перо антиќ – Вистина.мк

Рака за рака: Перо Антиќ со јасен доказ и потврда дека таа е неговата сакана (фото)

Слободанка Илиева — Tue, 30 Jan 2024 09:19:08 +0000

Овој месец јануари како за почеток на годината, според претседалот на КФМ Перо Антиќ беше вистинско време за јавно откривање на она што на љубовен план го сокриваше извесно време. Иако и претходно се вртеа чаршиски муабети дека новата партнерка на Антиќ е маркетинг експертката и инфлуенсерка Сања Ристиќ, јавна потврда и од двете страни немаше. Според двајцата тазе љубовници доволни за тоа дека се заедно беа фотографиите на нивните профили на Инстаграм. Се’ започна со онаа од ноќното возење по пижами во автомобил, следната слична и преку ден повторно во автомобил, па се до оваа последната и најнова. Сега веќе сосема јасна, со или без дополнителен коментар. Перо и Сања фатени рака за рака, како се држат цврсто со испреплетени прсти од дланките. Повеќе од ова за потврда дека се љубовен спој и не треба. За потсетување, Антиќ минатата година беше во врска со топ моделот Катарина Ивановска, додека Сања се разведе од ракометарот Дејан Пецаков со кого има две деца. Перо пак, од бракот со Ружица има три сина. фото:Instagram printscreen/ sanjalala/ cickostoilko

Продолжение од зад воланот на Перо Антиќ: Партнерката од совозачко не ја менува – овој пат гушнати се возат во љубовна брзина (фото)

Слободанка Илиева — Wed, 17 Jan 2024 08:28:47 +0000

Перо Антиќ не остава актуелноста по повод неговиот љубовен статус да стивне. Откако вчера беше главна вест во домашните портали дека најпосле открил која е неговата нова девојка, Перо продолжи со објавите и истата партнерка од совозачно. Петрседателот на КФМ деноноќно ја вози специјалистката за маркетинг и инфлуелсерка Сања Ристиќ, па иако писмено не потврди за пишувањата за нивната врска, а ниту објави демант, преку новата фотографија прати визуелен одговор или сликовен приказ за јавноста и медиумите. Овој пат не се возеа во пижами, но повторно се огласија од автомобилот, дестинација и сега непозната, но веќе со јасен знак дека возат во љубовна брзина. Гушнати и стиснати еден до друг, Перо и Сања дополнително ја заинтригираа јавноста и останаа во фокусот и преку најновата објава која очигледно е доволна потврда дека на Перо му е најубаво да има дама на совозачко, а веројатно и нејзе. За потсетување, Антиќ минатата година беше во врска со топ моделот Катарина Ивановска, додека Сања се разведе од ракометарот Дејан Пецаков со кого има две деца. Перо пак, од бракот со Ружица има три сина. фото:Instagram printscreen/ sanjalala/ cickostoilko

На вечерно возење по пижами: Сања Ристиќ е македонското девојче на Перо Антиќ?! (фото)

Слободанка Илиева — Tue, 16 Jan 2024 11:24:05 +0000

Актуелениот претседател на Кошаркарската федерација на Македонија, Перо Антиќ, повторно е во фокусот на јавноста и медиумите. Причина за тоа како и вообичаено е неговиот приватен живот, а за истото овој пат самиот беше иницијатор на веќе подгреаните гласини. Неодамна го поврзуваа дека е во љубовна врска со фолк ѕвездата Цеца Ражнатовиќ што тој децидно го демантираше, но тогаш потврди и дека не е „сингл“ туку дека е заљубен и во нова врска. Перо очигледно не се плаши да влета во нова романса, па како што вели и самиот, од грешките се учи за се’ она што следи.

