печурки – Вистина.мк

Пробајте нешто ново: Печен помфрит со печурки

Слободанка Илиева — Mon, 19 Dec 2022 13:05:02 +0000

За овој брз ручек не ви требаат многу пари или време. Како ви звучи помфрит со печурки? Одлично, нели? Состојки: 600 гр компири 2 чешниња лук 100 гр печурки малку сув зачин малку кари 1 чаша пченкарно брашно мелен бибер масло Подготовка: Исечете ги компирите како за помфрит, изгмечете го лукот и прелијте со малку вода. Процедете го кромидот во цедалка и истурете ја течноста во компирите, оставајќи малку и за печурките. Во компирот додадете суви зачини, малку кари, мелен бибер и масло. Сè измешајте со пченкарно брашно и распоредете во намрсен плех. Посолете ги печурките и измешајте ги со компирите. Печете на 220 степени околу 30 до 40 минути. извор:курир.мк

Загрејте ги и телото и душата: Рецепт за кремаста чорба од печурки

Слободанка Илиева — Thu, 10 Nov 2022 12:45:29 +0000

За време на студените денови на сите ни е потребно јадење кое ќе нè стопли, но и чиј вкус ќе нè воодушеви. Токму таква е крем супата од печурки. Сè што треба да направите е да го следите рецептот и за помалку од половина час ќе имате вкусна супа. Состојки: - 300 гр. печурки; - 1 главица кромид; - 2 чешниња лук; - 100 мл. павлака за готвење; - 20 мл. масло; - сол; - бибер; - зачини по вкус. Подготовка: Исечкајте ги кромидот и лукот ситно. Во загреано тенџере истурете го маслото, па кога ќе се загрее додадете го кромидот. Печурките исечкајте ги тенко, па додадете ги во тенџерето заедно со кромидот и зачините. Динстајте додека печурките не омекнат, а водата не испари. Додадете околу половина литар млака вода и павлака за готвење и оставете да зоврие. Со миксер матете додека не добиете мазна смеса. Тенџерето вратете го на оган и варете уште 10-на минути. Чорбата послужете ја со омилената сезонска салата. На здравје! извор:точка.ком.мк

Дали печурките треба да се мијат пред приготвување?

Слободанка Илиева — Wed, 15 Jun 2022 11:24:16 +0000

Печурките обично имаат видлива нечистотија на себе, па секогаш првата помисла е дека тие треба да се измијат… Сепак, готвачите се поделени околу тоа. Во некои готварски училишта, миењето печурки под млаз вода се смета за „грев“. Имено, така наводно, може да впијат вода и да ја изгубат и онаа зеленкаста боја којашто прво „го заситува окото“, но и вкусот. Затоа, младите готвачи честопати учат да користат влажна хартиена крпа и нежно да ја бришат нечистотијата од печурките. Ценетиот автор Харолд Мекги во својата книга од 1990 година – „Занимливо готвење: Кујнска наука и сознанија“ преку експеримент на миење и натопување на печурките открива дека водата едвај се апсорбира во печурките. Тоа значи дека не е толку грев да се мијат и во вода. Без разлика на различните мислења, несомнено е дека печурките мора да се исчистат пред готвење, на еден или друг начин. Како зеленчукот, така и печурките може да имаат бактерии кои можат да доведат до болести, па затоа е важно да се измијат, но и да се исушат потоа. извор:курир.мк

