перница – Вистина.мк

Проверете дали треба да ја замените перницата: Ако се случува ова, време е за нова

Слаѓана Атанасова — Thu, 22 Feb 2024 13:30:17 +0000

Ако ноќ по ноќ се будите исцрпени со болен врат, можеби ви треба нова перница. Многумина мислат дека штом се купи перница, тоа е трајно решение, но има период по кој стануваат истрошени и почнуваат да ги губат својствата. Колку долго траат перниците? Се смета дека перниците траат во просек околу две години. Сепак, рокот на траење на перницата зависи од неколку фактори. На пример, перницата на која спиете секоја вечер веројатно ќе треба да се замени порано од перницата што се користи поретко. Видот на полнење што се користи во перницата исто така игра значајна улога. Перниците исполнети со влакна имаат тенденција брзо да се израмнуваат, додека оние со полнење слично на гел може да ја задржат својата форма и поддршка подолго време. Знаци дека ви треба нова перница Иако постојат очигледни знаци дека ви треба нова перница (непријатност или губење на формата), не сите перници што треба да се заменат ќе изгледаат истрошено. Еден од знаците дека е време да ги замените вашите перници е кога тие повеќе не се враќаат во првобитната форма кога се преклопени на половина. Ова покажува дека перницата со текот на времето акумулирала тежина од масла на кожата, пот и други остатоци. Извор: Попара

Често прашање: Дали спиењето без перница е добро или лошо?

Слаѓана Атанасова — Wed, 15 Feb 2023 11:45:43 +0000

Има некои предности во спиење без перница. Сепак, овие придобивки не се за сите. Спиењето без перница може да помогне само ако спиете во одредена положба. Во зависност од тоа како спиете, може да се чувствувате подобро откако ќе спиете на рамна површина. Дали спиењето без перница може да помогне во држењето на телото? Перниците имаат за цел да го задржат ‘рбетот во неутрална положба. Тие го усогласуваат вашиот врат со остатокот од телото, што поддржува добро држење на телото. Како такво, истражувањето се фокусираше само на најдобриот тип на перница за држење на телото. Научниците не проучувале како спиењето без перница конкретно влијае на ‘рбетот. Но, оние што спијат на стомакот можат да имаат корист од отфрлањето на перницата. Според Медицинскиот центар на Универзитетот во Рочестер, спиењето на стомак го става ‘рбетот во неприродна положба. Тоа е затоа што поголемиот дел од вашата тежина е во средината на вашето тело. Дополнително го оптоварува грбот и вратот, што му отежнува на ‘рбетот да ја одржи својата природна кривина. Спиењето без перница може да ја држи главата исправена. Сепак, ова не важи за другите позиции за спиење. Ако спиете на грб или на страна, спиењето без перница може да направи повеќе штета отколку добро. Најдобро е да користите перница за да го задржите ‘рбетот неутрален, пренесува Healthline. И покрај потенцијалните предности на спиењето без перница, има и недостатоци. Лошо држење на телото Кога спиете на стомак, отстранувањето на перницата може подобро да го усогласи вашиот ‘рбет. Сепак, ова нема целосно да ја компензира неприродната положба. Сè уште ќе биде тешко да го задржите ‘рбетот неутрален, бидејќи поголемиот дел од вашата тежина е во центарот на вашето тело. Болка во вратот Ако спиете на стомак, исфрлањето на перницата може да му помогне на вашиот врат да остане во поприродна положба. Но, тоа не ја елиминира потребата да ја свртите главата. Ова може да ги напрега зглобовите и мускулите на вратот, предизвикувајќи болка. За други позиции за спиење, прескокнувањето на перниците може да влоши или да предизвика болка во вратот. Тоа е затоа што спиењето на грб или на страна премногу го растегнува вратот. Без перница, вашиот врат ќе остане во оваа положба цела ноќ. Дополнително, доколку не користите перница, притисокот врз мускулите на вратот ќе биде нерамномерно распределен. Поголема е веројатноста да почувствувате болки во вратот, вкочанетост и главоболки, пренесува Healthline. Така, заклучокот би бил дека е подобро да пронајдете перница која повеќе ќе ви одговара отколку целосно да ја исфрлите перницата. Извор: Курир.мк

