пепа димитрова – Вистина.мк

Пепа Димитрова со предновогодишен видеоподарок за љубителите на македонска музика – „Со тебе немам сон“ (ВИДЕО)

Антонио Димитриевски — Wed, 22 Dec 2021 13:35:45 +0000

Македонската поп пејачка Пепа Димитрова денес, среда 22 декември 2021 година промовираше нова песна и видеоспот за истата. Песната насловена „Со тебе немам сон” за која музиката и текстот ги напишала Весна Малинова, аранжманот го направил Владимир Дојчиновски - Дојчин. Спотот го потпишува проверениот уметнички фотограф и режисер на видео спотови, Зоран Стојановски - Зонде. „Се работи за модерна песна, со побрз ритам, а видеото ја следи приказната во песната. Се одлучивме за поартистичен видео пристап кој мислам дека ќе ја освои публикатата. Посебно ме радува што промоцијата се случува пред Новогодишните и Божиќните празници, бидејќи тоа е период во кој сите ние повеќе одмараме, се дружиме, си даваме себеси повеќе слободно време за уживање, а тоа секогаш е придружено со добра музика. Се надевам дека изборот на слушателите ќе биде македонска музика и би била среќна доколку и мојата 'Со тебе немам сон', се најде на нечија омилена плејлиста“ - изјави Пепа Димитрова по повод промоцијата на нејзиното најново музичко и видео остварување. Песната „Со тебе немам сон”, како и претходните две, “Длабоко” и “Студени очи”, ќе бидат дел од првиот албум на оваа македонска пејачка кој ќе се појави во текот на следната 2022 година. Дотогаш уживајте во остварувањето на своите соништа во Новата Година со... „Со тебе немам сон“ на Пепа Димитрова.

Од Пепа Димитрова извира – „Длабоко“ (ВИДЕО)

Антонио Димитриевски — Mon, 04 Oct 2021 08:59:49 +0000

Во саботата, 02 октомври 2021 год. точно на пладне, македонската пејачка Пепа Димитрова на својот „Јутјуб“ канал, го промовираше спотот за новата песна “Длабоко”. Се работи за интересен видео запис кој ja доловува емоцијата и драмата содржана во музичката приказна. Сниман е на повеќе локации. Меѓу нив и во Сливница, на Преспанското Езеро. Препознатливиот режисерскиот потпис е на познатиот уметнички фотограф и режисер на видеоспотови Зоран Стојановски Зонде. Во видеото покрај Пепа се појавува и таначарката Дора Китановиќ. „Сакам музика со душа, со емоција, пред се песни кои носат предизвик во интерпретаторски смисол. Оваа песна е токму таква и навистина заслужи своја видео приказна. Драго ми е што финалниот продукт е нешто што со право може да биде потпишано со Длабоко“- вели Пепа Димитрова за новиот спот. Инаку, песната “Длабоко” премиерно беше изведена на овогодинешниот Макфест. Музиката и аранжманот се на Јованче Арсовски , а текстот е на Наталија Данаилова. Истата ќе биде дел од албумот кој е во подготовка и од кој веќе се снимени повеќе песни. Пепа Димитрова најавува дека деновиве ќе снима и нов спот. Погледнете го видеото за „Длабоко“ во продолжение: [embed]https://www.youtube.com/watch?v=ilCfr7RhB7U[/embed]

Пепа Димитрова со цвеќе им ги „затна дупките“ на скопскиот асфалт, ама и устата на општинската и градската власт, што се фали дека многу работи (ФОТО)

Антонио Димитриевски — Fri, 15 Nov 2019 08:56:17 +0000

Една стара поговорка вели: „Кој по тебе со камења - ти него со леб“! Водена отприлика по поуката од оваа мудра мисла, македонската пејачка Пепа Димитрова реши да ја потсети општинската, а и градската власт дека не треба само вербално да се фалат во медиумите дека многу работат, кога се далеку од тоа! Имено, пејачката револтирана од дупките кои зјаат по скопскиот асфалт, а секојдневно стануваат се подлабоки и поопасни за учесниците во сообраќајот, реши да им покаже на општинските власти што им е работата, кога ним веќе не им текнува да си ја сработат! За својата борба против „лажните ветувања, без остварувања“ го избра најмоќното оружје - цвеќето! Како симбол на убавината, но и на мирот и своевидниот мирен протест против пропустите и глупостите! Па заедно со својата ќеркичка седна во автомобилот и тргна по вообичаената рута низ која секојдневно се движи и поминува - скопската населба Козле и општина Карпош! Она што пејачката го забележила, решила да го исправи кога веќе оние кои за тоа ги плаќаме од наши пари и на кои меѓудругото тоа им е работа, не им текнува да го направат или поправат - да ги пополнат огромните дупки во асфалтот на најпрометните улици! Затоа пак Пепа, дупка по дупка, секоја дупка ја „асфалтираше“ со китки свежо цвеќе. И тоа среде улица! А цвеќето како најмоќно оружје... Ем впечатливо и забележливо оддалеку, па секој ќе го види и ќе прикочи, за разлика од црната дупка на коловозот која никој не ја гледа и ќе го искрши автомобилот или не дај Боже, ќе направи поголема белја сакајќи да ја избегне дупката во последен момент, особено во шпицовите, среде градскиот метеж! Освен тоа, кога ќе го видат цвеќето наидувајќи на него, белким ќе им текне и на оние од власта на кои тоа им е и обврска и работа и задача, конечно да почнат да си ја вршат должноста и да ги закрпат длабоките дупки на коловозот! Впрочем, добар дел од нив токму и на еден од тие потези живеат и секојдневно тука и самите поминуваат: Капиштец - црква Свети Јован со Факултетот за Богословија и улицата што води до „буџите“ на Водно! Ама додека ним им текне и текна на Пепа Димитрова... Микрофонот и сцената за миг ги замени со одговорен граѓански активизам, па штипјанката со скопска адреса на живеење, со цвеќе им ги затна дупките на скопскиот асфалт, ама и устата на општинската и градската власт, што се фали дека многу работи! Па ако не им цвета работата, а владеењето им венее, барем вака нека „цутат“ улиците! Кој знае, после ова може ќе им текне... Или ќе чекаат да падне дожд за да го залее и цвеќето?!

