пандемија – Вистина.мк

Дали настинките сега се посилни од пред пандемијата?

Дејан Донев — Mon, 27 Feb 2023 12:04:26 +0000

Бројот на заболени од грип според официјалните податоци се намалува, ама настинките не попуштаат. Температурните промени со минус степени во утринските часови влијаат настинките полесно да се шират. Впрочем настинките се карактеристични за овој период од годината, како и на пролет, кога надворешните температури вообичаено варираат во текот на денот и ноќта. Доколку во минатото не им посветувавме многу внимание на настинката, она што сега повеќето ги збунува, е зошто оваа сезона нејзините симптоми се посилни и полоши од пред пандемијата. Како што објаснуваат и матични доктори, повеќето заборавивме како изгледаат настинките, па последнава зима само наизглед личи дека искуството и симптомите се полоши од претходно. Особено што и поради мерките за заштита од претходните години, сега веројатноста повеќето да се соочат најмалку еднаш со настинка е повисока од претходните години. Симптоми на настинката наликуваат на оние на грипот или други слични вируси, но се послаби. Најчесто болните се жалат на затнат нос, кивање, кашлање, но не е исклучена можноста да има и болки во телото и мускулите, малаксаност, па и слабо зголемена температура. Стандардни совети кога ќе се појави настинка се повеќе течности, супи, овошје..., но кога болниот сака да си помогне со користење на лек без рецепт и решава да побара совет од фармацевт тогаш секако една од преферираните опции е комбинација на ибупрофен и псеудоефедрин. Оваа комбинација се користи за ублажување на симптомите на затнат нос, главоболка, болка, воспаление, зголемена температура и други симптоми на настинка и грип. Псеудоефедринот кој е деконгестив помага да се намали отокот во носната слузница а со тоа ја намалува затнатоста во носот. Додека пак ибупрофенот е нестероиден антиинфламаторен лек кој ја намалува болката и главоболката а исто така ја намалува и зголемената температура и знаците на воспаление. Токму оваа комбинација се содржи во брендот Дефринол на фармацевтскиот гигант Галеника во форма на таблети за возрасни и сируп за деца над 6 години. Производителот Галеника е регионален фармацевтски гигант, чии производи повеќе од седум децении може да се набават во секоја аптека во Македонија. Грижата за здравјето на луѓето е само дел од фокусот на компанијата, која е посветена и инвестира во квалитетни и современи производи кои одговараат на барањата на модерното живеење на секој поединец.

Истражување: Пандемијата ја зголеми стапката на депресија кај младите

Слободанка Илиева — Thu, 16 Feb 2023 12:41:09 +0000

Ново истражување за психичкото здравје во Франција открива огромно зголемување на бројот млади луѓе кои пројавиле депресија, а најверојатната причина е Ковид-19 и ограничувањата воведени против ширењето на коронавирусот. Француската Агенција за јавно здравје вчера ги објави резултатите од последните редовни обемни истражувања за психичкото здравје спроведени во 2021, една година по најакутната фаза на глобалната пандемија. Тие говорат дека 20,8 отсто од лицата на 18 – 24 години рекле дека доживеале епизода од депресија изминативе 12 месеци, во споредба со 11,7 отсто од претходното истражување спроведено 2017 година. Стапката кај младите е речиси двојно поголема од онаа на целата возрасна популација од 18 до 85 години. „Стресот предизвикан од Ковид-19 и ограничувањата наметнати за негова контрола се, се чини, една од главните хипотези коишто го објаснуваат овој пораст“, објави Агенцијата. Влијанието на карантинот, социјалната оддалеченост и другите ограничувања е посилно почувствувано кај студентите и помладите луѓе, бидејќи се смета дека „тие ограничувања го уништиле периодот што се случува еднаш во животот“, кој не може да се повтори. Несигурноста дополнително ја зголемува вообичаената анксиозност поврзана со растењето и развојот на личноста. – Неизвесноста за иднината одигра голема улога, што има многу важно влијание на таа возраст, вели Енжеран ду Роскоа, еден од авторите на француското истражување и стручњак за ментално здравје. И други испитувања во светот дадоа слични резултати. Имено, скоро 57 отсто од американските тинејџерки се чувствувале постојано тажно или безнадежно во 2021 година, двојно повеќе од момчињата, се вели во извештај на американските здравствени власти. Ова е пораст од речиси 60 отсто од 2011 година и највисоко ниво забележано изминатово десетлетие. извор:курир.мк