View this post on Instagram

A post shared by Antic Pero Official Instagram (@cickostoilko)

Откако измината есен ја прекинаа врската со макенеката Каратина Ивановска, Антиќ не милува да открива премногу за тоа која е неговата сакана или како што неопдамна ја нарече- македонско девојче. -Интимен живот не споделувам. Нека си шпекулираат. Само ќе кажам мојата нова љубов е македонско девојче, кажа тогаш тој за ММС, мислејќи на тоа дека не се работи за Цеца. Чаршијата уште тогаш зборуваше дека Перо и новата девојка не ја кријат врската во јавност, туку само не се решиле тоа да осамне на социјалните мрежи. Според новините од Инстаграм профилот на Перо, нештата во тој поглед почнале да се менуваат или поточно тргнале во правец на вечерно возење по пижами. Очигледно се уште во празнично расположение, облечени во пижами со таква симболика, тој зад воланот, а таа на совозачко во иста пижама. Која би можела да биде македонското девојче, ако не во случајот Сања Ристиќ?- специјалистката за маркетинг и екс- сопруга на ракометарот Дејан Пецаковски за кого таа изјави дека неверство не е причина за разделбата, а не се заедно повеќе од една година. -Мојата разделба со мојот сопруг Дејан беше апсолутно мирна разделба каде една од причините што не постои е неверство. За себе тврдам, за Дејан исто така можам да тврдам, затоа што е сосема друга причината поради која ние сме се разделиле – вели Ристиќ во интервју за Жешко столче. Потано или подоцна, како едниот така и другиот ја кажале својата страна на приказната, а засега кај двајцата истата гласи: -Денес голем луксуз е да имаш некого кој сака се' со тебе, стои во „приказните“ како кај Перо ,така и кај Сања.

View this post on Instagram

A post shared by Sanja Ristic (@sanjalala)

Во случајот заедничката фотографијата од „стори“ приказните е сосема доволна за тоа која е партнерката на Перо - од совозачко. Едно е сигурно, пижама возење им е фетиш, правецот каде се упатија непознат, а крајната дестинација обострано задоволство за среќна и исполнета вечер. фото:Instagram printscreen/ sanjalala/ cickostoilko

Перо Антиќ: „Кога ќе си со некој во врска, треба да сте вие двајца, а не да има уште сто попатни луѓе во таа врска“ (ВИДЕО)

Антонио Димитриевски — Sat, 21 Oct 2023 07:30:33 +0000

Тој е еден од најдобрите и најпознатите македонски кошаркари на сите времиња. Некогашен играч на „Работнички“, „Црвена Ѕвезда“, „АЕК“, „Олимпијакос“, „Фенербахче“... подоцна првата македонска НБА ѕвезда како играч на тимот на „Атланта Хоукс“. Во моментов Перо Антиќ е се' уште и актуелен претседател на КФМ - Кошаркарската федерација на Македонија. Градски урбан лик, кој никогаш не престанал да биде актуелен и ексклузивен. Скапите коли и убавите жени велет, отсекогаш му биле слабост. По разводот со неговата сопруга Ружица, неговиот приватен живот е постојано во фокусот на јавноста. Сите сакаат да дознаат со кого Перо ги дели емоциите и интимата, која градска позната или непозната девојка му е во прегратки. Интересот за неговата приватност особено порасна за време на врската со светски познатата македонска манекенка и модел, Катарина Ивановска, која во меѓувреме исто така се разведе, односно го напушти заедничкото живеење со својот невенчан сопруг. На почетокот од годината таа и Перо ја раскина врскатаа за тоа нешто Антиќ говори малку повеќе од вообичаеното: „Секој прави грешки во животот, така што треба да се учи од грешките... За мене кога ќе си со некој во врска, треба да сте вие двајца и да нема попатни уште сто луѓе во таа врска. Но, ништо не е грешка во животот, се е школа. Ако ја повторам таа грешка, ќе биде грешка“ - вели Антиќ и потврдува дека е повторно заљубен и во врска, но не откри со кого, иако јавноста веќе некое време шпекулира дека негова нова девојка е . За кариерата и кошарката во Македонија, за својот приватен живот и неговите растежи и падови, за промашените и успешните врски... Перо Антиќ говори одговарајќи на прашања, седнат на „Жешко столче“ во уште еден подкаст на неговиот домаќин и наш Интернет соработник, Никола Трпковски.

