откажа – Вистина.мк

Драгана Мирковиќ длабоко потресена од трагедијата, ја одложи турнејата (фото)

Слаѓана Атанасова — Fri, 05 May 2023 11:51:39 +0000

Фолк ѕвездата Драгана Мирковиќ со голема тага ја прими веста за невидениот масакр во ОУ „Владислав Рибникар“ во Врачар. Драгана моментално е на австралиска турнеја каде ги собори сите рекорди на посетеност, но поради страшната вест за трагедијата во Белград, таа одлучи да ги откаже последните два концерта - во Мелбурн и Перт, иако беа распродадени со недели однапред. - Длабоко потресена од невидената трагедија во мојата земја, ги откажав концертите во Мелбурн и Перт, кои беа закажани за овој викенд. Големо извинување до сите што купиле билети, но се надевам дека ќе бидат со разбирање.

View this post on Instagram

A post shared by Dragana Mirković (@dragana_mirkovic)

- Моето искрено сочувство и молитви се упатени до семејствата на жртвите. Почивајте во мир ангели - напиша Драгана. Фото: Принтскрин/Инстаграм

Антониа Гиговска го откажа настапот за прославата на „Рамковниот“, ќе пее Владо Јаневски (ФОТО)

Антонио Димитриевски — Fri, 12 Aug 2022 08:31:04 +0000

Во време на инфлација, економска и енергетска криза, секјојдневен вртоглав пораст на цените и се’ поголем степен на сиромаштија во Македонија, според оние кои ја имаат моќта за одлука и примена на истата, има простор за беспредметни прослави од јавен карактер кои чинат многу, кога расфрлањето со пари во моментов е најмалку потребно. Еден таков настан ќе се случи во сабота на 13-ти август на плоштадот „Скендербег“ во Скопје. Поводот за ваква прослава која е фестивалот насловен „Peace festival“,чиј фокус е одбележувањето на 21 година од Охридскиот рамковен договор“. Како организтори на овој фестивал кој во превод го именувале како таков „за мирот“, е Министерството за политички систем и односи меѓу заедниците. На нивната јавна страница на социјалната мрежа Фејсбук веќе неколку дена се промовира ова случување кое како што наведуваат дури има и тенденција да прерасне во традиција. Во фокусот на овој музички фестивал ќе биде музиката, односни настапот на неколку познати албански музички имиња, а меѓу нив и една наша музичка ѕвезда. Првично, изборот на организаторите била Антониа Гиговска која откако ја најавија како учесник, сега ја нема во програмата, во чија објавата на Фејсбук претходно стоеше и нејзиното име. Не помина многу време за да тргнат шпекулации и разно – разни претпоставки и муабети, дека Антониа откако се „пресметала“ го откажала настапот. За да ги разреши сите недоумици самата Антониа Гиговска се огласи на својот Инстаграм профил со изјава дека нема да пее на настан со политичка позадина, а такво нешто нема да се случи ниту во идина. Онејзиното образложение е дека ангажманот на фестивалот на плоштадот „Скендербег“ не го договорила таа, туку нејзиниот менаџерски тим, без да ја консултира пејачката за каков настан се работи. „За мене е одговорен менаџерски тим кој прифати ангажман за кој ниту јас, ниту тие знаеле дека има или би имало политичка конотација. Па оттаму бев приморана да го откажам мојот ангажман, се разбира со секоја почит према организаторот и према било која политичка страна... Јас не сакам да бидам дел од манифестации поврзани со политика, ниту некогаш ќе бидам. Мојата работа е да правам музика и на фановите да им го дадам најдоброто од мене“ - пишува Антониа која реагираше и на некои објави од медиумите за кои нагласи дека наводно ја извртеле нејзината изјава. Како и да е, нејзиниот настап е откажан! Не требаше многу за на нејзино место да се најде замена меѓу македонските изведувачи, па така оној што не гледа проблем да пее за славење на „Рамковниот“ е одново Владо Јаневски, за, засега непознат хонорар. Владо, или пак тимот кој работи за него има пракса да го објавува, односно најавува секој негов следен настап, но конкретно за овој засега нема ништо на неговиот официјален Инстаграм профил, што очигледно наведува на помисла дека пејачот сака сето ова да помине без голем публицитет, преќутно и во сенка. Впрочем Владо Јаневски беше оној кој прифати да пее и во 2018-тата година кога владата на СДСМ тогаш ја организираше таканаречената „Голема граѓанска прослава - Македонија во НАТО и ЕУ” во 15 градови ширум Македонија, иако во НАТО не примија многу подоцна, а од ЕУ... и денес сме децении далеку! Имено, откако дознаа за каква смислена измама се работи, односно каква политичка конотација се крие под плаштот на таканаречената „ Голема граѓанска прослава“, многу пејачи слично како сега Гиговска, тогаш јавно ги откажаа своите настапи, како на пример Влатко Лозаноски или групата „Љубојна“. Но, не и Владо Јаневски, кој настапи, а видеата направени таа вчер од еден граѓанин за време на „големата граѓанска прослава“ на владата на СДС, покажаа дека народот сепак остана дома, па едвај 20-ина луѓе го проследија настапот на македонската поп ѕвезда во градот на неговото семејно потекло – Кичево. Ќе биде ли за „чаирскиот романтичар“ Владо Јаневски и Скопје оваа сабота како Кичево таа вечер - „главен град на тагата“ на настапот на прославата за „Рамковниот“ или за пусти пари се' се може? Инаку, неофицијално оваа прослава Република Македонија ќе ја чини цели 100 илјади евра државни пари од буџетот, кои како што најавија ќе се трошат секоја година.