Лепа Брена проговори за повелкување од сцената: Пејачката нема да го остави микрофонот, но има нов бизнис: „Не можам да зборувам за тоа“

Христина Ѓоргиевска — Fri, 19 Nov 2021 09:47:43 +0000

Од почетокот на пандемијата со коронавирусот, Лепа Брена постојано е на патување. Откако со сопругот Боба Живојиновиќ се врати од Америка, пејачката повторно замина надвор од Србија. -Јас сега често живеам во куфери. Мајами и Монте Карло се најчести дестинации каде одам, но сакам да дојдам во Белград да ги видам децата, пријателите, внукот, и да направам план за понатаму. Сега не патувам ниту во Америја, ниту во Монте Карло, станува збор за трета дестинација и не смеам да зборувам за тоа, но ќе можам на пролет“ вели Брена. Таа не крие дека и годел периодот на пандемијата бидејќи имала многу слободно време и да ги прави работите кои досега немала време да ги барала. -Каде и да одам, јас сум опуштена, а за тоа треба да бидете здрави во главата и тоа е суштината на мојата приказна. Секаде се чувствувам добро. Ми недостига публиката и песната, но многу ми годи овој одмор од една година. Да не беше овој одмор од една година немаше да можам да се посветам на здравјето и да се подготвам за нови предизвици“, вели пејачката. -Работам на еден проект кој е поврзан со женската убавина и многу се радувам за тоа. Не размислувам да се повлечам од сцената, но првпат уживам во одмарот, но проблем ми е што сум научена многу да работам. Секогаш ќе се занимавам со нешто, мојот мозок не може да не работи, вели фолк ѕведата. фото: е сток/промо/ата имагес

Петте најбезбедни градови во светот за патување по пандемијата

Христина Ѓоргиевска — Thu, 28 Oct 2021 12:45:31 +0000

Погледнете кои дестинации ќе бидат најбезбедниот избор по пандемијата. Economist Intelligence Unit го објави Индексот на безбедни градови, кој рангира 60 градови врз основа на 76 безбедносни индикатори - во целосна инфраструктура, дигитален живот, лична безбедност, здравје - со еден збор, подготвеност за пандемии. Мерките на претпазливост од пандемијата ги направија градовите уште повнимателни во врска со здравствената заштита и целокупната безбедност за подобра заштита на нивното население. На врвот на листата се Копенхаген, Торонто, Сингапур, Сиднеј и Токио. Жителите на тие градови ги споделија своите искуства за тоа како промените предизвикани од пандемијата ги направија градовите побезбедни и поотпорни и што сè уште треба да знаат патниците за да бидат безбедни кога ќе одлучат да посетат некои од овие градови.

1. Копенхаген

На врвот на индексот, данскиот главен град е особено добро рангиран поради индексот за развој на животната средина, кој ја мери одржливоста, квалитетот на воздухот, управувањето со отпадот и покриеноста на урбаните шуми. Последниот фактор апсолутно влијаеше на тоа како градот и неговите жители се справија со ограничувањата на пандемијата, кои беа целосно укинати во септември 2021 година. „Парковите и зелените површини, како и водните патишта, беа популарни за време на пандемијата. Жителите на Копенхаген шетаа купувајќи храна за носење и уживајќи во многу урбани простори“, рече жителот на Копенхаген, Асбјорн Овергард, извршен директор на непрофитната организација Copenhagen Capacity.