Перо Антиќ му подари необичен и уникатен подарок на српскиот претседател: Александар Вучиќ доби типично српски дизајнирани обувки, ама не… не се опинци! (ФОТО)

Антонио Димитриевски — Tue, 12 Sep 2023 06:22:36 +0000

Обајцата речиси со иста, кошаркарска височина, иако едниот не бил кошаркар... Обајцата на највисоки функции - претседателски, нашиот на спортска, нивниот на државничка. Ги врзува не само српското потекло, туку и големиот клуб за кој нашиот Перо Антиќ во два наврати играше во Србија - белградска КК „Црвена ѕвезда“. Подоцна тој стана и НБА ѕвезда, ама затоа пак претседателот на Србија, Александар Вучиќ покажа дека несомнено е НБА политичар. И не само за Балканот, туку и многу пошироко. Како и да е, претседателот на Кошаркарската федерација на Македонија, Перо Антиќ вчера, понеделник, 11 септември 2023, во Скопје имаше кратка средба со претседателот на Република Србија, Александар Вучиќ во пресрет на пленарниот состанок на лидерите учеснички на процесот Брдо - Бриони. Еден од најдобрите македонски кошаркари на сите времиња му подари необичен и уникатен подарок на српскиот претседател. Александар Вучиќ доби типично српски дизајнирани обувки, ама не... не се опинци, како едно од традиционалните обележја на српската народна носија! Перо Антиќ на претседателот Вучиќ му подари уникатни спортски патики, специјално декорирани со симболите и државните обележја на Србија.

View this post on Instagram

A post shared by Swithadot StudioS. (@swithadot)

Александар Вучиќ пријатно изненаден од необичниот подарок на својот Инстаграм сподели: „Со српската и македонската кошаркарска легенда Перо Антиќ. Перо ми подари патики „Србија 1“. Инаку и двајцата сме горди на српските кошаркари и го чекаме златото од Париз“ - напиша Вучиќ.

View this post on Instagram

A post shared by Aleksandar Vučić (@buducnostsrbijeav)

Од друга страна Перо Антиќ истот така на својот Инстаграм профил сподели фото и видео, па во нивниот опис раскажа како ја доживеал средбата со српскиот претседател:

View this post on Instagram

A post shared by Antic Pero Official Instagram (@cickostoilko)

„Секогаш е задоволство да се сретнеш со драги пријатели со кои разговараш за сличните интереси. Денеска имав прилика повторно да се сретнам со Претседателот на Република Србија, Александар Вучиќ @buducnostsrbijeav . Разговаравме за кошарка, за последниот медал кој го освои Србија, на Светското Првенство и за претстојните предизвици на спортски план на Србија и на Македонија. Средбата ја искористив и да му подарам дизајнирани патики со обележја на Србија, креирани од единствениот @swithadot Се надевам дека во некоја наредна прилика ќе се сретнеме и на кошаркарските терени“ - споделил Антиќ. Фото: Инстаграм/buducnostsrbijeav/cickostoilko

Клуб на осамените срца на македонските ѕвезди (фото)

