пејачи – Вистина.мк

Бејби-бум во 2023 на македонската јавна сцена: Еве кого сe’ посети штркот изминатите месеци (фото)

Слободанка Илиева — Sat, 13 Jan 2024 08:50:40 +0000

Во изминатава година, јавната сцена и светската и домашната, се подмлади. Штрковите слетаа во многу домови и ја донесоа неизмерната среќа, семејствата се зголемија, а во најубавите улоги настапија голем број пејачи, актери и водители, спортисти. Мајки, татковци, баби, дедовци... На глобалната сцена најмногу внимание предизвика Парис Хилтон, која доби две бебиња во иста година, додека пејачката Ријана и супермоделот Наоми Кембел станаа мајки по втор пат. Кон крајот на годината бевме пријатно изненадени и воодушевени од тоа што и Марија Шерифовиќ се оствари во улога на родител. Нејзиниот син Марио го виде свелото на денот во Америка, со помош на сурогат мајка, а пејачката се уште не може да се совземе од среќа. Кај соседите во Србија исто така пристигнаа многу бебиња... И кај нас во Македонија годината беше плодна и дарежлива. Радосните вести го преплавија и јавен живот, па изминатите 12 месеци објавивме и честитавме за приновите на многу јавни личности. Повеќето беа летни и есенски бебиња, но генерално во секој месец од годината доаѓаше ново бебе. Веќе на почетокот на годината односно на 31-ви јануари, татко по вторпат стана ракометниот голман Борко Ристовски. Сопругата Нина се породи се породи на државната клиника и на свет донесе женско бебе кое го доби името Анастасија, а малиот Душан стана поголем бато. Викторија Јаначковиќ, една нашите најпознати манекенки и некогашна миисица, на 26.01.2023 година Викторија на свет донесе здраво и право девојче, кое го добило името Никита. Следен меѓу спортистите кој се израдува на втора среќа во месец февруари беше и ракометарот на „Вардар“ и македонската ракометна репрезентација, Стојанче Стоилов стана татко по вторпат. Неговата сопруга Деница на свет донесе машко бебе. Во месец април повторно штркот донесе бебе во светот на спортот каде немаше пауза од убави вести. Па така, татко по третпат стана македонскиот фудбалски репрезентативец Давид Бабунски кој по двата сина доби ќерка. Принова за првпат дојде и во семејното гнездо на поранешната новинарка на естрадниот ТВ магазин „Бекстејџ“, Марија Петровска. Роди син во Словенија– здраво машко чедо кое го носи името Домен. Во истиот пролетен месец, татко стана и младиот пејач Филип Пешевски. Прво, па машко за Филип и мама Ирина, а пејачот до последно криеше се’ од приватноста, па приновата за јавноста беше изненадување како гром од ведро небо. Пред старот на летото и музичката двојка Филип Нуне и Мими Јовановска станаа родители за прпат. Пејачката во една приватна клиника во Скопје на свет донесе живо и здраво машко бебе кое го доби името Никола. Во редот каде штркот имаше бебе за носење беше и адресата на пејачот Даниел Кајмакоски и неговата втора сопруга Марина кои станаа родители. На 30-ти април на свет дојде машко бебе на кое мама и тато му го дадоа името Стефан. Во месец јуни татко по четврти пат стана и пејачот Никола Перевски- Пере. Со доаѓањето на бебето Инес женското царство на музичарот стана уште поголемо. Уште една музичка брачна двојка се оставари во улогата на мајка и татко. Антониа Гиговска и музичарот Роберт Спасенцовски во месец јули станаа горди родители на бебето Киан. Од музичарите со принова се израдува и македонскиот музичар и уметник Павле Камилоски и неговата избраничка, планинарката Ирина Дишовска, станаа родители за првпат на синчето Јосиф. Како родители се остварија и познатиот македонски хип-хоп музичар Христијан Тасковски – Таско и неговата сопруга Наташа Неделковска која роди син. Меѓу најбогатите на свет беше пејачот Маријан Стојановски кој доби трето дете. По Вероника и Петар, сопругата Наташа му ја роди и ќерката Кирјана. Цветаше и полето на актерството. Македонскот актер, водител и пејач Жарко Димоски ги изненади своите следбеници, барем оние што не знаеја, дека станал татко за првпат. Жере и неговата сопруга Андреа преку специјална фотосесија обзнанија пред јаноста дека станале родители на машко бебе. Радосна година беше и за пејачот Јордан Митев кој по шест години брак, со неговата сопруга Славица станаа родители за првпат. Јордан на Фејсбук објави дека станал татко на женско, а убавата вест ја доби додека беше на голема турнеја низ Австралија. Пред крајот на годината во светот на актерите се роди наследничката на актерката Емра Куртишова и актерот Петар Стојанов. Малата Лена стана нивниот универзум и им го смени животот. И за крај, токму пред прагот на Новата 2024 пристигна уште едно женско бебе. Кристијан Станковски или едноставно Бомбакис стана татко на ќерка која е Бисерчето на елката од Новата година! Да се живи и здрави сите! фото: Instagram printscreen/ Facebook/acibademsistina

