петар ренџов – Вистина.мк

Петар Ренџов и пријателите најавија солистички концерт – “Македонски музички сонети”

Антонио Димитриевски — Mon, 27 Nov 2023 12:49:49 +0000

Петар Ренџов со неговоте долгогодишни музички пријатели најавува солистички концерт насловен како "Македонски музички сонети" во организација на „Мјузик Стор“ продукција. Концертот е закажан на 11.12.2о23 во МКЦ во Кино Фросина од 20 час. Изненадувањата со кои Ренџов секогаш воодушевува се врзани за просторот каде се одржуваат концертите и тоа првиот 2005 беше во кањонот Матка , 2006 во Универзалната сала , 2009 пред црквата св.Богородица во центарот на Скопје , потоа како организатор и изведувач на Концертот на Тумбао салса бенд 2015 настапи со вокално инструментална група од Куба "Азафран микс" , 2019 одржа концерт на врвот на планината Водно на месноста наречена "Крстини", поточно на највисоката кота веднаш под крстот кој претставува симбол на градот повеќе од 20 години. "Македонски музички сонети" е најава е за одржување на интимен концерт пред бројка од амо 250 присутни почитувачи на македонската музичка традиција измешана со есенцијални музички правци како што се џезот, блузот и кубанската салса. Со право очекуваме врвни музички креации кои докажано се присутни во изведбите на неговата резбана гитара .

Разиграна „Пролетна пеперурка“ во лето на Петар Ренџов и Александар Јовески (видео)

Слободанка Илиева — Fri, 18 Aug 2023 11:21:51 +0000

“Скопски приказни ” е албум кој припаѓа на македонскиот етно звук со надградена хармонска, ритмичка и звучна прогресија. Авторите Петар Ренџов (со досега издадени три етно-џез ЦД-а) и Александар Јовевски, основач и член на етно составот Монистра (со издадени 2 албума во етно стил и 5 како 2 албума како композитор и аранжер) и со минатогодишно авторско првенче “Од колено на колено” ја започнаа својата приказна. Како автори во овој албум се јавуваат на пет композиции и четири аранжмански преработки на стари македонски песни . Како вокална солистка се јавува Ивана Стојановска, наградувана со освоено прво место во Босна и Србија, за изведби на македонски традиционални песни. На албумот гостуваат Павел Ренџов – Перкусии и Горан Ѓешовски – Бас. Со аудио-видео записот “Пролетна Пеперутка” - видео кое го изработи Милчо Узунов и 3Д Проџект студио, авторите заедно ја најавуваат промоцијата на проектот “Скопски Приказни”.

„Скопските приказни“ на Петар Ренџов и Александар Јовески закажани за раскажување во вторник 22-ри август

Слободанка Илиева — Fri, 18 Aug 2023 06:22:36 +0000

Со аудио-видео записот “Пролетна Пеперутка” авторите Александар Јовески и Петар Ренџов заедно ја најавуваат промоцијата на проектот “Скопски Приказни” закажана за вторник на 22.08.23 година во АТК „Премиум клуб“ од 20 часот. “Впечатокот за Пролетната пеперутка ни е важен, со внимание ве молам…“ преку смеа кажува Пепи споделувајќи ги новителитер кои сакаат да и ги презентираат на публиката. Изведувачи на албумот „Скопски приказни“ се : Александар Јовевски – тамбура, Петар Ренџов – гитара, Павел Ренџов – перкусии и Горан Гешовски – бас. Инаку, “Скопски приказни ” е албум кој припаѓа на македонскиот етно звук со надградена хармонска, ритмичка и звучна прогресија.

„Тумбао салса бенд“ ја преработија во етно џез верзија македонската народна песна – „Ти ли се најде Лено мори?“ (ВИДЕО)

Антонио Димитриевски — Thu, 13 Apr 2023 06:05:36 +0000

Македонскиот латино-џез состав „Тумбао Салса Бенд“, предводен ов врвниот гитарист Петар Ренџов има нова песна. Овој пат тие промовираа уште една извонредна обработка во нивни стил, со тоа што етно-џез манир направија кавер на македонската народна песна „Ти ли се најде Лено мори“? Се работи за традиционална изворна тема чија прва снимка ја направил оркестарот на МРТВ, а своевремено ја отпеала легендарната Вања Лазарова. Новата етно-џез верзија на „Тумбао салса бенд“ е во интерпретација на вокалистката Ивана Стојановска. Нејзиниот мек, нежен, елегичен и сугестиван вокал извонредно се вклопува во џезираната верзија на изворната тема, создавајќи една нова универзална музичка целина, поразлична од оригиналот, а сепак толку препознатлива и автентична за нашето музичко поднебје. „Ти ли се најде Лено мори“ е збогатена и визуелизирана со видеоспот, сниман на локација пред скопскиот ТЦ центар „Бисер“ во населбата Аеродром, каде бендот го изведува својот перформанс во манирот на уличните музичари. Видеото го продуцираа и мастерираа Бранко Попчевски и Никола Китановски -„SUN ART“ (аудио и визуелни уметности) и Горан и Борис Поп - Атанасовиќ - „BABA 3D - studio“, за што Ренџов и бендот јавно им изразија огромна благодарност. Како сето ова звучи и изгледа спакувано во аудио-визуелен запис, проследете од видеото во продолжение (КЛИКНИ ТУКА):

Јане Рафаиловски со „Сеќавања“ на својот татко (ВИДЕО)

Антонио Димитриевски — Mon, 17 Jun 2019 11:02:33 +0000

Еден од нашите најпознати саксофонисти и музичари, Јане Рафаиловски, со неговиот последен проект насловен „Сеќавања“, посветен на неговиот татко, успеа искрено да допре до срцето на сите вљубеници во она што се нарекува македонска убавина, музика, традиција, култура и љубов кон својата земја. Уште при првото слушање и гледање не можат да се контролираат емоциите, коментираат оние кои досега го погледнале видеото и го слушнале овој инстументал.