Фотографиите на српската пејачка направија хаос: „Жена од султана“ гола во постела, интимата прекриена само со перница (ФОТО)

Антонио Димитриевски — Thu, 11 Feb 2021 11:38:30 +0000

Атрактивната пејачка Тијана Милентијевиќ постигна голема популарност благодарение на песната „Жена на султанот“, која е една од најслушаните на балканските простори. Освен со својот глас, Тијана привлекува и со својот изглед и моментално важи за една од најубавите помлади пејачки на нашата естрада. Денес, Тијана често објавува провокативни фотографии на својот Инстаграм профил кои ја разгоруваат машката фантазија. Така, пред извесно време, пејачката објави фотографии на кои лежи гола во својот кревет, а интимните делови ги покрилаа само со перница. Мора да признаеме дека со овие фотографии пејачката прилично ја заскокотка фантазијата на сите нејзини следбеници, особено на оние од посилниот пол, кои без размислување би се „фатиле за јатаганот“ заради „Жената на султанот“. Фото: Инстаграм принтскрин

Пиштол голи, само со перница и украсен ремен на себе: Чуден тренд се шири на Инстаграм, кој го прифатија и српските ѕвезди, а кај нас прва, македонската мисица и модел (ФОТО)

Антонио Димитриевски — Sat, 11 Apr 2020 08:08:58 +0000

Дамите од српската естрадна сцена решија да го следат најновиот тренд кој се појави во светот,а брзо се прошири по Инстаграм. Тренд што за многумина е многу чуден, зашто девојките се фотографираат сосема голи, преку себе само со перница стегната околу струкот со украсен ремен! Први што го скршија мразот беа Хана Хаџијавдагиќ, Ања Мит и Весна Ѓогани. Трите наместо облека, на себе носеа перница која ја стегнаа со колан и така се снимаа на социјалните мрежи.Некои од нив дури и излегоа на така (с)облечени и на својата тераса...

View this post on Instagram

#OpetNajljepša kada izađe prvi put nakon izolacije? #follow @t0p30 ?? #quarantine #quarantinepillowchallenge #DušmaniŠicŠic

A post shared by Hana Hadžiavdagić Tabaković (@hana) on Apr 7, 2020 at 5:52am PDT

...Додека другите пак имаа и кореографија заедно со овој тренд што се појави за време на изолацијата.

View this post on Instagram

???‍♀️?

A post shared by Anja Mit (@anjamitofficial) on Apr 8, 2020 at 2:21pm PDT

Во светот многу од нив, во соседството само понекоја, а кај нас, прва трендот го прифати и спроведе, македонската манекенка, мисица и модел, Ивана Ина Димитрова. Згодната штипјанка оддамна нема проблеми со разголувањето, за што сведочат и нејзините постари фотографии. Но, на јавноста таа и ги освежи сеќавањата на себе откако лани, заедно со бившата на сопруга на Даниел Кајмаковски, тетовката Кристина Димитриевска учествуваа на светскиот избор за убавина во Црна Гора - „Мис Глоуб 2019“. https://arhiva.vistina.com.mk/radio-mileva/kristina-i-ivana-nashite-ubavici-od-mis-gloub-2019-rusokosa-i-brineta-dva-sveta-edna-zelba-da-se-bide-mis-ili-kuchka/ Атрактивната мисица беше уште малку потоа актуелна во јавноста, од која потоа одново ја снема. Деновиве Ивана осамна на социјалните мрежи токму појавувајќи се облечена по правилата на новиот предизвик или светски тренд: гола, само со перница на себе и колан околу струкот. И мора да се признае дека сексапилната штипјанка не изгледа ништо помалку атрактивно, провокативно и секси од естрадните ѕвезди од соседството „ујдисани“ по истиот терк! Напротив, Ина може слободно да им парира, да се носи со нив, па дури би рекле дека и поелегантно и посексапилно изгледа од нив во вакво издание... Ако е така - а така е, можете само да замислите, колку ли секси изгледа мисицата, кога ќе ја тргне перницата?

