пијалоци – Вистина.мк

На концертите на Пријовиќ најголемо внимание привлекоа цените на пијалоците (фото)

Слаѓана Атанасова — Tue, 31 Oct 2023 08:19:31 +0000

Пејачката Александра Пријовиќ го одржа третиот последователен концерт во сараевска Зетра, за кој со недели се бараа билети повеќе. Во Сараево продолжува еуфоријата околу концертите на Александра Пријовиќ. Таа ги нижела хитовите, додека атмосферата во Зетра била вжештена, па публиката ја следела во рефрен на секоја песна. Меѓутоа, она што многумина ги изненади е фактот колку чинеле пијалоците на нејзините настапи. Водата и соковите се 300 динари, пивото е нешто поскапо, а шишињата со алкохолни пијалоци чинат и до 75.000 динари (околу 650 евра). Луѓето реагирале дека ова е превисока цена. Фото: Принтскрин/Рингиер

Бајато, валкано, скапано: четири пијалоци кои келнерите никогаш не би ги нарачале во кафуле!

Слаѓана Атанасова — Thu, 01 Sep 2022 11:49:29 +0000

Излегувањето во кафуле на многумина им е омилен начин да ги поминат вечерите, а бидејќи сите имаме некои желби за пијалоци, не е лошо да знаеме како келнерите го подготвуваат нашето омилено освежување. Група келнери на новинарите од порталот „Opanak“ им откриле кои пијалоци никогаш не би ги нарачале кога ќе излезат во кафуле. Коктели со млеко: Ако сте љубител на вакви коктели, треба да знаете дека келнерите тврдат дека тие употребуваат млеко на кое му е истечен рокот на траење. Точено пиво: Секако подобра варијанта е пиво во шише, иако е малку поскапо. Имено, машините за точење пиво многу често се полни со бактерии и ретко кога се чистат. Ако сакате да знаете како каква е нивната хигиена, погледнете ја хигиената во тоалетите, препорачуваат келнерите. Мохито: Го сакате овој коктел? Е, па, ќе мора да ве растажиме, за него воглавно се користи сушено нане и скапани лимети. Било што што е замрзнато: Мраз никако не земајте во кафуле. Кажете им на келнерите да не ви ставаат мраз, бидејќи машините за мраз воглавно се валкани. Извор: Курир.мк

Пијалаци кои се одлични за мајките кои дојат

Слаѓана Атанасова — Fri, 29 Jul 2022 12:15:34 +0000

За да имате доволна количина млеко многу е важно да останете хидрирани, бидејќи доењето ве ожеднува. Иако најдобро е да пиете вода, со текот на времето ќе ви здосади па може да пиете и нешто друго покрај водата. Од клиниката Мајо препорачуваат додека доите да пиете повеќе вода од вообичаеното. Во просек, секоја личност би требало да испие 8 чаши вода дневно, а со оглед на тоа што додека доите телото преработува повеќе вода, пијте 13 чаши вода, односно 3,1 литар дневно. Водата со вкусови е одлична замена за обичната вода. Ќе ја ублажи желбата за благи сокови. Наполнете бокал со вода, додадете го омиленото овошје, ставете коцки мраз и оставете да отстои преку ноќ. Краставица и диња, јагоди и лубеница, малина и лимон, аронија и јагоди, можностите се бескрајни. Растителните чаеви исто така можат да бидат вкусни за доилките. Освен тоа се многу здрави. Но, мора да знаете кои чаеви да ги пиете, бидејќи не сите билки се добри за бебињата и доилките. Бадемовото млеко е добра замена за кравјото млеко, содржи магнезиум, селен, манган и витамин Е. Може да го направите и сами, од бадеми и вода со помош на блендер. Со овошни сокови не треба да претерувате, но една чаша сок на ден може да биде добар додаток на исхраната. Одбегнувајте дополнителни шеќери, како и сокови од цитрусно овошје. Добра замена за водата се и соковите од зеленчук кои е најдобро сами да ги подготвувате.

