отров – Вистина.мк

Јелена Карлеуша на „К1 ТВ“ отвори душа и го истури сиот отров: „Се’ што беше снимено годинава не стана хит и не знам ниту една песна од тие пејачи, зашто сето тоа е ѓубре“

Антонио Димитриевски — Thu, 05 Oct 2023 12:23:32 +0000

Јелена Карлеуша, неодамна во Белград на вода, одржа спектакуларен концерт на кој ги претстави песните од нејзините нови два албума „Алфа и Омега“. Поп дивата си ја отвори душата но и го истури сиот отров во ексклузивно интервју во емисијата „Први ред“ на телевизија К1 ТВ: „Ова се вика шоубиз шлаканица. Снимив видео, кое ги заменува сите видеа на сите изведувачи. Заедно, тие не можат да ми се приближат во однос на продукцијата на видеото „Karly b*tch“, кое е од светска класа. Секогаш сум повеќе за квалитет отколку за квантитет. Која е поентата да се снимат десет идиотски видеа без заплет, без поента, а никој никогаш ниту едно од нив да не спомне. Ова видео направи револуција, каде луѓето го имитираат, прават „Карли џус“, печатат маици, ги копираат костимите од видеото. Тоа видео го дефинираше целиот идентитет на еден албум“ - изјави меѓудругото белградската поп-фолк дива. По објавувањето на песните, некои локални пејачи немаа пофални зборови и со „нож“ го чекаа излегувањето на албумот. Како што истакнува, ваквите коментари не ја засегаат, бидејќи повеќето од нив не можат ниту да и пријдат, а камоли да постигнат таков успех. „Кои се луѓето кои коментираат некој што е во оваа работа 30 години?! Кога ќе влезете во нивниот профил, ќе видите дека тие се неуспешни, мали, безначајни, грди луѓе, кои мразат се што ќе излезе од нивната грда, црна, темна слика. Тие едноставно не можат да ме допрат, бидејќи тие навистина се никој. Не по успех, талент, кариера, љубов, сила, убавина, интелигенција. Се' што беше снимено годинава не стана хит“ - изјави Јелена, а потоа во нејзин манир ја коментираше песната на Александра Пријовиќ „Дам, дам, дам“. „Тоа е 2001 година за мене. Девојката е одлична, сите тие 'Ѕвезди на Гранд' се одлични, но сето тоа е ѓубре. Ние треба да одиме понатаму и да имаме светско продукција, а никако да се враќаме во 2001, 2003 итн. Не знам ниту една песна од тие пејачи. Можам само да ја издвојам Милица Павловиќ, таа ми е одлична. Таа годинава сними голем хит, а тоа е песната „Машала“. Милица работи напорно и вложува во себе, а другото е ѓубре“ - додаде Јелена испукувајќи вербален рафал по колегите од естрадата. Фото: Инстаграм/karleusastar

Професорка од Харвард тврди: Консумирањето кокосово масло е како да јадете „чист отров“

Христина Ѓоргиевска — Fri, 02 Oct 2020 12:45:41 +0000

Во последните неколку години, кокосовото масло стана задолжително ако практикувате здрава исхрана. Многумина веруваат во неговите речиси чудотворни моќи, а освен во кујната, редовно се користи и во третманите за убавина. Но, една професорка смета дека кокосовото масло е подеднакво лошо за вас како и „чистиот отров“. Тврдењето го изнела д-р Карин Микелс, професорка на факултетот за јавно здравје „Harvard TH Chan“ и директорка на Институтот за превенција и епидемиологија на тумори на универзитетот во Фрајбург, во текот на говорот насловен „Кокосово масло и други прехранбени грешки“. Во говорот, д-р Микелс изјавила дека кокосовото масло е една од „најлошите намирници кои можете да ги консумирате“ поради штетното влијание на заситените масни киселини во него. Тоа се противи на врежаното уверување дека кокосовото масло е добро за вашето здравје бидејќи претходно се сметаше за „суперхрана“ која во кујната може да се користи како компонента на било кој оброк. Минатата година, експерти од Американското здружение за срце објавија дека кокосовото масло содржи заситени масни киселини и дека луѓето треба да го заменат со оние незаситените бидејќи со тоа може да се намали ризикот од развој на кардиоваскуларни болести. Исто така, според д-р Микелс, консумацијата на кокосово масло е „далеку поштетна од консумацијата на свинска маст“ бидејќи претежно се состои од заситени масни киселини, известува „Business Insider“. „NHS“ наведува дека консумирањето храна која содржи заситени масни киселини може да го зголеми ризикот од развој на коронарни болести на срцето, поради порастот на нивото на лошиот холестерол во крвта, наведува „The Independent“. извор: точка.мк