2. Торонто

Најголемиот канадски град е рангиран на второто место во вкупниот индекс на безбедност, со добри резултати во инфраструктурата и безбедноста на животната средина. Жителите ја нагласуваат инклузивната култура која ја вреднува насочената комуникација во заедниците, особено кога станува збор за свесноста за вакцинација и усвојувањето на нови социјални форми. Жителката на Торонто Фарида Талат истакнува како градот започнал серија програми за вакцинација специфични за заедницата за да го направи градот побезбеден. Планот за вакцинирање дома функционираше со обезбедување на првите дози на жителите кои не можеа да ги напуштат своите домови. Локалните жители се чувствуваат безбедно и поради долгата историја на мултикултурализмот на градот. „Типична група на луѓе веројатно има луѓе од различни етнички групи, сексуални ориентации и религии. Торонто е град со отворен ум во кој можете да се чувствувате безбедно и да бидете тоа што сте“, рече Филипе Верназа, кој живее во градот од 1998 година.

3. Сингапур

На второ место во однос на дигиталната безбедност, здравствената безбедност и безбедноста на инфраструктурата, Сингапур ги искористи овие предности за брзо движење во раните денови на пандемијата и брзо воведе дигитален надзор и следење контакти. Земјата може да се пофали и со една од највисоките стапки на вакцинирање во светот (во моментов 80 проценти), но сето тоа сè уште бара строго следење на контактите во однос на новите варијанти. „Пред да можат да влезат во згради или простории, сите жители мора да го скенираат својот токен TraceTogether или мобилната апликација за SafeEntry апликации. Ова им овозможува на властите брзо да пронајдат поединци кои можеби се мешале или контактирале со заразените,. за да одреди карантин“, рече Сингапурецот Сем Ли, кој води блог за патувања.

4. Сиднеј

Најголемиот град во Австралија е меѓу првите 10 во однос на здравствената безбедност. Австралија беше една од првите земји што целосно ги затвори своите граници за време на пандемијата и задржа строги мерки за изолација со зголемување на бројот на случаи. Стапката на смртност по глава на жител во Австралија од 19 е сè уште една од најниските во светот. Кога вакцинацијата во Нов Јужен Велс ќе достигне 70 проценти, многу од тие ограничувања се очекува да бидат укинати и меѓународните граници ќе се отворат во ноември. „Навистина никогаш не се чувствував толку безбедно во земјата како што се чувствувам сега кога живеам во Сиднеј“, рече Клои Скорги, основач на австралиската туристичка веб-страница Passport Down Under, која првпат се пресели во Сиднеј во 2018 година. Градот беше на прво место и кога станува збор за дигиталната безбедност.

5. Токио

Јапонската престолнина е рангирана на петтото место во вкупниот индекс и е на самиот врв на индексот за здравствена безбедност, кој ги мери факторите како што се универзалната здравствена заштита, подготвеноста за пандемија, очекуваниот животен век, менталното здравје и смртноста од COVID-19. Иако бројот на пациенти се зголеми за време на Олимписките игри, стапките драстично се намалија бидејќи бројот на вакцинирани достигна речиси 60 отсто од населението. Јапонија најави постепено укинување на ограничувањата од крајот на септември 2021 година. извор: Кајгана

Дали знаете некој што неодамна се заљубил? 5 работи кои ќе ви помогнат да стапите во врска за време на пандемија

Христина Ѓоргиевска — Tue, 05 Oct 2021 13:30:05 +0000

Корона вирусот и ковид влијаат на секој аспект од нашиот секојдневен живот: работа, образование, воспитување деца, патувања, дружење … и романтичната страна на нашите животи, за жал, не е имуна на маките што ги носи пандемијата. Како да се заљубите за време на епидемија на смртоносен вирус?

