пеење – Вистина.мк

Анастасија Ражнатовиќ не можеше да молчи и ја откри тајната на сопругот Немања: „Повеќе сака да го прави ова отколку леб да јаде“ (фото)

Слободанка Илиева — Tue, 06 Feb 2024 12:59:09 +0000

Анастасија Ражнатовиќ и Немања Гудељ уживаат во заедничкиот живот. Ќерката на Цеца изгледа никогаш посреќна и блеска покрај сопругот, а сега тајната на Немања Гудељ е откриена. Имено, за Немања Гудељ не се знаеше многу пред да влезе во врска со Анастасија, иако е успешен фудбалер. Младата пејачка одвреме-навреме објавува дел од нивното секојдневие на Инстаграм, а сега покажа со каков талент располага нејзиниот сакан.

View this post on Instagram

A post shared by Anastasija Gudelj (@raznatovicanastasija)

Анастасија на својот Инстаграм објави видео од автомобилот во кој пее заедно со сопругот Немања. - Повеќе сака да пее отколку да јаде леб - напишала Анастасија. Пејачката и фудбалерот се венчаа во август минатата година во манастирот Рајиновац кај Грочка, само во кругот на семејството.

View this post on Instagram

A post shared by Anastasija Gudelj (@raznatovicanastasija)

- Беше многу убаво, во кругот на семејствата и двајцата. Интимни... Тоа беа нивните желби. Прекрасно си поминавме, топ! – изјави Цеца која не крие дека голема желба и е Анастасија да стане мајка. фото: Instagram printscreen/ raznatovicanastasija

Kолешките забележаа дека „ова утро не е нејзин ден“, а папарацо камерата од вечерта, покажа и зошто: Милена Антовска да ти била како “Шила“? (ВИДЕО)

Антонио Димитриевски — Fri, 10 Nov 2023 11:28:07 +0000

Милена Антовска, несомнено една од првите водителски перјаници на утринската програма на Канал 5, а по потреба и достојна замена за „најдолговечната“ лото девојка - Марјана Станојковска. Нема утро кога е на програма, Милена да не блеска и со својот атрактивен изглед, неодолив шарм, убавина, елоквентните муабети... Арно ама, како и секој од нас и долгоногата убавица има утра коага „не и е денот“... Кој пак по утрото се познава, ама затоа утрото велат е олицетворение на претходната вечер! Ако дојдеш на работа свежа, ведра, расположена и насмеана, ноќта била спокојна и мирна за спиење, исполнета со розови сништа или била бурна, исполнета со слатки задоволства! Трето - нема! Арно ама као се појавиш мамурна, подзамижана, намќореста, молчелива... а колешките забележат дека „денес мааааалкуууу не ти е денот“, мора ноќта да е причината што утрото не е како и секое друго! Особено ако уште мораш и да работиш јавна работа која сите ја гледаат, препораката е некој да се обиде утрото да ти го разубави, за да тргне денот. Предлогот на грижливите колешки е следбениците на социјалните мрежи на водителката да и кажат некој убав збор... во инбокс! И сето тоа убаво, арно ма она што сите ги заскокотка и колешките и ТВ гледачите, аи Инстаграм следбениците, што тоа вечерта и се случило, како ли ја минала Милена? За да им ја разбие грижата и да ја скрати комплетната недоумица, долгоногата ТВ убавица, се погрижила самата... До душа малку таа, малку папарацо камерите од мобилните на колегите од фелата, кои сите заедно претходната вечер беа собрани на „тајната вечера“, на промоција на еден нов естраден проект, која заврши со интерна новинарско - водителска журка. А, журка без песна не бидува, ама кога баш и нема пејачи, за микрофонот се фатија и самите новинар(к)и и водител(к)и, па забавата се претвори во вистинско ПРЕСС караоке шоу! Милена, разбирливо не остана покуса, а и да сакаше не можеше да ја избегне обврската и самата да запее. „Шила“ беше она што и се падна да го изведе, па и таа, како до душа и повеќето други, покажа дека ако случајно остане без професија, естрадната сцена едвај чека да се појави ваква „нова чудесија“! Како тоа изгледаше и звучеше, кога песната на водителката од под „Лозница“-та ечеше, проследете во продолжение: Фото: Инстаграм/nikolova.cc/milena_antovska Видео: Приватна архива

„Не сум прочитала ниту една книга“ – Српската фолкерка ги изненади сите, па призна: „Поважно ми беше да заработам пари“ (фото)

