„Санаториум“ се вратија за да шират звучна – „Параноја“ (ВИДЕО)

Антонио Димитриевски — Fri, 04 Sep 2020 11:10:44 +0000

Македонскиот култен хеви метал бенд „Санаториум“ се враќа на сцената со нова песна, моќна, брза и енергична, насловена „Параноја“. Новата композиција на Санаториум е во целост авторско дело на членовите на бендот Перо Стефановски, Горан Атанасов, Горан Станковиќ, Бобан Василески и eкс- гитаристот Константин Качев. Во снимањето на „Параноја“ учествуваа Бобан Василески, Александар Стефановски и Дарко Дарковски, а миксот и мастерингот се дело на Александрос Крисидис. Видео продукцијата е на тапанарот Горан Атанасов. Вака звучи и изгледа кога „Санаториум“ шират звучна „Параноја“: https://www.youtube.com/watch?v=xKemWz7gLhY&feature=emb_logo

Сузана Јовчева со љубов кон татковината ја опеја својата – „Македонија“ (ВИДЕО)

Антонио Димитриевски — Thu, 19 Dec 2019 13:11:47 +0000

Љубовта кон татковината и кон Македонците што живеат насекаде низ светот претставувала инспирација за новата песна на Сузана Јовчева, насловена „Македонија“. Таа е автор на музиката и текстот, додека аранжманот е заеднички на сите изведувачи кои учествуваа во реализацијата на оваа нумера. За снимањето и продукцијата се погрижија самата Јовчева, Ангел Ќосев и Александар Стефановски, а песната е работена во две студија: „Подрумот“ и „Alex Home Studio“ во Скопје. Во изведбата на„Македонија“ учествуваат едни од нашите најдобри музички уметници како што се Гоце Димовски, Гоце Узунски, Марјан Јовановски, Горан Гешовски, Ангел Ќосев, Илија Филиповски, Александар Стефановски и Перо Стефановски. Дел од музичките уметници што учествуваа во снимањето се членови и соработници на култната музичка група „Синтезис“ со којашто Јовчева соработува долги години наназад, а неодамна беше со нив и на турнеја во Австралија, група во која членува и нејзиниот брат Ване Јовчев. Инаку Сузана Јовчева е професорка по музичка култура и има настапувано на речиси сите релевантни музички зафолк и забавни фестивали во Македонија како што се „Фолк фест Валандово“, „Цветници“, „Макфест“, македонскиот избор за „Песна на Евровија“ и други, а добитник е и на бројни музички признанија и награди. Погледнете го видеото и слушнете како Сузана Јовчева низ својата вокално-музичка експресија ја доживува „Македонија“:

Перо Стефановски. – Вистина.мк

„Санаториум“ се вратија за да шират звучна – „Параноја“ (ВИДЕО)

Сузана Јовчева со љубов кон татковината ја опеја својата – „Македонија“ (ВИДЕО)