пакување – Вистина.мк

Никако немојте да ги заборавите: Овие неколку работи се неопходни за време на летувањето

Слободанка Илиева — Wed, 03 Aug 2022 11:10:41 +0000

Во екот на подготовките за долгоочекуваниот одмор, секој од нас се труди да спакува се што му e потребно. Веднаш по пристигнувањето на дестинацијата, многумина од нас сфаќаат дека не спакувале баш се што им треба. За да ја спречите оваа ситуација, ве советуваме да започнете со пакување на време. Нека биде барем неколку дена пред патувањето. Дополнително, не би било лоша идеја да направите список, на чиј врв ќе ги напишете најосновните работи. Дополнително, добро би било да ги донесете и следните неколку, бидејќи не ретко се случува да притребаат за време на одморот. Собни папучи Иако ги има во многу хотели, луѓето генерално може да се чувствуваат непријатно да носат хотелски папучи, коишто ги носел некој пред нив. За движење низ просторијата, собните папучи ќе ви бидат навистина корисни. Подобро е да ги земете со себе, отколку да проверите со стапалата колку темелно е исчистен тепихот во просторијата. Тренерки На одмор секогаш треба да земете комплет тренерки или некоја друга долга и удобна облека со вас. Времето лесно може да се промени. Козметички прибор Често го заборавате, но секогаш ви треба. Кога веќе пакувате пинцета и турпија, не би било лоша идеја да понесете и ноктарица. Заштита од инсекти Ако барем еднаш сте се бореле со инсекти, знаете колку е залудно. Прашањето е дали во вашето сместување ќе имате мрежи против комарци на прозорците или уреди кои одбиваат инсекти, па секогаш е подобро да понесете таков уред или некој спреј на патувањето. Крема за изгореници Освен обична крема со заштитен фактор кој спречува изгореници од сонце, не би било лоша идеја да имате и некој крем кој би требало да ја намали болката, доколку се случи да изгорите. извор:курир.мк

Овие совети ќе ви помогнат полесно да се спакувате за на одмор

Христина Ѓоргиевска — Fri, 30 Jul 2021 12:45:07 +0000

Ви претстои летување и стоите пред орманот размислувајќи што да понесете и како сето тоа да го спакувате. Американската дизајнерка на „мобилни ормани” и патни торби, Лиза Адамс има неколку совети за брзо и практично пакување. Пред се, организирајте се – околу тоа дали патувањето е само туристичко или и службено, погледнете ја временската прогноза, осмислете ги дневните комбинации и другите детали. Потоа… 1. Извадете ја сета облека! Пакувајте се во просторија каде што ќе можете да ја распостелите цела Ваша облека за на одмор. Поголемата прегледност значи појасна замисла на секоја можна модна комбинација. 2. Наместо да ги редите – смотајте ги алиштата Наместо редење на алиштата како што тоа го правиме во плакарот, подобро е да ги смотате во цилиндар. Така се добива многу повеќе искористен простор. 3. Козметика Чантичката со козметика се пакува неколку дена пред патувањето, па користејќи ги на таков начин шминките, конецот за заби и кремите за нега, ќе дознаете дали нешто Ви недостасува. 4. Миризлива хартија За куферот да Ви мириса свежо и по пристигнувањето, оставете парче украсна миризлива хартија (онаа којашто се става на дното на фиоките од плакарот) или ќесичка лаванда или еукалиптус. извор: Курир.мк

Горан Пандев на пакувањето од кесичките со сликички на официјалниот албум на Панини за „ЕУРО 2021“

Антонио Димитриевски — Thu, 04 Mar 2021 13:57:54 +0000

Капитенот на македонската фудбалска репрезентација Горан Пандев се најде на пакувањето од кесичките со сликички на официјалниот албум на Панини за Европското првенство ЕУРО 2021, кое заради коронапандемијата е померено од лани, за во јуни годинава. Ова е голема чест за Пандев кого италијанскиот производител одлучи токму него да го стави. Ова е издание до душа е наменето за купувачите во Велика Британија, но нема да биде изненадување доколку Пандев биде и на изданието што ќе се најде на нашиот пазар. Напротив, дури тоа би бил и добар маркетиншки потег на Панини.