Слаѓана Атанасова — Fri, 15 Sep 2023 10:08:08 +0000

Злата Петровиќ важи за една од најпопуларните фолкерки, а многумина велат дека тоа е затоа што таа е „вистинска жена од народот“. Таа сега откри дека естардата не ја разгалила, па без никакво двоумење призна дека не прочитала ниту една книга од основно училиште. - Не прочитав ниту една книга бидејќи немав време да се занимавам со тоа. Не се срамам затоа што мојот живот тргна во друга насока. Поважно ми беше да пеам и да заработам отколку да се образувам - започнала Злата и додала дека последен пат читала во основно училиште. - Читав лекти бидејќи морав до осмо одделение и толку. Еднаш размислував да одам на училиште, но сфатив дека пеењето и животот што го водев ме научи да читам луѓе. За мене секој човек е книга. Мислам дека немаше да сум попаметна ако завршев факултет - рекла пејачката и додала дека и денеска иако е во пензија нема време за читање. Фото: Принтскрин/Ата Имаџес/Антонио Ахел/Пинк Тв

„Најмалата, најубавата“: Ова е третата ќерка на Наум Петрески која иако пее растура, ретко се експонира јавно (фото)

Слободанка Илиева — Sat, 08 Jul 2023 08:00:35 +0000

За фолк пејачот Наум Петрески и неговата најстара ќерка, пејачката Анастасија Петреска, редовно може да прочитаме, видиме, слушнеме нешто во медиумите. Додека за останатите две ќерки, средната Сања и најмалата Македонка, многу ретко може да осамне нешто во јавност. Додуша, неодамна, Сања беше на насловите во домашните медиум ипоради тоа што се сврши со нејзиното момче кое ја побара нејзината рака. За најмалата Македонка најмалку се знае, но и за неа можеби се почесто ќе почнат да се менуваат нештата во поглед на јавното експинирање бидејќи и таа го наследила талентот од татка си и мајкаси Зуица Лазова. Македонка или како што милува да ја викат, Дона, исто така пее растура, но нејзината определба е оперското пеење, а за тоа се образува и на музичката академија во Скопје. Моќен и продорен глас кој не ја одминал од гените на родителите. Дона физички наликува на своите сестри, но и на својата убава мајка, активен кприсник е на социјалните мрежи, па неретко знае да сподели моменти од своите настапи, а и такви од секојдневието. Убава и талентирана, Дона е гордоста на тато Наум и мама Зуица кои се богати со големо семејство. фото:Инстаграм принтскрин/Анастасија Петреска/Дона Петреска

„Луѓето кои се занимаваат со оваа професија работат до крајот на животот“ – Харис Џиновиќ не сака никогаш да се пензионира (фото)

Слаѓана Атанасова — Fri, 30 Jun 2023 10:04:58 +0000

Харис неодамна се испроба како водител на една телевизија, а во авторската емисија што ја има пејачот стави и престилка во кујната. -Готвењето е моја страст, па направивме емисија каде грицкате, разговарате, се шегувате. Многу ми е интересно - објаснува Џиновиќ, кој не крие дека знае да подготви оброк за целото семејство во семејниот дом во Сењак: Поради годините не би се вратил во фудбалот, туку како што вели, повторно би отворил ресторан, но овој пат во главниот град на Србија. - Сите мои песни имаат корени од кафана. Не би се вратил на фудбалот, нема смисла повеќе да зборувам за тоа бидејќи одамна се откажав од фудбалот. Угостителството е многу сложена и тешка работа која е обврзувачка. Можно е во Белград да се роди мал ресторан, чисто за душа - вели со насмевка пејачот. Посочува дека никогаш не планира да се пензионира, и дека ќе пее до крај. -Тоа би бил крајот, да не се пушта музика и да се сече како ножици навистина би бил крај. После тоа, нема смисла да се продолжи повторно. Мислам дека луѓето кои се занимаваат со оваа работа и дејност не одат во пензија, туку работат до крајот на животот и се додека публиката ги бара – искрен е Харис. Фото: Принтскрин/ТВ Курир/ТВПинк

Помалата сестра на покојната Ксенија Пајчин ја интересира шоу-бизнисот: Дали Миа е подготвена да вплови во естрадните води? (ФОТО)

