панчо и андреј – Вистина.мк

Јубилеен концерт за 20 години ДНК со промоција на новата „Ако утре ме нема“ (видео)

Слободанка Илиева — Thu, 09 Jun 2022 20:00:04 +0000

R&B дуото ДНК со гордост ви го најавува јубилејниот концерт насловен „20 години ДНК“, кој е закажан на 3 декември во арената „Борис Трајковски“. Концертот ќе значи заокружување на едно убаво и големо поглавје во кариерата на дуото, но и одбележување на постоењето на домашната музичка сцена на Панчо и Андреј. Билетите за претстојната музичка дружба во продажба ќе бидат пуштени веќе од понеделник 13 јуни, точно напладне и тоа преку продажната мрежа на Мк.тикетс. Со оглед на тоа дека Панчо и Андреј слават 20-годишен јубилеј, во првите 20 дена, односно во периодот од 13 јуни до 2 јули, билети ќе се продаваат по следниве цени: ВИП 800 денари, ВИП коњопој 800 денари, фан пит 200 денари и седење (трибини) 350 денари. Веќе од 2 јули цените ќе бидат следни: ВИП 1000 денари, ВИП коњопој 1000 денари, фан пит 350 денари и седење (трибини) 450 денари. - Ние сме луѓе од народот и да можеме да си го дозволиме тоа, ако целиот концерт ни е покриен од спонзори, верувајте не би ни наплаќале влезници, а така е затоа што се чувствуваме должни за сите 20 години поддршка што ја добиваме од целата наша публика. Сакаме некако да им возвратиме на сите и секој еден да може да си дозволи да биде присутен на концертот на 3 декември. Цените на билетите можеби се ниски, но ние сме убедени дека овој наш гест не е потценување на нашата работа, туку само гест на почит кон публиката која е со нас цели 20 години, едногласни се Панчо и Андреј. Освен што беа соопштени деталите за концертот, на денешната прес-конференција се случи и медиумската промоција на темата „Ако утре ме нема“, чија официјална промоција се случи вечерва на Јутјуб каналот на ДНК. „Ако утре ме нема“ е тема зад која стои веќе стандардната екипа – Панчо и Лазар Цветкоски, овој пат засилена од неверојатниот Џамбо Агушев, кој замеша прсти во аранжманот. Видеото, пак, е работено со Кристијан Теодоров, режија и камера, и Владимир Митревски -Ѓуле, монтажа и боја.

„Шизи и пеј по дома“: Панчо и Андреј ќе прават концерт во домашен амбиент – сите сте поканети!

Слободанка Илиева — Mon, 16 Mar 2020 08:20:39 +0000

Социјалните мрежи, интернетот ,гледањето телевизија, слушањето музика, за повеќето се главниот начин за поминување на времето додека се дома во изолација поради ситуацијата со коронавирусот. Панчо и Андреј од ДНК дојдоа до идеја да направат таа виртуелна дружба да биде позабавна, па решија вечерва со почеток во 21 часот да направат концерт од едукативно забавен карактер кој ќе се емутува на социјалните мрежи од нивните профили во живо. Нивното обраќање гласи вака:

Здраво здраво добри луѓе! Со оглед на актуелната ситуацијата со коронавирусот знаеме дека на сите вас/нас ни е многу досадно. За таа цел заедно со нашиот бенд решивме да ве изненадиме, а воедно и да ви го направиме поинтересен домашниот престој. Утре/Понеделник со почеток во 21ч ќе направиме LIVE STREAM ( видео/аудио ) концерт од едукативно-забавен карактер и пред се во домашен амбиент, се со цел да ја подигнеме свеста на нашите сограѓани за тоа дека е најбитно во ова време да се #ОСТАНЕ_ДОМА Ќе се дружиме интерактивно ќе #ШИЗИМЕ_И_ПЕЕМЕ_ПО_ДОМА, а вие изолирајте се, следете ги препораките од министерството за здравство и напишете ни која песна сакате да ја слушнете од репертоарот на ДНК ПС - ПИЈАЧКАТА НА СИТЕ ЌЕ ВИ БИДЕ ОД КУЌАТА Ваши Панчо и Андреј #БИДИ_КУЛ_СЕДИ_ДОМА

Адресата и времето го знаете, ваше е само да се приклучите!