Со преубави пејзажи од Галичник, Бигорскиот Манастир, езерото Козјак и одличната глума на наши млади актери, под режисерката палка на Мето Јовановски, во видеото се прави еден премин од традицијата во 50-тите години во денешно време, а сето тоа преку обичаи го доловуваат актерите и студенти на самиот Јовановски: Андреј Серафимовски, Цветанка Вељковска, Сандра Темова, Сања Балшиќевска, Ангела Николова, Марија Панзова, Ирена Јакимовска, Димитриа Марковски.

Музиката за ремек делото „Сеќавања“ е на самиот Јане, аранжманот на Дамир Имери, гитарата ја отсвири Петар Ренџов, додека пак видеото го изработи тимот на „Арт Продукција“ и Дејан Георгиев. Ова е нешто поразлично од Рафаиловски, односно по проектот „Зајди зајди“ минатата година, овој пат ја изненади музичката јавност и публиката со еден вид на филмска музика, тема која заслужи и вакво емотивно и извонредно видео. https://www.youtube.com/watch?time_continue=4&v=j3WOD0IFhQ8

Петар Ренџов има „Џезилка“ во „Вени“ (ВИДЕО)

Антонио Димитриевски — Wed, 30 Jan 2019 14:02:09 +0000

Новиот албум „Џезилка“ на познатиот македонски музичар Петар Ренџов ни пренесува и љубов и среќа и тага, нуди музика што извира од душата, квалитет и оригиналност. Првиот впечаток е дека секоја од песните („Жена без лице“, „Глинено око“, „Ноќна птица“, „Лулела је Јана“, „Македонки“, „Лоза дринкинг вуман“, „Твојте очи лено“, „Темјаника“…) е подготвувана перфекционистички, се везеле тон по тон, нота по нота и во тој микс од музички стилови, македонските традиционални нумери зазвучеа светски. Несомнено овој албум, со својот оригинален звук, ќе пополни голема празнина на македонската музичка сцена.

„Со текот на годините им бев лојален на моите музички браќа и сестри, како што ги нареков „толкувачи на соништа“, со кои соработувам со децении. Нивната поддршка ме прави горд и среќен, нивните музички изблици и импровизации ме облагородуваат. Тоа се врвни и посветени професионалци со екстремна естетика и сензибилитет, кои го збогатуваат колоритот и ги создаваат нијансите на боите на звукот. Без нив „Џезилка“ ќе биде само една црно-бела скица, која би се загубила во сивилото на обичниот, секојдневен пејзаж. Со трубачот Сенад Усеин со месеци филозофиравме дали звукот да биде модерен или класичен, а саксофонистот Кирил Кузманов на снимањата воопшто не зборуваше, некој го беше нарекол „тивкиот“, но додека свиреше очите ни светеа од воодушевување. Сашко Николовски, Дамир Имери и Дионис Стратров и Мартина Авросиевска се членови и на „Тумбао салса бенд“ и соработуваме веќе 25 години. За продукцијата на албумот се врзани три имиња Мите Димовски, Горан Гешовски и Љупчо Соколовски. Му благодарам и на Јане Дунимагловски, кој ја отпеа темата „Тајна насмевка“ и внесе цврста вокална енергија во „Џезилка“ - ијави Ренџов во интерву за „Нова Македонија“.

Како илустрација слушнете ја темата „Вени“ и видеото за неа. https://www.youtube.com/watch?v=pFCJR65ztUo

Петар Ренџов ја преработи „Глинено око“ на Триангл (ФОТО ВИДЕО)

Антонио Димитриевски — Thu, 26 Oct 2017 09:05:48 +0000

Македонскиот џез и латино артист, гитаристот Петар Ренџов направи уште една феноманална преработка. Овој пат во својот себесвојствен и препознатлив стил, тој ја исфрли кавер верзијата на големиот македонски хит на нашата култна рок група „Триангл“, песната „Глинено око“, која во почетокот на 80-ите беше ставена и на една од воопшто првите снимени сингл плочи на една македонска рок група во историјата на македонската дискографија.

Ренџов и екипата засилени со Кирил Кузманов - саксафон и Сенад Усеин на труба, го задржале основниот реге драјв мотив, надградувајќи го со џезирани тонови и аранжман, кои прават песната да не ја изгуби својата препознатливост, а сепак стилски да звучи поинаку, музички позрело, а сепак едноставно и лесно прифатливо.

Инаку „Глинено око“ е компонирана од Александар Стефановскаи - Јаблан, некогашниот гитарист и вокал на „Триангл“, а подоцна и на групата „Меморија“.

Со оваа реаранжирана вокална џез верзија на „Глинено око“ како пилот сингл, Петар Ренџов го најавува својот нов албум насловен „Jazzilka“.

Како сето тоа звучи слушнете во продолжение: https://www.youtube.com/watch?v=os02vfBPmB0&feature=youtu.be