петар пан – Вистина.мк

Поради големиот интерес на публиката „Петар Пан“ ќе долета во Штип на 11, а во Струмица на 18 јуни

Антонио Димитриевски — Mon, 05 Jun 2023 09:34:28 +0000

Поради големиот интерес за детскиот балетски спектакл „Петар Пан“, можноста да уживаат во претставата ќе ја имаат децата од Штип и од Струмица. Вистински начин да се одбележи крајот на училишната година со омилениот лик и роман на Џејмс Метју Бари, таткото на вечните деца и на сите оние што не сакаат да пораснат. На 11 јуни (недела), точно напладне (12 ч) во НУКЦ „Ацо Шопов“ во Штип, ќе долета Ѕвончица заедно со Петар Пан, капетанот Кука, Венди, индијанци, пирати... Оргиналноста на оваа претстава за деца и за сите оние што си го чуваат детето во себе е што нема класичен наратор туку либрето го пее Ѕвончица преку различни песни што едноставно влегуваат во уво и долго се пеат. Една недела подоцна, на 18 јуни, во НКУЦ -Антон Панов во Струмица, во 12:00 часот, Ѕвончица со својот волшебен прав и прекрасните сонгови ќе ги пресели сите гости во волшебната земја Недојдија. Претставата не се пропушта поради оригиналноста и мајсторска симбиоза на играта, зборовите и музиката. Се е прекрасно и наросено со волшебен прав: зборовите се паметат и потпевнуваат а сценографија и костими инспиративно зрачат радост и среќа. Да потсетиме: Петар Пан имаше премиера во Скопје, сеуште се памети добра атмосвера, овации и радоста на децата во публиката и на сцената. Петар Пан е потпишан од тимот составен од Ристо Самарџиев- сценарио и сонгови, Ирена Лозинска - кореографија и режија, Тамара Ѓурчиновска од балетското студио „Арт Балет“, костимите се на Елена Вангеловска, сценографијата на Љупчо Јованов а музиката на Владимир Дојчиновски -Дојчин. На сцената доминираат по 57 деца (во двете постави) од балетското студио „Арт Балет“ и гостите при балетскиот ансамбл на НОБ: Веселин Трајковски и Ницолас Алехандре Хоурсеау. Продукцијата на „Петар Пан“ е на М- Соунд.

Поради големата заинтересираност: На денот на шегата и маските – 1 април, уште две претстави на „Петар Пан“

Антонио Димитриевски — Mon, 27 Mar 2023 11:52:52 +0000

Поради огромниот интерес за детскиот балетски спектакл „Петар Пан“ најавени се уште две претстави, веќе следниот ден: во сабота, 1 април, на денот на шегата и маските, од 11ч и од 13ч. Локацијата е иста: Македонската опера и балет. Петар Пан, капетанот Кука, Ѕвончица, Венди, индијанци, пирати.., ги повикуваат децата да дојдат маскирани и да ја гледаат претставата, сите заедно да станат голема сцена и на вистински начин да го прослават 1 април: маскирана публика, маскирани актери, многу забава, музика, заразни сонгови што се паметат, танцување... Заедно, од деца за деца, бидејќи во Петар Пан учествуваат по 57 деца (во двете постави) од балетското студио „Арт Балет“. Зад магичноста на претставата е потпишан тимот составен од Ристо Самарџиев- сценарио и сонгови, Ирена Лозинска - кореографија и режија, Тамара Ѓурчиновска од балетското студио „Арт Балет“, костимите се на Елена Вангеловска, сценографијата на Љупчо Јованов а музиката на Владимир Дојчиновски -Дојчин. На сцената ќе ги видиме и Веселин Трајковски и Ницолас Алехандре Хоурсеау, гостите при балетскиот ансамбл на НОБ. Продукцијата на „Петар Пан“ е на М- Соунд. Билетите можат да се набават на mktickets.mk, Југотон и Литература.мк.

На 31 март во МОБ: Детската балетска претстава „Петар Пан“ и кај нас

Антонио Димитриевски — Mon, 20 Mar 2023 13:15:01 +0000

На 31 март, во Националната опера и балет премиерно ќе бидат изведени две претстави на детската балетска претстава „Петар Пан“. Станува збор за омилениот лик и роман на Џејмс Метју Бари, таткото на вечните деца и на сите оние што не сакаат да пораснат. Ова е претстава за сите убавини на земјата Недојдија, за имагинација оплеменета со многу добра музика, игра и разноразни чудесии што ќе ги анимираат децата во претставите од 17.30 и 20.00 часот. Петар Пан е синоним за палавоста, волшепство и семожност, за магичен прав со кој летаат малечките херои и светот, едноставно станува волшебен. Оргиналноста на оваа претстава за деца и за сите оние што си го чуваат детето во себе е што нема класичен наратор туку либретото го пее Ѕвончица преку различни песнички. Сценариото и сонговите ги потпишува Ристо Самарџиев, визуелната магија е доловена преку костимите на Елена Вангеловска и сценографијата на Љупчо Јованов. Музиката ја потпишува Владимир Дојчиновски -Дојчин, режија е на Ирена Лозинска а продукцијата на М- Соунд. И уште нешто: Петар Пан е музичко балетски спектакл во кој учествуваат 56 деца од балетско студио „Арт балет“, заедно со Веселин Трајковски и Ницолас Алехандре Хоурсеау, гостите при балетскиот ансамбл. Билетите можат да се набават на mktickets.mk, Југотон и Литература.мк.

Актерот Драган Спасов-Дац се огласи по смртта на Беличанец: Беше кревка како кокиче…

Антонио Димитриевски — Sun, 07 Apr 2019 07:32:18 +0000

Прераната смрт на актерката Билјана Беличанец- Алексиќ, која доцна синоќа беше пронајдена обесена во својот стан во Скопје ја шокираше актерската фела и воопшто Македонија. Покрај актерка, Беличанец во 2013-та година заплови и во политичките води кога стана градоначалник на општина Кисела Вода, функција која ја извршуваше се до пред две години. -Билјана Беличанец беше мојот Петар Пан. Полетна како никој од нашата бранша, леташе високо со своите улоги и оддаваше цврстина на маж, но беше кревка, како кокиче. Замина во Недојдија…, напиша Дац на својот ФБ профил.