панки – Вистина.мк

Убавата Јана на Панки му ја наполни душата: Ќерката на пејачот на „Куку Леле“ дипломираше (ФОТО)

Антонио Димитриевски — Wed, 05 Oct 2022 08:32:22 +0000

Ноќните скопски журки, со децении наназад не можат да се замислат без неколку домашни пејачки имиња кои како по правило се задолжени за најдобрите забави во престолнината... Своевремено Дуле и Коки, подоцна, Жаре-Бербер, потоа, Џони, Панки... Овој последниот, познат и како вокал на познатото македонско дуо „Куку Леле“. Сашо Каимовски Панки познат градски лик не само по своите извонредни вокални способности и урбаната харизма која ја поседува, туку и по начинот на турболентен живот, деновиве имаше навистина и со што да се пофали и со што да се гордее, а тоа нешто да нема никаква врска ниту пак допирни точки со музиката, ама затоа има со животот. И тоа оној семејниот, родителскиот. Регионалните медиуми, особено порталите постојано се полни со децата на познатите. Најмногу со нивните убави женски наследнички. Ќерките на најголемите балкански ѕвезди се секојдневно во фокусот на вниманието, а токму од својата убава наследничка Панки деновиве ги доживеа своите ѕвездени моменти на родителска среќа. Имено, познато е дека пејачот е татко на две прекрасни ќерки. Постарата Јана и помалата Каја, обете вистински убавици како од бајките. Помалата е 17-годишна средношколка, додека поголемата деновиве стана дипломиран академски граѓанин. Имено, убавата 22 годишна Јана Каимовска откако неодамна дипломираше на еден од смеровите на познатиот „University Aмerican College“ во Скопје, деновиве и беше свечено врачена и дипломата. На свечениот чин на доделувањето кој се одржа во еден познат скопски хотел, задолжително присутен и тато Панки. „Браво Јана Каимовска, татина ќерка. Честитки за дипломирањето“ - напиша пејачот на својот Фејсбук споделувајќи фотографија од свечениот чин на кој неговата Јана му ја наполни душата. Инаку Панки многу малку и ретко се експонираше себе си во јавноста со своите ќерки, па така сиве овие години од нив можеа да се видат едвај две-три заеднички фотографии на социјалните мрежи, најчесто кога девјките ги славеа своите родендени. Пејачот по ненадејната и трагична загуба на својата сопруга, не се прежени и остана сам посветено да се грижи за неговите девојчиња, кои пораснаа прекрасни млади дами, а деновиве Панки дочека и една од нив да дипломира и стане академски граѓанин. Честитки и од редакцијата. Фото: Фејсбук и Инстаграм принтскрин/sasokaimovski

Кралевите на ноќните свирки „Либеро бенд“, Панки и Боби Павловски со заедничка свирка на роденденската забава на „Дион

Антонио Димитриевски — Thu, 14 Apr 2022 10:44:51 +0000

Ноќниот живот во македонската метропола отсекогаш имал поинаква магија. Посебна привлечност и уникатност, особено кога се во прашање одредени познати градски локали и оние кои важат за најдобри музички забавувачи. „Либеро бенд“, Панки и Боби Павловски секој посебно на свој начин секако важат за своевидни „кралеви на ноќните свирки“. Кога сите заедно ќе се најдат собрани на едно место, во една вечер, можета да замислите каква „лудница од забава“ ве очекува. Токму ресторан „Дион“ е локалот кој важи за едно од култните места и за мирна дневна или семејна шема, а е познато и по најдобрите афтерворк забави, додека ноќните концертни журки долго се паметат и раскажуваат. „Дион“ овој петок, на 15 април 2022 го слави својот 13-ти роденден, кој ќе го одбележи најлудата афтерворк забава во градот. Кога на нивното мото: „Славиме прекрасни 13 години со вас, исполнети со многу забава, љубов, вкусна храна и неизмерно дружење“ ќе им се придодадат споменатите „кралеви на забавата“, се очекува журката да прерасне во вистинска роденденска магија. „Либеро бенд“, Панки и Боби Павловски секој одделно и сите заедно со свој настап, овој петок (15.04.2022), на големата роденденска афтерворк забава во култниот „Дион“ со почеток од 17 часот, за да пеете колку ве држи гласот, да танцувате, да уживате и да се забавувате! Екипата на персоналот подготвена за акција, „кралевите на забавата“ ветуваат кулминација, недостасувате само уште Вие со Вашето присуство. Затоа резервирајте си навреме место на: 072 222 445.