На богата свадба во Германија да пее и жнее се собра кремот на српската естрада, од Цеца до Ацо Пејовиќ, а меѓу нив и нашата пејачка со „златно грло“ (фото)

Слободанка Илиева — Sat, 11 Nov 2023 08:30:02 +0000

Големите музички имиња се се’ почести гости и на големи, мега свадбени веселби на домаќини со подлабок џеб што може да ги исплатат бараните хонорари од суми со многу нули. Една таква свадба се случи викендов во Берлин- Германија каде на сцена за да ги весели гостите и младите, се собра кремот на српската естрада. Цеца Ражнатовиќ, Саша Матиќ, Ацо Пејовиќ, хармоникашот Аца Софронијевиќ и сигурно уште многу други кои камерата од објевените видеа не успеа да ги сними. Покрај музичкиот дел, на свадбата имаше дури и водители, а таа улога им припадна на Милан Калиниќ и Душица Јаковљевиќ, кои како и музичарите си фатија ултра квалитетна тезга. Сето ова успеавме да го видиме преку стори објавите на пејачката која ја нарекуваат македонскиот славеј или пејачката со златно грло, Анета Љуманковска за повеќето попозната како Анета „Молика“. Најзиниот дел за „стори“ објави беше густо нареден со куси видеа, а за загревање почна со објавата пред настап и тоа како е облечена во принт кошула и црно кожно макси здолниште, како и селфи со водителката Јаковљевиќ. Новитетот на неа не остана незабележан – новата фризура која се решила да ја смени со пократка коса. Откако ни презентираше како се дотера битолската дама, следеше и да се покаже вокално на спомената веселба. Откако си го отпеа својот дел, односно го одработи бараното, си седна на масата за музичарите, ги слушаше, уживаше и снимаше своите српски колеги, Цеца Ражнатовиќ, Ацо Пејовиќ, Саша Матиќ... Се пееше, јадеше, пиеше и секако богато се жнееше. Атета е докажано еден од најдобрите вокали на македонската музичка сцена, а младите, односно домаќините на свадбата очигледно дека го сакале најдоброто за големиот ден. За Анета полн џеб и секако реклама плус заедно со музичкиот фолк крем на Балканот. фото:инстаграм принтскрин/Анета Љуманковска

Ѕвезден сјај збогатен со свежа музичка надеж на втората ревијална вечер од 38-то издание на Макфест (Галерија)