Слободанка Илиева — Fri, 02 Jun 2023 08:00:25 +0000

Кога завршува едно животно поглавје, особено љубовно, тогаш во зависност од карактерот на личноста, едни преферираат да бидат сами по крајот на врската, а пак други на некој начин се тешат со исполнето верме на ваков или онаков начин. За овие вторите, време за осаменост нема, туку само простор за разни активности и потполнување на празнината и отсуството на тој што веќе го нема. Пријателите најчесто се изборот за лаф муабет, а пак кога ќе се погоди да бидат во иста ситуација, тогаш поврзаноста и муабетот оди многу полесно и трае и трае... Во една таква слична ситуација се најдоа другарите или како што милуваат да се наречат, браќа, екс-кошаркарите Перо Антиќ и Александар Димитровски – Мачка, ама и другарките пејачката Тамара Тодевска и манекенката Катарина Ивановска. Едните во фаза на развод, а другите наводно разделени. Машката половина на осамени срца, барем на социјалните мрежи покажува дека почесто се дружи. Перо и Мачка редовно имаат повод и причина за дружба, а дека имаат заеднички муабети воошто не мора ниту да се спомне и тоа не мора да бидат само на тема поранешни. Дека дружбите им се се’ почести може да се види од профилот на Антиќ кој редовно објавува фотки од средбите. Понежните половини веќе ги нема, станаа или стануваат минато секој си знае поедниченно, дали се осамени или не, стои под прашалник, а до кое ниво стигнаа и се адаптираа како „сингл“ времето ќе покаже... фото:Инстаграм принтскрин

Перо Антиќ славеше наголемо, а Џамбо Агушев ја крена атмосферата до плафон (фото)

Слободанка Илиева — Wed, 05 Apr 2023 07:51:39 +0000

Поранешниот кошаркарски репрезентативец, Перо Антиќ, деновиве беше реизбран за претседател на Кошаркарската федерација на Македонија, а неговиот нов мандат не помина само со изборната седница и гласањето, туку продолжи во кафеана. Претседателот и членовите кои го изгласаа се собраа да прослават и тоа наголемо со најдобрата труба, Џамбо и Агушеви. Познатиот струмичанец беше оној што сподели моменти од атмосферата, а со тоа и јавно сакаше да му честита на Перо за реизборот. -Една слика милион зборови. Благодарност до Перо Антиќ за поканата да бидеме дел од неговата прослава за реизборот за претседател на КФМ. Човек со големо срце, Македонец кој си ги сака и почитува своите луѓе. Ти благодарам за прекрасниот подарок – дрес. Честитки и многу успеси во иднина, напиша Џамбо кој се пофали и за дресот подарок од Антиќ кој веднаш го имаше на себе. Инаку, Антиќ на чело на КФМ дојде во 2019 година, откако претходната 2018-та ја заврши кариерата во дресот на белградска Црвена Звезда и веднаш по пензијата седна на претседателското столче во мак-баскетот. Тој дојде на местото на уште една кошаркарска легенда, Петар Наумоски. Покрај реизборот , Антиќ деновиве е актуелен и со својот приватен живот и наводното раскинување на љубовната врска со манекенакта Катарина Ивановска. фото:Фејсбук/Џамбо Агушев

Перо Антиќ ги подгреа муабетите дека ставиле крај на врската со Катарина Ивановска (фото)