Пред Панки тој беше првиот пејач на „Куку Леле“: Стив Кироски среде Австралија ја запеа „Кучка неверна“ на свадбена веселба (ВИДЕО)

Антонио Димитриевски — Wed, 26 Jan 2022 08:33:52 +0000

Македонскот поп-рок дуо „Куку Леле“ на сите им е познато. И на повозрасните и на помладите генерации кои песните на Роберт и Панки денес ги пеат на нивните настапи. Дузина хитови, атрактивни видеоспотови снимени на егзотични светски дестинации, како Австралија, Рио Де Жанеиро, Амстердам.... и во нив сексапилни разголени убавици кои ги будат еротските фантазии... Така отприлика би можело да се опише она што „Куку леле“ го работат од своето основање па се до денес, во последниве речиси 30 години од своето постоење. Роберт Саздов основач, идеен водач, композитор, продуцент, душа на дуото, на чии песни сепак душа им вдахнува пејачот, односно специфичниот вокал на Сашо Каимовски - „Панки“. Но, можеби само повозрасните и малкумина од помладите знаат дека Панки отсекогаш не бил пејач на „Куку Леле“, туку на својот почеток, едно друго момче беше заштитното лице на тогаш штотуку појавеното дуо. Пејач со силен, моќен, препознатлив глас и за тоа време, мошне фраерски изглед, со фризура со сукани плетенки. „Стамбол сосе Бардовци“, „Судија“, „Куку леле“, „Карај ме мила мамо“... беа првите песни и фасцинантни видеоспотови за тоа време во почетокот на 90-те кои „македонскиот австралијанец“ Стив Кироски ги испеа и ја направи групата препознатлива, а нејзините песни веднаш станаа хитови на сите радиостаници. Мускулестото момче со специфичен имиџ беше добитната комбинација како вокал со кој Роберт Саздов својот тогаш нов бенд, односно дуо, преку ноќ го вивна во височините на популарноста, откако претходно му се распадна приказната со „Ластовица“ и Владо Јаневски. Сепак Стив Кировски кој живееш во Австралија не можеше баш кога и да посака да доаѓа во Македонија на настапи, снимања, ТВ гостувања, па „Куку леле“ беше осоудено или на пропаст или да најде соодветна замена, што и се случи, со доаѓањето на Панки за пејач, во музичката приказна која трае и до ден денес. Стив остана во „земјата на кенгурите“ каде и ден денес работи и живее, а неретко умее и да запее. Токму од една македонска семејна веселба, фолк пејачката Татјана Лазаревска сподели видоснимка на која Стив Кироски пее, иако да не знаете дека е тој, тешко дека ќе го препознаете. Физички можеби видеоизменет со годините, но вокално се' уште моќен и сугестивен како некогаш, па среде Австралија Стив ја запеа „Кучка неверна“ на свадбената македонска веселба.

Помалата ќерка на Панки од „Куку леле“ славеше роденден: Каја го стопи срцето на пејачот (ФОТО)