1. Не го игнорирајте очигледното

Дури и кога се отворени кафулињата, клубовите и рестораните, се одржуваат разни настани, има гужви околу вас, не се залажувајте – се чини дека сѐ е нормално! Вирусот сѐ уште циркулира и сѐ уште може да се случи личноста со која разговарате да е асимптоматски вектор. Затоа три работи се клучни: заштитна маска, вакцина и отворен разговор. Дури и во вашето лудило, не размислувајте да излезете со личност што ви се допаѓа ако имате барем еден сомнителен симптом или контакт, и задолжително прашајте ја другата страна дали е веројатно заразена. Да, секој пат!

2. Искористете ја можноста

Иако епидемијата што го зафати Светот е една од најтешките работи што нашите генерации ќе ги паметат, во запознавањето нови луѓе, на некој начин може да ви помогне да откриете како другата страна се справува со кризни ситуации. Исто така, моменталната ситуација ќе ви покаже како некој со кого може да имате иднина размислува за големи теми што се важни кога започнувате семејство со некого: за вакцинација, за тоа колку се одговорни и сочувствителни итн.

3. Не бегајте од технологијата

Иако со години се жалиме дека технологијата, телефоните и компјутерите всушност нѐ отуѓуваат, за време на пандемијата тие се покажаа како многу корисни поради можноста за видео повици и брза комуникација, затоа не пропуштајте ја можноста да имате виртуелен состанок доколку сте спречени за излегување.

4. Размислете за работи за кои не сте зборувале порано

Пред само две години, никој не излегувал на кафе со некој што му се допаѓа, мислејќи „Што ако има ризичен контакт“, „Што ако член на семејството се бори против вирусот“, „Што ако има смртен случај“ итн. Сега, таквите мисли се секојдневни и потребно е да се размислува за нив бидејќи нивото на стрес и вознемиреност е повисоко од порано, па можеби ниту вие, ниту личноста со која се гледате поради грижи ќе се покажат во вистинско светло. Бидете сочувствителни, имајте разбирање и отворено зборувајте за себе и за вашите стравови и искуства.

5. Бидете позитивни

Опкружени сме со тажни вести, големи грижи и стравови, и токму затоа оптимистичките и насмеани луѓе ни се попривлечни. Се разбира, ќе зборувате за моменталната ситуација и нема да го игнорирате „слонот во собата“, но тоа не смее да биде единствената тема, ниту ќе постигнете успех ако се препуштите на стресот и приказната за ковид. извор: попара.мк

Пандемијата имаше големо влијание дури и врз сексуалната самодоверба. Овие 3 чекори можат да ви помогнат

Христина Ѓоргиевска — Tue, 13 Jul 2021 12:15:42 +0000

Пред да сакате да бидете интимни со некој друг, фокусирајте се на интимноста со сами себе. Колку повеќе го запознавате вашето тело, толку посигурни ќе се чувствувате за време на сексуалниот однос со партнерот. Според новото истражување на Рилејт, секој четврт човек кој бил сам подолго време се чувствува како "без пракса" во спалната соба, а тоа исто така се должи и на пандемијата. Изгледа дека сепак ситуацијата со корона вирусот имаше влијание и на сексуалната самодоверба и искуство. Истото истражување открива дека 13%од испитаниците сè уште не се подготвени за некаков вид на итимност. Неил Вилки, основачот на платформата за терапија The Relationship Paradigm објаснува дека полека се одвикнуваме од изолираниот и виртуелен живот кој го живеевме во изминатата година. - За време на пандемијата дојде до повлекување во сигурен и приватен свет на интернетската порнографија, како и можноста за воспоставување на сексуална врска на интернет. Сега за некои иднината може да претставува застрашувачка опција. Многумина се прашуваат: "Дали ќе ни биде убаво во живо? Што мислат за мене? Како изгледам гола?" Тоа се само дел од грижите кои луѓето ги имаат сега. Но, физичката поврзаност е исклучително важна за нашата благосостојба - ни овозможува изграда на длабоки, важни и долгорочни врски.