Антонио Димитриевски — Tue, 28 Feb 2023 12:44:24 +0000

Атрактивната Миа Пајчин е новото заштитно лице на брендот „The Babe Dynasty“. Поточно, таа е заштитно лице на урбаната „улична“ колекција на овој бренд, а освен што позира во моделите на оваа колекција, таа за првпат проговори за медиумите. Миа ќе го прослави својот 26-ти роденден во август оваа година. Таа е сестра на трагично настраданата музичка ѕвезда Ксенија Пајчин, која досега ги одбиваше сите покани од медиумите и не сакаше јавно да се експонира. Пајчин магистрирала економија, хоби и се пеењето, танцувањето и глумата, па во своето прво соочување со српските портали открила дека ужива да чита, но сака и да готви. Бидејќи Миа откри дека и нејзиното хоби е пеењето, била запрашана дали размислувала можеби за своја, сопствена музичка кариера. „Генерално, јас сум кариерист и би сакала да започнам сопствен приватен бизнис во мојата професија. Моментално работам на тоа, но еден ден би сакала и да имам своја модна линија“ - откри Миа Пајчин ексклузивно за еден српски портал, при тоа не споменувајќи ги естрадата и пеењето како нејзина примарна професија. На ова многумина прокоментираа дек е „штета“ што Миа повеќе ја сака модата и модниот дизајн отколку естрадата, зашто според изгледот и пропорциите ги има сите предиспозиции да успее... Уште ако барем и малку умее пристојно да пее... Новата „урбано-естрадна секс бомба“ е родена... Буквално може да биде достојна замена за нејзината покојна сестра Ксенија, на која неодоливо физички и потсетува, а можеби и повеќе од тоа. Фото: Инстаграм принскрин/pajcin_mia

Саша Матиќ проговори за ќерките, па откри дали имаат талент за музика (фото)

Слаѓана Атанасова — Fri, 24 Feb 2023 13:12:17 +0000

Иако Саша Матиќ е безвременски талент, тој тврди дека неговите ќерки не се толку надарени за работата што ја работи. Пејачот Саша Матиќ зад себе има голем број вистински хитови во кои публиката ужива со голема емоција и ентузијазам, а Саша сега откри која од неговите песни му е омилена. - Уф, можеби од почетокот на кариерата најмногу се врзував за песната „А ти го избра“ - искрен беше Матиќ кога водителот Огњен Амиџиќ го праша дали таа песна има врска со реалниот живот. - Има само едно, кога ја пеам оваа песна велам: „Ти ме избра мене, а јас тебе “ – низ насмевка одговори Сале. Иако е безвременски талент, тој тврди дека неговите ќерки не се толку надарени во работата што тој ја работи. - За ритам да, за пеење малку помалку - изјави Саша во емисијата „Амиџи шоу“. Со оглед на тоа што и тој и неговиот брат Дејан се одлични музичари со долги кариери, сите се прашуваат зошто сѐ уште не снимиле дует. -Добро прашање. Единствената причина зошто немам дует со брат ми е што не најдов соодветна песна. Сето тоа е нешто понудено што е веќе слушнато и видено, а јас барам нешто посвежо - изјавил еднаш Саша за „Гранд“. Фото: Принтскрин/Инстаграм

„Сите се заљубуваат во пејачка, а потоа од неа сакаат да направат домаќинка“ – Каја Остојиќ поради љубовта паузираше со пеењето (фото)

Слаѓана Атанасова — Mon, 16 Jan 2023 09:56:20 +0000

Катарина Остојиќ Каја поради љубовта го напушти пеењето и по долго време се врати на својата работа, но и на претходниот начин на живот. Пејачката извесно време не беше дел од јавноста и се повлече од светот на музиката поради начинот на живот, пред се поради љубовта, а по последното раскинување се врати од Франција и повторно живее во Белград. Таа се врати на сцената, а призна дека не и било лесно да се врати на стариот начин на живот и на старите обврски. "Тоа беше процес, имав голема поддршка. Сите навистина ме караа, ме прашуваа зошто не го правам тоа што го правам најдобро. Не можеа да сфатат дека сакав да одморам", признала Каја, а додала дека во еден период била и заситена, па веројатно и тоа била една од причините, но признала и дека нејзините партнери не биле воодушевени од тоа што таа го прави и затоа им се посветила само на нив. „Сите некако се заљубуваат во пејачка, а потоа сакаат да ја направат домаќинка, тоа е филозофијата на речиси сите мажи. Имаше и тоа, но да не беше мојата согласност немаше да има разделба од моето дело“, објасни Катарина во емисијата „Премиера – Специјал за викенд“. Познато е дека таа последно беше во врска со хрватскиот фудбалер Матео Павловиќ, па откри и дали се опоравила од раскинувањето: „Се опоравив. Сега се чувствувам добро, одлично сум, навистина сум во добра фаза од животот, што со бизнис, што приватно. Мотивирана сум да работам. Кога сум во врска и ставам приоритет, но сфатив дека не е ок и не е љубов кога се откажуваш од се поради љубов. Мислам дека сега сум во најдобрата фаза, добиваш нешто добро од тие лоши односи“. Нејзиниот вентил сега исклучиво тренира на што е целосно посветена, па секој ден или оди во теретана или вози велосипед. Фото: Принтскрин/Инстаграм/