Зошто „отровните“ врски траат толку долго?

Ивана Стојанова — Thu, 20 Sep 2018 14:33:40 +0000

Во одреден дел од животот сите сме биле заглавени во некоја „отровна“ врска која во нас го поттикнувала прашањето: „Зошто уште сум во врскава?“, а едно истражување го дал одговорот на ова прашање: окситоцин! Да, виновникот е баш овој хормон на „љубовта“. Заклучокот бил дека луѓето кои чувствуваат некаква дистанцираност од својот партнер, имаат повеќе окситоцин во крвта отколку луѓето кои се сакани и згрижени од страна на нивниот партнер. Ако и вие го имате овој проблем, а не знаете како да излезете од оваа врска, само променете ги „правилата“ на таквата нееднаква врска. Обидете се и вие да се однесувате како што се однесува вашиот партнер кон вас – можеби кај него ќе се јави повеќе окситоцин кога ќе сфати дека повеќе не го осипувате со љубов како некогаш.

ВНИМАВАЈТЕ: Овие симптоми укажуваат дека имате отрови во телото

Кристина Петрушевска — Tue, 05 Jun 2018 13:00:08 +0000

Отровите се насобираат во вашето тело бидејќи сте живи и тоа е неизбежно. Меѓутоа, некои дополнителни активности кај некои луѓе предизвикуваат отровите да се акумулираат во нивното тело побрзо отколку кај останатите. Консумацијата на храна која тешко се вари, алкохол и никотин, се едни од најголемите извори на отрови.

Ова се петте основни симптоми кои укажуваат дека вашето тело е полно со отрови:

Летаргија

Доколку спиете по 8 часа секоја ноќ и сеуште имате потешкотии и чувствувате замор во текот на денот, отровите во организмот можеби се проблем за тоа. Причина за тоа е преоптеретеноста на телото кое се обидува да ги исфрли отровите.

Зголемување на телесната тежина

Доколку постои големо количество на токсини во организмот, може да дојде до зголемување на телесната тежина. Доколку јадете здраво и имате физика активност, а сепак не можете да изгубите килограми, причината за тоа може да е хормоналниот дисбаланс кој што се случува во вашето тело. Затоа, потребен ви е режим на исхрана кој ќе го стимулира телото да ги исфрли отровите.

Непријатен здив

Иако грижата за забите и редовното четкање влијаат најмногу на здивот, насобирањето на отровите во телото исто влијае. Проблеми со варењето и неправилна функција на црниот дроб можат да предизвикаат лош здив, бидејќи вашиот црн дроб не може да ги ослободи токсините од организмот.

Проблеми со кожата

Осип, акни и црвенила на кожата се знак за присуство на отрови во телото. Други проблеми со кожата кои можеби значат дека има отрови во вашето тело се егземата, потечените очи и псоријазата.

Проблеми со дигестивниот систем

Кога во вашето тело ќе се насоберат отрови, вашиот дигестивен систем има тешкотии при вршењето на функциите. Вашиот дигестивен тракт станува помалку ефикасен што придонесува за неправилно отстранување на отровите. Исто така тоа коже да резултира со нарушен имунолошки систем и замор.