Тој е македонскиот Стјепан Хаусер: Запознајте го виолинистот Петар Марковски од Охрид (ФОТО+ВИДЕО)

Антонио Димитриевски — Wed, 08 Feb 2023 08:29:47 +0000

Ако Хрватска го има светски познатиот виолончелист и заводник Стјепан Хаусер екс - „2 Cellos“, Македонија има и свој, само овој е помлад и свири виолина. Петар Маркоски е младо момче од Охрид, кој е вљубеник во музиката и со себе секогаш и секаде ја носи својата виолина. Шармантен, талентиран и со неодолива насмевка која плени, тој снима забавни видеа на разни локации додека свири познати музички теми, а неговите видеа се хит на социјалните мрежи, најмногу на Инстаграм и на Јутјуб. Инаку охриѓани Петар Маркоски го знаат како детето со виолината. За прв пат со својот инструмент се среќава на 7 годишна воздраст кога го запишале во основното музичко училиште „Методи Патче“ во Охрид. Во текот на школувањето Петар се здобива со пет награди на републичко ниво во категорија соло, дует и трио виолина. Маркоски ќе биде и дел од хорот во свјата гимназија, потоа ќе студира во Италија, ќе има своја група, а и ќе учествува на македонското музичко талент шоу, „М2 -Потрага по ѕвезди“. Петар најмногу ги сака домашните и странски евергрини. На својот Јутјуб канал истите ги изведува при тоа за секоја нумера презентирајќи ја од нова светски позната локација, но најмногу од секое катче кое е специфично за Охрид. „Јас како Охриѓанец ја имам таа привилегија да го уживам секојдневно и да црпам непресушна енергија и испирација. Секоја нова песна за мене е и истражување на нови локации, малечки скриени местенца кои кријат убавина и прекрасен поглед кон езерото и прекрасното зајдисонце. Сакам да ја прикажам оваа убавина на луѓето ширум светот, да го запознаат Охрид, да ја запознаат Македонија, нашата традиција, храна, култура, историја“ - ќе изјави Петар во едно свое интервју за порталот Охрид1.сом Во рок од една година активно снимање познати хитови на виолина, Петар успеал да стигне до неверојатна бројка од над 100 илјади следбеници на социјалните мрежи, да има милионски прегледи на своите видеа и огромна поддршка од фановите од целиот свет. Сетоа тоа е она што како што самиот вели, го прави среќен и му дава мотив да работам уште повеќе. Најновото видео од Петар е објавено пред неколку дена. Овој пат охридскиот заводник на виолина не е сам, туку е во друштво на Бенедета Карета. Станува збор за атрактивната и заводлива „сињорита“, чиј глас го слушна целиот свет. Преубавата Италијанка која има 26 години и беше дел од шоуто „Гласот на Италија”, а самата има повеќе од милион следбеници на Инстаграм. Убавата Италијанка е позната по тоа што во видеата со поранешниот љубовник на пејачката Јелена Розга, Стјепан Хаусер, објавува само дел од своето лице, но со нашиот Петар есосема поинаку. Тој и неговата виолина, таа и нејзиниот вокал во прекрасната инструментално- вокална преработка на светски познатиот хит на Глорија Гејнор - „I will survive“ и уште поубавото планинско снежно видео (КЛИКНИ ТУКА):

петар маркоски – Вистина.мк

Тој е македонскиот Стјепан Хаусер: Запознајте го виолинистот Петар Марковски од Охрид (ФОТО+ВИДЕО)