Слободанка Илиева — Tue, 04 Apr 2023 08:17:30 +0000

Перо Антиќ и Катарина Ивановска наводно ставиле крај на својата љубовна романса. Ако светски познатите личности знаат јавно преку социјалните мрежи да потврдат или демантираат разни гласини кои се шират низ јавноста и медиумите, кај нас тоа не е случај. Приваноста најчесто се чува како државна тајна и најголемиот број од нашите познати ликови се трудат да сокријат се’, независно дали е тоа е за добро или за лошо. Еден од многуте такви примери е врската меѓу актуелниот претседател на КФМ Перо Антиќ и популарната манекенка Катарина Ивановска. Почетокот на нивната врска беше во тајност се додека не решија да се појават заедно на јавен настан и да позираат пред фоторепортерите, а со тоа да потвдат дека има вистина во чаршиските муабети и медиумските објави. Сега ситуацијата е нешто поинаква, бидејќи социјалните мрежи се прозорецот кон нивната приватност, погледот во истиот покажува нешто друго. Перо и Катарина повеќе не се ниту пријатели на Инстаграм, тој е не е нејзин следбеник, а ниту таа негов. Ако се суди според тоа, медиумите веќе почнаа да пишуваат дека познатата двојка ставила крај на врската. Но, нештата од објавите на нивните профили, особено оние кај Перо, ги подгреваат гласините уште пред да се отследат. Статусите и мудростите кои ги објавува Антиќ алудираат за крајот на врската. -Поставете јасни граници и заштитете ги. Не губите вистински пријатели, можности, или вистински врски кога почнувате да стоите зад своето и поставувате јасни граници. Тогаш губите злоупотребувачи, манипулатори, нарциси, оние што бараат внимание и пијавици кои го уништуваат менталното здравје, акцентира Антиќ и аргументира веројатно на она што му се случува периодов, секако без да наведе конкретни примери, но доволно да ги подгрее гласините. За разлика од него, Катарина е порезервирана, па покрај објавите од нејзините тековни модни ангажмани и фотографии со децата, ретко да осамне нешто кое ќе биде некаков сигнал и индикатор дека повторно е сингл. Но сепак, карактерот не и дозволи да издржи без да нагласи дека моментално се идентификува во текстот од новиот хит на другарката Тамара Тодевска, „Нијагара“. „Промашена стварност“ – издвојува Катарина, кратко и јасно, за неа сосема доволно да го опише она што го мисли, доживува... Вака или така, дали Перо и Катарина веќе станаа „екс“, или повторно оставија простор за ... понатаму, останува непозната. За потсетување, откако Перо се разведе од Ружица, а Каратина стави точка на врската со Цобе, двајцата решија да и дадат нова шанса на љубовта - заедничка, која сега стои под знак прашалник. фото:Инстаграм принтскрин/катаринаивановска/перо антиќ/Фејсбук Маја Јаневска Ивиева- музеј на современа уметост

Реакцијата на Перо Антиќ за с*ксот по 50-та… (фото)

Слободанка Илиева — Sat, 25 Mar 2023 09:10:31 +0000

За сексот по 50-та година како тема е издадена книга од Др. Фред Џонс, а истата се најде на Инстаграм профилот на актуелниот претседател на Кошаркарската федерација на земјава, Перо Антиќ. Тој често е активен на социјалната мрежа, а простор од своите „стори“ приказни одвои за книгата со наслов „Сексот по 50-та“. Интересно е што содржината на книгата ни повеќе ни помалку е празна. Перо има повеќе од една деценија од животот додека стигне до 50-та, а неговата реакција по ова прашање, беше емотикон кој „плаче “ од смеење. Деновиве сите имаат предлог наслови за книги, но Перо ја има најуникатната.

Со кој си, таков си: Перо Антиќ за добро утро гол пред огледало (фото)

Слободанка Илиева — Fri, 24 Feb 2023 10:21:28 +0000

Секој од нас има свои утрински ритуали. Некои гледаат што побрзо да го направат неопходното, други стануваат дури и порано за да успеат да стигнат со се’, а пак трети си тераат опуштено. Претседателот на Македонската кошаркарска федерација Перо Антиќ е во оние третите, тој мора да има време за утринско туширање, па дури и поизирање пред огледало.

View this post on Instagram

A post shared by Antic Pero Official Instagram (@cickostoilko)

Ама, кој си може, си може... Не за џабе рекле дека со кого си, таков си, па ако судиме по народната, тогаш на Перо покрај неговата девојка, манекенката Катарина Ивановска, позирањето му е редовно пред очи. Поздравот за добро утро на Перо беше пред огледало, со мобилниот во рака, засема став и поза, а на него има само бел пешкир со кој ја покри интимата. Ова е уште една прилика од која Антиќ ги покажа многуте тетоважи на торзото и рацете. Овој гол утрински поздрав беше веројатно упатен кон понежниот пол, а што се' му стигнало во приватните пораки, најдобро знае само тој.