„Овде е добро“ во МКЦ

Антонио Димитриевски — Tue, 25 Feb 2020 13:50:18 +0000

„Овде е Добро“ е иницијативa која има намера да поттикне дискусија, пред се помеѓу младите, за нивниот ангажман во социјалниот, културниот, па и политички живот на земјава. „Овде е Добро“ има намера да се занимава со лоцирање на проблемите од кои произлегува популарното незадоволство, но главна тенденција е да се пронајдат начини за решавање на тие прашања. Активно учество наспроти банално критизерство. Иницијатива наспроти очекување дека нешто ќе падне од небото само за тебе. Самоорганизација и активна борба за задоволување на потребите, наместо очекување некој друг тоа да го стори за тебе. Одговорно и реално инсталирање на демократските вредности на организациите и светот кон кој реално се стремиме. Тоа е отприлика дирекцијата на „Овде е Добро“. „Овде е Добро“ се состои од серија настани а овој е првиот. Извонредно популарните, сега веќе вистински ѕвезди на регионалната сцена, Artan Lili од Белград, Србија ќе бидат специјални гости на овој настан и ќе отсвират целовечерен концерт. Домашните Pluto's Doubts, Muhamed Ibrahimi, MvrSvr и Blackstate ќе ја увеличаат оваа фестивалска вечер со своите настапи.

овде е добро – Вистина.мк

„Овде е добро“ во МКЦ