Антонио Димитриевски — Wed, 09 Dec 2020 08:09:42 +0000

Децата на познатите личности отсекогаш привлекувале исто толку големо внимание на јавноста, па дури и можеби поголемо, како и нивните славни родители. Обожавателите на популарните ѕвезди отсекогаш сакале да дознаат што прават тие приватно, како им изгледа домот, семејството, кучето , мачето, и секако нивните наследници и наследнички... Насекаде во светот е истата приказна, а Македонија не е исклучок од тоа, зашто впрочем, ѕвездите можеби сегде не се толку големи ни богати, ама публиката насекаде е иста... И си ги обожува со истиот жар! „Куку леле“ со години се една од нанајпопуларните македонски групи или поточно дуо, чија секоја нова песна без исклучок, станува хит. Сашо Каимовски - Панки и како вокал и како соло пејач и забавувач чија харизма е несомнена е човекот кој покрај авторот Роберт Саздов, ја има половина од заслугата за успехот на нивната популарност. Панки е градска фаца, урбан лик, кој јавноста оддамна го познава не само по вокалните квалитети и медиумската популарност стекната со пеењето и музиката. Тој отсекогаш бил и дел од скопските урбани приказни за жестоките момчиња од скопскиот и не само скопскиот асфалт... Од времето на раните 90-ти и УНПРОФОР тепачката во една позната скопска кафеана со војниците на тогашните мировни воени припадници лоцирани во Македонија и регионот, кои пијани не знаејќи со кого си имаат работа „ја чачкаа мечката“, па посетата на Војислав Шешељ и неговиот прием на храбрите скопски момчиња кои се пресметале со тогашниот „агресор“, преку приказните за мистериозната, ненадејна смрт на неговата сопруга, па се' до приведувањето и затворот во соседна Грција заради наводното „позајмување“ пари од банкомати со фалсификувани платежни картички... И уште „сто ти една прикаска“, која нема многу врска со пеењето, а низ која се провлекува името на Панки... Оние што го познаваат одблизу, знаат дека Панки одвнатре е всушност сосема поинаква душа... Меѓу останатото и посветен родител, предан татко на две прекрасни ќерки, две млади девојки на кои тој им е се'... А, и тие нему! За постарата - Јана, веќе пишувавме дека е вистинска убавица, на која можат многумина да и позавидат. Девојка која може да застане раме до раме со ќерките на познатите фаци во регионот - од Цеца и нејзината Анастасија до Анабела и нејзината Луна или Хелена на Топалко, Елена на Миле Китиќ... Па дури многу од нив и да засени со својата убавина, шарм, маркантност, привлечност, стил... https://arhiva.vistina.com.mk/radio-mileva/kakva-anastasija-kakva-luna-kjerkata-na-panki-od-kuku-lele-e-ubavica-od-bajkite-foto/ Панки покрај неа ја има помалата - Каја, која токму деновиве наполни 14 години. Заради околностите со корона пандемијата таа роденденот го славеше дома, во друштво на семејството, на најблиските, најмилите... Посветениот татко секако не пропушти да биде со својата помала галеница, а при тоа да ја изненади со роденденска торта на која беше испишана роденденската честитка, нејзиното име и годините што ги полни. Панки беше тој што ги запали прскалките и свеќичките на тортата, а Каја онаа што ги дувна... Семејната роденденска идила и својата радост пејачот ги долови и сподели на својот Фејсбук профил преку неколку фотографии и роденденска порака до своето помало чедо: „Среќен ти 14-ти роденден љубов моја, татина“ - напиша Панки покрај фотографиите со што ги растопи срцата не само на своите обожаватели, туку и на многумина што го познаваат, но и на безбројните следбеници на социјалните мрежи. „Остани“ - е насловот на една од познатите песни на „Куку Леле“... Како што детето за својот родител секогаш ќе остане дете, како секоја ќерка за својот татко, како Каја за Панки...“! Да е жива и здрава, среќна, радосна и успешна низ годините... многу повеќе и од славниот татко!

Панки за „Бексјтеџ“: „Јас не сум криминалец, се најдов на погрешно место, со погрешни луѓе“ (ВИДЕО)

Христина Ѓоргиевска — Wed, 30 Sep 2020 07:08:06 +0000

Пред само неколку месеци, со брзина на светлината, во јавноста се прошири веста за тоа дека пејачот на дуото „Куку леле“ - Сашо Каимовски (52) познат како ,,Панки” е уапсен на преминот Евзони при влез во Грција.Како што тогаш беше објавено наводно пејачот бил уапсен откако се нашол на европска потерница распишана пред 13 години од страна на германските власти, за учество во криминална мрежа која крадела податоци од банкомати. Пејачот се сомничеше дека, во 2006 година, од два банкомати во Минхен, Германија, наводно украл податоци и лозинки на кредитни и дебитни картички со поставување на микроскопски чипови што ги снимале податоците. Досега Панки не се огласуваше на оваа тема, но сега, за прв пат во јавноста, и тоа пред објективот на естрадниот ТВ магазин Бекстејџ, реши да си ја отвори душата и да ја раскаже својата страна на вистината. https://arhiva.vistina.com.mk/radio-mileva/panki-od-kuku-lele-osloboden-od-grchkiot-zatvor/ „Јас не сум криминалец. Се најдов на погрешно место, со погрешни луѓе. Кармата од пред 13 години, ме стигна денес.“ – ја започнува својата приказна Панки во интервјуто за естрадниот магазин Бекстејџ. „Едно време, таму пред 14 години, се најдов на лошо место, со лоши луѓе, во лошо време... Нешто има вистина, но, голем дел не е вистина. Ме стигна кармата по 14 години, па морав да се правдам во Европа. Ме пуштија и се тоа падна во вода“, вели Панки, па додава дека требало во април да оди на суд, но се' се одложило поради короната. Тој откри и како се чувствувал тогаш: „Јас не сум криминалец, го неам тој код. Претешко е тоа, кога си сам со себе и мислиш на твоите дома. Не дај Боже никому да му се случи“ - вели Панки и додава: „Не знам која е вистината, нека пишуваат што сакаат. Јас и моите најблиски знаеме“, вели Панки. Целото интервју проследете го во видеото во продолжение:

Каква Анастасија, каква Луна… ќерката на Панки од „Куку леле“ е убавица од бајките (ФОТО)

Антонио Димитриевски — Sat, 22 Aug 2020 07:56:56 +0000

Регионалните медиуми, особено порталите постојано се полни со децата на познатите. Најмногу со нивните убави женски наследнички. Ќерките на најголемите балкански ѕвезди се секојдневно во фокусот на вниманието... Анастасија-ќерката на Цеца, Луна - ќерката на Анабела, Хелена - ќерката на Топалко, Мина - ќерката на Жељко Јоксимовиќ... Нема ден, со нив и нивниот живот, изглед, имиџ, однесување... да не им се полни устите, (читај редовите) на најчитаните и најтиражни електронски, па и печатени изданија во соседството.

Арно ама, ретко кој од нас знае какви деца имаат нашите музички ѕвезди. Таа е постара ќерка на Сашо Каимовски, во светот на естрадата попознат под прекарот Панки. Соло изведувач и пејач на дуото „Куку леле“.

И ако ја погледнете и споредите со ќерките на споменатите, од Анабела до Цеца, веднаш ќе ви стане јасно дека тие за неа се „мали деца“! Зашто Јана е толку убава, дури многу поубава и од споменатите ќерки и од нивните мајки и во однос на нив е убавица од најубавите бајки!

Јана Каимовска е тинејџерка, која има 19 години.

Таа е поголемата ќерка на Панки, кој уште ја има и помалата Каја.

И обете вистински убавици, особено поголемата, на која ќерките на регионалните ѕвезди колку и да се во мода, можат само „да и носат вода“!

Ова е новиот Панки: Престојот „таму каде што беше“ си го направил своето, но пејачот му се враќа на стариот живот со концерт на „Куку леле“ (ФОТО)

Антонио Димитриевски — Wed, 11 Dec 2019 07:38:17 +0000

Деновиве одекна веста за враќањето дома на пејачот на ,,Куку Леле”, Сашо Каимовски (52) познат како ,,Панки”, кој беше пуштен на слобода од грчкиот затвор, откако во март годинава беше уапсен на преминот Евзони на пат кон Грција. Каимовски се бараше со европска потерница, распишана од германските власти за учество во мрежа што пред 13 години крадела податоци од картички на банкомати во Минхен, Германија. По враќањето дома, барем досега Панки се нема огласено во јавноста во врска со неговиот случај, но едно е повеќе од јасно, а тоа дека пејачот полека му се се враќа на стариот живот. Оние што го виделе , а и од фотографиите што осамнаа на социјалните мрежи можеше да се забележи дека неколкумесечниот праестој „онаму каде што беше“ си го направил своето. Панки видно ослабен, помалку истоштен, со проретчена и побелена коса и долга бела брада, речиси на работ на препознатливост...! Но тоа беа само првичните фотографии. Естрадната ѕвезда знае дека бргу мора да се доведе во „нормала“, па не мина долго за пејачот да се трансформира во оној стариот препознатлив Панки. Ги бојадиса косата и брадата, која сепак ја остави како знак на распознавање на новиот имиџ. „Доме слатки доме“ му напишал во знак на добредојде на Панки сопственикот на познатиот скопски ресторан на градскиот кеј крај Вардар, место кое е главното одредиште и свратилиште на пејачот или како што некои велат неговиот „втор дом“. А, Панки заедно со Роберт Саздов или обајцата попознати како дуото „Куку леле“ токму таму в четврток, на 12-ти декември 2019 г. ќе го одржат својот повратнички настап, во вид на предновогодишна забава за присутните и добредојде дома за себе како почеток на новиот или враќање на стариот живот на пејачот!

Панки од ,,Куку Леле” ослободен од грчкиот затвор

Антонио Димитриевски — Wed, 04 Dec 2019 13:44:31 +0000

Пејачот на ,,Куку Леле”, Сашо Каимовски (52) познат како ,,Панки” е пуштен на слобода од грчкиот затвор дознава 24 Инфо. Тој беше уапсен во март годинава на преминот Евзони на пат кон Грција. Каимовски се бараше со европска потерница, распишана од германските власти за учество во мрежа што пред 13 години крадела податоци од картички на банкомати. Пејачот се сомничи дека, во 2006 година, од два банкомати во Минхен, Германија, украл податоци и лозинки на кредитни и дебитни картички со поставување на микроскопски чипови што ги снимале податоците и со поставување на дополнителна тастатура. Панки е виден вчеравечер во едно кафуле во центарот на Скопје, но не е познато како завршило барањето на германските власти тој да биде испорачан на Германија