој, додавајќи: „За една личност излегува одлично, но за другата личност за која не размислуваме потоа“, рече тој и додаде: „Што треба да се случи? Можеби некој ќе се самоубие, а ние ќе кажеме: „Ох, отидовме ли предалеку? Многу сум разочаран од општеството“, изјави тој, а ги критикуваше и обожавателите на Шакира.

View this post on Instagram

A post shared by Gerard Piqué (@3gerardpique)

Со сериозен тон, Пике откри дека песната на Шакира го натерала да се чувствува како да е мета. „Не знаете што добив од нејзините обожаватели. Не ми е гајле бидејќи тие се луѓе кои воопшто не ги познавам“, рече тој. „Не знам, можеби немаат живот. Каква важност треба да им дадете? Нивната важност е нула. Никогаш нема да ги сретнете во животот, тие се како роботи“, додаде тој.

View this post on Instagram

A post shared by Shakira (@shakira)

Да потсетиме, Шакира вчера ја напушти Шпанија со двата сина и со нив планира да започне нов живот во Мајами. фото:EPA/Carlos Durn Arajo, EPA/Ciro Fusco/Instagram

Врската на Пике и Клара премина на повисоко ниво: Свекрвата беше насилна кон Шакира, ама затоа е прва другарка со новата љубов на синот (фото)

Слободанка Илиева — Thu, 30 Mar 2023 09:43:33 +0000

Шпанските медиуми неодамна објавија дека Шакира се степала со Монсерат Бернабеу, мајката на поранешниот партнер на Жерар Пике. Сега на интернет се појавија фотографии од новата девојка на Пике која ужива во друштво на неговата мајка. Клара Чиа Марти и мајката на Пике беа фотографирани како се шетаат насмеани и расположени. На една од фотографиите, Клара изгледа како да ја прегрнала Монсерат околу половината, додека Пике и неговиот татко исто така се шетале прегрнати. На многумина не им се допаднаа овие фотографии како и однесувањето на Пике и Клара Чиа Марти. -Додека ја малтретира бившата, овој изгледа се грижи за неа“, „Монсерат дефинитивно изгледа како свекрва каква што никој не би ја посакал“, „Само насмевни се свекрва, за неколку години или месеци нема да се смееш така“, „Најголемиот лицемер што сум го видел го видел“, се само дел од коментарите. За потсетување, новинарката Лаура Фа тврди дека мајката на Пике од самиот почеток знаела за неговата врска со Клара и му помогнала тоа да го скрие од Шакира. Наводно, причината за ваквото однесување е тоа што Шакира никогаш немала добри односи со свекрвата. фото:The Grosby Group/univision.com/profimedia

Сите чекаа да слушнат што има Шакира да каже во новата песна која за неколку часа брои милионски прегледи (видео)

Слободанка Илиева — Fri, 24 Feb 2023 12:52:38 +0000

Шакира денеска објави нова дуетска песна со која се чини дека повторно го прозва поранешниот партнер Жерар Пике. Разделбата со Пике и случувањата меѓу нив и донесе милионски прегледи и невиден успех на новите песни. Откако настана вистински бум со песната „BZRP Music Sessions #53“, светските медиуми и корисниците на социјалните мрежи кои ја следат драмата Шакира-Пике, повторно најдоа скриена порака во новата песна на пејачката. -„Бејби, што е? Мислев дека си заљубен? Зошто се уште ме бараш? Знаеш дека не повторувам грешки. Кажи и на новата девојка дека јас не се натпреварувам за маж“, се само дел од стиховите во најновата песна на Колумбијката, а кои многумина сметаат дека повторно се однесуваат за Пике. По три часа откако е објавена песната, веќе брои близу три милиони прегледи. фото:Јтјуб принтскрин

Пике и Клара посрамотени го напуштиле ресторанот во кој биле – сопственикот направил шокантен потег (видео)

Слаѓана Атанасова — Thu, 23 Feb 2023 09:50:06 +0000

Поранешниот фудбалер Жерар Пике (36) и неговата девојка Клара Чиа (23) се почесто се појавуваат во јавноста. Неодамна наводно планирале да поминат романтична вечер во луксузен ресторан, но наишле на проблем. Кога пристигнале во јапонскиот ресторан, оттаму не сакале да ја отворат вратата. Сопственикот им забранил да влезат, наводно бидејќи е голем обожавател на Шакира. Клара и Жерар се свртеле и си заминале држејќи се за рака. На нивните лица можело да се забележи дека се вознемирени. Влегле во автомобилот и тргнале во непознат правец.