Канскиот филмски фестивал им го откажа гостопримството на руските делегации доколку не престане воената агресија во Украина

Антонио Димитриевски — Wed, 02 Mar 2022 13:27:59 +0000

Канскиот филмски фестивал соопшти дека „нема да ги пречека“ руските делегации на претстојното 75. издание што ќе се одржи од 17 до 28 мај 2022 година, доколку не престане воената агресија во Украина, јави дописникот на МИА.

“Канскиот фестивал сака да ја изрази својата целосна поддршка на украинскиот народ и на сите оние кои се наоѓаат на нејзина територија. Колку и да е скромно, ние го обединуваме нашиот глас со сите оние кои се противат на оваа неприфатлива ситуација и го осудуваме ставот на Русија и нејзините лидери“ - се вели во соопштението.

Одлучено, се вели во соопштението од Канскиот фестивал, да не се пречекуваат официјални делегации од Русија ниту да се прифати присуството на која било тело поврзана со руската влада, освен ако воената агресија не престане. Верен на својата историја, која започна во 1939 година во отпорот на фашистичката и нацистичката диктатура, Канскиот филмски фестивал секогаш ќе биде во служба на уметниците и филмските професионалци, чиј глас е кренат за да го осудат насилството, репресијата и неправдата и да го бранат мироти слободата, се вели во соопштението на најпознатиот филмски фестивал во светот.

Украинската пејачка се откажа од Евровизија 2022: Еве кој наместо неа ќе ја претставува Украина во Торино

Христина Ѓоргиевска — Fri, 25 Feb 2022 09:27:09 +0000

Пејачката Алина Паш се откажа од учеството на годинешното издание на Евровизија кое ќе се одржи во Торино. По нејзината одлука, организаторскиот одбор на украинскиот Видбир, одлучи која ќе оди на Евровизија 2022 година. Украина во Италија ќе ги претставува составот на Калуш Орксетар со песната „Стефаниа“. Главниот пејач на групата Олех Псиук бил воодушевен кога ги слушнал вестите. -Благодарен сум на сите кои не поддржаа во финалето. Ветуваме на секој човек во Украина дека ќе ја оправдаме нивната одлука.Во овие тешки времиња за нашата земја, на сите ќе им покажеме кои сме. Подготвени сме да ја преставиме Украина пред Европа, изјави Псиук за официјалниот канал на Евровизија. Во коментарите на „Јутуб“ добија поддршка од целиот свет. Групата на Калауш Оркестар го освои второто место на украинскиот избор за песна на Евровизија. Алина Паш која го освои првото место пред неколку дена откри зошто се откажа од учеството. -Јас сум државјанин на Украина, ги следам законите и се обидувам да ја покажам традицијата и вредноста на Украина. Ова приказна која се прошири не е ни малку за која се зборува мојата песна. Јас сум уметник, не политичар. Немам војска, менаџер и адвокат за да се одбранам од сите напади и закани, напиша таа по победата. фото: принтскрин/јутуб/инстаграм/alinapash/

Сека Алексиќ го откажа новогодишниот настап: „Здравјето на мојата публика е најважно за мене“

