Зошто треба да се откажете од оној кој се откажал од вас?

Христина Ѓоргиевска — Tue, 25 Jan 2022 14:30:47 +0000

Љубовта е моќна сила, која може да нè лансира меѓу ѕвездите, да нè направи најсреќните суштества на планетата, но и да нè тресне силно на земјата, покажувајќи ни дека животот не е романтична бајка. Љубовните врски често завршуваат кога една личност ќе одлучи да ги пресече конците и да ги насочи емоциите во друг правец. За жал, ние неретко се држиме за оние со кои сме поминале многу време и не сакаме да ги пуштиме да си одат од нашите животи, иако сè околу нас ни вели дека тие не ја заслужуваат нашата љубов. Не сакаме да ги уништиме спомените, да ги заборавиме ноќите поминати заедно, да ги избришеме илјадниците пати кога сме изговарале „Те сакам„ со душа чиста како солза…Не сакаме да бидеме нечие минато. Да, можеме да се обидеме да ја вратиме личноста која раскинала со нас или да пробаме да ги поправиме расипаните односи, но секогаш треба да имаме на ум дека распаднатите врски се како скршено стакло – подобро е да ги оставиме скршени одошто да се повредиме обидувајќи се да ги поправиме. Па, зошто треба ВЕДНАШ да се откажете од оној кој веќе се откажал од вас? Сами сте во борбата за спас на врската, а „за танго се потребни двајца“. Врската е двонасочна улица. Во неа двете страни треба да вложуваат љубов, време и енергија, да даваат знаејќи дека ќе го добијат истото за возврат. Доколку напорите доаѓаат само од едната страна, врската е осудена на пропаст. Тој веќе тргнал по нов пат. Велат: „Ако сакаш некого, ослободи го. Ако се врати, твој е, ако не, тогаш никогаш и не бил“. Доколку гледате дека личноста која најмногу од сè посакувате да биде покрај вас, не ни погледнува назад да ве побара, тогаш знајте дека таа веќе избрала друг пат. Вие треба да го направите истото. Ќе покажете дека сте силни. Откажувањето неретко се смета за негативна особина. Но, кога е во прашање љубовта, работите се менуваат. Откажувањето од врска која била раскината од едната страна значи дека сте биле доволно силни да кажете „НЕ“ на страдањето, на солзите и на деновите поминати меѓу четири ѕида прашувајќи се каде сте погрешиле. извор: убавина и здравје

Здравко Чолиќ си го сменил името: Една буква помалку, за европска слава! (ФОТО)

Антонио Димитриевски — Tue, 25 Feb 2020 09:46:39 +0000

Малкумина знаат дека еден од најдобрите балкански пејачи и најголемата регионална музичка ѕвезда, Здравко Чолиќ своевремено го променил своето име. За да ја прошири својата веќе успешна балканска кариера на европскиот и светскиот пазар, Чолиќ снима неколку песни на англиски и германски јазик. Со оглед на тоа колку им било тешко за странците да го изговорат името на тогашната ЈУ ѕвезда, неговиите продуценти решиле да го прекрстат, па така Чолиќ од Здравко станува Дравко. Под ова име, Чола снимил неколку песни на неколку различни јазици, а од намерата да ја прошири својата популарност се откажал, зашто поради кариерата морал да се пресели од Југославија во Германија, што во тој момент за него било неприфатливо. Откако ставил точка на идејата за европска слава, Чола си го вратил своето „З“ во името, кое всушност на југословенските простори и музичкиот пазар кај нас, никогаш и не го променил и отсекогаш бил Здравко!

откажал – Вистина.мк

Зошто треба да се откажете од оној кој се откажал од вас?

Здравко Чолиќ си го сменил името: Една буква помалку, за европска слава! (ФОТО)