Панчо и Андреј со искрена реакција: Што ако нивните ќерки би биле разголени како девојките од „Ромео и Јулија“? (видео)

Слободанка Илиева — Thu, 23 May 2019 07:49:59 +0000

Момците од ДНК, Панчо и Андреј, отсекогаш биле искрени, директни и коректни, како во песните, така и во реалноста, а и во непосредниот однос со новинарите. Неодамна го издадоа синглот за „Ромео и Јулија“, како и спотот за истата. Токму нивната најнова песна со експлицитен текст и видео запис, беше темата на разговор од нивното најново интервју дадено за емисијата „Ексклузив“ на 1Тв. Доколку сте го гледале спотот, а веруваме дека е така, сигурно сте ги запаметиле разголените девојки, кои на некој начин станаа неизоставен дел од видеата на ДНК години наназад.

Водителката ги праша Пачно и Андреј како би реагирале кога би ги виделе вашите деца во тие пози и такви видео записи, на што тие искрени и без резерва одговорија: -Претпоставувам дека јас не би се осеќал лагодно, искрен да бидам. Ама исто што кажа и Андреј, девојките што снимаа го изработија тоа професионално. Како што ние одиме на настапи и го работиме тоа. Само што кај нас за жал се уште е табу тема. Мене искрено би ми било неугодно да си ја гледам ќерка ми така, ама би сакал да го гледам син ми како на мое место, вели Панчо, а Андреј се надоврза.

-Види, ние сме нормални и изживеани дечки, се сме виделе, немаме проблем со ништо, па ако ќерка ми утре сака да биде разголена во нечив спот, тоа е нејзин избор. „Не лажи бе“, се вмеша Пачно. Не, не! Тоа што го прави во спотот нека го прави, да не биде после спотот е проблем, завршува Андреј со насмевка. Погледнете: https://www.youtube.com/watch?v=c2-ACa0udWQ

Андреј и Панчо во американски филм: Урбаните каубоји од бетонската чикашка џунгла (ФОТО)

Антонио Димитриевски — Tue, 13 Nov 2018 08:49:47 +0000

Членовите на популарното македонско ар-ен-би дуо Андреј и Панчо се во САД. Каубојите од урбаната чикашка џунгла не е насловот на некој нов филм во кој момчињата од ДНК играат. Тие се актери во својот филм... или поточно своето ново видео.

Нив како и половина македонска естрада ги зафати „новата треска“ - да се снимаат спотови во странство. Викторија Лоба на Миконос, Влатко Лозановски и Магдалена Цветковска во Турција, Елена Ристевска во Грција па сега во САД, Тамара исто така во Грција, Нокаут во Црна Гора... До душа Куку леле тоа го почнаа први пред дваесет и пет-шест години со спотовите снимани во Австралија, Бразил, Амстердам...

Па и ДНК иако имаа одлични видеа снимени и овде решија да го фатат возобновениот тренд, па правец САД или поточно Чикаго. А таму, двајцата урбани каубоји ја искористија бетонската џунгла за кадрите на новото видео за песната „Кога би знаела се“... Па за да го реализираат, решија и самите ако не се', тогаш барем што повеќе да дознаат за местото на прстојот.

Покрај работните мигови, Андреј и Панчо кадри испратија и од приватните моменти на престој и забава во ветената земја.

На лапање стек кај Мајкл Џордан, селфи со восочната статуа на Скоти Пипен и секако на НБА натпревар на „Булси“...

Нормално, покрај сето тоа уште илјада и една магија што ја нуди урбаната бетонска чикашка џунгла... И секако, голема благодарница за сите оние што им овозможија на Андреј и Панчо во својата музичка ДНК да вметнат и малку од американскиот сон... Кој за нив беше , барем накратко јаве!

Останатато ќе ви го раскажат тие. Што преку видеото за песната, што преку медиумите, што лично...

Ех кога би знаеле се'... за нив! Ама нема потреба... Зашто тогаш нема да има магија!