Слободанка Илиева — Sun, 22 Oct 2023 08:24:51 +0000

Во сабота (21 октомври) се одржа втората ревијална вечер од 38-то издание на фестивалот на забавни мелодии „Макфест 2023“. Во домот на културата „Ацо Шопов“ настапија 13 афирмирани македонски музички имиња, на кои им се придружија и петте кои со гласовите на публиката и жирито беа избрани за најдобри од првата фестивалска вечер. Со настапот на познатите македонски музички имиња на макфестовската сцена, фестивалот дополнително го доби ѕвездениот сјај кој го имаше некогаш, па ова издание беше пример дека престижот да се настапува на „Макфест“ се врати назад, што за следните изданија поставии поголеми очекувања кога се настапите на најголемите македонски ѕвезди на фестивалот во прашање. Вечерта започна со настапот на петмината изведувачи, односно младите надежни имиња чии песни и настапи се издвоија претходно, во првата макфестовска вечер. Александра Трајческа, Blue, Драгана Јовановска, Јасмин Алиевски и Тијана Периќ беа имињата кои ја имаа привилегијата по вторпат да ги отпеат своите песни. По нив следеа најавените и веќе очекувани музички имиња, секој со песни во својот препознатлив фазон, делумно со шмек на новото модерно музичко време. Владо Јаневски, Андријана Јаневска, Таско и Магдалена, Панче Касапски, Ламбе Алабаковски и Полина, Симона Поповска, Огнен Здравковски, Марија Спасовска, Бојана Скендеровски, Александар Тарабунов, групата „Љубојна“, Зоран Илиев и Боно и Давид Миладинов... Сите буквално блескаа на макфестовската сцена, вдахновувајќи му нова душа на фестивалот. И сето тоа збогатено со специјалната визуелизација на сцената преку видеоскриновите на кои течеше видео приказна, специјално подготвена за секоја песна, која соодветствува со нејзиниот жанр, ритам и приказната во стиховите. Нешто што досега никогаш не се случило и не беше видено, давајќу ми на „Макфест“ уште една дополнителна содржина која ги следи тековите на новото време. Повеќето од пејачите како искусни или победници од изминатите изданија, макфестовската сцена ја чувствуваа како своја, а таа енергија пулсираше во секој од настапите, што публиката и тоа како знаеше да го почувствува, возвраќајќи го својот фидбек кон изведувачите со аплаузи и овации. Вечерта како изненадување во вид на најава на пејачите, покрај водителската двојка Марјана Станојковска - Димитар Атансовски имаше и неколку специјални презентери, а највпечатливо од сите беше појавувањето на Вера Јанковиќ, која години наназад беше заштитно водителско лице на фестивалот. На сцената застанаа и Миро Кацаров кој ги поздрави своите сограѓани штипјани, а до него беше и Светлана Црнокрак. Пејачите секогаш знаат да кажат дека дружењето е најважното од фестивалите, а овој пат тоа беше во комплетна смисла, бидејќи наградите беа изоставени, зашто заложбите на организаторот и уметничкиот совет на фестивалот се новата концепција на „Макфест“ да донесе што повеќе хитови и песни што ќе останат, без да ги оптоварува изведувачите со трка по награди. Единствена парична награда од 120 илјади денари беше доделена на Лара и Пајак за „Бела“ како најслушана песна меѓу две изданија на фестивалот со импресивни 27 милиони прегледи на Јутјуб. Се' на се“, годинешниот „Макфест 2023“ донесе нов ветер и нова енергија, вбризга свежа крв, направи квалитативен апдејт на лани започнатото, како надградба на она што некогаш било и останало музичка историја и ова што денешното време и модерните текови го бараат. Вистинска музичка фешта, ревија на хитови и парада на големи ѕвезди, како и оние кои допрва се раѓаат, чии настапи и песни ветуваат нова иднина за македонската музичка сцена. Нивното вртење во радио и ТВ етерот и присуството во медиумите во текот на годината, меѓу две фестивалски изданија, тоа допрва треба и да го потврди. Конечно и од виденото и прикажаното во двете фестивалски вечери, доволно може да се заклучи дека тимот што работеше и го правеше музичкиот избор, уметничкиот директор Роберт Саздов и членот на Уметничкиот совет Јован Јованов, направиле вистински погодок во желбата да ја спојат традицијата и денешнината, шлагерот и (т)рапот, поп музиката и фестивалската балада... Да направат совршен баланс на различни музички правци и жанрови, заено сите модерно спакувани во едно одлично фестивалско издание. Беспрекорната фестивалска организација на општина Штип на чело со градоначалникот Иван Јорданов и главниот координатор на фестивалот Александар Арсовски, како и целокупната екипа која работела на подготовките, се само уште една потврда дека кога се има желба и знаење и со сопствени сили и финансии може да се организира повеќе од добар фестивалски спектакл. Тоа го потврди и огромниот интерес на македонските медиуми кои беа бројни и масовно присутни при комплетното следење на фестивалот уште од самите негови подготовки до последната отпеана нота како никогаш досега во последните години, што е само некаква „јаготка на шлагот“ и потврда дека добриот ПР и маркетинг се влог кој повеќекратно носи добивка за сите... Најмногу за македонската публика и јавноста воопшто, која е желна за добра македонска музика, хитови, забава, дружење... А на годинешниов Макфест 2023 сето ова го имаше во изобилство! Во продолжение погледнете ја фото галеријата од втората вечер на Макфест 2023: фото: Vo Stip.мк принтскрин/ Приватна архива

