Мажите не ги забележуваат овие работи, залудно се расправате на темата

Христина Ѓоргиевска — Thu, 07 May 2020 12:15:52 +0000

Женскиот мозок се фокусира на детали, машкиот не баш толку. Не дека не им е грижа, туку едноставно не ги забележуваат сите тие ситници кои за нас се од клучна важност. Ова се 10 работи кои мажите најчесто НЕ ги забележуваат кај жените и кои неретко се причинители за многу кавги.

1. Нова торба

Има иста функција како старата, ја преполнуваш со куп работи кои главно не ти се потребни, само е во различна боја.

2. Избричени/неизбричени нозе

Освен ако не наликуваат на обрасната шума, чудо големо ако има по некое влакненце.

3. Нови свеќи

Женската способност да се забележуваат детали, мириси и нијанси, мажите генерално не ја поседуваат. Воопшто не им прави разлика дали свеќата мириса на ванила или јагода, дали е истата од претходната недела или не. На крајот на краиштата, свеќа си е свеќа.

4. Нови чевли

Ретко кога ќе забележат ако не им кажете сами, факт е дека ретко кога гледаат под колената.

5. Целулит

Жените се замараат со целулитот на бутовите – мажите уживаат во облините.

6. Нова фризура

Освен ако не кажете сами, или не се појавите ќелави, не очекувајте да забележат дека сте скратиле пола сантиметар од должината на косата. Така што, нема потреба да врескате дека ништо не забележуваат.

7. Нова нијанса на кармин

Според нив твојот кармин е црвен, исто како што беше и тој вчера, нема разлика меѓу светло црвен, или вино боја или црвеникаво–розова…

8. Нови фармерки

Фармерки си се фармерки и тие супер го истакнуваат задникот, крај на муабетот.

9. Нови декорации или промена во собата

Забележуваш нешто ново? Не, ќе ми кажеш што е новото, па да избегнеме кавга од половина час дека ништо не забележувам?

10. Нова долна облека

Не дека нема да ја забележат, но нема да имаат време да искоментираат, така што нема потреба од лутење. извор: Курир.мк

Сè додека редовно ги чистите овие 10 работи, немате причини за грижа од зараза

Христина Ѓоргиевска — Wed, 25 Mar 2020 13:00:34 +0000

Топлата вода и сапунот или детергентот со леснотија ја отстрануваат нечистотијата и се доволни за отстранување на поголемиот дел микроби. Меѓутоа, во вакво време на пандемија или доколку во домот живеете со лица со слаб имунитет, сигурно ќе сакате да ја зголемите хигиената. Домашната дезинфекција можете да ја направите со обично евтино дезинфекциско средство. Направете го сами така што ќе измешате избелувач (хлор) со обична вода и тоа во размер – 3 лажички избелувач на 4 литри вода. Водете грижа да не ставате ништо повеќе во овој раствор, особено не оцет или амонијак! Можете да користите и раствор од алкохолен оцет или хидроген пероксид – или едно или друго – растворено во вода во сличен размер. Но, напоменуваме – никако не мешајте оцет со хидроген! Ставете го растворот во шише со распрскувач и задолжително отворете ги прозорците пред да започнете со чистење. Попрскајте ги површините кои сакате да ги дезинфицирате и оставете да отстојат 3 до 5 минути. Потоа пребришете со вода и оставете да се исуши или избришете со сува крпа.

Задолжително применете ги и следниве мерки на претпазливост:

- ако користите куповна течност за дезинфекција, внимавајте да не го вдишувате нејзиното испарување. - ако ги чистите работните површини во кујната, не ставајте храна на нив пред тие да бидат потполно суви. - припремете и крпи за бришење кои можете веднаш да ги ставите во машина за перење и да ги исперете на програм со висока температура. Ако морате да излегувате од домот, по враќањето задолжително пребришете ги следните предмети: 1. Кваките на вратите и прекинувачите за светло 2. Рачките од чантата и детските ранци 3. Гелендерот и оградата на терасата 4. Закачалките за облека 5. Фиксниот и мобилниот телефон 6. Далечинскиот управувач за телевизор 7. Клучевите и привезоците 8. Рачките од чадорите и нивните футроли 9. Ракавиците – ако е можно користете ракавици кои се перат 10. Паричниците и несесерите извор: точка.мк

овие работи – Вистина.мк