озборување – Вистина.мк

Дали знаете зошто луѓето озборуваат?

Слободанка Илиева — Tue, 25 Jul 2023 12:20:03 +0000

Нема личност што барем еднаш во животот не озборувала. Но, сите би рекле дека не го одобруваат озборувањето. Сепак, психолозите велат дека озборувањето не е страшно и дека е вкоренето во еволуцијата. Тие претпоставуваат дека 65 до 90 отсто од секојдневните разговори се вртат околу луѓето што не се присутни. – Луѓето озборуваат со уживање што може да се спореди со храната или сексот – пишуваат истражувачите во едно истражување. Само мал број луѓе признаваат дека сакаат да озборуваат. Според една анкета што ја објавува германскиот завод за статистика, половина од луѓето велат дека озборуваат поретко од еднаш месечно или никогаш. Само 11 отсто од луѓето признаваат дека го прават тоа секојдневно. Озборувањето е еднакво посветено на соседите, колегите, роднините и пријателите, нешто помалку на шефовите, а најретко на партнерот. Моралниот код на повеќето општества го осудува зборувањето на луѓето зад грб. – Озборувањето се гледа исклучиво како саможивно однесување со цел да се манипулира со луѓето, врз нив да се влијае со зли намери – пишува во холандско истражување „Зошто луѓето озборуваат“. – Преку озборувањето учиме кој е потенцијално добар партнер за соработка и од кого треба да се држиме подалеку – вели психологот Јан Енгелман, кој ја истражува оваа тема на Универзитетот „Беркли“ во Калифорнија. Кој ќе биде примен во групата, а кој останува надвор? Во текот на еволуцијата тоа било прашање за живот или смрт. Пресудно за преживување било навреме да бидете предупредени кои се предавници, измамници, егоисти… Озборувањето ни помага да одлучиме кого ќе примиме во својот круг. Дури и малите деца на овој начин се штитат од егоистичните врсници што не сакаат да делат ништо или со кои е забавно да се игра. А што ако зборуваат за вас? Озборувањето не помага само да се издвои пченката од плевелот и така да се изберат соодветните членови на групата. Озборувањето на другите исто така претставува сврзно ткиво на групата. Со озборувањето се зајакнува социјалната врска меѓу озборувачите кои се потпираат едни на други. Но, се озборува и во рамките на потесните групи. Зарем тоа не е особено лошо? И не баш. Бидејќи оној што ќе ги скрши нормите на групата за да добие лични придобивки мора да има предвид дека другите ќе зборуваат за тоа. Стравот дека можеби ќе станете предмет на следната „трач-партија“ ги мотивира членовите на групата да постапуваат праведно кон другите. На крајот на краиштата, ако правилата екстремно се прекршат, личноста може да биде и избркана од заедницата. Тогаш, дали озборувачите го имаат на ум доброто на групата? Не е толку едноставно. Научниците пронашле причини што ги тераат луѓето да озборуваат. Покрај размената на корисни информации, озборувањето навистина може да се користи како манипулација. Кога со некој зборувате за личност што не е присутна, вие влијаете врз мислењето на соговорникот. Така се шират предрасуди и шпекулации кои брзо може да добијат големина на мобинг. Но, повеќето луѓе немаат лоша намера кога озборуваат. Најчестиот мотив е едноставна радост поради шпекулации за некого. Забавно е да се разменуваат нови трачови, тоа го одвлекува вниманието од секојдневието и им овозможува на луѓето да го исполнат времето, пишуваат холандските истражувачи. Но, иако речиси сите озборуваат, барем понекогаш сите ќе кажат дека тоа не е убаво. – Можеби не сакаме кога другите озборуваат бидејќи може да нè озборуваат нас. Нашата репутација повеќе не е во наши раце, повеќе немаме целосна контрола – вели истражувачот Јан Енгелман. извор:курир.мк

Емина Јаховиќ откри како реагирала на свадбата на Мустафа но и дали има ново момче (фото)