„Макфест 2023“ годинава најавува: Македонската музичка „прва лига“, неколку домашни суперѕвезди и музика за сите вкусови и возрасти

Антонио Димитриевски — Tue, 12 Sep 2023 11:25:39 +0000

Како што најавија организаторите, годинешново 38-мо издание на фестивалот на забавна музика „Макфест 2023“ во Штип, според списокот на музички имиња и квалитетот на песните кои ќе ги изведуваат, ветува уште посодржајна и поатрактивна музичка понуда од минатата година. Ако фестивалот лани направи крупен исчекор од „неколкугодишната летаргија“, годинава се очекува тој со крупни чекори „од седум милји“ да зачекори кон изданијата од своите најдобри денови во долгата и богата историја. За тоа гаранција даваат најнапред избраните композиции во обете фестивалски вечери. Првата вечер на млади надежни имиња и фестивалски дебитанти воедно има и натпреварувачки карактер, зашто половината најдобри од неа ќе се најдат на сцената на “Макфест 2023“ и во следната, ревијална вечер, рамо до рамо со поголемите, попознати и веќе етаблирани естрадни имиња. Некои од нив како Драгана Јовановска, Тијана Периќ, Бранкица Свирков - Бани (во дует со Томе Токи), Марија Груевска, Александра Трајческа... веќе имаат големо естрадно искуство, зашто некои од нив учествувале на поголеми и помали домашни и регионални музички, талент, шоу натпреварувања и фестивали, па поединци дури имаат и фестивалски победи или освојувале друг тип награди. Како и да е, севкупно и првата вечер ветува одличен сценски настап, потенцијални хитови и балади, интересни дуети и избор на најдобрите кои ќе ја комплетираат втората, ревијална вечер. Во неа пак годинава ќе имаме вистинска македонска музичка „прва лига“ засилена со неколку македонски суперѕвезди. Некои од нив пред извесен број години учествувале на „Макфест“, некои за прв пат се на сцената на домот на културата во Штип, но сите заедно се едни од најголемите македонски музички имиња, со бројни настапи, концерти, турнеји и секако... дузина хитови зад себе што и денес ги пејат и повозрасните и помладата публика, радиостаниците со години не престануваат да ги вртат во радиоетерот. Музички и продукциски, уметничкиот директор Роберт Саздов и неговиот тим соработници како што самиот изјави, направија се' звукот на „Макфест“ да биде уште поблизок до актуелните, светски, музички трендови од друга страна, со свеж звук и модерна продукција блиски до младата публика, да не се заборави и онаа повозрасната, која ќе може да ја препознае песната блиска до нејзиниот вкус и сензибилитет. Со еден збор на „Макфест 2023“ ќе има музика за сите вкусови и возрасти. Со таа цел и во тој дух е создаден и годинешниот слоган, односно годинешното мото на фестивалот: „38 години Макфест – „Фестивалска симфонија за цела Македонија“! Како дел од фестивалскиот редизајн е и новата официјална музичка шпица на „Макфест“, која после цели 32 години ќе ја доживее својата замена, а нејзин автор е токму уметничкиот директор на фестивалот, реномираниот македонски композитор и музичар, Роберт Саздов. Организационо-извршната и продуценстка екипа предводена од Александар Арсовски, организатор и координатор на Макфест од општина Штип, исто така има полни раце работа, сакајќи фестивалот покрај музичките, да го надополни и со иновативни визуелно-сценски содржини, кои ќе ја збогатат комплетната аудио-визуелна слика на „Макфест 2023“ за комплетно уживање и на публиката во салата и на ТВ гледачите. Претходно за сите детали и поединости, претставниците на македонските медиуми ќе бидат известени и информирани на ПРЕСС конференцијата со мини коктел, која е планирана да се одржи во првата половина на месец октомври во еден елитен хотел во Скопје. На неа ќе бидат презентирани и најмалите ситници околу учесниците, композициите, водителите, презентерите, жирито, црвениот тепих, фоајето, сцената, бекстејџот... И секако директниот ТВ пренос на МРТ од двете вечери, но и директниот „лајв стриминг“ на Интернет и социјалните мрежи на уште неколку интернет канали и платформи на кои сите случување пред почетокот, за време на одржувањето и по завршувањето на „Макфест 2023“ ќе бидат директно емитувани, а изјавите, разговорите, интервјуата... на фестивалските протагонисти преку снимки, поткасти и емисии и одложно емитувани. Се на се', на годинешниов „Макфест 2023“ кој ќе се одржи на 20 и 21 октомври во Центарот за културата „Ацо Шопов“ во Штип очекувајте едно многу поинакво издание на најпознатиот фестивал во Македонија. Фото: Архива