Рецепт за печурки со три вида сирење

Слободанка Илиева — Mon, 21 Mar 2022 14:00:20 +0000

Полнетите печурки се одлична идеја за предјадење или ужина, а најдобро од сè е што се приготвуваат за кратко време. Можете да ги комбинирате со шунка, лебни трошки и зеленчук, а доколку сте љубител на сирење, тогаш сигурно ќе ви се допадне овој рецепт со три вида сирење. Покрај крем сирењето, за овој рецепт ќе ви бидат потребни пармезан и топено сирење или чедар. За уште побогат вкус, можете да додадете ситно сечени печени пиперки, сушени домати или пржена сланина. Потребни состојки: 600 грама поголеми печурки 220 грама крем сирење 150 грама чедар сирење 35 грама пармезан 35 грама печени црвени пиперки 30 грама кромид 1 чешне лук сол и црн пипер Начин на подготовка: 1. Загрејте ја рерната на 180 степени целзиусови. Исчистете ги печурките и исечете им ги стеблата. Во сад измешајте ги крем сирењето, ренданиот чедар, црвената пиперка исечена на коцки, ситно исечканиот кромид и лукот. Додадете ¼ лажичка сол и ¼ лажичка мелен црн пипер. Добро промешајте. 2. Наполнете ги печурките со филот и врз секоја од нив додајте пармезан. Ставете ги печурките во сад обложен со хартија за печење. Печете 30-35 минути, а потоа послужете ги додека се топли. На здравје! извор: punkufer.dnevnik.hr

Европски совет за храна: Намирници кои никако не смее да ги подгревате, можат да бидат опасни и канцерогени

Слободанка Илиева — Wed, 04 Nov 2020 13:20:57 +0000

Европскиот совет за исхрана предупредува дека не е добро да загревате претходно приготвени јадења. Тоа може да доведе до непосакувани последици и тоа е причината поради која некои видови бактерии многу брзо се размножуваат при собна температура од 5 до 65 степени целзиусови. Како резултат на тоа, зголемениот ризик од труење со храна и појава на разни проблеми во дигестивниот систем се појавуваат во човечкиот организам. Многумина не знаат кои производи не смеат да ги загреваат, затоа мора да се направи листа на храна која што не смее повторно да се враќа во рерна откако истата ќе се приготви. 1. Ориз Доколку оризот повторно го изложите на висока температура, може да предизвика труење со храна. Идеално е да се јаде веднаш по подготвувањето и никако да не го ставате во фрижидер и да го јадете во наредните 24 часа. 2. Компир По загревањето компирот ги губи своите хранливи својства, а освен тоа тој содржи и супстанци кои што може да предизвикаат симптоми слични на труење доколку повторно се загрее. 3. Целер Иако многу од луѓето го јадат свеж, оние кои што го подготвуваат на висока температура мора да знаат дека не смеат да го загреваат затоа што постои ризик од труење со храна. Факт е дека целерот содржи нутрени кои што под влијание на топлина се штетни по здравјето. 4. Пилешко месо Поради салмонелата, се препорачува консумирање на добро термички обработено пилешко месо. Доколку го загревате ова месо истото може да предизвика надразнување на желудникот по негово консумирање. 5. Печурки Не се препорачува и подгревање на печурките затоа што може да предизвикаат дијареа. Исто така оставање на печурките на собна температура може да биде исклучително опасно. извор:точка.ком.мк

Цеца покажа што јаде додека е во изолација (ФОТО)

Антонио Димитриевски — Mon, 13 Apr 2020 08:00:29 +0000

Светлана Цеца Ражнатовиќ е во вилата на Дедиње, каде деновите ги поминува во изолација. како голем верник фолк дивата пости за секој голем пост, па така и за Велигден. Цеца на Инстаграм покажа што јаде за време на постот додека е во карантин. Нејзината чинија содржи пита со печурки, како и многу здрав пијалок - свежо исцеден сок од домати. Од првиот ден по воведувањето вонредна состојба во Србија поради пандемија со коронавирусот, децата се разделија од пејачката, па Вељко и неговата бремена сопруга го напуштија Белград и отидоа кај нејзините во Тител, додека Анастасија во Нови Сад со своето момче. Сепак, Цеца не е осамена во вилата, каде друштво и прави сестра и Лидија, заедно со нејзините деца и сопруг.