Христина Ѓоргиевска — Thu, 03 Dec 2020 11:48:33 +0000

На голем број пејачи не им е важна пандемијата на коронавирусите, па без оглед на сè, закажуваат новогодишни настапи, кои претежно се веќе распродадени. Единствената која реши да го стави здравјето на публиката пред заработката и да го откаже долго закажаниот настап е Сека Алексиќ. Поради оваа одлука, фолкерката остана без 50.000 евра, колку што се согласи за голем концерт во најлудата вечер, пишува ало.рс - Иако новогодишната ноќ беше единствената надеж за сите пејачи дека ќе заработат поголема сум на пари, Сека, по долго размислување, реши да ги повика организаторите и да откаже сè. Дури и фактот дека се согласила на тезга од дури 50.000 евра не ја спречи да се откаже од својот настап и да ја спаси публиката од можен ризик. Едноставно не може да си прости ако некој се разболе додека таа е на сцената. Таа ја направи вистинската работа и другите пејачи можеа да се обратат до неа, наместо да бркаат пари додека луѓето умираат - открива за Ало, извор близок до тимот на фолк ѕвездите. По тој повод, Сека се огласи на својот „Инстаграм“. - Драги мои, сите верувавме и се надевавме дека овој вирус ќе стивне и дека ќе можеме да се дружиме за Нова Година. Сепак, поради ситуација која е толку лоша, решив да го откажам настапот на Нова Година. Не сакам мојот тим и јас да бидеме одговорни ако некој се разболи. Здравјето на мојата публика е најважно за мене, сигурен сум дека ќе се дружиме на следниот прием и дека ќе надоместиме се што ќе промашиме. Им должам благодарност на организаторите што го прифатија мојот предлог и се согласија да остават сè за посреќни времиња. Пазете се - напиша пејачката на својот Инстаграм.

Аца Лукас го откажа илинденскиот концерт во Охрид, па прозва дел од македонските медиуми и продукцијата која во ист ден организира концерт на Петар Грашо: „Зошто мојот го ставивте во многу лош контекст, а концертот на уважениот колега никој не го спомна?“

Антонио Димитриевски — Tue, 28 Jul 2020 06:58:51 +0000

Илинден е на прагот, следува споен викенд од три неработни дена, во кои традиционално македонскиот езерски бисер Охрид секоја година е полн како око. Сместувачките капацитети распродадени, кафеаните однапред резервирани, на плажите нема игла каде да фрлиш... И сето ова годинава ќе биде мултиплицирано неколку пати, заради корона епидемијата и неможноста да се патува надвор од границите на Македонија, па Господ нека ни е напомош по „Илинденскиот корона кластер“ кој допрва ќе следува. Но, тоа е друга тема на приказната, за жал, грдата страна на убавото. За Илинденските празници во Охрид токму заради препосетеноста со туристи, години наназад традиционално се организирале и случувале десетици културни и музички манифестации, концерти, настапи на познати естрадни ѕвезди... Така требаше да биде и годинава, арано ама... По најавените концерти на неколку музички ѕвезди, меѓу кои и концертот на српскиот турбо фолк пејач Аца Лукас засилен со неговат колешка Сандра Африка, јавноста се крена на нозе заради ризикот од корона зараза при таквите масовни собирања. Уште повеќе заради тоа што нивните пакет настапи во соседна Србија беа забранети или откажани сеедно, заради корона епидемијата, а кај нас... Социјалните мрежи зовреа од негативни коментари, дел од македонските медиуми ја потенцираа и мултуплицираа приказната, па Аца Лукас и неговиот охридски, илинденски концерт завршија дури и во централниот дневник на некои од најгледаните македонски телевизии, како ТВ Сител, на пример. Сфаќајќи ја сериозноста и ризикот од настанатата ситуација, а можеби уште повеќе и ризикот по сопствената кариера и популарност, српската поп-фолк ѕвезда се огласи со свој статус на социјалните мрежи го откажа концертот. Од хумани или бизнис причини, или можеби од двете, само Аца Лукас знае, но, како и да е, концерт нема да има! „Почитувана публико, драги мои фанови и сите луѓе во Македонија, мислам дека е соодветно да се обратам до сите Вас, како и на целата македонска јавност, преку мојот Инстаграм и да разјаснам некои работи поврзани со мојот настап што требаше да се случина 1 - ви август оваа година. Моите концерти не ги закажувам јас, туку мојот менаџмент и тоа таму, каде што ќе не повикаат. За овој концерт бев информиран само пред неколку дена и веднаш побарав гаранции дека концертот ќе биде регулиран и одобрен од сите соодветни инстиуции, зашто токму јас бев запрепастен кога дознав дека ми е закажан настап! Но, до ден денес, добив само усмени гаранции од организаторот, што за мене не беше доволно. Со извинување до македонските музичари, пејачи и музички уметници кои се принудени да седат дома и не работат и морална обврска утре некој да каже дека се заразил на мојот концерт и извинување на оние кои му се радуваа на тој концерт, ве информирам дека концертот на Александар Вуксановиќ - Аца Лукас на 1-август во Охрид е ОТКАЖАН и НЕМА ДА СЕ ОДРЖИ“ - меѓудругото напиша Лукас, лично откажувајќи го концертот. Но, не помина долго, само неколку часа кога Аца Лукас одново се огласи на својот Инстаграм профил со нова статус. Овој пат српската турбо фолк ѕвезда, очигледно нервозен, лут и навреден, прозва дел од македонските медиуми, како и организаторите на другите, конкурентски концерти како оној на Петар Грашо, на пример, кој истиот ден во Охрид треба да се одржво организација на „Прагма продукција“ зад која стои менаџерот Кристијан Стефановски, концерт кој никој не го спомна. Ниту на социјалните мрежи, ниту во медиумите иако датумот ( 1-ви август), локацијата (Охрид) и секако ризиците од можна зараза заради масовно собирање се исти, како и на концертот на Лукас!? Токму испровоциран од ова, српскиот поп-фолкер одново се огласи, па прозва дел од македонските медиуми и организторот - „Прагма продукција“: „Со должна почит кон мојот колега и еден од моите омилени пејачи и со верба дека во ваква ситуација за својот настап секој одлучува според сопствената совест, само би поставил прашање до одредени медиуми како што се: Фокус, Лидер магазин, Охридски новини, итн...Од една страна, тие со право го кренаа својот глас против мојот настап и не беа нималку пријатни. Јас би ги прашал само една работа: По кој основ е направена разлика меѓу овие два концерти, па мојот е споменуван во многу лош контекст, а концертот на мојот уважен колега никој не го спомна иако се одржува во ист ден? Јас стојам зад мојата одлука и нема да ја менувам, но би ги замолил споменатите медиуми да ми одговорат кој е факторот на ризик на мојот, а кој на овој, другиот концерт, па него го испуштија од вид кога мене ме нападнаа? (И честитам на оваа, некоја „Прагма продукција“ на успешен концерт, однапред. Бидејќи сега можат да бидат сигурни дека ќе им биде успешен)“ - напишал Лукас коментирајќи го селективниот третман и уште поселективната медиумска осуда за двата настани кои треба(а) да се одржат во исто време, на исто место со ист фактор на ризик.