3 освежувачки пијалаци со кафе за престојните топли денови

Христина Ѓоргиевска — Fri, 22 May 2020 12:45:34 +0000

Некои денови се премногу топли за да пиете топло кафе. Особено е тешко, кога не можете да отидете во најблиското кафуле за да се освежите со ладно кафе или фрапучино направено како што треба. Верувале или не, можете да ги победите топлите денови и да ја добиете дневната доза кофеин дома. Тоа не значи растворање на инстант кафе во ладна вода! Овие освежувачки пијалаци ќе ве вратат во живот и ќе ви помогнат да ги победите горештините.

Ладно кафе со лимон

Излупете барем половина лимон и исечете го на тенки ленти. За да не ви биде горчлив пијалокот, избегнете го белиот дел од кората. Измешајте ги насечените ленти со 3 до 4 лажици јаворов сируп и оставете да се олади преку ноќ. Следниот ден, ставете го сирупот во чаша и додадете свежо исцеден сок од лимон и коцки мраз. Прелијте со сирупот, а пред да служите додајте кафе. Украсете со кора од лимон или додајте парче лимон во пијалокот. Ако сакате можете да користите портокал наместо лимон.

Кори Кохи

За да го направите овој пијалак, треба прво да подготвите кафе и да го замрзнете преку ноќ. Следниот ден искршете го замрзнатото кафе (или замрзнете го во форми за коцки мраз) и додадете го во врело млеко. Кога замрзнатото кафе ќе се стопи, ќе имате вкусно лате. Додајте шеќер или мед и уживајте.

Ладно кафе со газиран сок од ѓумбир

Овој рецепт вклучува 1 дел кафе и 2 дела газиран сок од ѓумбир. Ако не можете да најдете газиран сок од ѓумбир, можете да го замените со сок од лимон или спрајт. За да го направите овој пијалак, ставете кафе во чаша полна со избраниот сок и мраз. Украсете со нане или парче лимон. извор: кафепауза

5 видови храна и пијалаци што треба да ги избегнувате доколку страдате од анксиозност

Моника Манасиевска — Thu, 10 Jan 2019 12:00:27 +0000

Анксиозноста е ментална болест којашто има големо влијание врз вашиот живот, начинот на којшто размислувате, вашите чувства и вашите постапки. Паничниот напад, кој е еден вид епизода на анксиозност, е чувство на ненадеен и интензивен страв што трае краток период. Доколку сте соочени со ваков проблем, добро е да знаете кои видови храна и пијалаци можат да ви ја влошат состојбата. Најдобро би било да ги избегнувате следниве видови храна. 1. Кофеин 5 видови храна што треба да ги избегнувате доколку страдате од анксиозност Повеќето луѓе знаат дека кофеинот најчесто се наоѓа во кафето, енергетските пијалаци, чаевите и чоколадото. Кофеинот го возбудува нервниот систем и може да ви го подобри вниманието на краток период. Но доколку имате анксиозност, а особено панични напади, можете да сзе соочите со забрзано чукање на срцето и плитко дишење. Кофеинот може да ги активира, па дури и да ги влоши симптомите на анксиозност бидејќи предизвикува неправилно чукање на срцето, нервоза и главоболки. Доколку страдате од сериозна анксиозност, земањето кофеин во поголеми количества е ризично. 2. Алкохол 5 видови храна што треба да ги избегнувате доколку страдате од анксиозност Многу луѓе се вртат кон алкохолот обидувајќи се да се справат со анксиозноста. Најчесто тие мислат дека седативното својство на алкохолот ќе им помогне да се опуштат. Но често резултатот е спротивен, а долгорочната употреба на алкохол може да биде и причина за вашата анксиозност. Околу 20% од луѓето кои страдаат од социјална анксиозност го злоупотребуваат алкохолот. Доколку се наоѓате во оваа група, најдобро е да се држите понастрана од него, освен ако знаете дека можете да го консумирате умерено. 3. Шеќер 5 видови храна што треба да ги избегнувате доколку страдате од анксиозност Едно истражување покажало дека високото ниво на серотонин во телото може да ја влоши анксиозноста. Шеќерот е еден од главните „виновници“ кои можат да го зголемат нивото на серотонин. Во истражувањето учествувале 18 пациенти со социјална анксиозност и 19 здрави личности. Биле набљудувани метаболичните процеси во нивните тела и се покажало дека кај пациентите со социјална анксиозност имало зголемено ниво на серотонин. 4. Трансмасти 5 видови храна што треба да ги избегнувате доколку страдате од анксиозност Трансмастите се сметаат за еден од најлошиот вид храна, но она што малкумина го знаат е дека тие се лоши и за вашето расположение. Според едно истражување, консумирањето трансмасти е поврзано со зголемен ризик од депресија. Истражувачите од Шпанија следеле 12.000 студенти кои цели 6 години не покажале симптоми на депресија. Тие го набљудувале нивното внесување на разни видови масти, како и нивото на депресија. Се покажало дека оние кои консумирале најмногу трансмасти имале поголем ризик од појава на депресија. Истражувачите додале дека причината што трансмастите ги влошуваат симптомите е тоа што предизвикуваат воспаление и ја менуваат функцијата на ендотелијалните клетки. 5. Глутен 5 видови храна што треба да ги избегнувате доколку страдате од анксиозност Целијакијата е дигестивно оштетување и ги прави луѓето нетолерантни на глутен. Се покажало дека ова нарушување е поврзано со депресија и други нарушувања на расположението. Постарите луѓе кои се нетолерантни на глутен имаат два пати поголеми шанси да бидат дијагностицирани со депресија. Сепак, пред да додадете или да отстраните нешто од вашата исхрана, најдобро е да се консултирате со вашиот лекар. На овој начин ќе знаете дали проблемот е психички, или станува збор за нешто друго. Потоа консултирајте се со нутриционист кој ќе ви помогне да го направите најдобриот план за исхрана за вас