Поховани печурки со тартар врз нив – Деликатес за ручек или мезе

Христина Ѓоргиевска — Mon, 07 Oct 2019 13:30:04 +0000

Поховани печурки со тартар. Состојки: 600 гр. шампињони 2 јајца 150 гр. тартар 100 гр. брашно 100 гр. презла масло, сол и бибер Подготовка: Се чистат шампињоните, во сад се ставаат јајцата добро матени, во друг сад презла, во трет брашно. Се ставаат прво во јајца, па во па во брашно и презла и се пржат додека не поруменат на врело масло. Служете ги со тартар. извор: готви.мк

Лесен ручек за целото семејство: Крем супа од печурки

Христина Ѓоргиевска — Tue, 10 Sep 2019 13:15:30 +0000

Оваа супа ќе ви помогне да се ослободите од проблемите со стомакот и болката во желудникот. Освен тоа, ќе уживате во нејзиниот прекрасен вкус. Потребни состојки: 300 гр. свежи шампињони 1 главица лук 1 мал морков 1 чаша млеко 1.5 дл павлака за готвење сол бибер мешавина на зачини Начин на подготовка: На малку масло издинстајте го лукот, па додајте ги шампињоните исечени на парчиња (оставете 2 од нив на страна). Кога тие ќе омекнат, испасирајте ги во блендер. Вратете ги на оган, а потоа додајте ги 2-те преостанти шампињони исецкани на парчиња, морковот исецкан на парчиња, мешавината зачини, солта и биберот, па потоа прелијте со вода. Кога морковот ќе омекне, додајте ги млекото и павлаката, кратко гответе, па послужете. извор: курир.мк

Брз и евтин ручек со пилешко и печурки

Моника Манасиевска — Wed, 31 Oct 2018 15:15:42 +0000

Брз и евтин ручек… СОСТОЈКИ: 600 гр пилешко бело месо 200 гр шампињони 100 мл масло 200 мл павлака за готвење 1 лажица зачин сол бибер 2 лажици пармезан магдонос 1/2 лажица брашно 100 мл вода НАЧИН НА ПОДГОТОВКА: Месото исечкајте го на коцки и зачинете. Загрејте масло во тава па ставете месо и пропржете го 15 минути. Исечкајте ги шампињоните. Кога месото ќе биде готово извадете го па на маслото пропржете ги и шампињоните, кои ќе ги посолите откако ќе се пропржат. Кога шампињоните ќе бидат готови, додајте го месото, ставете павлака и вода, бибер и магдонос. Кога ќе зоврие, разматете брашно во малку вода и додајте во сосот. Измешајте и исклучете го огнот. Оставете уште малку на врела рингла да крчка па на крај, кога крчкањето ќе се смири, додајте пармезан и повторно измешајте. Додека тоа се готви, згответе тестенини и послужете ги со јадењето. Добар апетит!

Зајакнување на имунитетот со печурки

Моника Манасиевска — Wed, 28 Mar 2018 10:04:00 +0000

Со пролетта, надоаѓаат и алергиите. Имуниот систем кај некои поединци добро не разликува што е свое, а што туѓо, што треба да брани и што да напаѓа. Интересно е тоа што покрај многуте проблеми кои еден надразнет имун систем може да ги прави, постои и една огромна предност. Имено, многу научни студии покажуваат дека луѓето со алергии може да имаат намален ризик од појава на рак. Значи нивниот имун систем покрај тоа што им прави очигледни проблеми – состојбата на зголемена будност и раздразливост му помага подобро да ги лоцира и елиминира туморите во развој. Се поставува прашањето: има ли начин да го поттикнеме нашиот имун систем да биде поактивен, но без притоа да ни прави проблеми и да ги напаѓа нашите ткива и органи, или без да претерува кога ќе дојде во контакт со безопасни суптстанции? Значи, само подoбро да не’ брани! Група научници во Австралија го испитувале токму ова прашање. Испитаниците ги поделиле на две групи. Едната јадела вообичаено, а другата се хранеле исто, но со додаток од супа од шампињони секој ден. За една, недела, испитаниците во групата со шампињоните покажале пораст на ИгА во плунката за 50%. Ефектот траел уште една дополнителна недела по испитувањето. Дополнително, бил утврден и силен анти-воспалителен ефект на печурките. Значи,имунитетот бил зајакнат, без да се предизвикаат несакани споредни дејство по здравјето. Се чини дека токму печурките се одговор на нашето прашање.