отпад – Вистина.мк

Дарко Лазиќ го плати автомобилот колку еден стан, па го смачка во сообраќајка – сега е само за на отпад (фото)

Слободанка Илиева — Thu, 24 Aug 2023 10:51:27 +0000

Пејачот Дарко Лазиќ повторно доживеа сообраќајна несреќа на автопатската делница низ Белград кога неговиот автомобил се судри со комбе. Дарко бил однесен кај судија за прекршоци, а според локалните медиуми немал алкохол во крвта. Инаку, Дарко всушност го спопадна малер на само седум дена пред неговата венчавка со избраничката Каќа. И додека течат последните подготовки за гала-венчавката во Пеќинци, на Дарко сега му е одземена возачката дозвола поради казнени бодови. Автомобилот „БМВ“ со кој излета Лазиќ чини скоро 70.000 евра, а сега како што пишуваат српските медиуми, може само на отпад. Да потсетиме, Дарко и Катарина склучија граѓански брак на 8 декември 2022 година во присуство на само неколку луѓе, а наскоро ќе имаат голема свадбена веселба на околу 500 гости. Свадбени гости ќе доаѓаат од цела планета, таму ќе бидат и многу колеги на Дарко, како Андреана Чекиќ, Вања Мијатовиќ, Катарина Грујиќ, Урош Живковиќ и други.

View this post on Instagram

A post shared by Katarina Lazić (@katarinalazic_24)

Од дрга страна историјата се повторува од 2018 година кога имаше тешка сообраќајка, па едвај спаси жива глава. Сега штетата за среќа е само матријална. фото:Инстаграм принтскрин/Мarko Đoković

Студенти од Македонија направија паметна корпа за правилна селекција на отпадот, со оваа иновација ќе учествуваат на натпревар во Њујорк (видео)

Слободанка Илиева — Mon, 08 Aug 2022 12:00:02 +0000

Кристина, Теодора, Љубица, Никола и Јован се петмината студенти направија паметна корпа за правилна селекција на отпадот, кои со оваа иновација ќе учествуваат на натпревар во Њујорк. Тие победија на младинскиот предизвик „Генерација без граници – Технологија за планетата“ и како млади иноватори ќе не претставуваат на глобалниот предизвик „Генерација без граници 2022“. Со идејата на тимот „Грин Хот Чили Пеперс“ за правилна селекција на отпадот и иновацијата составена од паметна корпа со сензори и апликација, во иднина граѓаните ќе можат правилно да го селектираат отпадот кој полесно ќе може да се рециклира. Нивната појдовна точка за идејата биле проблемите со неправилното справување со отпадот. „Справувањето со отпад на сите ни влијае, особено кога се шетаме низ улица, од тоа како ни изгледа животната средина, потоа што се случува понатаму со отпадот и дали правилно се гори. Повеќето од нас се студенти на информатички науки и компјутерско инженерство, и сакавме да направиме некоја паметна корпа, која што ќе го селектира отпадот на граѓаните и доколку тој отпад е селектиран потоа ќе може полесно да се рециклира. Во склоп на тоа развивме и апликација која што дополнително би ги мотивирала граѓаните да селектираат отпад“, рече студентката на ФИНКИ и членка на тимот, Кристина Цоковска. Идејата е граѓаните отпадот да го испразнат во паметната корпа, а таа со помош на одредени паметни сензори и механизми да го селектира отпадот на неколку категории, пластика, хартија, стакло. „Тоа понатаму би им помогнало на оние компании и институции што се справуваат со отпадот доколку истиот е селектиран. Бидејќи на паметните сензори и механизми ќе им биде потребна енергија, ние замисливме енергијата да доаѓа од соларни панели кои би се наоѓале на кантата и би биле доволни за истата да се напојува“, раскажува Цоковска. Како помош на паметната канта е апликацијата за правилна селекција која во одредена форма е веќе достапна, но сеуште работат на нејзино доразвивање. „Следен чекор е да снимаме видео како национални победници, и потоа тие видеа ќе бидат испратени до интернационална комисија која што ќе ги разгледува идеите од сите земји и ќе одлучат кои тимови ќе продолжат ќе се натпреваруваат во Њујорк“, вели Кристина Цоковска од тимот „Грин Хот Чили Пеперс“. На натпреварот во Њујорк, Македонија влегува во конкуренција со 40 други земји кои работат на истата тема, технологија за климатски промени. Погледнете: фото:Jutjub printskrin/Reporter

За неа животот во секој поглед има смисла: Билјана Јаневска – мисицата од „Дрисла“ (ФОТО)

Антонио Димитриевски — Wed, 02 Jun 2021 08:32:37 +0000

Македонската мисица, манекенка и модел Билјана Јаневска е светски феномен. Една од ретките исклучоци кои го потврдуваат правилото, дека „убавината и умот“ можат да одат заедно, што го докажала и со тапија. Таа е дипломиран инженер по екологија и Магистер за управување со отпад! Веројатно единствената мисица и манекенка која верувале или не, работи на депонија! Имено, Билјана однеодамна е вработена како „Советник за подготовка и спроведување на развојни проекти“ во ЈП депонија „Дрисла“! Можеби единствената на светот која ја нашла хармонијата во спојот на убавината и депонијата! Навидум чудно, но вистинито, зашто за оваа млада девојка очигледно животот во секој поглед има смисла, па не и пречи една мисица да работи во „Дрисла“! За новот работно место Билјана ќе изјави дека тоа и е како втор дом и не се срами в раце ако треба да земе и метла, зашто се' додека чесно заработуваме, нема од што да се срамиме. Убава, згодна, привлечна сексапилна... но и природна, отворена, искрена, постојано насмеана младата убавица плени не само со изгледот, туку и со својот шарм и непосредност. Неодамна Билјана беше учесничка на првиот виртуелен, инаку 23-ти интернеционален избор за „Мис туризам“ кој ќе се одржи на 17 јануари 2021 година во Малезија, каде го освои 15 -тото место помеѓу преставничките од вкупно 31 земја ученик. На 26-ти јуни 2021 год. Билјана одново ја преставува Македонија, овој пат на големото финале за „Miss Model World“ кое одново заради корона пандемијата ќе се одржи виртуелно, овој пат во Јамајка. Иако и овој пат не добила финансиска подршка од државата, македонската мисица и нејзината модна агенција „Пантер моделс“ се снаоѓаат како знаат и умеат: партиципацијата платена од анонимен обожавател од Јамајка, фустаните донирани од модната креаторка Јасмина Дракул, накитот, поточно охридските бисери изработка и подарок од познатото семејство Талеви... И додека мисицата го чека остварувањето на уште еден сон, вредно и секојдневно и е посветена на работата во нејзиниот „втор дом“ - депонијата Дрисла. Во меѓувреме, додека камионите со отпад доаѓаат и си заминуваат, таа чека однекаде да се појави и нејзиниот „принц“... Не на камион, туку на бел коњ! Билјана смета дека време и е за брак, семејство и дечиња... Време е да „долета штркот“! А, во меѓувреме...? Можеби уште понекоја титула за убавина? Можеби пред да стане нечија сопруга и мајка, на мисицата од „Дрисла“ ќе и се насмее круната од Јамајка!? Фото: Инстаграми фејсбук принтскрин/biljana_janevska