1. Запомнете дека не сте сами

Прво треба да се потсетите дека се наоѓате во иста позиција како многу други. Не сте единствени кои биле изолирани во изминатата година, па доколку се чувствувате неискусни во спалната соба тоа е нормално чувство.

2. Повторно откријте ги работите кои ги сакате

Пред да посакате интимен однос со други, бидете интимни сами со себе. Важно е луѓето да се поврзат со сопственото тело и да ги слушаат барањата на истото. На тој начин самодовербата ќе се врати и потоа полесно ќе можете да го поделите просторот со друга личност.

3. Запознајте го непознатото

Некои луѓе за првпат поради пандемијата поминале речиси 18 месеци без секс. Тоа е сосема нормално и не се плашете што би можело да се случи. Нашиот мозок е могу моќна алатка и колку повеќе размислувате за нешто, толку полошо за вас. Не им давајте моќ на вашите стравови. извор: точка.мк

Еве по колку заработува естрадата по пандемијата со коронавирусот (фото)

Христина Ѓоргиевска — Wed, 30 Jun 2021 06:25:50 +0000

По попуштање на епидемиолошките мерки за заштита од коронавирусот, естрадните уметници веќе започнаа со настапи, а како што пишуваат домашните медиуми некои од српските пејачи заработуваат и преку 10 000 евра за еден, два часа. Како што пренесува република.рс, Буба Корели и Џала Брат за два блока од 45 минути заработуваат по 15 000 евра. Цената на Ацо Пејовиќ од 10 000 евра наводно скокнала на 12 000 евра. Пејачот Саша Матиќ зема по 10 000 евра од настап, но од друга страна зависи и каде настапува, дали е клуб, прослава, работен ден или викенд. Цената на Теодора Џехверовиќ варира од 9 000 и 10 000 евра. Aлесандра Пријовиќ почна активно да работи и цената на нејзиниот настап изнесува 10 000 евра, а таа неодамна во едно интервју истакна дека не се променил нејзиниот хонорар. За Јелена Карлеуша не се знае колку изнесува нејзиниот настап, но многумимина тврдат дека не е под 10 000 и 15 000 евра. Меѓутоа, кога станува збор за неа, сопствениците на клубовите не се прашуваат за пари. Инаку, пејачката на 3 јули ќе настапи во Охрид.

Наташа Беквалац на првиот настап по пандемијата се појави во провокативно издание и изгледа брутално с*кси (фото)

Христина Ѓоргиевска — Thu, 03 Jun 2021 08:01:40 +0000

Поради пандемиајта со коронавирусот која го зафати цел свет, буквално се беше стопирано, како да застана светот. Немаше настапи, патувања, одмори, дружења, прегратки, но изгледа дека на се тоа се ближи крајот. И познатите личности кои речиси животот го поминуваат во авион, автомобил патувајќи од настап на настап беа на принудена пауза поради короната. Но, полека се се враќа во нормала, па некои веќе започнаа со настапи. Пејачката Наташа Беквалац го одржа својот прв настап по паузата поради пандемијата со коронавирусот. Беквалац се појавила во црно трико во комбинација со црни високи чизми и долги ракавици. Во ова издание пејачката изгледаше безобразно секси, па го истакна и го задникот онолку колку да ја разбуди машката фантазија. Таа истакна дека е пресреќна што се вратила на сцената. „Многу сум среќна што сум тука. Не банкротирав поради пандемијата бидејќи имав разни маркетинг кампањи поради кои сум многу среќна. Едвај чекам да се дружам со публиката како порано“, изјави Наташа.

