палто – Вистина.мк

Џенифер Лопез со капутот од природни рози направен само за неа беше во фокусот на модна недела во Париз (фото)

Слободанка Илиева — Thu, 25 Jan 2024 08:23:33 +0000

Најмногу внимание со својата модна комбинација привлече пејачката Џенифер Лопез (54) на Неделата на висока мода во Париз. Нејзиното скапо бело палто и необичните очила за сонце ги изненадија сите присутни. Како што објасни пејачката на своите социјални мрежи, капутот е направен од седум илјади вистински ливчиња од роза, а е дизајниран самоо за неа.

View this post on Instagram

A post shared by Jennifer Lopez (@jlo)

Го комбинираше со бела ролка и црни хулахопки, а на нозете носеше црни сандали на високи потпетици. Носеше и црна чанта со златни детали, а златните очила за сонце беа во центарот на вниманието. фото: Instagram printscreen/ jlo

Тоа е потреба, не е мода: На кои кучиња мора да им облечете зимска облека пред прошетка?

Слаѓана Атанасова — Wed, 09 Nov 2022 14:00:33 +0000

Времето е веќе прилично студено, но мора да го изнесете вашето домашно милениче неколку пати на ден без разлика на времето. Многу луѓе се прашуваат дали треба да им облечат палта на своите кучиња во текот на зимата или дали нивното крзно е доволно за да го загрее. Кои раси на кучиња навистина имат потреба да се облечат? Помалите кучиња имаат помала површина за складирање на температурата од поголемите кучиња, па затоа им треба повеќе зимска облека. Раси кои припаѓаат на оваа група се: Чивава, Териер, Пинчер, Малтезер. Исто така, многу витките кучиња како Greyhounds ќе го ценат тоа ако ги одржувате топли за време на зимските прошетки. Кучињата со многу тенко крзно или без крзно, бараат зимско палто. Наспроти нив се кучиња со долга и густа коса, на кои не им е потребна зимска облека. Исто така, темното крзно апсорбира повеќе топлина во зима од светлото крзно. Всушност, тежината на палтото би можела да ги намали изолационите својства на крзното на кучето, па затоа треба да внимавате на дебелината на материјалот – да го одржува доволно топло, но да не го оптоварува вашето домашно милениче. Извор:Курир.мк

На кој подобро му стои – на Сара Мејс или на Димитар, всушност на тој што краде или на оној што е ограбен? (фото)

Слободанка Илиева — Thu, 27 Oct 2022 08:01:33 +0000

Начиниот на облекување или стилот е индивидуална работа, а со денешните модни тенденции границата меѓу машката и женската облека е многу тенка. Па така, освен на модните писти каде има исклучоци, фустаните останаа само за жените, додека поголем дел од машката облека веќе може да се дефинира како унисекс. Овој пример досега сме го виделе во многу модни изданија, а дека белата машка кошула веќе стана ултра моден хит за жените е добро познато. Дека машката облека може да ја стилизираат и дамите од своите комбинации, на дело покажа пејачката и харфистка Сара Мејс. Неодамна на својот Инстаграм нејзиниот сопруг Димитар Атанасовски објави „стори“ од кое се пожали дека бил огабен неговиот плакар, односно дека крадецот е домашен и тоа е неговата сопруга Сара. Имено, тогаш бремената сопруга за потребите на една од поновите фотосесии го позајмила сакото од плакарот на Диме. Па така, тој направи споредба и го постави прашањето на кого подобро му стои, но и самиот си одговори и и даде комплимент дека таа во овој модел на палто во корална нијанса изгледа најдобро. Вкусовите и мислењата секако може да бидат поделени, но мора да се признае дека со малку креативност и добра занисла, одредени машки парчиња облека може совршено да им прилегаат и на жените- баш како во случајов! фото:Инстаграм/photofactory.mk

Ја споредија со сунѓер: Модната комбинација на Тамара Тодевска мета на потсмев (фото)

Слободанка Илиева — Fri, 19 Aug 2022 08:24:14 +0000

Генерално изборот на нештата во животот се лично право и работа на вкус, но секој исто така има свој избор за дали да му се допадне селекцијата на другиот, па ја коментира вака или онака. Ова непишано правило кое во пракса е секојдневие за сите нас, многу често се случува кога во прашање е модниот избор кај припадничките на понежниот пол, а особено кај познатите.

View this post on Instagram

A post shared by Tamara Todevska (@tamaratodevska)

Пејачката Тамара Тодевска беше мета на коменрари на социјалните мрежи поради нејзиниот авангарден модел на палто во пурпурна нијанса. За некои ова беше вистински моден погодок кој одлично и прилега на Тамара, додека други овој модел ги потсети на сунѓер за капење. На Инстаграм дури се појави фотографија на сунѓер во истата боја на автентичното палто, а Тамара знаеше да се пошегува и самата, па ја сподели на својот профил дополнувајќи ја со смешен симбол и коментар „ок“. Игор Џамбазов исто така имаше своја асоцијација, за него Тамара со ваквиот моден аутфит го потсетува на ружа. Кога веќе коментарите почнаа, што мислите вие?