Малкумина знаат како навистина се викаат: Oвие ѕвезди се откажаа од вистинските имиња поради популарност (фото)

Слаѓана Атанасова — Wed, 21 Jun 2023 11:47:13 +0000

Многу од познатите личности ги сменија имињата во уметнички, па сега малкумина знаат како всушност се викаат. Доста од пејачите своето вистинско име го сменија во уметничко и поради лесно запаметување и затоа што не им се допаѓа оригиналот. Можеби најпознато е дека Фахрета Јахиќ е Лепа Брена, а тоа име настана сосема случајно: На тренерот му беше тешко да ме вика Фахрета, Фахрета! Играв најчесто центар. Мои пријатели беа Мила, Ката... Сите кратки имиња. И ми вели: „Ќе те викам Брена“. Велам: „Која е оваа Брена?!“. Како прво, глупаво име. Мислам, од сите имиња што можеа да бидат поубави?! , изјави Брена и додаде дека многу години подоцна Минимакс и го додал епитетот „Убава“. Вистинското име на пејачката Силвана Арменулиќ беше Зилха Бајрактаревиќ, додека на Лепосава Мушовиќ и беше полесно да го достигне врвот на шоуто како Лепа Лукиќ, но и пејачот Адолф Топиќ. Не знаете кој е тоа? Одговорот е - Дадо Топиќ. Позвучно беше Радојка Аџиќ да се претстави како Дара Бубамара, Милојко Китиќ како Миле, а Беки Бекиќ како Бехлуљ Бехлуљи, додека Гордана Надежда Полиќ се здоби со популарност како Ана Бекута, таа еднаш изјавила: За мене името Ана Бекута беше многу поефикасно, поради што на почетокот на кариерата мојот пратечки ансамбл го нареков Анаба. И името беше дел од имиџот, рече пејачката. Малку повеќе им е познато, особено на белграѓани, дека Аца Лукас го добил своето уметничко име, бидејќи популарноста ја стекнал пеејќи на сплавот „Лукас“, инаку неговото вистинско име е Александар Вуксановиќ. Меѓутоа, Џеј Рамадановски има поинаков проблем, имено, не веруваат дека тоа е неговото вистинско име, а виновникот е неговата мајка, која сакала стрипови и наишла на името на херојот „Џеј“. Некои естрадни уметници го менуваат името од практични причини, други го менуваат затоа што морале, додека некои изгледа се срамат од своето вистинско име, па останува нејасно дали Нада Топчагиќ е всушност Сенада или Надија, иако таа тврди дека е Нада. Фото: Принтскрин/Инстаграм/Е- Сток/Часлав Вукојичиќ

Музичките ѕвезди ги чека напорно лето и огромни профити: Аца Лукас ќе заработи 700.000 евра, а еве колку ќе заработат неговите колеги

Слаѓана Атанасова — Wed, 14 Jun 2023 06:48:32 +0000

Минатата година музичарите успеаја да заработат огромни суми на пари, а како што стојат работите и ова лето ќе биде исплатливо за некои музички ѕвезди. Александар Вуксановиќ, Ана Николиќ, Рада Манојловиќ, Ацо Пејовиќ, Ана Бекута, Шериф Коњевиќ, Саша Матиќ се најбараните пејачи оваа сезона. Лукас го држи рекордот по бројот на закажани настапи. Ќе одржи вкупно 60 концерти во земјава и во странство. Според неговиот менаџер Саша Мирковиќ, ангажманот на фолкер чини 25.000 евра. Кога ќе се одбијат сите трошоци, на фолкерот ќе му останат околу 700.000 евра.

View this post on Instagram

A post shared by ACA LUKAS (@aleksandar_vuksanovic_official)

Неговата колешка Ана Николиќ за разлика од претходната сезона го зголеми бројот на тезги. За јуни, јули и август договорила околу 35 настапи, а цената за една е 15.000 евра, па на крајот од сезоната ќе биде побогата за околу 250.000 евра.