Дали после спиење на вашата перница има мало „вирче“ од плуканка- причината за тоа ќе ве изненади

Христина Ѓоргиевска — Fri, 19 Apr 2019 13:30:14 +0000

Она што често знае да се случи е после спиење, на перницата да направиме мала „бара“ од плуканка, а на многу луѓе тоа многу често им се случува. Еве што говори тоа за вашиот сон: Обично оние кои се многу уморни и ненаспани, на перницата прават мало „вирче“ од плунка. Оваа ситуација се случува кога сте многу уморни, или ако сте имале проблем да заспиете, но исто така и дека не сте се разбудиле во текот на целата ноќ. Што значи дека сонот ви бил непрекинат. Уште едно нешто што може на укажува на оваа појава е дека сте сонувале нешто убаво, и дека вашето расположение е добро, па обично после ваков сон се чувствувате одморено. Ваква ситуација се случува понекогаш и кога не спиете, но сепак сте многу уморни. извор: Курир.мк

Дознајте дали е време да ја смените Вашата перница

Наташа Тасевска — Wed, 10 Oct 2018 14:45:46 +0000

Многу е важно да ја имате вистинската перница, бидејќи не само што ќе му даде поддршка и удобност на вратот, туку ќе ги спречи и болките во главата, вратот и грбот и ќе ви помогне ‘рбетот да биде во соодветна положба. Исто така ќе ве штити од алергени и вие ќе спиете во свежа и здрава средина. Спиењето на несоодветна перница може да предизвика различни болки и значително да влијае врз нашето здравје. Исто така може да има и други последици како што се срцеви болести или депресија. Правилото на палецот е совршениот показател за тоа кога треба да ја смените перницата. Неколку показатели предлагаат дека е време да ја замените перницата:

Често се будите со главоболка, вкочанет врат или грчеви во мускулите.Болката во главата, вратот и грбот, па дури и во нозете може да бидат последица од спиењето на стара перница. Причината е во тоа што нема доволно поддршка во вратот, а тоа постојано влијае на целиот ‘рбет. Вистинската перница треба да им даде соодветна поддршка на главата и вратот и на тој начин да овозможи соодветна поставеност на телото.
Перницата е рамна или пак деформирана.Нерамна или деформирана перница не им ја дава соодветната поддршка на главата и вратот. Заменете ја перницата доколку треба да ја тресете и полните за да ви биде удобна. Доколку на перницата и треба време да се врати во првобитната положба откако ќе ја склопите на половина значи дека е време да ја замените перницата. Перницата треба да се прилагоди на контурите на вашата глава и рамномерно да ја распредели тежината, без да создава дополнителен притисок.
Имате проблеми со алергии и астма.Перниците собираат телесни течности и мртва кожа, а тоа привлекува прашински грини, еден од најчестите алергени. Со тек на време перницата станува резервоар на бактерии, честички од прашина и мувла додека дишењето и плунката придонесуваат за уште полоша средина за спиење. Овие негативности предизвикуваат алергии и симптоми на астма. Експертите препорачуваат дека оние кои страдаат од алергии треба да ја менуваат перницата на секои две години. За да се намали ризикот од алергии, потребно е перницата да се пере во топла вода и да се користат навлаки за да се спречи насобирањето на алергии.
Вашата перница е постара од две или три години. Дури и ако не можете да погледнете во внатрешноста на перницата не се сомневајте дека таа станува жив еко-систем после две или три години употреба. Треба да ја замените перницата дури и ако не сте забележале очигледни деформации и сл.
Вашата перница има непријатен и чуден мирис.Непријатниот мирис може да биде последица на пот, бактерии, мувла и е очигледен знак дека треба да ја замените вашата перница.
Едноставно не можете да се наспиете.Ако не можете да се наспиете и постојано се превртувате во текот на ноќта, тогаш нова перница може да е решение на вашиот проблем. Недостатокот на квалитетен сон може да доведе до сериозни здравствени проблеми. Една третина од нашиот живот го поминуваме во спиење или во одмарање на главата и вратот на таа перница, па затоа е многу важно да имаме квалитетна перница бидејќи е клучен фактор кој ќе ни обезбеди квалитетен сон и живот.