Пепа Димитрова го претставува новото видео за “Ти си тој” (видео)

Слободанка Илиева — Sat, 03 Nov 2018 10:11:32 +0000

Пепа Димитрова веќе полека но сигурно го завзема своето место во редот на најплодните музички имиња во Македонија.

“Ти си тој” е композиција која беше промовирана на овогодинешното издание на Охрид Фест, каде меѓудругото ја доби наградата “Долни Сарај” како и трета награда од публиката.

Како автори на песната се потпишани: Хрис Марин како композитор, Владимир Дојчиновски како аранжер и Огнен Неделковски како текстописец.

Видеото се снимаше на неколку локации на преубавото мавровско езеро, во Леуново и Галичник, каде покрај Пепа која е во улога на раскажувач се појавуваат и двајца вљубени млади луѓе за кои штотуку започнува љубовната приказна и пеперутките во стомакот.

- “Не застанувам со работа, тоа ме исполнува и ме прави среќна, се надевам дека догодина на пролет ќе го издадам моето првенче, а до тогаш и уште неколку видео изданија и песни. Ги сакам баладите и “тешките” песни кои можеби не стануваат инстант хитови и е потребно подолго време да станат слушани, но затоа носат посебна тежина и се безвременски, сепак секогаш оставам простор и за некое музичко изненадување како преработката на евергринот “ На велигден” во етно џез стил.”

Видео спотот го изработи продукцијата Фабрика, a ова е воедно и петто видео издание на песна од Пепа Димитрова со кое само се потврдува желбата и стремежот за богата музичка кариера исполнета со убави песни и видеo спотови.

https://www.youtube.com/watch?v=C9xNo3muvA8&feature=youtu.be&fbclid=IwAR1jJ-zHVKjCiOMC8yqLILoiV7gzqVDWUJh2MulwII2Brjs5G0bpD0_Lwks

Пепа Димитрова не престанува со работа

Антонио Димитриевски — Wed, 29 Aug 2018 06:39:42 +0000

Една од највредните македонски пејачки во последните години не запира со својата мисија да создава музика. Пепа пред неколку дена снимаше видео за нејзината најнова песна "Ти си тој", која ќе биде промовирана на овогодинешното јубилејно издание на Охрид Фест - Охридски Трубадури .

Видеото се снимаше на неколку локации на преубавото мавровско езеро, во Леуново и Галичник . Продукцијата Фабрика е задолжена за видеото кое најавува ново свежо издание на Пепа на која ова и е петти видео запис.

"Уживам навистина многу кога сум во студио или на снимање на видео спот, на почетокот ми беше доста по напорно и тешко, сега мислам дека секој ден можам да сум на снимање и да не застанам со созадање на убава македонска музика и песна, пропратено со 12 часовни снимања на видео записи" .

Со настапите на Охрид фест и Макфест оваа година и промовирање на две нови песни, останува само да се стават на носач на звук и официјално да го имаме првечето на Пепа Димитрова која за овие три години веќе има и повеќе од доволно песни за албум.

Пепа Димитрова испраќа моќна порака преку „Лага“ (ВИДЕО)

Антонио Димитриевски — Tue, 20 Mar 2018 11:49:25 +0000

„Стоп за насилството врз жените“ – оваа моќна порака, полна со подршка за жените, овој пат преку својата најнова песна и спот ја испрати Пепа Димитрова.

„Лага“ е нејзиниот најнов сингл, чиј комплетен автор е Владимир Дојчиновски, а спотот е дело на Александар Ристовски – Принц, снимен во Скопје.

Ова комплетно дело, целосно ја отсликува и нејзината енергија и темперамент, но и ја испраќа најмоќната порака на светот дека секоја жена треба да биде храбра и одлучна, жена која самоуверено чекори кон остварувањето на своите цели и да верува љубовта.

„За оваа песна да ја посветам на дамите, ме инспирираа секојдневните приказни кои ги слушам, како лично од мои познанички, пријателки, така и од медиумите. Кога сите преку својата работа ќе се потрудиме да ја менуваме колетивната свест и да даваме целосна подршка таму каде што е навистина потребна, тогаш работите ќе почнат да се движат од мртва точка.

Ги охрабрувам сите жени да бидат со кренати глави, да уживаат во оваа песна, која посебно треба да ги мотивира и инспирира да одат понатака во животот и да не се плашат од промени“ - вели Пепа. https://www.youtube.com/watch?v=TECpi1YQoog