пеперминт – Вистина.мк

„Пеперминт“ го опејаа „новото нормално“ во – „Ненормално“ (ВИДЕО)

Антонио Димитриевски — Tue, 31 Aug 2021 12:17:12 +0000

По пауза од над година и половина, скопска рок дружина „Пеперминт“, се појави со нова песна насловена „Ненормално“. Пајак и дружината познати посвоите саркастични, симпатично критизерски текстови, овој пат имале нова тема за обработка. Имено како инспирација ги земали општите состојби во нашето општество, па и во светот, каде „новото нормално“ всушност е имплементација на извртени вредности, замена на „ненормалното“ за „нормалното“. Состојби на кои светот тешко се навикнува, а елитата се повеќе му ги наметнува и го притиска, а нив најмногу ги чувствува обичниот мал човек. Како и да е, овој пат „Пеперминт“ и музички избегале од својот вообичаен правец и звук, па „Ненормално“, нормално звучи поинаку: со примеси на џез и фјужн и вокален израз кој повеќе наликува на рецитирање отколку напеење, што можеби и не новост за бендот. Песната ја следи уште едно нискобуџетнмо видео, кое е „ненормално“ добро артистички и визуелно спакувано, кое носи визуелна порака која ги поткрепува стиховите на темата дека се' е „испреввртено наопаку“. Комплетната песна и музички, аранжмански, текстуално е авторско дело на лидерот, гитарист и вокал на бендот, Горан Трифуновски - Пајак. Спотот е сниман, монтиран и режиран од Горан, Ана и Теона Трифуновски. Проследете како звучи и изгледа „новото нормално“ во темата „Ненормално“ на групата „Пеперминт“. [embed]https://www.youtube.com/watch?v=wpgRRiTQrGE&t=30s[/embed]

Со „Пеперминт“ против загадувањето – „Не се дише (No air)“ (ВИДЕО)

Антонио Димитриевски — Tue, 17 Dec 2019 14:16:30 +0000

Популарната скопска рок група „Пеперминт“, по подолго време, се појави со нова песна насловена „Не се дише (No air)“. Инспирирани или поточно, како и сите ние напатени од енормно големата загаденост на воздухот во главниот град, Горан „Пајак“ Трифуновски и екипата во песната повикуваат на поголема еколошка свест, иако стиховите можат да се протолкуваат и како чувството на затвореност. Споментаиот гитарист, вокал и фронтмен на бендот е комплетен автор на песната, како и на забавното и необично видео, во кое со помош на компјутерската анимација е направена интересна синтеза на ликовите на членовите на групата, нивните гримаси и движења и познати ликовни уметнички дела, односно познати личности низ историјата, веројатно позајмени од некаква постоечка апликација. „Нема земја, нема дрвја, нема воздух, нема здрава храна, нема име, нема правда, нема доктор, нема ученици... Како затворени во шише, више не се дише...“ - пејат во стиховите рокерите од „Пеперминт“. Како и да е, вредно да се преслуша и погледне, доколку во меѓувреме се уште сте живи, оти како тргнало, се загушивме, ќе поцркаме... Зашто, навистина „Не се дише“!

„Пеперминт“ оддамна го чекаат – „Понеделник“ (ВИДЕО)

Антонио Димитриевски — Thu, 31 May 2018 07:59:26 +0000

По речиси цела година од анимираниот спот „Не си со сите“, Пајак и компанија од рок дружината „Пеперминт“ имаат нова песна и видео. „Понеделник, е одамна го чекам понеделник! Е денес да беше понеделник“, пеат членовите бендот во својата нова песна со едноставен наслов - „Понеделник“.

Станува збор за уште една препознатлива тема во проверениот и добро познат поп-рок манир на бендот, а визуелизирана со видеозапис, во кој членовите на групата пеат возејќи се со велосипеди низ маалските сокаци.

Идејата за реализацијата на видеото е на лидерот на бендот Горан Трифуновски - Пајак, директор на фотографија бил Душко Аврамовски, додека асистент на камера - Бојан Ефремовски.

До следното музичко парче од „Пеперминт“, уживајте во нивниот музички „Понеделник“. https://www.youtube.com/watch?time_continue=2&v=5my0Zqm0Uwo