Со намерно изложување се истражува имунолошката реакција при повторно заразување со Ковид-19

Слободанка Илиева — Tue, 20 Apr 2021 11:45:20 +0000

Британските научници во понеделникот започнаа тестирање во рамките на коешто поранешни ковид-пациент намерно повторни ќе се изложат на коронавирусот за да се испита нивната имунолошка реакција и да се утврди дали волонтерите повторно ќе се заразат. Во февраури Велика Британија стана првата држава во светот којашто го одобри спроведувањето на таканаречениот „ Human Challenge“, во рамките на кој волотенрите намерно се изложуваат на Covid-19 за да унапреди истражувањето на болеста којашто ја предизвикува коронавирусот SARS-CoV-2. „Human Challenge“ е назив за контролирано испитување на инфекциите кај луѓето и вид на клиничко истражување на вакцини или други лекови кои вклучуваат намерно изложување на испитаниците на болеста којашто се истражува. Студијата започната во понеделникот се разликува од онаа од февраури бидејќи целта е да се утврди дали лицата кои оздравеле од Covid-19 повторни ќе се заразат со вирусот за да се продлабочат сознанијата за имунитетот. Научниците притоа сметаат дека е поефикасно поранешните заболени да бидат изложени на коронавирусот отколку со него намерно да се инфицираат лица кои не ја минале болеста. „Податоците кои ќе ги добиеме со ова истражување ќе ни овозможат развој на поквалитетни вакцини и поефикасни начини на лекување на оваа болест. Истовремено ќе ни помогнат да осознаме дали луѓето се заштитени откако оздравеле од Covid-19 и доколу се, колку долго“, појаснива имунологот Хелен Мекшејн, шефица на истражувачкиот оддел при Универзитетот Оксфорд. Додава дека истражувањето, исто така, ќе им помогне на научниците да сфатата каква имуолошка реакција штити од повторната зараза со коронавирусот. Во прилогот на агенцијата Reuters се истакнува дека научниците веќе со децении спроведуваат случни истражувања кај луѓето за да дознаат повеќе за болестите како што се маларијата, грипот, тигусот и колерата, како и за да развија подобрени вакцини и начини на лекување на овие болести. Во првата фаза на половина од волонтерите ќе им биде инјектирата најмала доза од вакцина против коронавирусот, неопходно потребна за тој да се реплицира. Научниците очекуваат дека постапката ќе резултира со благи симптоми или тие целосно ќе изостанат. Во втората фаза, којашто ќе започен летово, со стандардна доза од вакцината ќе бидат инфицирани другите доброволци. Во студијата учествуваат 64 здрави волонтери на возраст од 18 до 30 години, кои со короанвирусот биле заразени пред најмалку три месеца, а сега повторни ќе бидат заразени со изворниот сој на SARS-CoV-2. Пота во карантин и под лекарски надзор ќе минат најмалку 17 дена. Сите коишто ќе развијат сиптоми ќе бидат лекувани со мониклоналните антитела „Regeneron“. извор:нетпрес.ком.мк

Аца Лукас жестоко за колегите: „Бараат помош од државата, а имаат по шест станови во Белград“

Слободанка Илиева — Fri, 09 Apr 2021 09:14:17 +0000

Пејачот Аца Лукас зборуваше за колегите кои бараат помош од државата среде пандемија. Музичари и угостители од цела Србија протестираа со цел да се најде решение за основните животни проблеми, бидејќи во текот на изминатата година тие останаа без приходи и можност за заработка, а Аца сега го откри својот став за протестите. - Не можеа да ми се јават, тие знаат дека ќе ги откачам - вели Лукас. - Да не лажеме, заработуваме најмногу во оваа земја. Тој протест започна од најпопуларните. Државата веќе дистрибуираше помош пред неколку месеци. Јас не бев во таа група и немаше да бидам во таа група. Луѓето кои имаат пет или шест стана во Белград бараат помош - додаде тој. - Работа, натоварете јаглен - им порача Лукас на своите колеги.

View this post on Instagram

A post shared by ACA LUKAS (@aleksandar_vuksanovic_official)

Тој призна дека го повикале да пее на „корона забави“, но тој ги одбил сите. - Чеда Чворак беше водач на протестот. Тој сака да работи, а не работи веќе 20 години. Имам впечаток дека овој протест е политички - заклучи пејачот за „Курир.рс“.