Слаѓана Атанасова — Fri, 09 Dec 2022 11:34:11 +0000

Пејачката Емина Јаховиќ открила дека направила дуетска песна со Ацо Пејовиќ, која се уште нема име, а открила и како дошло до соработка со Пејовиќ. Како и сè што ми се случило досега, се прашував кој би можел. Го слушнав гласот на Пејовиќ во песната, му испратив порака и реков дека имам дует. Можно е да излезе за „Денот на вљубените“ - изјавила Емина. Пејачката потоа проговорила за песната „Слагачу вас све“ и како ја добила инспирацијата за неа. - Има социјална природа, не е љубовна приказна, за разлика од дуетот. Можеби ке се врати „Враќање“ , „Слагачу вас све“ е можеби мојата омилена песна што сум ја напишала. Јас сум против луѓето да се осудуваат, песната е за тоа. За мене се пишуваше многу, најмногу во Турција. - Мојот приватен живот беше посветен само на децата и таму пишуваа дека сум била и ваква и таква и со овој и со оној. Научив да го претворам притисокот во нешто креативно. За мене озборувањето е криминално однесување, како и пресудата за некој за кој не знаеш ништо . Тоа е пред се голем грев. Ништо нема да биде исто после оваа песна. Во последната сцена од спотот се раѓа фетус, некој посилен и постабилен – истакна пејачката. Нејзиниот поранешен сопруг Мустафа Сандал неодамна се ожени, а Емина откри дека никогаш толку долго не била без нова љубов. Моментално не сум во долга врска, ова никогаш не ми се случило. Сатурн е виновен. Тоа не значи дека никој не ми се додворува. Скоро се случи мојот поранешен сопруг да се ожени, јас требаше да бидам таа што ќе им посвети повеќе време на децата. - Навистина му посакувам многу среќа, секогаш ќе ми биде пријател и татко на моите деца, но да се фрлев на забава, децата ќе останеа сами. Кога ќе се заљубам, знам да се „лизнам“, па потоа се контролирам. Сакам да им се посветам. Останатото ќе си дојде природно. Чудно ми е што помина толку време, се надевам дека ќе најдам сродна душа – додала пејачката. Фото: Принтскрин/Инстаграм/Емина Јаховиќ

Овие 6 женски „маани“ мажите ги обожуваат – верувале или не!

Слободанка Илиева — Mon, 30 Nov 2020 13:40:00 +0000

Ниту малку мрзеливост некогаш не е лошо - мажите таа особина ја гледаат малку поразлично. Обидите да бидеме совршени никогаш нема да ни успеат, затоа што тоа е невозможна мисија. А, постои уште една причина зошто некои од мааните не се толку лоши - анкетата вели дека мажите ги обожуваат. 1. Мрзеливост Во разумни граници - секако. Нашите мајки и баби поради тоа секогаш ни зборуваа лоши работи, но мажите поразлично гледаат на таа особина поради тоа што најчесто и самите тие се мрзеливи, што е доволна причина да не ви замеруваат. 2. Малку неред Постојат многу уредни мажи кои што се во состојба да најдат и „влакно во јајце“, па да кажат: Каков неред! Но, тоа секако дека е исклучително ретко. Вообичаено мажите го забележуваат само тоа што ги интересира... 3. Спонтаност Мажите сакаат зрели жени кои што знаат што сакаат, но тоа не значи дека не уживаат во малку разонода, па и малку спонтаност која што секогаш може да ја зачини врската. 4. Вљубеност Не, нема да им бидете привлечни доколку глумите „дама со недопирливо срце“. Мажите сакаат да знаат какви емоции имате кон нив, особено доколку зборуваме за убави чувства. 5. Емоционалност Жените многу се чувствителни и мистериозни чии чувства и расположение секогаш им се на прво место. Сепак, доколку им значи нешто, на мажите им е интересно да одгатнат што е тоа и дали пред себе имаат личност полна со емоции. ивор:точка.ком.мк