View this post on Instagram

A post shared by Ana Nikolić (@ananikolicofficial)

Дванаесет настапи во текот на летото има и Драгана Мирковиќ. Рада за три часа пеење бара околу 8.000 евра, па според некои пресметки би и останале 96.000 евра. Ништо помалку барана и Ана Бекута. Пејачката во текот на зимата закажа настапи низ целата земја и регионот, а кога ќе се повлече линијата, како што се шпекулира, ќе инкасира околу 150.000 евра.

View this post on Instagram

A post shared by Ana Bekuta (@anabekuta1)

Со полно работно време работат и Саша Матиќ и Шериф Коњевиќ. Цената на настапот на Саша се движи од 12.000 до 15.000 евра, додека на Коњевиќ од 10.000 до 12.000 по тезга. Пејачот Слобо Радановиќ за кратко време стана еден од најбараните уметници, а бидејќи секојдневно ги полни клубовите, хонорарот му е 12.000 евра по настап. Тој објави список со закажани настапи за јуни, додека се уште не се знае колку ќе има во јули и август. Неговиот колега Дарко Лазиќ веќе извесно време е прв на листата на кралеви на бакшиш и закажани настапи.

View this post on Instagram

A post shared by Sloba Radanovic (@slobaradanovic)

„Работам цело лето. Не знам ни колку настапи имам. Денес сум во една, утре во друга. Многу се работи. Не знам колку ќе заработам, но презадоволен сум. Ја сакам својата работа и не ми е тешко“, изјави неодамна Лазиќ за медиумите.

View this post on Instagram

A post shared by DARKO LAZIĆ (@darkolazicofficial)

Покрај нив до крајот на летото меѓу најбараните во земјава и регионот се Радиша Трајковиќ Ѓани, Митар Мириќ, Јана Тодоровиќ, Јами, Сузана Јовановиќ Шикица, Злата Петровиќ се меѓу најбараните во земјава и регионот до крајот на летото, но сигурно ќе се појават поретко од првата од оваа листа на најбарани. Фото: Принтскрин/Инстаграм/Ата Имаџес/Антонио Ахел

Кои се најплатените пејачи од Србија: Младите ѕвезди полека ги стигаат постарите по годишната заработка (ФОТО)

Антонио Димитриевски — Tue, 16 May 2023 10:44:02 +0000

Претходната година беше многу плодна и профитабилна за естрадните уметници, покажуваат официјалните документи. Според податоците на Агенцијата за економски регистри, Саша Матиќ заработил најмногу пари во 2022 година. Неговата компанија „СМ мјузик“ преку која работи оствари вкупен бруто промет од 1.050.000 евра. Од таа бројка, по одбивањето на оперативните трошоци од 315.000 евра, како и државниот данок од 75.000 евра, на Саша ќе му останат 662.000 евра. Како што се очекуваше минатата година,на врвот на листата на најбогати забавувачи е Светлана Цеца Ражнатовиќ. Бруто оперативните приходи на нејзината фирма „Цеца мјузик“ во 2022 година изнесувале 1.886.000 евра, но пријавиле трошоци од 1.260.000 евра, па пејачка откако платила државен данок од 94.000 евра, завршила со нето приход од 532.000 евра. . Со огромна заработка може да се пофали и Милица Павловиќ. Има најголем скок во однос на 2021 година (дупло повеќе), па така на крајот на 2022 година компанијата „Сењорита мјузик“ имала бруто приход од 555.000 евра. На кого ќе му бидат одбиени годишните трошоци од 272.000 евра, како и данокот од 31.000 платен на државата, Павловиќ ги има останатите 252.000 евра. Јелена Карлеуша овој пат ја доведе својата фирма во загуба, иако имаше одличен бизнис. Во 2022 година оствари вкупен промет од 170.000 евра. Во АПР пријавила дека имала трошоци од 73.000, платила данок од 9.000 евра и дека платила персонален данок од 152.000 евра, па фирмата на Јелена „ЈК Ентертејнмент“ завршила со загуба од 64.000 евра. . Забележливо е дека претставниците на помладата генерација во 2022 година ќе заработат огромни суми на пари, како што покажуваат официјалните податоци на АПР, а некои од нив се и блиску до најголемите музички ѕвезди. Најдобар меѓу нив е Михајло Веруовиќ Војаж. Ја отвории фирмата „Војаж Београд“ на почетокот на 2022 година и пријави дека има вкупен промет од 318.000 евра. Имал трошоци од 30.000 евра, платил 29.000 евра државна такса, а му останале само 259.000 евра. Исто така, Теа Таировиќ е на врвот по заработка. Преку фирмата „Теа Таировиќ Медиа“ од Нови Сад пријавила бруто приход од 356.000 евра, но и дека имала огромни трошоци од 251.000, плус државна такса од 17.000. На крајот добила нето сума од 88.000 евра. Фото: Инстаграм принтскрин

