пијалак – Вистина.мк

Српската инфлуенсерка Марија Радовиќ раскажа каков пекол доживеала на еден роденден: „Ми ставија дрога во пијачката“ (ФОТО)

Антонио Димитриевски — Thu, 26 Jan 2023 11:45:06 +0000

Српската инфлуенсерка Марија Радовиќ со своите следбеници на Јутјуб ја сподели приказната за, како што вели, некој наводно и истурил дрога во пијалокот на сплав, каде што таа гостувала на роденденска забава. -Минатата година отидов на роденден со другарка, роденден кој се одржа на сплав. Нашиот пријател кој славеше роденден зеде две маси на тој сплав и условот беше две шишиња алкохол да се нарача. Зеде текила и можеби виски. Во тој момент решавам да пијам текила. Сè беше во најдобар ред, а потоа во еден момент двајца мажи се приближија до нашата маса. Еден со помал раст, пополн, кој влегува во разговор со мене. Ми ги зеде очилата, му реков да ги врати. Му реков дека не ме интересира, а тој беше напорен. После 10, 15 минути дојде друг дечко и почна да ми кажува „јас сум ти маж, јас сум твое момче“, во еден момент ми стана непријатно со него, му реков да се тргне од мене или ќе викнам обезбедување и тој се тргна, започнува Марија. Како што изјавила понатаму, таа и друштвото почнале да наздравуваат, но тој алкохолен пијалок имал поинаков вкус и истакнала дека алкохолот седел на маса околу 20 минути. „После тоа наздравивме, а мене таа чашка текила ми седеше на масата можеби 20 минути, а потоа ја испив. Кога ја пиев текилата, вкусот и беше поинаков, крајно горчлив, по неколку секунди се чувствував многу чудно. Како нешто да почна да ми поминува низ телото. Мислев дека се опив од една текила. Кога продолжив да танцувам, почувствував како ми трнат прстите и рацете, не знаев што се случува со мене, но се почувствував исклучително лошо. Седнав до другарка ми, а таа мислеше дека сум премногу пијана. Кога отидов да му кажам на мојот пријател дека ми е лошо, не можев да кажам ниту еден збор. Тој излезе од сплавот да ми донесе вода и ми рече да не одам никаде. Навистина не се чувствував добро, успеав да се извлечам и почнав да повраќам, не можев да престанам и се' уште ми е мака кога ќе помислам на тоа. Нешто чудно се случуваше во моето тело“, рекла таа, а потоа додала: „Јасно е дека нешто ми беше ставено во пијалокот, не можев да паднам по две чашки текила. Тоа друго момче во еден момент и пријде на другарка ми, и ја праша за мене, а потоа се сврте кон понискиот пријател и му шепна нешто. За среќа, мојот пријател ме качи во такси и двајцата се упативме кон станот. И кога стигнав до станот, сè уште бев неверојатно омамена. Исто така, следниот ден се чувствував неверојатно лошо, можам да го опишам како најлошиот мамурлак на светот, имав впечаток дека се во мене скапува“, рекла Марија. Фото: Инстаграм принтскрин/maki_radovic

Напиток кој ги чисти црниот дроб, бубрезите и жолчката: Се подготвува за 1 минута, а потребни ви се само овие 3 моќни намирници

Слаѓана Атанасова — Fri, 02 Sep 2022 12:15:30 +0000

Толку е хранлив што може целосно да го замени вашиот вообичаен појадок. Овој напиток се состои од овошје и зеленчук богати со флавоноиди и антиоксиданти кои ќе му помогнат на вашиот имунитет во одбраната од штетните микроорганизми. Јаболкото од дамнешни времиња е познато како лек и изреката „едно јаболко дневно го брка лекарот од вашиот дом“ не е без основа. Експертите го анализирале хемискиот состав на ова овошје и утврдиле дека неговите фитохемикалии се средство против најмалку 3 видови карцином – на бели дробови, дебело црево и црн дроб. Јаболката се богати со витамините А, Ц, Б и рибофлавин и имаат висок удел на две фитохемиски супстанци: пектин кој ја олеснува перисталтиката на цревата и ја намалува апсорпцијата на шеќерот, но и бор кој го чува здравјето на коските и нервниот систем. Благодарение на својот состав, јаболкото има детоксикациско, антисептичко и антивоспалително дејство, го намалува холестеролот во крвта и ја стимулира работата на црниот дроб. Морковот има антиоксидативно, антибактериско и противтуморско дејство, ги штити артериите и делува како експекторанс, па го олеснува излачувањето на секретот од белите дробови. Антиоксидативното делување на морковот произлегува од каротеноидите кои го намалуваат ризикот од развој на тумор, штитат од срцеви заболувања и болести на васкуларниот систем, а со тоа ги поттикнуваат и менталните функции. Важна состојка на овој напиток е и цвеклото кое има антибактериско, антиоксидативно и лаксативно делување. Изобилува со витамин А и бетаин – ензим кој ги храни и зајакнува црниот дроб и жолчката. Покрај тоа, цвеклото е одличен извор на калиум и делува како чистач на црниот дроб, бубрезите и жолчката. Еве како да го подготвите овој здрав напиток од 3 намирници: Потребни состојки: 2 цвекла, 2 моркови и 2 јаболка. Начин на подготовка: Во блендер ставете го вареното цвекло, свежите моркови и јаболка, потоа блендирајте додека не добиете хомогена смеса. Можете да додадете малку вода или неколку коцки лед доколку смесата е прегуста. Извор:Курир.мк

