пасош – Вистина.мк

Сопствениците на домашни миленици на двојна мака: И кучињата и мачките ќе мора да патуваат со пасош со „Северна“

Антонио Димитриевски — Sat, 09 Mar 2024 07:44:27 +0000

Сопствениците на кучиња и други животни во Македонија за кои е задолжителна патна исправа за патување во странство треба да имаат патни исправи со „Северна“ место Република Македонија. Ветеринарните амбуланти, кои ги издаваат овие документи, засега немаат добиено известување дали тие што имаат патни исправи за милениците со старото име задолжително треба да ги сменат. Но, за разлика од проблемите на граѓаните со налепниците НМК, испаѓа дека државата била поорганизирана за патните исправи на кучињата, мачките и останатите животни, па патни исправи за нив со „Северна“ се издаваат повеќе години.

Повеќе ништо не е исто: Тамара Милутиновиќ сподели фотографија и откри што направила по бракот (фото)

Слаѓана Атанасова — Fri, 09 Jun 2023 11:49:35 +0000

Тамара Милутиновиќ пред еден месец го кажа судбоносното „да“ на својот избраник Дарко Јевтиќ, а денеска се огласи на својот Инстаграм профил и ги изненади сите. Пејачката ги шокираше обожавателите и следбениците со што и официјално го смени презимето, а за тоа одлучи да се пофали со слика од пасошот. - Официјално првата слика како госпоѓа Јевтиќ - напиша Тамара Милутиновиќ. Тамара е во седмиот месец од бременоста, а наскоро ќе се роди мало девојче чие име го избраа да биде Емилија. Иако со најдобра причина ќе се повлече од јавната сцена до породувањето, таа не планира да ја запостави кариерата откако ќе стане мајка. - Дефинитивно, не сакам да се откажам од музиката бидејќи тоа е мојата прва љубов. Го сакам тоа што мојот сопруг се согласува да остане во музиката засекогаш затоа што мисли дека сум родена за тоа. Мислам дека најважно е да имаш партнер кој ќе те поддржува во се. Денес е многу тешко, мислев дека никогаш нема да сретнам некој кој би сакал да ме знае онаква каква што сум навистина – објасни Тамара и додаде дека сепак иднината не ја знае: Не знам што ќе биде утре – искренa беше таа во емисијата „Ѕвезде Гранда Специјал“. Фото: Принтскрин/Инстаграм/Тамара Милутиновиќ

Александар Софронијевиќ доживеа шок на аеродромот во Дубаи: „Веднаш повикав обезбедување“ (фото)

Слаѓана Атанасова — Tue, 04 Apr 2023 10:28:22 +0000

Хармоникашот Александар Софронијевиќ го откри баксузот што го доживеал на аеродромот во Дубаи, го заборавил пасошот во авионот кога слетал во Обединетите Арапски Емирати, а тоа го сфатил дури по половина час. - Успеав да го заборавам пасошот во авионот, за време на одморот. Така, кога често одите на патување, постојано може да се случи нешто неочекувано. Кога главата ми беше толку полна со информации и се, успеав да го заборавам пасошот во авионот за време на одморот, кога слетавме во Дубаи и кога требаше да летаме за Аделаида - започна Аца Софронијевиќ, а потоа продолжи:

View this post on Instagram

A post shared by Aleksandar Sofronijevic (@sofronacc)

-Имавме пауза од околу 3,5 или 4 часа, сфатив дека пасошот ми е оставен во авионот по околу половина час. Се јавив во обезбедувањето на аеродромот, ми рекоа дека не може да се врати и треба да го чекам следниот лет, па што да правам, но ако пристигнете и ако трчате брзо и можете да стигнете до крајот на аеродромот во Дубаи што е огромно.. .Полетав со сериозен гас за да трчам на позицијата каде што ми го најдоа пасошот. Не знам во животот дали сум се испотил повеќе и сум трчал да го фатам летот, за да биде се во ред, бидејќи мојот пасош и документи и некои пари и некои мои картички што ги земав да ги имам во Австралија, боже. забрани, беа оставени таму.. Тие најдоа се, ви благодарам многу љубезен персонал, а јас пристигнав во авионот точно 15 минути пред пријавувањето пред да се качам во авионот за да летам за Аделаида. Фото: Принтскрин/Инстаграм

Какво куче, таков пасош… за газдата?