Исплива уренебесна снимка од „Ѕвездите на Гранд“: Теа Таировиќ ја исплаши Зорица Брунцлик со своето пеење (видео)

Слободанка Илиева — Mon, 12 Sep 2022 06:55:34 +0000

Денес успешната пејачка Теа Таировиќ ја започна својата кариера во „Ѕвезде Гранда“, каде првпат се појави на 17 години. Повеќето од членовите на жирито на овој натпревар не го предвидоа нејзиниот успех и ја советуваа да работи на пеењето, иако го пофалија нејзиниот сценски настап. Пејачката за време на едно свое претставување дури за момент со својот „талент“ ја исплаши Зорица Брунцлик која тогаш беше во жирито.

View this post on Instagram

A post shared by Top Vokal (@top.vokal)

Оваа интересна снимка повторно стана достапна за јавноста, односно се појави на една страница на Инстаграм, а корисниците коментираа дека не им се верува како некогаш пеела Теа, но и како изгледала.

View this post on Instagram

A post shared by Tea Tairovic SINGER (@teatairovic_music)

Инаку, Таировиќ на оваа снимка ја отпеа песната на Нина Бадриќ „Такви као ти“, а своите грешки ги оправда со голема трема. фото:Инстаграм принтскрин

„Чаирскиот романтичар“ ја завршува криерата: Владо Јаневски се одјави? (ФОТО)

Антонио Димитриевски — Mon, 22 Aug 2022 07:12:32 +0000

После повеќе од 40 години музичка кариера, од кои 30 и кусур како пејач, што во група , што соло, Владо Јаневски ја шокираше јавноста со најава дека ја завршува кариерата! Или поточно, други тоа го сторија во негово име, обзнанувајќи дека неодамнешниот викенд концерт во еден познат клуб во Прилеп, е неговиот последен во овој град. Имено, „чаирскиот романтичар“ викедот (20 август 2022) гостуваше во клубот „Калипсо“ во Прилеп каде имаше свој настап. Иако речиси сите пејачии оние домашните и оние кои доаѓаат од регионот во клубовите и дискотеките настапуваат со бенд или барем со сајзерист, Владо во последно време практикува да настапува сам на матрица или на плеј-бек, пеејќи преку сопствената снимка. Но, добро, секако во таков случај малкумина од публиката разбираат „до какво непрепознавање е доведена суштината на измамата“, ама затоа многумина, особено припадничките на понежниот пол му ги сакаат песните, особено стиховите на Јаневски, па пеел со бенд во живо или сам на плеј-бек - сеедно, ним не им е толку важно. Важно им е да дојдат на неговиот настап и да потонат во емоциите и атмосферата што ги буди песната. Она што ја шокираше јавноста не е последниот настап во Прилеп, туку објавата на сопственикот на клубот и самиот клуб на нивните официјални Фејсбук страници. На нив е јавно обзнането дека ова наводно бил последниот настап во кариерата на Владо Јаневски на таа сцена и воопшто во тој град, зашто пејачот наводно објавил дека става крај на пејачката кариера?!! Колку има вистина во сето тоа и дали навистина Владо решил „да се одјави“, ќе мора наскоро самиот да демантира или да потврди!? Иако на неговата Инстаграм страница на која тој или нејазиниот администратор редовно ги најавуваат неговите следни настапи, за такво нешто сега назнака не постои. Веќе следниот му е најавен за 10-ти септември во Делчево, па оттаму се наметнуваат две логични прашања: - Владо Јаневски навистина решил да „отсвири крај“ па да го „обеси микрофонот на клин“ и да ја заврши сопствената пејачка кариера со проштална турнеја по клубовите и дискотеките низ Македонија, а ова е само дискретна најава за таквата негова одлука? - Или „чаирскиот романтичар“ употребил уште еден од своите познати естрадни трикови „да пушти болва“ за себе, својата приватност, љубовниот живот, сопственото здравје... и слично, само за доплнително да ја заинтригира и „запали“ јавноста секогаш кога ќе почуствува дека му паѓа популарноста, што во случајов е многу поверојатно? „Што и да е - ќе помине“, како што велат стиховите на една од неговите „позајмени“ песни, ама сепак за нешто поконкретно... Прашајте го Владо?! Фото: Инстаграм и Фејсбук принтскрин/vladojanevskiofficial/Vlatko Jovanoski/Club Calypso