Dueño corre a Pique y Clara Chia de restaurante por ser fan de Shakira
Hace unas horas comenzó a circular un video en donde se ve a #Pique y #ClaraChia molestos subiéndose a la camioneta del ex futbolista. pic.twitter.com/cwWxRGcOFb — ¿Qué Pasa? (@quepasa_oficial) February 21, 2023

Откако Шакира (46) ја објави песната „BZRP Music Sessions #53“, Клара се повлече од очите на јавноста. Фото: Принтскрин/Твитер

Одлучиле да се преселат: Очајните родителите на Пике не сакаат да живеат во близина на Шакира (фото)

Слаѓана Атанасова — Fri, 10 Feb 2023 13:26:33 +0000

Домот што го имаат во Барселона всушност случајно се погодил веднаш до куќата на Шакира, а на селидба помислиле поради нејзиниот бурен живот, кој вклучува гласни забави. Жоан Пике (63) и Монсерат Бернабеу (60) сакаат да се оддалечат што е можно подалеку од Шакира (46) која им задава се повеќе главоболки откако ја прекина долгогодишната врска со нивниот син. Според магазинот „Hola“, очајните родители на фудбалерот (36) наводно сакале да се преселат и да побегнат од поранешната партнерка на нивниот син, кој живее во куќа до нивната. Покрај тоа што беа родители на Пике, тие беа и нивни соседи, но размислувале за преселба поради нејзиниот бурен живот, кој во последно време вклучува гласни забави, огномет и многу обожаватели на нејзиниот праг. Фото: Принтскрин/Профимедиа/Ројтерс

Неверството му се „удри од глава“: Пике засрамен на натпревар како никогаш досега – не знаеше каде да гледа (видео)

Слободанка Илиева — Fri, 03 Feb 2023 10:33:10 +0000

Љубовната сага за фудбалерот Пике и Шакира продолжува, а фановите на пејачката се гладни да го исмеваат неверниот Пике. Па така, сите очи на присутните на еден НБА натпревар, на кој е направено видеото биле насочени кон Пике во тој момент, а луѓето пееле на цел глас, но сепак Пике успеал да остане „имун“ на текстот во кој пејачката алудира дека тој е прељубник. Ова видео дефинитивно предизвикало бурни реакции на твитер, а под описот на видеото пишува: Количината на серотонин која ова видео му ја дава, аххх...“. Имало и коментари кои гласат: „Од утре секое утро ќе го пуштам ова за добар почеток на денот“.

Količina serotonina koju mi ovaj video daje ahhhh pic.twitter.com/umkzbIErx3
— Komsinica Ljilja (@KomsinicaLjilja) February 1, 2023

Иако многумина на почетокот се посомневале дека видеото е монтажа, се докажало дека истото е реално и оригинално, а јасно се слуша и публиката која на цел глас ги пее стиховите во кои директно се прозива фудбалерот дека „заменил ролекс со касио, ферари со твинго“, како и дека „таа вреди за две, 22-годишни девојки“.

View this post on Instagram

A post shared by Gerard Piqué (@3gerardpique)

Инаку, Шакира, како што наведуваат светските медиуми, подготвува уште една одмазда за популарниот фудбалер. Овојпат ја инспирирала пејачката Мајли Сајрус која на поранешниoт сопруг Лиам Хемсфорт на неговиот 33-годишен роденден ја објави песната „Flowers“ и му ја „подари“. фото:Инстаграм/Твитер

Подготвува нова освета: Шакира ќе му зададе нов удар на Пике и тоа на неговиот роденден

Слободанка Илиева — Mon, 30 Jan 2023 12:25:43 +0000

Пике ќе добие уште една драма во животот на која веројатно не се надеваше, пишуваат социјалните мрежи откако беше откриено дека Шакира наскоро ќе објави уште една песна која ќе биде против нејзиниот поранешен партнер Жерар Пике. Со недели се зборува за колумбиската пејачка и песната „Music Session Vol. 53“ во која таа пее за тоа како Пике се однесувал во врската, а меѓу другото навести и како заменил „Ферари за Твинго“. Пике ја изневерил со студентката Клара Чиа Марти (23) со која пензионираниот фудбалер оваа недела објави фотографија на Инстаграм со која и официјално потврди дека се заедно.

View this post on Instagram

A post shared by Gerard Piqué (@3gerardpique)

Песната на Шакира стана хит, а може да стане и новата песна која таа ќе ја објави на посебен датум - 2 февруари. Имено, следниот четврток и Шакира и Пике слават роденден, па тоа ќе биде „совршен“ подарок за двајцата. Шакира и Карол Џи напорно работеа на песната. Спотот го снимале само за два дена, но снимале по 15 часа дневно. Шакира во новата песна треба повторно да се повика на бившиот и да зборува за тоа како и било со него со кој има два сина. Сепак, овој пат тоа ќе биде на посуптилен, подиректен начин. фото:Printskrin You tube/Instagram