Голем дел од музичарите страдаат од одреден вид ментална болест – еве што покажа едно истражување

Слободанка Илиева — Tue, 25 Apr 2023 12:02:55 +0000

Истражувања спроведено пред неколку години покажаа дека 73 отсто од музичарите страдаат од некоја форма на ментална болест, додека само 19 проценти уживаат во условите што ги имаат во таа кариера. Ова истражување го спроведе „Ред Јуникорн“, компанија за дигитална дистрибуција, интервјуирајќи речиси 1.500 музичари од 21 март до 2 април. Деновиве повторно се споделуваат истите информации. Таа куќа објави дека дури три четвртини од испитаниците чувствуваат стрес, анксиозност и / или депресија, додека ја работеле својата работа. Бројките се уште полоши кога станува збор за помладата популација на возраст помеѓу 18 и 25 години, бидејќи кај нив се појавуваат пореметувања што ги следат целиот живот и тоа кај 80 проценти од испитаниците. -Нашето истражување вели дека нешто мора да се промени, вели Јохан Сванберг, извршен директор на компанијата. Истражувањето укажува дека е голем процентот на музичари кои добиваат напади на паника, додека 57 отсто се многу загрижени за своето ментално здравје (дури 41 отсто велат дека постојано се грижат за тоа во текот на денот). Само 39 отсто од испитаните музичари велат дека се обиделе да побараат стручна помош, додека 51 отсто се обидуваат да го решат тој проблем на свој начин со примена на свои тактики. извор:курир.мк

Не е се’ како што изгледа на телевизија: Знаете ли колу се високи „Ѕвездите на Гранд“?

Антонио Димитриевски — Sat, 01 Apr 2023 07:03:22 +0000

Уште кога се појавија на ТВ екраните за време на најпопуларното музичко натпреварување на овие простори „Ѕвездите на Гранд“, се истакнаа пред се по својот музички талент, а покрај тоа, благодарение на атрактивниот физички изглед, успеаја да ги освојат срцата на нацијата, особено на понежниот пол. Со оглед на тоа дека еден од најважните критериуми за жените при изборот на маж е висината на посилниот пол и како тоа влијае на привлечноста, решивме да провериме колку навистина се високи момчињата кои успеале да привлечат внимание, а мораме да признаеме дека еден од нив особено изненади. Еден од највисоките натпреварувачи што помина низ „Ѕвездите на Гранд“ може да се пофали со висина од речиси два метри. Во прашање е победникот од првата сезона - Бане Мојиќевиќ, кој е висок еден метар и деведесет и два сантиметри. Уште еден победник кој е понизок од Бане за само еден сантиметар е Махир Мулалиќ, еден од омилените пејачи од Босна, а неговата висина е 191 цм. Саша Капор е висок 190 сантиметри, а иако извесен период имаше вишок килограми, неодамна ја доведе својата фигура до совршенство. „Можеби камерата не ме сака толку многу, но се сеќавам порано дека луѓето некако имаа впечаток дека сум понизок. За Топалко мислеа дека е висок најмалку два метра, а за мене мало момче, малку дебело со кратки нозе, а сум висок 190 см. Кога ќе не видат во живо и ќе видат дека сум за глава повисок од него, се шокираат, па не е се' како што изгледа“ - се пошегува пејачот, кој на почетокот на кариерата го споредуваа со покојната македонска ѕвезда Тоше Проески. Меѓу повисоките е и Жарко Маџиќ со своите 187 сантиметри, кој ако го следевте ова музичко натпреварување, добро знаете дека често го истакнува своето изделкано тело и заводливиот лик, а речиси никогаш не излегува од теретана. Кога се појави на големата сцена на Гранд, девојките лудуваа и по Љуба Перуќица, а тој е висок 188 см. Минатогодишниот победник Нермин Ханџиќ, кој едноставно го обожава помладата публика, е висок 187 сантиметри, додека еден од милениците на „Ѕвездите на Гранд“ е Исак Шабановиќ, кој речиси преку ноќ го освои целиот Балкан со висина од 185 сантиметри. Уште еден победник Мирза Селимовиќ е висок 182 см, а со иста висина Немања Стевановиќ, кој за време на натпреварот беше поддржан, најмногу од понежниот пол. Кога се нашите претставници од Македонија во прашање и ние имаме свои фаворити иако можеби нашите пејачи баш и не се двометраши. Филип Пецовски, шармантниот Македонец кој во „Ѕвездите на Гранд“ го паметат по добро осмислените изведби и сценските движења, е висок 180 см. Иста висина има и харизматичниот Александар Јосифовски, кому за влакно му избега победата на натпреварот. Милан Митровиќ, пејачот кој се испроба и како водител, е висок 177 сантиметри и им припаѓа на пониските мажи, барем кога се „Ѕвездите на Гранд“ во прашање. Петар Митиќ може да се пофали со висина од 180 сантиметри, додека меѓу пониските се Немања Ѓурѓевиќ, Милан Станковиќ и Топалко високи само 175 сантиметри. Фото: Гранд принтскрин

