Ќе се снима „Кафеана на Балканот“, серија за животот на Аца Лукас темелена на автобиографијата „Ова сум јас“: Кија Коцкар ќе ја глуми неговата бивша сопруга Соња? (ФОТО)

Антонио Димитриевски — Thu, 29 Jul 2021 09:04:34 +0000

Кија Коцкар и уште две актерки се борат за улогата на поранешната сопруга на Аца Лукас, Соња Вукасановиќ во серијата за животот на пејачот „Кафана на Балкану“.

Продукцијата посакува победничката во првата сезона на реалното шоу „Задруга 1“ да биде во серијата која ќе има 12 епизоди, темелени на автобиографијата на фолкерот - „Ова сум јас“. Лукас ќе биде нараторот, додека неговиот татко ќе го игра славниот актер Мима Караџиќ.

Кастингот ќе се одржи кон средината на август, а Кија ќе биде во трка со уште две актерки. Лукас и сценаристот Вања Булиќ, како и продуцентите, ја сакат Кија за улогата на Соња, со која Аца ја има ќерката Викторија. Тие веруваат дека таа може да го отслика темпераментот и карактерот на Соња, односно верно да игра силна и независна жена, но и најголемата љубов на пејачот.

Коцкар веќе се испроба како актерка и одлично се снајде. Таа глумеше во претставата „Кој ти ја тресе црешичката“, потоа и во студентскиот филм „Лудило во саботата навечер“ како и во серијата „Авионџии“, која ќе се прикажува од есен. Сепак, ниту еден од тие проекти не се очекува да биде толку успешен како серијата што ќе го открие бурниот живот на Аце Лукас, па сите се надеваат дека Кија ќе добие можност да ја игра Соња.

Лукас вели дека е премногу рано да се откриваат сите улоги затоа што сака да ја изненади публиката!

„Ќе има кастинг, па ќе видиме. Мима Караџиќ ќе го глуми татко ми Вуксан, тоа беше моја голема желба и се оствари, а другите актери ги бараме. Постојат многу работи што не ги открив во книгата, не затоа што не сакав, туку затоа што не стигнав. Но, затоа наскоро ќе започне снимањето на серијата, во која луѓето ќе имаат можност да видат сè за мојот живот“ - изјави Лукас.

Фото: Инстаграм принтскрин/aleksandar_vuksanovic_off.../kijakockar/sf__fashion__style

Аца Лукас шокираше со она што го пишува во неговата автобиографија: „Бевме во тајна врска со Ксенија Пајчин и една година зедно живеевме“! (ФОТО)

Антонио Димитриевски — Tue, 15 Jun 2021 08:49:50 +0000

Пејачот Аца Лукас ја објави автобиографската книга „Ова сум јас“ во која го опиша апсењето за време на акцијата „Сабја“, средбата со членовите на Земунскиот клан и Цеца Ражнатовиќ во Централниот затвор, но исто така ги откри и деталите за неговата тајна врска со убиената пејачка Ксенија Пајчин. „Живеевме заедно една година. Нашата врска беше тајна, но, страсна и искрена. За разлика од повеќето жени со кои бев, Ксенија не се обидуваше да ме смени. Ако некој ме замоли да ја опишам, би рекол: „Добар човек. Прекрасна , убава и несреќна. Беше многу несигурна. Седеше дома, читаше весник и гледаше телевизија и прашуваше „Како оваа успеала, а јас не направив ништо?“, напиша Лукас. Пејачот исто така пишува дека медиумите имале погрешна слика за неа. „Сèшто пишуваа весниците за Ксенија, меѓудругото и дека таа е тежок зависник од дрога. Беше убава, силна, пукаше од здравје! Тренираше секој ден“. Аца Лукас откри и дека ја молел Ксенија да ја скрие врската, бидејќи во тоа време тој сè уште бил оженет со неговата втора сопруга Наташа. „Ја замолив Ксенија само едно - да не им кажува на новинарите за нашата врска и таа го почитуваше тоа. Сонот на секој човек беше да го видат со Ксенија Пајчин. За мене беше поважно да бидам секој ден заедно со неа, отколку на насловните страници“. Аца откри и како неговата сопруга ја открила аферата со Ксенија. „Пеев на една тераса во Сутоморе. За време на паузата и пишав на Ксенија. Набројав што ќе и направам и што ќе ми направи во кревет. Ацо, спремна пауза“, слушнав од колегата и станав. Набрзина ја испратив пораката. Кога го зедов микрофонот, ми мина низ главата „Не е белким дека сум ја...“ Кога ја завршивме турата, го зедов мобилниот телефон и што да видам. Беше полн со пораки од истиот број. Само пцуење, клетви, па комбинација од обете“ - пишува Лукас. Фото: Инстаграм принтскрин/aca_lukas.fp/ksenija_pajcin

ова сум јас – Вистина.мк

Аца Лукас шокираше со она што го пишува во неговата автобиографија: „Бевме во тајна врска со Ксенија Пајчин и една година зедно живеевме“! (ФОТО)