Пијалак од само 3 состојки кои ќе го прочисти организмот: Особено е значаен за црниот дроб

Riste Zdravkov — Tue, 28 Dec 2021 10:12:44 +0000

Доаѓаат празниците, а по калоричната храна на нашето тело ќе му треба детоксикација Празничната сезона е пред нас, а за повеќето тоа значи јадење поголеми количини на масна и „тешка“ храна, па можеби ќе треба да размислите како да го исчистите организмот после многу јадење и пиење. Еден од добрите начини кој благотворно делува на црниот дроб, кој трпи најголемо оптоварување во деновите кога јадеме „јака“ храна, е едноставен пијалак за детоксикација од само три состојки. Состојки: ½ шолја зален чај Една банана ½ лимон Подготовка: Исцедете го лимонот и измешајте го сокот со една цела, излупена банана, која можете да ја изблендирате или едноставно да ја изгмечите со вилушка. Добиената смеса измешајте ја со зелениот чај кој претходно сте го свариле и изладиле. Овој напиток за детоксикација испијте го веднаш, додека сите состојки се свежи.

Знаете ли што е „златно млеко“? Рецептот за овој напиток ќе го исчисти вашиот џигер од токсини и ќе ви го зајакне имунитетот

Слободанка Илиева — Mon, 28 Dec 2020 14:26:28 +0000

Куркума, кокосово масло и млеко – познати суплементи и основа на здравата исхрана. Кога ќе се спојат во еден напиток, се претвораат во средство кое што го јакне имунитетот, го подобрува варењето на храната и чисти џигерот од токсини. „Златното млеко“ е напиток на база на кравјо млеко или пак негова замена (пример бадемово или пак оризово млеко) во кое што се додава мелена куркума и кокосово масло, а по потреба цимет, ѓумбир, црн бибер. Овој напиток се користи и во кинеската медицина повеќе од 100 години, а на Западот стана популарен малку подоцна. Станува збор за кремаст напиток со впечатливо жолта боја кој што може да се пие самостојно или пак да се додаде во други јадења, пример рижото. Негова главна цел е да го зајакне имунитетот, да ги намали воспалителните процеси во телото и да го подобри варењето на храната, како и да го исчисти телото од токсини. Состојки: - 100 грама органска куркума во прав - 1 лажичка црн бибер - 1 лажичка цимет - 1 лажичка ѓумбир во прав - 100 грама кокосово масло - 350 милилитри филтрирана вода Подготовка: 1. Во тенџере загрејте ги куркумата, црниот бибер, циметот, ѓумбирот, кокосовото масло и водата. На умерена температура со често мешање оставете смесата да се соедини (околу 10 минути). 2. Тргнете го тенџерето од оган и оставете да се излади околу 10 до 15 минути. Тогаш во смесата додадете сиров мед и промешајте. 3. Ставете ја смесата во стаклен сад и во фрижидер. Може така да ја чувате до неколку седмици. 4. Кога сакате да си направите „златно млеко“, потребни ви се 100 милилитри млеко кое ќе го загреете, а потоа во него додадете една до две лажици од претходно подготвената смеса. извор:точка.ком.мк

Сок против лош здив и мирис на пот – една чаша наутро го решава проблемот

Слободанка Илиева — Tue, 30 Jul 2019 13:50:45 +0000

Направете напиток за добро утро кој спречува лош здив и мирис на пот. СОСТОЈКИ: 2 јаболки исечени без семки 5 листови кељ 1 магдонос 1 лимон (сок) 1 парче ѓумбир Се мие се во ладна вода и се става во блендер. Се миксира и се пие на празен желудник. извор:готви.мк