Таа е женскиот Боки 13: Биг Мама променета до непрепознатливост (ФОТО)

Антонио Димитриевски — Sat, 28 Jan 2023 08:35:26 +0000

Се сеќавате ли на Биг Мама? Јавноста ја запозна како ексцентричната, буцкаста, но симпатична албанска пејачка, а подоцна и ТВ водителка која во почетокот на новиот милениум беше прилично популарна.

Тогаш, а и денес, Биг Мама ја споредуваа со нашиот Боки 13, а имаше и зошто. Обајцата по многу нешета беа слични.

Најпрвин физичкиот изглед, во кој доминираше буцкастата физиономија, егоцентричноста во однесувањето, желбата да се биде медиумски присутен и познат, недефинираната сексуална определба... Естрадните обиди во професијата како што е пеењето или ТВ водителството на обајцата им беа во фокусот на интересот, се разбира секој со своето ниво на дарба од Бога или Алах - сеедно! Боки тоа подобро го правеше кога микрофонот го користеше како ораторска алатка, Биг Мама пак, поуспешно како средство за пеење.

Никогаш не водеа заедно ТВ шоу, ама затоа заедно направија естраден циркуз доведен на ниво на скандал, кога заедничката песна „Холивуд“ во која специјален гостин им беше Ферус Мустафов, не успеа да стане наш претставник на Песна на Евровизијата. Мултиетничкиот дует кој всушност беше трио (Македонец - Албанка - Ром) беше повеќе доби на публицитет заради „прашината“ која се крена по неговото не прифаќање да биде македонски претставник на Евросонг, отколку заради самата песна, иако, рака на срце, гледајќи што се поминуваше на истата таа Евровизија, нивната, во случајот нашата „Холивуд“, можеби и ќе беше погодок! https://www.youtube.com/watch?v=NP4uPklZKmM

Како и да е, тој Евросонг како и многу евровизии подоцна минаа, песната се загуби некаде во морето од музички обиди, а Боки и Биг Мама со помали или поголеми паузи, на овој или оној начин и понатаму останаа во шоубизнисот. Она што денес повторно ги поврзува е не само естрадниопт еснаф, туку и физичкиот изглед. Како да се однапред одговорени, едниот да го следи другиот!?

Имено, и Боки и Биг Мама, денес изгледаат сосема поинаку. Со тотално променет физички изглед, неколку десетици килограми помалку, со манекенско торзо и поинаков лик...

Целосна метаморфоза, во која да не ги знаете тешко дека ќе ги препознаете. Боки заради мистериозната сопственост и газдинството на ново/старите медиуми е јавно поекспониран, а Биг Мама освен на некој спот или настап можете да ја видите во водителска улога на ТВ 21!

Токму затоа можеби некои уште тогаш, а и денес знаат гласно да запрашаат: „Дали Биг Мама е женско олицетворение на Боки 13? https://www.youtube.com/watch?v=xDce4QVfidc&feature=youtu.be