Каков маж е според пијалокот што го нарачува

Моника Манасиевска — Mon, 28 May 2018 11:43:58 +0000

Нашиот омилен пијалок, може многу да каже за нашиот карактер. Сигурно истото важи и за омиленото јадење, десерт, дури и омилената облека. Но еве што вели шанкерката Ајви Микс, која благодарение на долгогодишно искуство во еден од најголемите барови во Њујорк, во кој исто така е и косопственик, знае какви мажи, какви пијалоци нарачуваат и зошто. Пиво Кога еден маж влегува во бар и брза да си порача „Budweiser“, обично станува збор за традиционалист, кој не сака нови работи. Тој само сака да добие нешто веќе познато, што му се допаѓа. Овој човек доаѓа во барот да се опушти и да се чувствува удобно. Ако сте авантуристи и сакате промени, можеби овој тип не е за вас. Чисто виски или бурбон Генерално чистите пијачки се за авантуристи. Ако мажот си порачува чисто виски и тоа од одредена марка, тоа значи дека тој е големо момче и дефинитивно знае што прави. Најверојатно кај него е уредно и чисто, не за да се остави впечаток на жената, која ќе ја одведе таму, туку затоа што тоа е неговиот начин на живот. Водка Можеби сеуште не може да се раздели со студентските години и во станот има маса за пинг-понг, поради која неговите пријатели постојано доаѓаат на гости. Текила Зборуваме за чиста текила. Истото е како со вискито, овој маж знае што прави. Си порачува убава чиста текила и ја испива полека, уживајќи во неа. Водка со сода или брусница Обично се претпоставува дека тоа е женски пијалок, но тоа е глупава предрасуда. Можеби овој човек е склон кон нови откритија и чувствува потребата да ги промени предрасудите на останатите, па затоа не го отпишувајте, кога ќе видите дека држи вотка со брусница. Маргарита Објектот на вниманието ви е немирно настроен. Можеби целта не му е да се напие до безсознание, туку едноставно убаво да си помине и да се забавува. Веројатно тој е од оној тип мажи, кои секогаш се подготвени за забава и добро расположение. Мартини Обично овие мажи превземаат големи и сериозни чекори во нивниот живот. Тој знае што сака и го сака веднаш. Обврските ги прифаќа сериозно и на ист начин се однесува и со жените. Шотови Мора да бидете претпазливи со мажи, кои нарачуваат шотови, уште со влегувањето во барот. Најчесто тие излегуваат за да се напијат брзо и не им е грижа за ништо друго. Размислете дали сакате врска со таков човек. Вино Овој тип има многу заедничко со стереотипот за водка со сода или боровинки. Многу често мажите се водат по надворешниот изгледот на пијалок. Штом течноста е розева, значи е за жени. Штом е во убава чаша, значи не е мажествено. Виното е софистициран пијалок и обично го консумираат мажи со стил.