Откријте го неговиот карактер според пијалокот

Наташа Тасевска — Wed, 18 Jul 2018 12:37:17 +0000

Постојат многу методи како да ги процените луѓето уште пред навистина и да ги запознаете, без разлика дали се работи за гардеробата која ја носат или говорот на телото кое го имаат. Но, постојат и мали трикови кои го откриваат вистинскиот карактер на личностите, односно пијалакот кој мажот го пие по правило и го дефинира. Виски кола Стручњаците виски-колата уште ја нарекуваат и викенд пијалак за мажи кои носат одела. Повеќето од нив изгледаат како мачо типови кои можат да пијат осум часа непрекинато, без да изустат ниту збор. Тие мажи се сериозни и не им е дојдено до заткулисни игри.

Вино Мажите кои што во рестораните бараат винска карта, се повеќе уметнички души. Тие се заинтересирани за уметноста, културата и патувањата.

Пиво Мажите кои пијат пиво, го преферираат квантитетот пред квалитетот, но постојат типови кои се редовни посетители на теретаните, кои што не сакаат да ја упропастат својата линија и својот макотрпно издлетуван "желкин оклоп" на стомакот. Личноста која го преферира квантитетот, сака забава, но тоа воедно може да биде знак на склоност кон алкохолизам. Момчето од теретаната пак, од друга страна, може да покажува знаци на укоченост и лесно осудување на другите луѓе. Луѓето кои пијат скапи пива покажуваат дека уживаат во животот и во фините работи. Таквите луѓе најчесто не пијат за да се опијат, туку за да уживаат во моментот. Мажите кои уживаат во квалитетното пиво сакаат припадничките на поубавиот пол да им бидат исти такви.

Џин тоник По правило мажите кои нарачуваат џин тоник се пристојни, а понекогаш и таинствени, барем додека не внесат поголема количина на алкохол во себе и додека не излезе на видело нивниот насилен alter ego. Тоа се најчесто мажите кои ги исфрлаат од баровите и кои што после неколку денови повторно се враќаат како ништо да не се случило.

Виски Мажите кои што уживаат во добар шкотски виски се успешни во својата професија, не се фалат со сопствените успеси, трпеливи се и имаат силна работна етика. Тие дечки се посериозни, плански типови кои бараат повеќе од попатен флерт.

Редбул и водка Ако видете маж како држи во рацете редбул водка или истата ја нарачува бидете спремни на жесток секс , бидејќи тие личности најчесто сакаат развратни забави и не им е гајле што следното утро нема да се сеќаваат на ништо од претходната вечер. Тие момци се најчесто студенти, или штотуку завршиле факултет, или пак се работи за мажи кои се уште немаат расчистено со лудите студентски денови.

Мартини Мажите кои пијат мартини се со километри оддалечени од агентот 007 кој на овој пијалак му донесе светска слава, тие се богати и сакаат тоа да го видите. Ако мажот знае што точно сака да пие, мартини кој воопшто не е мешан ниту протресен, туку директно наточен со две маслинки, исто така добро знае што сака од партнерката. Тешко е да се задоволат високите критериумина такви личности, поготово бидејќи ја бараат баш секоја маана.

Коктели Не дозволувајте да ве залаже тоа што мажот пие шарен пијалак украсен со различни украси, кој инаку се нарекува женски пијалак, бидејќи таквите личности воедно можат да бидат и многу јаки и енергични. Таквите типови се задоволни самите со себе и не им е гајле што мислат другите кога го гледаат како смука коктел со сламка.

Подгответе супер летен, освежителен и здрав напиток [ВИДЕО]

Љупчо Најчевски — Thu, 12 Jul 2018 13:30:14 +0000

Во престојните топли денови освежете се со идеално избалансираниот освежителен пијалок

Одлична идеа за вкусен и освежителен летен пијалок, а притоа е и многу здрав. Најважно е дека овој едноставен напиток не содржи никакви вештачки супстанции, така што не треба да размислувате за тоа како ќе влијае на вашето здравје.

Состојки:

2 l вода
1 лимон
1 краставица
10 ливчиња нане

Состојките исецкајте ги на парчиња, налејте ја водата во голем бокал и додадете ги состојките. Пијалокот треба да одстои во фрижидер. Погледнете го видеото каде е демонстрирана едноставноста за подготовка на пијалокот. https://www.youtube.com/watch?v=Qpvm70FwulM