Познатата српска ТВ водителка, ја напушти професијата: „Имам долг за кредит, а сепак дадов отказ“ (ФОТО)

Антонио Димитриевски — Mon, 11 Nov 2019 10:25:59 +0000

Една од најпознатите српски ТВ водителки сите ги шокираше кога објави дека се повлекува од професијата. Јелена Бачиќ - Алимпиќ реши да ја напуш работата на телевизија, и му се посвети целосно на пишувањето, што се покажало, како што вели, како добар избор. Таа објасни дека чувствувала премногу притисок и дека едноставно морала да се повлече, бидејќи нејзиното здравје веќе започнало да се нарушува. „Ме имаше премногу во медиумите и не можев повеќе да останам во тој свет. Знаев што ме чека! Чувствував голем притисок, атак врз моето здравје, па моја најголема победа беше кога решив да го напуштам водителствотот и да си заминам од телевизијата иако имав долгови за кредит и да останам само во книжевни води“ - вели дамата која денес е најчитаниот жив српски писател. Првично била нервозна зашто различни луѓе ја оспорувале нејзината книжевна вредност и тоа претежно малициозни и површни типови, па се плашела да ја објави својата прва книга. Но Исидора Бјелица ја запознала со сопственикот на издавачката куќа на кој му рекла дека мора да го прочита ракописот на Јелена, затоа што е одличен. Јелена сега е целосно посветена на книжевноста и приватно на своите пријатели. Сè повеќе ја исполнува тивкиот живот во Нови Сад, каде убаво живее од пишување што понекогаш е многу тешко и сонува нејзините деца да ги исполнат своите соништа, а таа да дочека внуци.

На Дарко Лазиќ му откажа бубрегот: Потребна е трансплантација, а фолкерот тоа уште не го знае!

Антонио Димитриевски — Fri, 04 Jan 2019 09:20:59 +0000

Дарко Лазиќ доживува нова агонија. Само што се среди ситуацијата со нозете и нервите кои беа прекинати, поради што не можеше да се движи, тој веќе има нови проблеми. Имено, ѕвездата на "Гранд", наводно, има потреба од трансплантација на едниот бубрег, а тоа се уште не му го соопштуваат.

„Дарко не знае дека тој има сериозен проблем со своите бубрези и дека најверојатно ќе треба трансплантација. Му рекоа дека едниот му откажал, но не и дека му треба нов орган. Некое време ќе може да живее и да работи со моменталната здравствена состојба, но ќе има сериозен проблем ако здравиот бубрег не функционира целосно. Поради сериозната несреќа, неговите органи биле значително ослабени па мора да добива силни терапии кои значително влијаат врз работата на бубрезите, кои веќе се ослабени“, вели за српски „Ало“ извор близок до пејачот.