Антонио Димитриевски — Thu, 01 Oct 2020 12:01:37 +0000

На социјалните мрежи денес човек може се' и сешто да сретне! Од огласи и продажба, до мудри мисли од „малиот мозок“ и чудни пораки и постови. Еден таков предизвика лавина од урнебесни коментари и смеење, зашто „ваков бисер“ ретко се чита. Одговорот е само еден од мноштвото хумористични, меѓу кои доминираше и еден „пикантен“ коментар: „Абе брат, види вака, и ја на море иам е*ено еден куп Бугарки шо ги имаат сите документи, па пак бугарски пасош не ми дадоа“!

Миа Костова се разголе, па раскажа по што ова лето ќе го памти: „Толку го чекав, за сега да не знам што да правам со него!?“

Антонио Димитриевски — Tue, 14 Jul 2020 07:38:48 +0000

Миа Костова е од онаа чудна сорта јавни фаци, кои и кога ги нема, најприсутни се тогаш... Неа веќе некое време ја нема на ТВ екраните, а сепак имате чувство како да е тука покрај вас, како да ја гледате секој ден, како кога беше дел од „Бекстејџ“ екипата. Не е ниту на радио и ТВ, никаде не пипшува, во ниту еден портал или тоа малку весници и магазини што останаа, а сепак секојдневно присуството на нејзиниот дух и појава како да лебди некаде во етерот. Истиот оној, кој сега го исполнуваат, или поточно преплавуваат социјалните мрежи и на нив споделените милиарди се' и сешта и по некои поучни, забавни или корисни нешта... Чудно, но вистинито. Впрочем, како и ова чудно време. Лето е, а како да не е... Според ниту еден параметар, освен календарот. Ниту по температурите, ниту по детскиот џагор за време на распустот, ниту пак по емотивниот набој дека ни доаѓа годишниот одмор, море, сонце, песок, плажа, опуштање, релаксација... Или пак исполнетоста по враќањето од летната авантура наречена годишен одмор. Сега само некоја чудна празнина, неизвеност, исчекување и носталгија по минатото за утеха... Лето е, а како да не... Веројатно, токму вака некако се почувствувала и Миа Костова, па со две фотографии од Дојран и еден кус пасос на својот „прозорец кон светот“ наречен личен Инстаграм профил, раскажа по што ова лето ќе го памти: „Лето. Толку го чекав за да не знам што да правам со него откако стаса, а богами сака да заврши кај и да е. Ако не се довлечкам до некое море, ќе го памтам по приказната за една карма која закасни ама стигна. Или по некои старо нови пријателства. Или по едни глупави резултати на лекар. Или по ресторанчето над Скопје. Или по Просекото што е на маса секое лето. Или по промената на станот. Па добро, не е толку страшно, кај ми е пасошот?“ - напишала атрактивната русокоса соблечена во костим за капење и проѕирна наметка од црна тантела на себе, која го истакнува нејзиниот сексапил и дефинира нејзиниот стил на елегантна и модерна урбана убавица. Уште пасошот да го најдеше... Колку да види кога и истекува, зашто засега... само за тоа може да и послужи!

Меѓу сите славни странци: Еве која наша пејачка влезе во „македонската алеа на заслужни странски великани“! (ФОТО)

Антонио Димитриевски — Tue, 30 Jan 2018 12:24:58 +0000

Македонската поп пејачка влезе во „македонската алеа на великаните“. На оние кои не се Македонци до душа, ама исто како да се! Зашто направиле многу повеќе за Македонија од многумина кои се Македонци... Ама само „декларативно“, по се изгледа!

Таа е руско чедо... по потекло. По националност! Само што со нејзината мајка уште од својата 8-ма година е во Македонија.

И туку што стапна, а веднаш и ја претставуваше на еден од „Детските избори за Евровизија“ заедно со Марија Арсовска во песната „Ти не ме познаваш“. Оттогаш поминаа 15 години... а таа се уште е тука. Со своја музичка кариера, успеси, награди, хитови, спотови... Имаше се, освен едно!

И реши да го побара! А државата реши да и се заблагодари за направеното и да и возврати. Или поточно, да и излезе во пресрет на барањето, па малата „красиваја дјевушка блондинка“ од Русија, стана Македонка! По државјанство и пасош, се разбира!

А со самото тоа, Викторија Лоба стана и член на клубот на „славните и заслужни странци“ за Македонија! Сега е дел од нацијата и низата познати имиња кои се стекнале со македонско државјанство како: Лино Червар и Немања Прибак (ракомет), Лестер Бо Мекејлеб (кошарка), Стевица Ристиќ и Агиналдо Брага (фудбал) од спортски интерес, бизнисменот Сергеј Самсоненко од економски интерес, актерот и режисер Раде Шербеџија од културен интерес и некои други...

Викторија Лоба отсега е “македонска Русинка“ или „руска Македонка“, сеедно... А, како стојат работите, наскоро и македонска снаа... најверојатно!